יוד אלף האט געשריבן:וואס טוט זיך האט געשריבן:@יוד אלף, צייכענט ביטע אן ווי איר האט מסביר געווען אייער קרומע
שיטה אז ראסיזעם איז בארעכטיגט.
viewtopic.php?p=2224065#p2224065
במחילתך, דו האסט געמאכט דא א גרויסן מישמאש.
דו קענסט האלטן אז על פי תורה זענען נישט אלע מענטשן אייניג חשוב, און די סיבה איז פשוט, ווייל די תורה איז א רעליגיע און גיבט א דרך החיים פאר די מענטשן, ממילא ווער ס'איז נענטער צו דעם ציל איז אטאמאטיש חשוב'ער. (כאטש דאס איז קנאפ נוגע פאר אייראפעער/אפריקאנער, און ולא קרב זה אל זה צום שוידערליכן אכזריות וואס די אמעריקאנער ראסיסטן האבן ארויסגעוויזן קעגן זייערע שקלאפן.)
אבער דא איז די רעדע נישט איבער'ן פסק פונעם סנהדרין הגדול אין לשכת הגזית, נאר איבער'ן געזעץ הויז פון מיסיסיפי, וועלכער איז אונטערגעווארפן דער אמעריקאנער דעמאקראטיע. אונטער איר עקזיסטירן נישט קיין קלאסן און ראסעס, און דאס איז די איינציגע זאך וואס באשיצט נאציס און אנדערע אנטיסעמיטן אין אמעריקע זיי זאלן דיך נישט מעגן דיסקרימינירן.
אוודאי, דו האלטס אז זיי מעגן נישט ווייל די נאציס זענען נישט חשוב'ער ווי דיר, אבער זיי זענען כמובן נישט אונטערגעווארפן דיין מיינונג. דו האלטסט אז א איד איז חשוב'ער ווי א גוי, און ער האלט אז אן אריער איז העכער ווי א סאמיט. נישט אומזיסט האבן אידן אלץ געשטופט פרייהייט און גלייכבארעכטיגונג (חוץ געוויסע גדולים וועלכע האבן געהאלטן אז ס'איז נישט גוט ברוחניות). זענען געקומען זייערע אייניקלעך, א דריטער-פערטער דור געבוירן אין דער גאלדענער מדינה, און זיי האבן פארגעסן אז זייער ראסע איז מיט זיבעציג יאר צוריק געפירט געווארן צו די גאז קאמערן.
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?