קענטאקי האט געשריבן:וואשינגטאן – נעכטן האבן זיך אנגעהויבן דרייען שפּעקולאציעס און וואונדער, צי דער רעפּובליקאנער געוועזענער פּרעזידענט דזשארדזש דאבעליו בוש וועט ארויסקומען אינדארסירן דזשאו ביידען צו די נאוועמבער וואלן. בוש איז דער איינציגסטער צווישן לעבעדיגע פּרעזידענטן וואס איז א רעפּובליקאנער, און בוש און טראמפּ זענען בכלל נישט אויף איין קנעפּל, נאכדעם וואס טראמפּ טוט אפט אראפּרייסן און אוועקמאכן די בוש פאמיליע. הואן וויליאמס, א פאקס ניוז קאמענטאטאר, האט אנגעהויבן די שפּעקולאציעס, מיט א קאלום אין וועלכע ער זאגט אז א בוש אינדארסמענט וועט ברענגען מעסיגע רעפּובליקאנער פאר ביידען.
איד דעילי
דאס וועט ברענגען טראמפ אין א ערנסטע דילעמא. ווייל נעכטן האט ער געזאגט אז אבאמא איז געווען דער ערגסטער פרעזידענט אין היסטאריע, און אויב בוש שטעלט זיך קעגן אים דאן וועט בוש דארפן ווערן דער ערגסטער פרעזידענט אין היסטאריע. נו ווער גייט טאקע זיין דער ערגסטער.
אבער נישט געזארגט, ביי טראמפ קען יעדער זיין דער ערגסטער איין מינוט ער, און איין מינוט א צווייטער. און דאס זעלבע די בעסטע. מען קען איין מינוט זיין די בעסטע, און די נעקסטע מינוט די ערגסטע. געוואנדן אויב דו האלטסט פון 'אלעס' וואס ער זאגט אדער נישט.
אבער ערנסט גערעדט, איז א ארויסטריט פון בוש, אויב עס איז קלוג אהערגעשטעלט, און אויסגעבעט מיט נאך שטארקע רעפובליקאנער נעמען, מיט א עמטליכער קאמפיין צו ראטעווען דאס לאנד פון 4 יאר פייער וואס ווי מען זעהט שוין יעצט האט די רעטאריק געברענגט דאס לאנד צו א מצב פון אנארכיע, צו א מצב אז אפי' אין אזא געפערליכע עפעדעמיע איז אלעס פאליטיק אנשטאט צו ארבעטן צוזאמען. אזא סארט קאמפיין מיט בוש דערינען קען ברענגען א אויפוואכונג ביי נארמאלע רעפאבליקאנער. איך האלט אז דער קאמפיין דארף ווערן געשטעלט אויף דזשאן מקעין'ס ווערטער וואס ער האט געלאזט פאלן אויף טראמפ. דאס דארף זיין דער אבן היסוד פאר די 'רעפובליקאנער פארן לאנד' קאמפיין.