וירד משה מן ההר אל העם
פונקט ווי פאר די ערוואקסענע, האבן מיר צוגעלייגט גאר רייכע אינהאלטן פאר אונזערע קינדער-ליינער. ווען די הויכפונקט איז אודאי אז מיר האבן דעם כבוד צו זיין דעם אכסניא של תורה
ווען מרן הגאון הגדול פוסק הדור והדרו ראב"ד ירושלים שליט"א שרייבט צום 'קינדער שריפט'.
אין א זעלטן היסטארישער און רייכער פראיעקט שאלות פון א גדול וואס די 'קינדער שריפט' רעדאקציע נעמט אונטער שוין צום צווייטן, ווי קינדער האבן אריינגעשיקט פראגעס, און די רעדאקציע האט דערנאך די פראגעס אריינגעשיקטן לשולחן מלכים, דאס מאל מרן הגאון פוסק הדור רבי משה שטערנבוך שליט"א ראב"ד ירושלים.
טראץ דעם פארנומענעם סדר היום, און ממרומי גילו האט זיך דער ראב"ד אראפגעלאזט צו די הייליגע תשב"ר און מיט זיין אייגענעם כתב יד קדשו צוריקגעשריבן די תשובות פאר די הלכה'דיגע און השקפה'דיגע אנפראגעס וואס די קינדערלעך האבן אריינגעשיקט.
דער ארטיקל איז באגלייט מיט אינטרעסאנטע עפיזדאן און פאקטן איבער דאס לעבן און שאפן פונעם ראב"ד שליט"א, ספעציעל דאס וואס קען זיין א לימוד און מוסר השכל פאר די חשובע יונגע ליינער'ס וועלכע וועלן זיך לערנען צו גיין בדרכיו הגדולים.
*
ווי אויך האבן מיר יעצט יום טוב צוגעלייגט דריי נייע רייכע רובריקן:
מעשיות פון די גמרא: אינטערעסאנטע געשיכטעס וואס ווערן געברענגט אין חז"ל הערליך אפגעמאלנע קאמיקס.
פרקי אבות: קאמיקס ארטיקל ווי מיר לערנען פרקי אבות באגלייט מיט הערליכע מעשיות פון גדולי ישראל.
לערן דיך מאלן: שטאפל ביי שטאפל אנווייזונגען פאר קינדער צו מאלן הערליכע בילדער
*
רבי לייביש דערציילט: דער מחנך נפלא ר' לייבוש ליש דערציילט איבער די אויסטערלישע זעלטענע גאונות אין תורה פונעם בארימטן גאון פון ירושלים, מרן רבי זעליג ראובן בענגיס זצוק"ל, וואס זיין 67'סטע יארצייט פאלט אויס דעם שבת קודש, ז' סיון, אסרו חג שבועות (די צווייטע טאג שבועות אין חוץ לארץ).
*
לכבוד שבועות, א באזוך ביי די גרעסטע בלומען גערטנער ארום די וועלט
*
"ניין ניין, האלט עס אליין!"
א שפאציר צווישן די פעלקער וואס האבן אפגעזאגט די הייליגע תורה צוליב זייערע שלעכטע מידות / פראיעקט
געבויעט אויפ'ן ליד "די תורה מיט די פעלקער" געזינגען און פארפאסט דורך ר' יו"ט ערליך ז"ל
*
קינדער דערציילן: שמעון ליש ני"ו
לכבוד יו"ט שבועות, האבן מיר זיך פארבינדן מיט שמעון ליש ני"ו, זון פון דער מחנך און בעל מספר הרב ר' לייביש ליש שליט"א, א חשוב'ער אינגל וועלכער איז שוין היינט אויך א שטיקל בעל מספר... צו הערן איבער זיין טאטנ'ס דרשות און נאך.
*
מיין נאמען: ישכר בער, נאכ'ן הייליגן ראדאשיצער צדיק זי"ע
*
מייסטערהאנטיג: לכבוד שבועות לאמיר אליינס ערצייגן א הערליכע בלומען און וואזע
און נאך פילע רייכע רובריקן צו האלטן די קינדער געשפאנט מיט רייכע תורה'דיגע מאטריאל געשריבן דורך א חשובע שטאב פון מחנכים ידועים, וואס ברענגען אריין א געשמאק און א חשק לעבודת השי"ת.
- unnamed (3).jpg (158.08 KiB) געזען 1485 מאל