מונאוויטש האט געשריבן:נישט קיין פארגלייך צו א קאנצערט. א קאנצערט (מאָנאַ מיט א בענד ביי כ"א כסלו, אדער לייוו פּערפֿאָרמענסעס ביי אנדערע פאנדרעיזינג עווענטס) איז לשם אינטערטעינמענט; יענער זינגט און שפילט און דער עולם אינדזשויט די שאוי. 'שירים ושיעורים איז געווען שירים לשם התעוררות, ענליך צו א חסידישע פארברענגען, וואס אויף דעם איז פארהאן שטארקע היתרים. איך בין ווייט פון א פוסק, אבער אויף דעם ענין פון שיר ומוזיק כבר דשו בה כמה מגדולי האחרונים.
איך מוש מיך נישט אריין אין דעם נושא, נאר סתם פאר די נייגעריגקייט צו פארשטיין דיין סברא.... א קאנצערט מיט שוועקי, ברוך לעווין און מיאמי בויס קווייער, אבער יעדער זינגט מיט, איז מותר?
א קאנצערט איז די זינגען אַפּשינעל אין די מעין אינטערטעינמענט איז קוקען די שאו. משא"כ דא אויב האסטו נישט געזינגען ביסטו נישט געבליבן פאר מער ווי 5 מינוט ווייל דאס איז נאר געווען געמאכט להודות ולהלל
בכלל, ווי פארגלייכסטו די פראגראם פון א צוזאמקום דורך שוועקי, מיאמי יונגלעך קאור אז״ג, צו די פראגראם וואס שירים ושיעורים האט אהערגעשטעלט?.. די קאלעקשן פון ניגונים, די בעלי מנגנים, און בכלל די וועג וויזוי מ׳האט געזינגען. כרחוק מזרח ומעריב! קיין פארגלייך!
אהן אריינגיין אין די מוזיק פארברעגען מותר/אסור דיבאטע, פאר א חסידישער אינגערמאן וואס גלייכט צו הערן זינגעריי און זיכט ארויסצוגיין איין נאכט חוה״מ נאכן לייגן די קינדער שלאפן, איז אזא פראגראם איז געווען א געוואלדיגע זאך.
די לא זו הדרך, אמאל איז דאס נישט געווען, אזאנע זאכן קען פותח שערים זיין פאר ערגערע זאכן, אא״וו די בארעכטיגטע טענות.. אלעס איז הונדערט פארצענט ריכטיג. ס׳הייבט זיך אבער נישט אן דא. שׁאַבּאַטאָנס [די אויסגעהאלטענע] איז אמאל אויך נישט געווען, 20 יאר צוריק האט הצלה נישט געהאט קיין סליידס ביי די מענער פארטי׳ס, חסד געבט ארויס DVD מאוויס, אא״וו די אלע לא זו הדרך וואס איז אמאל נישט געווען. לכאורה זענען די זאכן פי כמה מער אומאויסגעהאלטן, און קען אסאך מער פותח שערים זיין פאר פיל ערגערע זאכן ווי דאס וואס איז געווען ביי די שירים ושיעורים פראגראם. איך רעד ניטאמאל פון די פראגראם פארלאפענעם זינטאג אין ברוקלין, ווי מ׳האט גענומען הייליגע מנהגים און תשמישי קדושה און געמאכט פון זיי לצי לצנות.. ח״ו, פון אזאנע פראגראמען רעד איך נישט בכלל.
נאכמער, איך רעד דייקא פון חוה״מ. ווען דאס וואלט פארקומען אין א גרינעם דינסטאג פאר ויצא וואלט איך עס אנגעקוקט קאמפליטלי דיפרענט! און די תירוץ איז די זעלבע. טאקע ווייל ס׳האט זיך געהאנדלט פון היימישע נארמאלע אינגעלייט, וואס האבן געזיכט צוצושטעלן עפעס וואס זאל זיין אין ליין מיט נארמאלקייט אויף א נארמאלע אויפן, האבן זיי געקליבן דעם דאטום.
שבע ברכות מתיר צו זיין מוזיק ביי כ"א כסליו, איז בערך אזוי: א רעסטאראנט איז אפען די גאנצע 9 טעג כאילו לא היה, יעדער אכל'ט בשר אויף כח, ווייל ערגעץ 11 ביינאכט מאכט איינער א סיום אויף מסכת הוריות...
אפשר קען מען אויפהערן דעבאטירן די הלכה'דיגע חלק פון מוזיק? די אנפירער און באטייליגער האבן אנגענומען די דעה אז ביי די פאל איז מוזיק מותר, משום איזה סיבה שהוא, און ווער ס'וויל דן זיין איבער דעם זאל עפענען א באזינדערע אשכול. דא שמיעסט מען אויס after the fact וויאזוי ס'איז געווען.
דריידל האט געשריבן:אפשר קען מען אויפהערן דעבאטירן די הלכה'דיגע חלק פון מוזיק? די אנפירער און באטייליגער האבן אנגענומען די דעה אז ביי די פאל איז מוזיק מותר, משום איזה סיבה שהוא, און ווער ס'וויל דן זיין איבער דעם זאל עפענען א באזינדערע אשכול. דא שמיעסט מען אויס after the fact וויאזוי ס'איז געווען.
שכוח פארן צירוק"דרייען" די אשכול.
ווי געזאגט פריער, ס'לוינט אריינצוקומען מיט פידבעק - פאזיטיוו - פירסט אף אלל ווייל ווי סקוקט אויס זענען נאך דא מאנכע וואס פארשטייען בכלל נישט די באדייט פין שירים ושיעורים, אויכעט וועט עס שטארק מחזק זיין די ארגאניזירער אויף אנצוגיין ווייטער - נעגאטיוו - ווי געשריבן פריער און ווי מ'קען קאָמפּערן די זומערדיגע ווס. די איצטיגן און ווי מ'קען זען אין די אשכול זעלבסט אז ס'שוין אריינגעקומען אפאר זאכן וואס מ'קען בעסער מאכן קומענדיגע מאל.
@הארמאני אז דו ווילסט אזוי שטארק. קודם עס איז געווען א הערליכע געלונגענע פארברענג, אריין און אן אנדערע וועלט. זיך געלוינט יעדע דאללאר. איך האב שטארק הנאה געהאט אז עס איז נישט למעשה געקומען קיין סאלאס ווייל יעצט ווייס איך שוין בערך וועלעכע ניגונים זיי וואלטן אוועקגענומען פונעם עולם. עס איז געווען הערליך באצויבערנד די געזאנג פונעם עולם! ווער דארף סאלאס?
איך האלט מען וואלט געדארפט לאזן דעם עולם מער זינגען אליין, עס איז דאך די ציל פונעם מעמד.
און בשעת מעשה ווען דער עולם זינגט אליין זאל נאר זיין אויפן סקרין איינער וואס זינגט מיט, (לאו דוקא אין זיין מייק) מען זאל קלאר זעהן און מיטהאלטן דער גאנצער עולם בענעזאם, נישט ווי דא איז געווען אז ווען דער עולם האט געזונגען האט יואל האראוויץ אסאך מאל נישט מיט געזונגען, נאר געמאכט מיט די הענט, און ער איז נישט געווען אגאנצן צייט אויפן סקרין, און דער עולם האט זיך טאקע געציילטע מאל אביסל פארלוירן, און הערשט דעמאלטס האט ער געכאפט דעם מייק און פאראכטן.
איך כלשעצמי ווען עס האט זיך אויפגעשריבן אויפן סקרין אני מאמין האב געהאפט עס גייט זיין ר' משה גאלדמאן'ס וועלט'ס באקאנטע אני מאמין פון די אם אשכחך טעיפ. איך האלט די זאל וואלט געדינערט. (אפשר נעקסט טיים)
זייער הנאה געהאט - פרייליך אין שירה די סאמע לייבן אין די חסידישע מיוזיק וועלט, א קנאק - הרב מלאך מיט אטעם פארכאפנדע הומאריסטישע רעינות, א קנאק - איך האב אבער יא געפילט א שטארקע חלל אן די סאולאס ווי אויך די אלטע נגינום וואס כ'האב בכלל נישט געקענט, ווואלט איך ווען געוויסט פארדעים וואלט איך נישט געצאלט 140 אבער ביז 80 זיכער.
Anyone in contact with the organizers ? Can ask them to give out a recording for the hundreds of people who didn't have the zechiye to join..... Please...
דובי'ס א פען האט געשריבן:Anyone in contact with the organizers ? Can ask them to give out a recording for the hundreds of people who didn't have the zechiye to join..... Please...
א "שירה" מעמבער האט מיר געזאגט אז עס גייט בעז''ה ארויסקומען די קלארע ריקארדינג פונעם מעמד, אבער אזוי ווי די פראגראם איז געווען באגלייט מיט כלי זמר, וועט עס מסתמא ארויסקומען נאך די ימי הספירה לאור עולם.
אוי בריוועלע, אוי בריוועלע,
כאילו אמרם הוא בעצמו,
(קרעדיט: מוטי שטיינמעץ)
דובי'ס א פען האט געשריבן:Anyone in contact with the organizers ? Can ask them to give out a recording for the hundreds of people who didn't have the zechiye to join..... Please...
אין די סוף כ' און ל'יארן איז נישט געווען קיין מיוזיק???
וועגן דעם ברענגט מען חתנים כא כסלו צי בענטשן שבע ברכות צי קענען ניצן מוזיק. אגב מוסדות ויאמ'ש אין ק' י פלעגט קיינמאל נישט האבן מוזיק ביים דינער היי יאר האט די נייע אדמיניסטראטער געזען אז די זכרו סיום זאל אויסקומען די צייט פון דינער מיט מוזיק לכבוד התורה
הרה״ח ר׳ שלמה אהרן פריעדמאן ואחיו ר׳ שמעון פריעדמאן האבן אראנזשירן מוזיק אין תשי״ט.
למרן הק׳ מסאקמיר לא ניחא דעתיה. מ׳האט טאקע אויפגעהערט.
איך האב מיך נאך געפרעגט ביי די משפחת פריעדמאן שיחיו זיי זאגן זיי סאיז קיינמאל נישט געווען אזא מעשה!!!!!!! זיי האבן קיינמאל נישט אראנשירט מוזיק ביי קיין שום מסיבה בכלל!!!
מען זאגט נאך פון קאצקער אויפן פסוק יוסיף דעת יוסף מכאוב אז עס איז אמת אבער עס לוינט זיך.......