ווייסע שאל, איכה? ירידת הדורות?

[אפענע וועלט]

ביז א צען יאר צוריק האט יעדער חסידישער איד געוויסט אז שבת גייט מען מיט א ווייסע שאל. פונקט ווי מ'גייט מיט א ווייסע העמיד,

ווער רעדט נאך א חתן. זיכער. נישט געווען קיין הוה אמינא אנדערשט. אפילו אויב מ'האט חתונה געהאט זימער האט מען געקויפט א ווייסע שאל. א זימערדיגס.

כהיום, די ווייסע שאל איז נעלם. סמוי מן העין.

לעצטנס האב איך געזען בילדער פון א רבישע חתונה. די חתן גייט ביי די חופה מיט א קאלירפולן שאל. דאס האט מיך שוין געכאפט. איין מינוט. וואס גייט דא פאר?

סא די ווייסע שאל איז אראפ פון די מאפע?

[להגדיל שמו]

אין סיגוט איז א ווייסע שאל געווען א מאדערנע זאך.
סאו איך האף אז אויף די צווייטע העלפט פון דיין תגובה האסטו שוין א תירוץ

[קרייסלער]

ווייס איך נישט פון ווי די שטאמסט אבער ביינינז אין סאקמער איז מען נישט געגאנגען מיט א ווייס שאל נישט אום שבת און נישט ביים חופה און אוודאי נישט אין די הייסע זוממער טעג
אל תקרא שמו אפענע וועלט כי אם....וגו׳

[שמערלער]

האדמורים מסאטמאר גייען שבת מיט א קאלירפולע שאל.

[אכטונג אכטונג]

ביז עטליכע יאר צוריק, האט מען געזען קינדערלעך פון אלע יוצאי גאליציא ופוילין גייען מיט'ן הייליגן זיסן פוילישע היטל, הנקראת ''קאשקעטעל''? און היינט.....

[שניצל]

דוכט זיך אז אין סיגוט איז נישט געווען מאדערן דער ווייסער שאל נאר דאס איז געווען א מלבוש פון די ארטיגע גלחים. וואס דאס גייט שוין אריין אין חוקת הגוי.
ווידער אין משפחת טייטלבוים איז דא ווייסע שאלן א שטייגער ווי דער וואלאווא משפחה וואס זענען רעכטע אייניקלעך פון שושלת סיגוט ווייס איך נישט פארוואס זיי גייען יא דעם שאל.

[ניס קראכער]

ירידת הדורות איז די מאנגל אין ווייסע שטרימפ שבת
נישט קיין ווייסע שאליק

ואגב איז דא היינט מער מענטשן וואס גייען מיט ווייסע שאלן, ווי מיט ווייסע שטרימפ(אראפגעלאזטע שטייצעך)

[יש בו]

סאטמארער רבי זצ"ל האט ג'ענטפערט אויף פארוואס ער גייט נישט מיט א ווייסע שאל שבת,
אז דאס איז א בגד נשים

[אדער יא]

וועלכע רבי?

[farshlufen]

אין סיגוט איז א ווייסע שאל געווען א מאדערנע זאך.

כך אמר מרן רבינו בעל בר"מ זצ"ל.

[נאך פונדערהיים]

רוב סאטמארע בעלי בתים פלעגן נישט גיין מיט א ווייסע שאל, נישט קיין ווייסע זאקן, נישט קיין ווייסע שטרימפ, (א גרויס חלק) נישט מיט קיין רעזשוואלקע, נישט קיין טיש בעקישע, און ווער רעדט נאך פון א ווייס וועסטל
זיי זענען געגאנגען קורצע גרויע רעקלעך, און אידישקייט האבן זיי געטראפן אינעם שו"ע...

ווען איך זיי די פרישע אינגעלייט מיט ווייסע וועסטלעך בין איך זיך נישט מוחל פארן זיך אנטון ביים בר מצוה א לאנגע רעקל, ווער ווייסט ווי מיינע אייניקלעך וועלן אנקומען?...

[בריוועלע]

אז מען רעדט שוין איבער בגדי שבת, האט מיר לעצטענס איינער מסביר געווען פארוואס ביי א סאטמאר'ע חתונה גייען די חסידים אנגעטוען בלויז מיט שטריימל און בעקעטשע, אן ווייסע זאקן, און ביי א באבוב'ע חתונה גייען אלע חסידים אנגעטוען מיט ווייסע זאקן, וויבאלד אז אין באבוב איז ווייסע זאקן א שבת'דיגע בגד מיט וואס אלע חסידים טוען זיך אנקליידן שב''ק, משא"כ אין סאטמאר וואס א גרויסע טייל גייען בכלל נישט מיט קיין ווייסע זאקן שבת, ווערט עס נישט באטראכט אלץ א בגד שבת פאר'ן כלל, ודו"ק.

[א נייער]

רוב סאטמארע בעלי בתים פלעגן נישט גיין מיט א ווייסע שאל, נישט קיין ווייסע זאקן, נישט קיין ווייסע שטרימפ, (א גרויס חלק) נישט מיט קיין רעזשוואלקע, נישט קיין טיש בעקישע, און ווער רעדט נאך פון א ווייס וועסטל
זיי זענען געגאנגען קורצע גרויע רעקלעך, און אידישקייט האבן זיי געטראפן אינעם שו"ע...

ווען איך זיי די פרישע אינגעלייט מיט ווייסע וועסטלעך בין איך זיך נישט מוחל פארן זיך אנטון ביים בר מצוה א לאנגע רעקל, ווער ווייסט ווי מיינע אייניקלעך וועלן אנקומען?...

א גרויס חלק פון די בעלי בתים פון וועלכע דו רעדסט, זענען טאקע נישט געגאנגן אזוי, און זיי האבן נישט געהייסן די קינדער אזוי גיין,
אבער עס האט זיי נישט געשטערט צי זעהן ווי זייערע קינדער טוען זיך אן חסידשע מלבושים,
פונקט ווי זיי עס האט נישט געשטערט צי זעהן ווי זייערע קינדער לאזן זיך וואקסן די בערד.