סביב העולם האט געשריבן:ער האט זוכה געווען צו זיין על ברכי רביה"ק מסאטמאר זי"ע אויפן קאסטנער צוג און ער האט אים פארהערט ונשקו על ראשו
פאר עטליכע יאר צוריק איז ארויס געקומען א קונטרס'ל בשמו יכונה 'להשיבו אל אביו' וואס האט פארציילט די גאנצע השתלשלות הענינים פון די הצלה פונעם רבי'ן ואחיו הרב שאול שלום שליט"א. אנגעהויבן פון די השתדלות ארויף צו שטעלן אויפן קאסטנער צוג ביזן להשיבו אל אביו ווען דער טאטע האט זיך צוריק פאראייניגט מיט זיינע קינדערלעך אין שווייץ. די קונטרס איז פארטיילט געווארן ביי איינע פון די מלוה מלכה'ס לטובת ישיבת אוהל רפאל קאשוי.
א אינטערעסאנטע קרישקעלע, באלד נאכן באפרייאונג פון פעסט אנהייב שבט תש"ה וואו הרה"ק מקאשוי האט זיך אויפגעהאלטן בימי הזעם האט דער רב זיך נאכגעפרעגט אויף זיינע צוויי קינדערלעך וואו זיי געפינען זיך, זייער צושטאנד וכדו'.
זיי זענען דעמאלט געווען אין א 'קינדערהיים' אין שווייץ נישט האבנדיג קיין קרוב וגואל דארט וואס זאל זיי אריין נעמען און אויפציען. אנדערש ווי ערווארטעט האט אבער דער טאטע זיי נישט באלד אהיים געברענגט צו זיך אין פעסט נאר זיי געלאזט פאר א שטיקל תקופה אין שווייץ, ונימוקו עמו אז היות אנדערע אידן זענען ארויס פונעם קריג נאקעט אן קיין משפחה, אן די קינדער, און ער וועט ברענגען זיינע צוויי קינדער וואס האבן איבערגעלעבט וועט עס פארשאפן צער פאר אנדערע אידן!..
מ'רעדט דא פון א איד וואס האט פארלוירן די עלטערן ביים קריג, פארלוירן א טאכטער, זיינע קינדער זענען שוין אין דער פרעמד א לענגערע צייט, ווער קען פארשטיין די געפילן פון אזא טאטע צו אהיים נעמען זיינע קינדערלעך?!.. אבער ניין, ער לאזט זיי דארט ווייל אפשר וועט א צווייטער איד האבן צער..
מדי דברי בו זכור אזכרנו וואס איך האב אמאל געהערט אז אין יענע תקופה ווען דער רבי זצ"ל הכ"מ האט זיך געפינען אין די שווייץ האט ער קיינמאל געלאזט אז די אויפציערין זאל אים צורירן בים זיך באדן.
מ'רעדט דא פון א פינף יעריג יונגעלע, אוועק פון טאטע מאמע, אוועק פונדערהיים, געפינט זיך אין א קינדער אנשטאלט. און וואס זענען די דאגות פון דעם פינף יעריג קינד? אז דאס מיידל זאל אים נישט אנרירן! דאס גיט א שטיקל בליק פון זיין קדושה וטהרה נאך מנעוריו ווי איינער האט פריער אראפ געברענגט לשו"ק מאביו אז ער איז 'קדוש מרחם'