מי חכם האט געשריבן:לכתחילה אריבער האט געשריבן:מי חכם האט געשריבן:לכתחילה, לויט דיין חשבון קען שוין א פרעזידענט גארנישט ('וויכטיג') טון די לעצטע 26 און א האלב חדשים פון זיין קאדענץ, פון א טאג נאך די מידטערם עלעקשאנס.
זייט נישט ברוגז, אבער איך גיי זיך נישט באציען צו איינען וואס מאכט עד אבסורדם אבזערוואציעס.
כ'האב נאכגעזוכט וואס דער טערמין מיינט, שטעלט זיך ארויס עס איז דוקא א גוטער, אנגענומענער ארגומענט סטייל. (א 'שטרוי מאן' איז ענליך צו דעם, און איז טאקע א פעלערהאפטיגער ארגומענט, געמאכט - בטעות אדער בזדון - אויפצובלאזן דעם אנדערנס ארגומענט צו אינגאנצן עפעס אנדערש ווי יענער האט געזאגט, אבער עס איז דורכאויס פאלש. יענעם'ס סברא איז נישט מכריח צו זאגן די שטרוי מאן סברא אויכעט. משא"כ עד אבסארדאם, וואס איז געבויט און מוכרח אויף יענעם'ס ווערטער.
אין אונזער פאל: אויב איז אמת דיין טענה אז א פרעזידענט זאל נישט נעמען קיין וויכטיגע שריט ווען ער -אדער זיין פארטיי- שטייט שוין מער נישט אויס קיין עלעקשאנס אונטער זיין קאדענץ, דאן גייט דאס בהכרח צוריק ביז די מידטערם'ס. אויב פארשטייסטו אליין אז מען קען נישט אזוי זאגן, מוז זיין אז די סברא איז נישט ריכטיג. אפילו נניח עס איז דא א פרעצעדענט (און ווי מ'האט שוין געשריבן, עס איז דוקא נישט דא) אז דער פרעזידענט שטעלט נישט די לעצטע יאר, איז דער טעם נישט וועגן די סיבה אז ער האט שוין נישט מורא פון די עלעקשאנס.
איך קען הערן אנדערע סברות. מ'קען זאגן אז כלפי אזא וויכטיגע באשלוס איז ער שוין יעצט א 'לעים דאק'. פונקט ווי פרעסעדענץ זאגט אז מען פירט נישט דורך קיין וויכטיגע געזעצן אין די לעצטע 2 חדשים ווען עס איז שוין דא א נייער פרעזידענט עלעקט, קען מען זאגן דאס זעלבע לגבי די לעצטע יאר פון א פרעזידענט און אזא וויכטיגע אישו).
אפגעזעהן צו עס איז א אנגענומענע ארגומענט סטייל אדער נישט, איז דאך אמעריקע א פרייע מדינה, און איך נעם מיר די רעכט נישט צו טענה'ן איז די וועג.
איר זעהט, ווי איר האט יעצט אראפגעלייגט די טענה, איז עס צום זאך, און מען קען עס ענטפערן.
און די ענטפער איז זייער פשוט.
אוודאי איז נישט ריכטיג צו זאגן אז א פרעזידענט זאל גארנישט קענען טאן איינמאל זיין פארטיי שטייט נישט פאר ריעלעקשאן.
אבער איך האב געשריבן צוויי זייער וויכטיגע קרייטיריע אין דעם ארגומענט. איינס אז שטעלן א ריכטער איז לכל הדעות די "וויכטיגסטע" שריט פון א פריזידענט, און אויב זאל מען זאגן אז נאר "איין וויכטיגסטע" זאך זאל ער נישט קענען טאן אין אזא צייט, איז עס שטעלן א ריכטער.
צווייטענס, האב איך געשריבן נישט נאר אז זיין פארטיי שטייט נישט פאר ריעלעקשאן, נאר אז ער איז א לעים דאק, נעמליך גארנישט ערענסט איז ערווארטעד אויסגעפירט צו ווערן אין די פארבליבענע צייט.
אויב האלט מען גלייך נאך די מידטערמס, און עס איז דא א גאנצע רייע געזעצן בודזשעטן אא"וו וואס דאפן נאך ווערן אויסגעפירט, איז נאך דא גענוג וועגן ווי מען זאל קענען "צורוקשלאגן" דעם פרעזידענט אויב מאכט ער א ערענסטע פעלער, אבער איינאמל ער איז לעים דאק, ווען ער איז שוין "מיעד" און די קאנגרעסלייט רעכענען זיך שוין גאר ווייניג מיט אים און מיט זיין ווארט, אזא פאל איז שוין דא א ערענסט סברה צו זאגן אז ער זאל נישט האבן אזא ברייטע מאכט.
יעצט אז עס קומט זיך צוזאם די וויכטיגסטע באשלוס פון א פרעזידענט, און עס איז אין די שוואכסטע מאמענטן פון זיין פרעזידענטשאפט, קען זיך זייער הערן אז אזוי ווי עס איז בכלל נישט קיין עמערדזשענסי, די קאורט קען געהעריג אנגיין אזוי אויך, און עס גייט אן אזוי אן קיין פראבלעם אין אנדערע צייטן פאר אנדערע סיבות ווי ערווענט, איז שטארק הערבאר אז ער זאל אוועק טרעטן און איבערלאזן אזא זאך פאר זיין נאכפאלגער, און אויב וויל ער נישט, אז די קעגנערישע פארטיי וואס שטייט אויס גאר אסאך צו פארלירן זאלן אוסנוצן זייער כח אים אפצוהאלטן.