א בליק אויף קאראנע

אן אָרט, פאר די קונסט פון וואָרט

די אחראים: יאנאש,אחראי,געלעגער

אור מופלא
שר חמישים ומאתים
תגובות: 305
זיך איינגעשריבן אום: פרייטאג יולי 24, 2020 2:28 am
לאקאציע: אין מירון והגלילות

א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך אור מופלא »

חודש אדר שנת תש"פ, די וועלט עס קערט זיך איבער
א גרויסע פחד און שרעק הערשט אויפן גאנצע ציבור
דער עולם ציטערט, מ'פארשפארט זיך אין די שטובער
קיינער איז פארזיכערט, נישט דעם חכם עושר און גיבור

די פאניק איז גרויס, אויף יעדער מענטש עס פאלט
חששות און שמועות פליען ארום אהן קיין אפהאלט
עס נעמט אינגאנצן איבער דאס לעבן פון יונג און אלט
די מחלה פארט איבער גרעניצן, יעדער חומה אדורך-שפאלט

די קאראנע עס בוזשעוועט אויף א שרעקליכן פארנעם
די עלטערע אידן, זיי געדענקן נישט אזאנס כל ימי חייהם
און די יונגערע, פארלוירן אינגאנצן מיט דאגה און קלעם
יעדער זעהט דאך בחוש אז דאס איז נאר די יד השם

די עקאנאמיע ברעכט אינטער, די מצב הפרנסה ווערט ביטער
די מארקעט טראסקעט טעגליך, כמעט נישטא קיין טאג א גוטער
לענדער לויפן אויס פון מעדעצינישע געצייג, אוי ס'כאפט א ציטער
עס ווארפן זיך אלע גלידער, די הערצער צוגייען ווי פוטער

די מנהיג העולם ית"ש האט דא א טיפע חשבון און פלאן
ס'איז דאך עקבתא דמשיחא, גאר א וויכטיגע און ערנסטע זמן
ער וויל יעצט אפשטילן די וועלטס גערויש, אפשטעלן איר שפאן
זייטס ענק נאר אביסל מתבונן, אין די מאורעות טראכטס אריין

די היינטיגע וועלט ווי די דור הפלגה טוט זיך לעצטנס פירן
'שפה אחת ודברים אחדים' טוט די מענטשהייט אייניג שפירן
מיר זענען איינס אן קיין גבולים וגדרים, טוהן זיי פראקלאמירן
צעווארפן אלע מויערן, אהן איבערלאזן פון זיי קיין שפורן

די בורא זאגט: 'ניין', די וועלט איז נישט אזא אפענע און קליינע
עס איז דאך דא גרעניצן צעווישן אמעריקא אין טשיינע
יעדער משפחה על מחנהו ועל דגלו, מיט א פריוואטקייט א ריינע
אפילו בלעם הרשע זעהט אז 'אין פתחיהן מכוונות' א דרך א שיינע

סאושעל מידיע אזוי ברייט אפן, מיט די אייגנס באגנוגט זיך קוים
מ'לויפט נאך די אלע מאכלים און תענוגים מכל אום ואום
די בורא ווייזט יעצט א פנים זעופות און שפארט איין אין א צוים
ווי עס שטייט "הלא תכלם שבעת ימים", ו'קל וחומר לשכינה י"ד יום'...

גרעניצן פארשפארט, די הימלען ליידיג, און די וועלט פארט אויף רעדער
עפעס וויל מען דאך פון אונז האבן, איז ביי אלעמען די רעדע
מענטשן פארשטייען שוין אז אלעס האט א חומה וגדר
ת'הא ש'נת פ'דות, 'ושמתי פדות בין עמי ובין עמך' פארשטייט יעדער

אבער 'פדות שלח לעמו', צו אונז פריוואט רעדט דאך די בורא
ס'איז נישט קיין צונאמי אין אזיע, פון וואס האסט קיין מורא
נישט קיין אויסברוך אין אפריקע, וואס דו ווייסט נישט לכאורה
כי קרוב אליך הדבר מאד, ביי אייך בכל מושבותיכם איז עס שורה

די באשעפער האט אזוי ליב די שוהלן, אלעמאל ועכשיו ביותר
זיך מקבל געוועהן צו זיין שטיל ביים דאווענען, א ענין אזא גרויסער
קיין 'רמוס חצרי' איז נישטא, נא פארוואס די הייליגע שוהל זיין סותר
וועלכע דרך הישר און מוסר השכל איז די בורא אונז מוסר

די חדרים פאר די קינדערלעך, אויף זייער הבל פיהם די וועלט שטייט
זיי פרעגן מיט וואונדער און פחד, פארוואס מ'האט זיי פארשפרייט
די מה נשתנה מיט די קדש ורחץ האבן זיי געוואלט לערנען מיט פרייד
אבער יעצט ליידער איז יעדער חדר וויסט און שטיל פארשלאסנהייט

שמחות ביי אידן איז דאך "שהשמחה במעונו", קומט אהן אזוי שווער
באזוכן די עלטערן "למען יאריכון ימיך", געקומען צו אן אויפהער
באקן מצות בחבורה "מיכלא דאסוותא", איז אפילו נישט קיין קלער
מקוואות לטהרה "מושיעו בעת צרה", גייט מען נישט מער

כנוס את כל היהודים אין שול איז געווען בעבר אבער נישט מכאן ולהבא
ליידער האבן מיר נישט אזויפיל די גרויסע כח פון אמן יהא שמיה רבה
ס'איז טאקע א שמירה קעגן מגיפות, אבער "ונשמרתם" איז אויך א אויפגאבע
נו איז דאך די שמירה פאר דעם נישט גוט פאר דעם, זיבורא ועקרבא

אבער די בורא רפואות קודם למכה, האט די רפואה באהאלטן דערווייל
דאס איז א מודעה רבה און אוודאי נישט קיין מקרה און א צופאל
ער זאגט: קינדערלעך, דאס איז נאר פאר צייטווייליג, נישט קיין נייע דרך בכלל
טוט אייך אביסעלע אויפוואכן, צולייגן מחשבה צו וואס איר טוהט נארמאל

נישט טוהן אלעס מצות אנשים מלומדה, אהן וויסן פאר וועמען
דע לפני מי אתה עומד, מיר טוהן דאך אלעס פארן א-ל מלך נאמן
וויסן אז 'שיגרה' און געווענליכע לעבנסשטייגער זענען ברכות נישט פראבלעמן
די געווענליכע צייטן זאלן מען אויסנוצן מיט שמחה און נישט פארשעמען

אויך איינזעהן קען מען ווי איין כינעזער מאן האט אזויפיל נפשות געוועהן גובה
חז"ל זאגן אז אז איין מענטש קען דאך מהפך זיין די גאנצע וועלט לכף חובה
דארפן מיר פון דעם ארויסלערנען די גרויסע כח היחיד, דיברו חכמים בהווה
און אויב וועלן מיר דאס שפירן איז דאס אליין א מחשבה טובה

די זעלבע נקודה האט זיך אנגעזעהן ביי די בל"מ מאסן פראטעסטן
די מאכטפולע כח להרע ולהטיב פון איין פאליציאנט קען מען מעסטן
יא, איין מענטש קען איבערדרייען די כדור העולם צום ערגסטן אדער בעסטן
און פון ניי פורץ געוועהן די קאראנע גדרים פון מאסקעס, דיסטינאציע און זיך טעסטן

קיינמאל קען מען נישט פארזיכערט זיין, עס קען דאך קומען ל"ע א נייע אויפשטייג
די נקודות חשובות דארף מען געדענקן אפילו נאך די קווארענטין אין שטייג
מ'געט אונז נישט די אויסוואל פון שפירן רואיג, ווייל אויף די מעסעדזש איך צייג
אלע אידן אויף אמאל, מיר זענען דאך אלע יעצט געקנויטן געווארן אין אט די טייג

האפענטליך איז שוין המגיפה נעצרה, די גזירה שוין פאראיבער
אבער די התעוררות וועט בלייבן פעלזן פעסט ביים גאנצן ציבור
און מיט דעם וועל איך יעצט שוין ענדליך מסיים זיין דעם דיבור
השם יתברך יצילנו וישמרנו מכל גזירות קשות ומכל פרשת העיבור
קרייסלער
שר ארבעת האלפים
תגובות: 4514
זיך איינגעשריבן אום: מיטוואך מאי 20, 2015 6:01 am
לאקאציע: אויפן ראוד

Re: א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרייסלער »

מייסטער ווערק
ווער קען מהנה זיין מיט פדפ?

אזויפיל תוכן אריינגעשמאלצן אין עטליכע שירות מוסר וחיזוק ביינעזאם
מיר פרייען זיך נישט מיט די מפלות אדער נצחונות פון די ציונים

מיר ווארטן אויף ביאת משיח וואס וועט אונז אויסלייזן פון גלות פון די ציונים און אראבער ביינעזאם
אוועטאר
אלטער
שר תשעת אלפים
תגובות: 9970
זיך איינגעשריבן אום: דינסטאג יאנואר 14, 2020 12:44 pm
לאקאציע: אין בהמ"ד ביים קאווע שטיבל

Re: א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלטער »

הערליך שיין! פול מיט תוכן, זייער שיין צונימען ס'גאנצע!
ווייל איך בין א אידעלע, זינג איך מיר א לידעלע, ווייל איך בין א איד, זינג איך מיר א ליד
אור מופלא
שר חמישים ומאתים
תגובות: 305
זיך איינגעשריבן אום: פרייטאג יולי 24, 2020 2:28 am
לאקאציע: אין מירון והגלילות

Re: א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך אור מופלא »

קרייסלער האט געשריבן:מייסטער ווערק
ווער קען מהנה זיין מיט פדפ?

אזויפיל תוכן אריינגעשמאלצן אין עטליכע שירות מוסר וחיזוק ביינעזאם


הרי שלך לפניך
אטעטשמענטס
corona.pdf
(49.85 KiB) געווארן דאונלאודעד 60 מאל
אוועטאר
נאר מיט שמחה
שר שמונת אלפים
תגובות: 8010
זיך איינגעשריבן אום: דינסטאג אוגוסט 08, 2017 10:04 am

Re: א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך נאר מיט שמחה »

יעצט געליינט, הערליך שבהערליך, מייסטער ווערק!!!

גוטע גראמען, הייליגע תוכן, צאמגענומען די גאנצע תקופה מיט איהרע מוסר השכל'עך אזוי שיין.

שכויעח אור מופלא
פארן מיר נעמען א שפאציר מיט דיין שיפעלע
זאלסט געבענטשט ווערן בכיפלא
ניצל ווערן פון יעדן תיפלא..
פון יעדן שווערן סעיף'עלע
א שנה טובה ומתוקה ונפלא
דער רבי האט געהייסן פריילאך זיין! פריילאך זיין! פריילאך זאל מען זיין!!!
אוועטאר
ניין און יא
שר האלף
תגובות: 1305
זיך איינגעשריבן אום: פרייטאג דעצעמבער 06, 2019 10:05 am

Re: א בליק אויף קאראנע

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין און יא »

דימ וועלטעל האט באקומען אנייע אור
אקבל הערות והארות בשמחה והכרת הטוב אי"ה
-------
מפתח ארטיקלען ----- מפתח פאעזיע
-------
ווער עס וויל באקומען ווייטער ארטיקלען פון מיין קליינקייט אדער וויל מיר קאנטעקטן זאל מיר שרייבן צו מיין אימעיל
מיט פיל דאנק
------
[email protected]
שרייב תגובה

צוריק צו “פאעזיע און גראמען”