איך נעם דיך צוריק אהיים
די אחראים: יאנאש,אחראי,געלעגער
- איך_הער
- סעקרעטאר
- תגובות: 18580
- זיך איינגעשריבן אום: דינסטאג יולי 04, 2006 6:47 pm
- לאקאציע: אין אפיס
- פארבינד זיך:
איך נעם דיך צוריק אהיים
בס"ד
(געוואלט פראבירן צו איך געדענק נאך מיין פעסווארד.)
אין היצן און קעלט
דרייט זיך אויף די וועלט
א מענטשלע גאר קליין
מיט א נשמה ריין
אן א טימל
ווערט געפירט פון הימל
עס ווערט בעסער
ער וואקסט גרעסער
מיט שיינע קליידער
מען טראגט אים אין חדר
מען לערנט תורה צוה
אט איז ער שוין אין ישיבה
אלעס טוט פארן
ער איז שוין אין די יארן
יעדער הערט
א חתן ער ווערט
מ'טאנצט א רקידה
עוד ישמע בערי יהודה
קוים די ערשטע אין די ווינדל
וואקסט אונטער א געזונדל
ב"ה מען איז געזונט
עס ווערט געבוירן א פריש קינד
אביסל אנדערש ווי געווענליך
צו קיינעם נישט ענליך
עס ווערט ענגער
בלייבט אין שפיטאל לענגער
דאקטורים קומען דאקטורים גייען
נישט אלע מאכן פרייען
יעדער מיט זיין וועסט
קומט מאכן א פרישע טעסט
ביים באשעפער מ'בעטצעך
אינדערהיים מ'זעהטצעך
נישט גרינגע צייטן
טערעפיסטן טוען זיך בייטן
יעדער אין זיין נושא
פילט אן די טאג די גרויסע
טעג בלייבן נישט שטיין
דאס קינד קען שוין גיין
שטייט שטייט
קומט מען אן ווייט
דאס קינד איז גרויס
אויף די גאס ארויס
יעדער ווארפט בליקן
אויפן קינד קוקן
מיט ווערטער וויל מען דערקוויקן
אבער די טרערן טוען שטיקן
מען ווערט פון הימל געפירט
ביי המספיק פראבירט
קומט אן אויפברויז
דאס קינד האט נישט קיין דייאגנאז
עי די די, עי די עיטש די
אבער צום מציאות עס געט נישט צו
מען גייט אן מיטן לעבן
רעים טוט הילף געבן
מען העלפט באלד
מאכט גרינגער א געוואלד
אין א מצב מ'טוט זיך טרעפן
שערי חמלה'ס טויערן געבן זיך אן עפן
יעדער לייגט צו א פלייצע
מיט א גוט ווארט מיט אן עצה
די גרעסערע יארן זענען שוין דא
אין געהעריגע סקול אויף עטליכע שעה
פירט א רידער
קען אנמאכן גרידער
קען מאכן שווער
און וועגן איר פארלאזן א טרער
דער אייבירשטער מיט אונז יעדע רגע
מען פילט זיין פלעגע
מיט דאנק אויפן עבר
וואס חסדו עלינו גבר
ולך השם חסד
אזוי אויך א בקשה אויפן עתיד
עת הזומער הגיע
פון אן אונטער טיר א ישועה
א גרופע קינדער
מ'גייט זיין האלטן באזונדער
ווי א קעמפ גראד
אויסער די שטאט
מען קומט און גייט
מען פילט אן די צייט
שווער ווי א בארג
מ'כאפט אן ביים קארג
מ'טוט זיך געזעגענען
מ'וועט זיך צוריק באגעגענען
דאס הארץ טוט באכען
עס איז נאר פאר אפאר וואכן
דאס הארץ איז געווארן צוריסן
טרערן טוען זיך גיסן
דאס קינד קיין נאר
וויל צוריק אין קאר
מ'רייסט זיך אפ מיט כח
מ'איז שליט על המח
יא גוט צו נישט
גריסן קומען צוריק צומישט
אפגעמאכט אין א געיעג
מ'פרעגט זיך נאך יעדע פאר טעג
שטילער איבערן טאג
פילט זיך דער אינערליכער פלאג
ערב שבת זי רופט אהיים
אבער נאר א קול פון געוויין
קיין ווארט מ'הערט
פון קומען אהיים זי קלערט
מאמי ווי לאנג נאך
וועל איך נישט זען דיין קאך
מען הערט איר וויינען
אירע מחשבות דארף מען ליינען
די נעגל מ'בייסט
די הארץ רייסט
די חברותא שוואכער בדרגה
די עסן גאנץ קארגע
קיין סעודות שבת קיין הבדלה
מ'גייט שלאפן מיט א בהלה
מ'קען נישט קיין רוה געניסן
עס פייניגט די געוויסן
איך קען נישט מער
עס רינט א טרער
נישט איינס נאר פיל מער
דיין שטילקייט איך דערהער
מיין קינד געדעעעעענק
צו דיר איך בעעעעענק
דו ביסט נישט אליין
איך טו מיט דיר שטיין
עס איז אונזער חובה
צו מיינען דיין טובה
אויב איז עס זיכער נישט גוט
וועלן מיר מאכן די שריט
מיין קינד רואיג זיי
אהיים נעמען דיך איך גיי
פריער ווי געטראכט איך וועל
כ'וועל עס מאכן ווי שנעל
דיין צער האט א שיעור
איך וועל דיך צוריק נעמען פריער.
***
געקומען איז די רייע
באשאפן א וועלט א נייע
דור אחר דור
ביז די גרויסע אור
אברהם זיין באליבטער
פון נסיונות אן אויסגעפראווטער
דערנאך זיינע קינדער
יעדער באזונדער
אויפגעשטעלט שיינע בתים
ארויסגעגעבן די הייליגע שבטים
אויפגעשטעלט א כלל ישראל
וואס וועט בלייבן אלעמאל
יעקב ובניו מצרימה באים
געליטן פון די רשעים
דערנאך די אטאקעס
די צען מכות
דאס זאגן שירה צוזאם
נאכן שפאלטן די ים
ליהודים היתה אורה
ביים באקומען די הייליגע תורה
האנט ביי האנט
אנגעקומען צום הייליגן לאנד
אונז געפלעגט ווי א רויז
געבויעט א הייליג הויז
זיך אויפגעפירט ווי אידן
יעדער איז געווען צופרידן
דאס קינד פילט נישט גוט
מ'פאלט צוריק אסאך טריט
מ'מאכט זיך ברירות
מען טוט עבירות
דעם באשעפער מען פלאגט
אויף אונז ער קלאגט
ער שיקט נביאים
צו פאררעכטן זיינע ברואים
מיר פארשטייען נישט דעם ווינק
אפילו נאך א שטרענגע בלינק
מיר זענען פארקראכן
זיין הויז דערפאר צובראכן
זיין רחמנות אוועק ער ריקט
פון היים אונז פארשיקט
אוועק גאר ווייט
נאר פאר אביסל צייט
ביז מיר וועלן בעסער פילן
און טון נאר זיין ווילן
עס לויפט די זמן
מען ווייסט נישט די פלאן
עס טוט אונז וויי
מיר געבן א געשריי
אונזערע מחשבות ליין
מיר ווילן אהיים גיין
טאטעניו קרוין
נעם אונז אהיים שוין
מיר קענען נישט מער
עס רינט א טרער
נישט נאר אביסל
נאר א גאנץ שיסל
גארנישט איז אונז ווערד
מיר קלאגן אויף דער ערד
דער באשעפער זאגט גענוג
מיין אויסלייזער איך שיק
מיין קינד געדעעעעענק
צו דיר איך בעעעעענק
דו ביסט נישט אליין
איך טו מיט דיר שטיין
עס איז מיין חובה
צו מיינען דיין טובה
אויב איז עס זיכער נישט גוט
וועל איך מאכן די שריט
מיין קינד רואיג זיי
אהיים נעמען דיך איך גיי
פריער ווי געטראכט איך וועל
כ'וועל עס מאכן ווי שנעל
דיין צער האט א שיעור
איך וועל דיך צוריק נעמען פריער
שנעל אין גיך
וועסטו הערן שופר של משיח
קיין ירושלים גיין
במהרה בימינו אמן.
(געוואלט פראבירן צו איך געדענק נאך מיין פעסווארד.)
אין היצן און קעלט
דרייט זיך אויף די וועלט
א מענטשלע גאר קליין
מיט א נשמה ריין
אן א טימל
ווערט געפירט פון הימל
עס ווערט בעסער
ער וואקסט גרעסער
מיט שיינע קליידער
מען טראגט אים אין חדר
מען לערנט תורה צוה
אט איז ער שוין אין ישיבה
אלעס טוט פארן
ער איז שוין אין די יארן
יעדער הערט
א חתן ער ווערט
מ'טאנצט א רקידה
עוד ישמע בערי יהודה
קוים די ערשטע אין די ווינדל
וואקסט אונטער א געזונדל
ב"ה מען איז געזונט
עס ווערט געבוירן א פריש קינד
אביסל אנדערש ווי געווענליך
צו קיינעם נישט ענליך
עס ווערט ענגער
בלייבט אין שפיטאל לענגער
דאקטורים קומען דאקטורים גייען
נישט אלע מאכן פרייען
יעדער מיט זיין וועסט
קומט מאכן א פרישע טעסט
ביים באשעפער מ'בעטצעך
אינדערהיים מ'זעהטצעך
נישט גרינגע צייטן
טערעפיסטן טוען זיך בייטן
יעדער אין זיין נושא
פילט אן די טאג די גרויסע
טעג בלייבן נישט שטיין
דאס קינד קען שוין גיין
שטייט שטייט
קומט מען אן ווייט
דאס קינד איז גרויס
אויף די גאס ארויס
יעדער ווארפט בליקן
אויפן קינד קוקן
מיט ווערטער וויל מען דערקוויקן
אבער די טרערן טוען שטיקן
מען ווערט פון הימל געפירט
ביי המספיק פראבירט
קומט אן אויפברויז
דאס קינד האט נישט קיין דייאגנאז
עי די די, עי די עיטש די
אבער צום מציאות עס געט נישט צו
מען גייט אן מיטן לעבן
רעים טוט הילף געבן
מען העלפט באלד
מאכט גרינגער א געוואלד
אין א מצב מ'טוט זיך טרעפן
שערי חמלה'ס טויערן געבן זיך אן עפן
יעדער לייגט צו א פלייצע
מיט א גוט ווארט מיט אן עצה
די גרעסערע יארן זענען שוין דא
אין געהעריגע סקול אויף עטליכע שעה
פירט א רידער
קען אנמאכן גרידער
קען מאכן שווער
און וועגן איר פארלאזן א טרער
דער אייבירשטער מיט אונז יעדע רגע
מען פילט זיין פלעגע
מיט דאנק אויפן עבר
וואס חסדו עלינו גבר
ולך השם חסד
אזוי אויך א בקשה אויפן עתיד
עת הזומער הגיע
פון אן אונטער טיר א ישועה
א גרופע קינדער
מ'גייט זיין האלטן באזונדער
ווי א קעמפ גראד
אויסער די שטאט
מען קומט און גייט
מען פילט אן די צייט
שווער ווי א בארג
מ'כאפט אן ביים קארג
מ'טוט זיך געזעגענען
מ'וועט זיך צוריק באגעגענען
דאס הארץ טוט באכען
עס איז נאר פאר אפאר וואכן
דאס הארץ איז געווארן צוריסן
טרערן טוען זיך גיסן
דאס קינד קיין נאר
וויל צוריק אין קאר
מ'רייסט זיך אפ מיט כח
מ'איז שליט על המח
יא גוט צו נישט
גריסן קומען צוריק צומישט
אפגעמאכט אין א געיעג
מ'פרעגט זיך נאך יעדע פאר טעג
שטילער איבערן טאג
פילט זיך דער אינערליכער פלאג
ערב שבת זי רופט אהיים
אבער נאר א קול פון געוויין
קיין ווארט מ'הערט
פון קומען אהיים זי קלערט
מאמי ווי לאנג נאך
וועל איך נישט זען דיין קאך
מען הערט איר וויינען
אירע מחשבות דארף מען ליינען
די נעגל מ'בייסט
די הארץ רייסט
די חברותא שוואכער בדרגה
די עסן גאנץ קארגע
קיין סעודות שבת קיין הבדלה
מ'גייט שלאפן מיט א בהלה
מ'קען נישט קיין רוה געניסן
עס פייניגט די געוויסן
איך קען נישט מער
עס רינט א טרער
נישט איינס נאר פיל מער
דיין שטילקייט איך דערהער
מיין קינד געדעעעעענק
צו דיר איך בעעעעענק
דו ביסט נישט אליין
איך טו מיט דיר שטיין
עס איז אונזער חובה
צו מיינען דיין טובה
אויב איז עס זיכער נישט גוט
וועלן מיר מאכן די שריט
מיין קינד רואיג זיי
אהיים נעמען דיך איך גיי
פריער ווי געטראכט איך וועל
כ'וועל עס מאכן ווי שנעל
דיין צער האט א שיעור
איך וועל דיך צוריק נעמען פריער.
***
געקומען איז די רייע
באשאפן א וועלט א נייע
דור אחר דור
ביז די גרויסע אור
אברהם זיין באליבטער
פון נסיונות אן אויסגעפראווטער
דערנאך זיינע קינדער
יעדער באזונדער
אויפגעשטעלט שיינע בתים
ארויסגעגעבן די הייליגע שבטים
אויפגעשטעלט א כלל ישראל
וואס וועט בלייבן אלעמאל
יעקב ובניו מצרימה באים
געליטן פון די רשעים
דערנאך די אטאקעס
די צען מכות
דאס זאגן שירה צוזאם
נאכן שפאלטן די ים
ליהודים היתה אורה
ביים באקומען די הייליגע תורה
האנט ביי האנט
אנגעקומען צום הייליגן לאנד
אונז געפלעגט ווי א רויז
געבויעט א הייליג הויז
זיך אויפגעפירט ווי אידן
יעדער איז געווען צופרידן
דאס קינד פילט נישט גוט
מ'פאלט צוריק אסאך טריט
מ'מאכט זיך ברירות
מען טוט עבירות
דעם באשעפער מען פלאגט
אויף אונז ער קלאגט
ער שיקט נביאים
צו פאררעכטן זיינע ברואים
מיר פארשטייען נישט דעם ווינק
אפילו נאך א שטרענגע בלינק
מיר זענען פארקראכן
זיין הויז דערפאר צובראכן
זיין רחמנות אוועק ער ריקט
פון היים אונז פארשיקט
אוועק גאר ווייט
נאר פאר אביסל צייט
ביז מיר וועלן בעסער פילן
און טון נאר זיין ווילן
עס לויפט די זמן
מען ווייסט נישט די פלאן
עס טוט אונז וויי
מיר געבן א געשריי
אונזערע מחשבות ליין
מיר ווילן אהיים גיין
טאטעניו קרוין
נעם אונז אהיים שוין
מיר קענען נישט מער
עס רינט א טרער
נישט נאר אביסל
נאר א גאנץ שיסל
גארנישט איז אונז ווערד
מיר קלאגן אויף דער ערד
דער באשעפער זאגט גענוג
מיין אויסלייזער איך שיק
מיין קינד געדעעעעענק
צו דיר איך בעעעעענק
דו ביסט נישט אליין
איך טו מיט דיר שטיין
עס איז מיין חובה
צו מיינען דיין טובה
אויב איז עס זיכער נישט גוט
וועל איך מאכן די שריט
מיין קינד רואיג זיי
אהיים נעמען דיך איך גיי
פריער ווי געטראכט איך וועל
כ'וועל עס מאכן ווי שנעל
דיין צער האט א שיעור
איך וועל דיך צוריק נעמען פריער
שנעל אין גיך
וועסטו הערן שופר של משיח
קיין ירושלים גיין
במהרה בימינו אמן.
- אסדר לסעודתא
- שר עשרת אלפים
- תגובות: 11191
- זיך איינגעשריבן אום: מיטוואך אפריל 25, 2018 11:08 pm
-
- שר חמשת אלפים
- תגובות: 5419
- זיך איינגעשריבן אום: דינסטאג מארטש 06, 2018 2:32 pm
- farshlufen
- שר שלשים אלף
- תגובות: 35255
- זיך איינגעשריבן אום: פרייטאג נאוועמבער 16, 2007 8:26 am
- לאקאציע: אויף די פאליצעס אין ספרים שאנק
ווער? איך הער?
וואס? א קלער.
און איך, א טרער.
ווערטער, פון הארצן טיפן
ווען? אהיים וועסטו אונז שוין רופן
טאטע, מיר שפירן מיט
דיין צער און ווייטאג יעדע מינוט
די קינדער פון ווייטן
צווישן אונגעוואונטשענע לייטן
בעטן מיר דערביי
געשיקט, איינס צוויי
לייז אונז אויס שוין
קער צוריק דיין קרוין.
וואס? א קלער.
און איך, א טרער.
ווערטער, פון הארצן טיפן
ווען? אהיים וועסטו אונז שוין רופן
טאטע, מיר שפירן מיט
דיין צער און ווייטאג יעדע מינוט
די קינדער פון ווייטן
צווישן אונגעוואונטשענע לייטן
בעטן מיר דערביי
געשיקט, איינס צוויי
לייז אונז אויס שוין
קער צוריק דיין קרוין.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
- האסט נייעס
- שר האלף
- תגובות: 1099
- זיך איינגעשריבן אום: מיטוואך מארטש 30, 2016 11:43 am
- לאקאציע: דא... אויב זעהסטו נישט, קוק גוט..
- ענדע צדיק!
- שר שמונת אלפים
- תגובות: 8100
- זיך איינגעשריבן אום: מיטוואך יולי 17, 2013 4:44 pm
- פארבינד זיך:
הערליך שיין!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
בלאג - מיינע ארכיוון
- קלאָצקאָפּ
- שר עשרת אלפים
- תגובות: 10226
- זיך איינגעשריבן אום: דינסטאג יולי 25, 2017 9:24 pm
- לאקאציע: ערגעץ אנדערש
- אויפגעפרישט
- שר האלף
- תגובות: 1897
- זיך איינגעשריבן אום: מאנטאג יולי 18, 2016 8:24 pm
- לאקאציע: שטורעם אין גלעזל וואסער
- סאכדעס
- שר שלשים אלף
- תגובות: 31438
- זיך איינגעשריבן אום: דינסטאג יוני 27, 2006 2:15 pm
- לאקאציע: אלעמאל נאנט צו התאחדות
- פארבינד זיך:
געליינט און געהערט,
קאלומענטע עס ווערט,
ווען אריין מ'טראכט,
טונקל איז די נאכט.
אבער מיר טוען גלויבן
אז דער גאט פון אויבן,
טוט אונז אבבאכטן,
און שטענדיג באטראכטן.
ער זעט אונזער שוועריגקייטן,
די מצבים ווי עס טוען זיך בייטן,
פון צרה צו צרה ליידער,
אוי, עסיז נישט גוט אין חדר.
טאטע נעם אונז שוין צו דיר,
לאמיר שוין זינגען דעם שיר,
די אלע נחמות וואס ביסט מבטיח,
שיק אונז שוין דעם משיח.
יאכער, האסט מיך געמאכט וויינען און לאכן, דאנקע פאר די גוטע זאכן.
דאס משל און נמשל אזוי קלאר, ווער עס פארשטייט זעט אז עס איז וואר.
לאמיר צום טאט'ן אהיים רופן שנעל, ער זאל שוין קומען צו אונזער שוועל.
אונז אהיימברענגן וואס גיכער, מ'זאל שוין פארשריבן ווערן אין די גוטע ביכער, א כתיבה וחתימה טובה, פאר גאנץ כלל ישראל במהרה.
קאלומענטע עס ווערט,
ווען אריין מ'טראכט,
טונקל איז די נאכט.
אבער מיר טוען גלויבן
אז דער גאט פון אויבן,
טוט אונז אבבאכטן,
און שטענדיג באטראכטן.
ער זעט אונזער שוועריגקייטן,
די מצבים ווי עס טוען זיך בייטן,
פון צרה צו צרה ליידער,
אוי, עסיז נישט גוט אין חדר.
טאטע נעם אונז שוין צו דיר,
לאמיר שוין זינגען דעם שיר,
די אלע נחמות וואס ביסט מבטיח,
שיק אונז שוין דעם משיח.
יאכער, האסט מיך געמאכט וויינען און לאכן, דאנקע פאר די גוטע זאכן.
דאס משל און נמשל אזוי קלאר, ווער עס פארשטייט זעט אז עס איז וואר.
לאמיר צום טאט'ן אהיים רופן שנעל, ער זאל שוין קומען צו אונזער שוועל.
אונז אהיימברענגן וואס גיכער, מ'זאל שוין פארשריבן ווערן אין די גוטע ביכער, א כתיבה וחתימה טובה, פאר גאנץ כלל ישראל במהרה.
פקודתו פון התאחדות שמרה רוחי!