סקולען מאנסי
במשך די וואך האט כ"ק אדמו"ר שליט"א געהאט א לענגערע שמועס מיט הרה"ג ר' יחזקאל שרגא ווייס שליט"א בנוגע די זילותא דשבת וואס קומט פאר אין מאנסי בעניני פיקוח נפש בשבת, דערביי האט די רבי שליט"א צווישן אנדערע געזאגט אז ער פילט פאר וויכטיג צו מעורר זיין די חומר הענין, און ער וויל ארומרעדן באריכות דערפון ביים טיש ליל שבת קודש, ווי דערביי וועט מען אויך זינגען די ניגון וואס כ"ק אדמו"ר בעל נועם אליעזר זצוק"ל האט מחבר געווען, און היות אז הרב ר' יחזקאל איז די פאן טרעגער פון שמירת שבת אין דעם ענין ביי אונז אין שטאט, פילט ער אז ווען מ'וועט זאגן די ווערטער און זינגען די ניגון בנוכחותו וועלן די ווערטער מאכן א שטערקערע רושם לטובה.
הרה"ג ר' יחזקאל שליט"א האט זיך טאקע משתתף געווען ביים טיש על פי בקשת כ"ק די רבי שליט"א מיט די באגלייטונג פון א חבר הנהלת חברה מצילי אש ד'מאנסי, פארן אנהייבן די תורה האט מען בפקודת כ"ק די רבי שליט"א אויסגעטיילט צעטלעך פון די ניגון פון הרה"ק מסקולען זצוק"ל, און די רבי שליט"א האט געזאגט אז פארגאנגענעם וואך האט מען אויסגעלערנט דעם ניגון פארן עולם, דערמאנענדיג אז כ"ק אדמו"ר די רבי די ברודער שליט"א האט איינגעפירט ביים טיש אין בארא-פארק צו זינגען דעם ניגון, אבער באמת איז דא נאך זייער א וויכטיגע טעם פארוואס מ'דארף דא זינגען דעם ניגון, דאס איז די הזנחה וואס קומט פאר בנוגע פיקוח נפש בשבת ביי אונז אין שטאט, די רבי האט ארויסגעברענגט זייער שטארק די יראת שמים און כבוד שבת ווי אזוי מ'דאךף צוגיין צו די הייליגע מצוה פון פיקוח נפש, אין שטארק ארומגערעדט דערפון באריכות, ובתוך דבריו ארויסגעברעגנט אז אזעלכע זאכן מוז ווערן געמאכט על פי תורה אין קען נישט ווערן געמאכט ווערן אן קיין הוראת פון קיין רב, אין דערנאך האט מען צוזאמען געזינגען דעם ניגון, און מיט גרויס התלהבות האט די רבי אנגעהויבן טאנצן אויף דעם סקולענעם ניגון וביום השבת.
- ניגון סקולען.jpg (339.18 KiB) געזען 12150 מאל
[קאפיע פונעם ניגון פארטיילט די וואך ביים טיש]