Yang2020 האט געשריבן:איך בין נישט קיין רב און נישט קיין פוסק און נישט קיין עסקן, נאר א פשוטער איד וואס האט לעצטענס געלערנט די סוגיא פון מסירת נפש אין סנהדרין.
וויל איך פרעגן, האט טאקע איינער גע'פסק'נט להלכה אז אזא פאל הייסט א שעת השמד? ווייל אויב יא איז מיר שווער צוליב אסאך טעמים. איינס פון זיי ווייל די גזירה איז נישט נאר נוגע אידן, וואס ווי די נמוקי יוסף שרייבט (און אזוי קומט אויס פון רוב ראשונים און אזוי איז אנגענומען להלכה) הייסט דאס נישט שעת השמד. נאך א זאך, ווייל זיי טוען עס פאר זייער הנאה, ווייל זיי האלטן אז פאר די שטאט איז בעסער ווען די בירגער זענען געלערנט, און לויט רוב ראשונים ולהלכה גייט אן די היתר פון להנאת עצמן אויך בשעת השמד. און נאך אסאך פרטים וואס שטימען נישט.
קיינמאל נישט דורכגעטוהן די נושא, אבער איך געדענק אז ס'איז דא עפעס א תשובה פון ר' שלמה קלוגער ז"ל איבער די גזירה פון די רוסישע (?) רעגירונג צו מחייב זיין יעדן צו גיין מיט קורצע רעקלעך, און ער האט דאס קאטאגיריזירט אין דעם שעת השמד אפטיילונג
די תשובה אין טוב טעם ודעת (קמא סימן קפ"ח) איז טאקע א גרויסע חידוש, און אסאך האבן טאקע געקריגט דערויף (אריינגערעכנט הרה"ק מקאצק). אבער זיינע נימוקים דארט לאיסור (ווי אז ווען די אידישע צורה שטעכט זיי הייסט עס אויך להעביר על דעת) גייען נישט אן דא.
All you need is self-driving cars to destabilize society. -- Andrew Yang
שמן האט געשריבן:די רבי'ס אדער א דעליגאט פון דער קהלה ?
מערכת סאטמאר האט 2:00 געמאלדן אז אדמו"ר מהר"יי מסאטמאר ובנו סאטמאר ירושלים שליט"א גייען צי די אסיפה, סא איי געסט אז סאיז נאר פאר רבנים מנהיגי קהילות קדושת
סהאט זיך דא פארמירט א אשכול, צו נעמען אנקעטעס איבער צי מהאט יא אדער נישט, אינטערגעשריבן די פעטיציעס. וועלענדיג אריינגיין אפגעבן מיין שטימע אויף יא, זעה איך ממיז זיין אריינגעלאגט כך עשיתי, אבער זיי לאזן נישט אריין. זאג איך דא יא איך וואוין אין קוויבעק מאנטריאל, און איך וויל זיין א חלק פון אחינו בני ישראל אין ניו יארק,זיך משתתף זיין מיט זייער ווי געשריי און איך ובני ביתי האב מיר ביידע אריינגעשיקט פעטיציעס איינע מיטן פערלס סייט איינע מיט די טעקסט
אסיפות הרבנים מנהיגי קהילות קדושת בבית אדמו"ר מוויען שליט"א וועגן גזירות החינוך די רבנים האבן אויסגעשמועסט א לענגערע צייט איבער די מצב אויפן גזירות החינוך, און איבער די פעולות אויפן פראנט מיטן פשרותלאז קאמף מען האט אויך געהערט א באריכט פון העסקן הרה"ח ר משה דוד נידערמאן און הרה"ח ר שלומה זלמן ווייס פון קרית יואל און די לויער אבי שיק און נאך די רבנים האבן א לענגערע צייט דן געווען איבער די האקעלע ענינים ה עמודים על הפרק
היינט צווישן מנחה און מעריב איז געווען עטליכע מינוט זינט די בעל תפילה האט געהאט געענדיגט עטליכע מינוט פריער פון די זמן, האב איך גענומען איינע פון די גליונות אין די האנט און אביסל אריינגעקוקט.
עס איז מיר א חידוש און א וואונדער וואס איז פשט אז מען קען שרייבן פשוט'ע שקרים און פארקויפן פאר'ן ציבור? ווען סיי ווער עס פרעגט זיך אביסל נאך ביי די וואס ווייסן, און אפילו איינער וואס פרעגט זיך נישט נאך נאר טראכט אביסל אריין זעהט אפען אז די זאכן האבן נישט קיין פשט!
איך לייען אן ארטיקל איבער "גוטע פאליציאנט" און "שלעכטע פאליציאנט". דארט וויל די ארטיקל ארויסברענגען אז ערשט האט די רעגירונג פרובירט מיט שארפן, מיט'ן פלאן אז נאכדעם וועלן זיי גיין מיט ווייכע מיטלען און אזוי געווינען, אדער נישט אז דאס איז געווען די פלאן נאר אזוי האט זיך עס אויסגעשטעלט, עפעס אזוי. און די ארטיקל שטעלט עס צו, צו די גזירות גיוס אין ארץ ישראל.
שרייבט דארט די ארטיקל, אז דא אין ניו יארק איז געווען אזוי. ערשט האט די קאמישאנער געוואלט גיין מיט'ן גאנצן חומר הדין און יעצט אז זי האט רעזיגנירט האבן די רידזשענטס און די אנדערע באאמטע באשלאסן צו גיין מיט ווייכן מיט "גיוו ענד טעיק" פון פארהאנדלען. אז זיי "בעטן זיך" צו די עסקנים צו נאכגעבן וכו'. און די ארטיקל פירט אויס אז צוליב דעם זענען די רבנים ארויסגעקומען אז מען טאר נישט משנה זיין גארנישט און נישט נאכגעבן. (דאס איז וואס דארט שטייט עכ"פ בערך, דאס שרייב איך אויסנווייניג.)
עכ"פ, עס איז ממש צו שטוינען ווי אזא זאך קען זיין געדרוקט, און די וואס דרוקן עס האבן נישט קיין פחד אז מענטשן וועלן מארגן געוואר ווערן דעם אמת? האבן זיי נישט מורא אז וועט זיין שוין מער דאן גארנישט געטרויען?
צו זענען זיי גרייט אז זיי וועלן אזויפיל מאל שריי "וואלף" אז ווען עס זאל חלילה טאקע זיין א וואלף זאל מען זיי מער נישט גלייבן? אויף וועמענס אחריות טוען זיי דאס? דאס איז פארשטייט זיך נאר שווער אויב מען נעמט אן אז זיי מיינען עס ערענסט.
אדער זאל איך זאגן חלילה אז עס גייט זיי נישט אן די כבוד און עהרע פון זייערע ליינער, אז זיי זענען גרייט צו חוזק מאכן פון זיי, שרייבן זאכן וואס איז פשוט ארויסגעזויגן פון פינגער?
איז איך ווייס נישט וואס זייער חשבון איז, און איך נעם נישט קיין שטעלונג איבער דעם גליון בפרט, און נישט איבער די "אפעזיציע" אין די מערכה בכלל. אבער לאמיר דא זאגן וואס איך מיין.
זיי מאכן עס לייגן עס אראפ כאילו די רעזיגנאציע פון די קאמישאנער האט דא עפעס אויסגעמאכט. אין פאקט האט איר רעזיגנאציע "גארנישט געטוישט"! זי האט שוין געשריבן וואס זי האט געשריבן אין די גיידליינס, זי האט עס געוואלט אריינשטעלן אלס א רעגולאציע אויף די אייגענע האנט און די געריכט האט עס אפגעשטעלט און געזאגט אז עס דארף דורכגיין א געהעריגע פראצעדור וואס נעמט אריין א פעריאדע פון "פובליק קאמאנס" און א אפשטימונג דורך די באורד אוו רידזשענס.
איינמאל דאס איז פארגעקומען, גייען די גיידליינס פאר א אפשטימונג. עס מאכט נישט אויס וואס פאסירט מיט די קאמישאנער עס איז איין אונטערשיד צו זי איז דארט אדער נישט. און צו זאגן אז איר רעזיגנאציע האט עפעס אויסגעמאכט איז אלזא שקר.
ווייטער דאס רעדן צו די רידזשענס און ביי זיי אויס'פועל'ן אז זיי זאלן נישט שטימען פאר די נייע גיידליינס, דאס איז פארגעקומען פונקט אזוי איידער די רעזיגנאציע פון די קאמישאנער ווי נאך איר רעזיגנאציע. און זאגן אז כאילו די "פארהאנדלונגען" האבן זיך אנגעהויבן נאכדעם וואס זי האט רעזיגנירט איז ווייטער שקר.
בכלל די גאנצע געדאנק אז די רידזשענס "פארהאנדלען" איז ביסוד א שקר, א מזויף מתוכו. די רידזשענס זענען בכלל נישט די וואס מען קען "פארהאנדלען" אפילו מען וויל! זיי זענען דא צו שטימען פאר אדער אנידערצושטימען די נייע פארשלאגן, און זיי זענען בכלל נישטא צו מאכן קיין ביזנעס מיט קיינעם. סך הכל פרובירט מען זיי צו איבערצייגן אז אונזער חינוך איז גוט און זיי זאלן דעריבער נישט שטימען פאר די נייע גיידליינס.
סך הכל האבן אונז ארויסגעשטעלט א פלאן וואס אונז זענען גרייט צו לערנען, און מיר ערווארטן און האפן אז די רידזשענס וועלן דאס אננעמען און שטימען קעגן די נייע רעגולאציעס.
טא, די גאנצע געדאנק פון "פארהאנדלען" איז איינפאך שקר, דאס אז מען פארהאנדלט מיט די רידזשענס איז א טאפלטע שקר ווי ארויסגעברענגט, און דאס אז די רעזיגנאציע פון די קאמישאנער האט עפעס אויסגעמאכט אין די כלומר'שטע "פארהאנדלונגען" איז ווייטער אן קיין הענט און פוס.
עס קוקט אויס ווי די ארטיקל וויל מאכן די איינדרוק אז מען פארהאנדלט, מען וויל מאכן פשרות וכדו' ווען די פאקט איז, אז נישט נאר רעדט מער נישט פון קיין פשרות און פון "נאכגעבן", נאר עס קומען בכלל נישט פאר קיין פארהאנדלונגען אינגאנצן.
--
מען דארף צולייגן, אז אזויפיל קען אפשר יא אויסמאכן די רעזיגנאציע פון די קאמישאנער, אז אויב חלילה וחס, די רידזשענס באשטעטיגן יא די נייע רעגולאציע היל"ת, און דאן וועט מען דארפן צוריק גיין צו די קאמישאנער און זיך בעטן און פרובירן לייגן דרוק פאלטיש, לעגאל אא"וו אז זיי זאלן צוריקציען פון די פארלאנגען און שיקן א פרישע פארשלאג פאר א אפשטימונג ביי די רידזשענס, איז די פאקט אז די פריערדיגע קאמישאנער איז געווען אזוי הארט און חוצפה'דיג געווען א זייער גרויסע פראבלעם, און מען קען האפן צום אויבערשטן אז די נייע קאמישאנער זאל זיין ווייכער.
אזוי אויך, גענוי ווי ביי יעדע געריכט פראצעדור איז אלס די גרעסטע טובה פאר א באשולדיגטן אז די פראסעקיוטער טוישט זיך אינמיטן די קעיס. און די סיבה איז, ווייל קיין שם פראסעקיוטער וויל נישט פארלירן א קעיס. דאס גייט אויף די רעקארד און צופיל אזעלכע קעיסעס קען זיך שלעכט אפרופן שפעטער ווען אזא פראסעקיוטער וויל גיין העכער ווערן א העכערע פראסעקיוטער צו א ריכטער וכדו'.
אבער אויב א פראסעקיוטער ווערט געטוישט אינמיטן די קעיס, וועט די נייע פראסעקיוטער שוין נישט האבן די דרוק פון געווינען אזוי שטארק, זינט אפילו עס זאל זיין א פארלוסט, וועט די פארלוסט נישט זיין אויפ'ן חשבון פון די נייע פראסעקיוטער, זינט די פראסעקיוטער האט נישט געפירט די קעיס פון אנפאנג, און מען קען נישט וויסן אויף וועמען צו "לייגן די שולד" אויב א קעיס פאלט דורך.
דאס זעלבע אין אונזער פאל. זינט די נייע קאמישאנער איז נישט די וואס האט אנגעהויבן מיט די פרואוו פון מאכן נייע רעגולאציעס, איז אלס גרינגער אז מען זאל ביי אזא איינעם קענען פועלן נישט צו גיין בכל חומר הדין, זינט עס איז נישט קיין "פערזענליכע דורכפאל" אויב די זאך ווערט נישט דורכגעפירט.
דעריבער איז עס א גרויסע חסד פון הימל אז די קאמישאנער האט רעזיגנירט טאקע. אבער ווי ארויסגעברענגט, דאס איז אלס גוט אין א פאל וואס מען האפט עס זאל חלילה נישט צוקומען. ביז דאן זאל דער אויבערשטער העלפן אז די עסקנים זאלן געפונען חן אין די אויגן פון די באורד אוו רידזשענס, און זיי זאלן אננעמען אונזער פארשלאג אן קיין שום פארהאנדלונגען, געריכט קאמפן אדער פאליטישע דרוק.
איך פארטרעט נישט קיינעם. איך בין נישט קיין ווארטזאגער פאר קיינעם. סך הכל פרוביר איך צו פארשטיין וואס גייט פאר. דעריבער אויב טרעפט איר עפעס אין מיינע רייד וואס שטימט נישט, לייגט עס חלילה נישט אן אויף די רבנים אדער עסקנים.