א ברייטע אויפקלערונג איבער די פראבלעם בנוגע חינוך

אחראי: יאנאש

אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

אנטי-חינוך גיידליינס אפשטימונג אפגעשיבט

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

ניו יארק – נעכטן האט דער ניו יארק סטעיט "באורד אוו רידזשענטס" ארויסגעשטעלט זייער סקעדזשועל און אגענדע פאר'ן מאנאטליכן זיצונג וואס גייט פארקומען די וואך, און מיט גרויס פרייד האט מען אויפגענומען די נייעס אז די פארגעשלאגענע אנטי-חינוך גיידליינס ליגט נישט אויף דער אגענדע. עסקנים און פארמישטע אקטיוויסטן פון די היימישע מוסדות האבן געזאגט, אז דאס אפשיבן די אפשטימונג אויף די גיידליינס, איז ווארשיינליך א רעזולטאט פון די מאסיווע בריוו און קאמענטארן קאמפיין, וואס דאס ברענגט אז דער באורד זאל איינזען אז זי קען נישט סתם אזוי גרינגשעצן די מיינונג פון אזויפיל מענטשן, און זי מוז זיך דערמיט רעכענען.


טעגליכער דער איד
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
רצון טוב
שר האלפיים
תגובות: 2288
זיך איינגעשריבן אום: מיטוואך מארטש 02, 2016 3:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך רצון טוב »

ggg האט געשריבן:
רצון טוב האט געשריבן:בריוו פינעם ועד הרוחני פון בני יואל
image.png

די בריוו איז א פאלטשע בריוו.
סאיז בכלל נישט דא אזא לעדער העדט און בנ"י
די הנהלה האט ארויס געבען א צעטיל דערוועגן.


אינעם אויסגאבע 'דער אוצר' איז דא א לענגערע אפהאנדלונג מאחד הרבנים איבער די גאנצע חינוך טעמע, זייער קלאר און באלערנד.
סאטמארע ווארטזאגער
שר מאה
תגובות: 215
זיך איינגעשריבן אום: דאנערשטאג יוני 04, 2015 3:08 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סאטמארע ווארטזאגער »

חיים דוד צוויבעל אין א אינטערוויו אויף קול מבשר אפאר וואכן צוריק האט שוין געזאגט אז ווארשיינליך וועלן זיי עס אפשטופן
זאג נאר, ווער האטעך געשטעלט פאר ווארטזאגער???
נעכטן
שר האלפיים
תגובות: 2867
זיך איינגעשריבן אום: מאנטאג אוגוסט 10, 2015 5:30 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך נעכטן »

געשריבן דורך: נעכטן
קונדיטון
שר חמישים ומאתים
תגובות: 367
זיך איינגעשריבן אום: מיטוואך נאוועמבער 30, 2016 1:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קונדיטון »

נעכטן האט געשריבן:https://www.nytimes.com/2019/12/18/nyregion/yeshivas-education-report-new-york.html?action=click&module=News&pgtype=Homepage

Why New York’s Inquiry Into Yeshivas Mysteriously Stalled
Mayor Bill de Blasio engaged in “political horse trading,” holding back a report on the ultra-Orthodox schools, investigators found.

A lawsuit charged that some yeshivas fail to teach English and secular subjects adequately.
A lawsuit charged that some yeshivas fail to teach English and secular subjects adequately.Credit...Hiroko Masuike/The New York Times
Eliza ShapiroJeffery C. Mays
By Eliza Shapiro and Jeffery C. Mays
Published Dec. 18, 2019
Updated Dec. 19, 2019, 8:45 a.m. ET

Over four years ago, Mayor Bill de Blasio’s administration began a high-profile investigation into whether thousands of children in some ultra-Orthodox Jewish yeshivas were receiving basic secular education, including lessons on how to read and write in English.

But then, the release of a report on the investigation mysteriously stalled. On Wednesday, city investigators revealed a major reason for the delay: “political horse-trading” by City Hall.

The long-anticipated report by the Department of Investigation and the Special Commissioner of Investigation for the New York City School District found that while Mr. de Blasio’s administration did not violate the law, it did interfere with its own education department’s probe into the yeshivas.

The findings are sure to raise fresh scrutiny over the de Blasio administration’s ethics. Federal and state inquiries were conducted into his fund-raising practices during his first term, eventually clearing him, and an internal city investigation that ended last year found that the mayor and his team solicited donations for his political nonprofit from individuals and companies with business before the city.

And Mr. de Blasio’s strong relationship with the ultra-Orthodox Jewish community he represented as a city councilman from Brooklyn has sometimes landed the mayor in trouble.

Still, investigators found that the interference in the yeshiva review did not have a significant impact on the Department of Education’s report itself, but only on the timing of its release.

The full report about academics at yeshivas still has not been released — an incomplete version came out in 2018 — but officials said it would probably be made public this week following Wednesday’s revelations.

Freddi Goldstein, the mayor’s press secretary, defended Mr. de Blasio in a statement.

“There’s no ‘there’ there, as evidenced by the finding of no wrongdoing. The Department of Investigation and the Special Commissioner of Investigation made clear there were no findings ready for release in 2017,” she said. “In fact, the D.O.I. report accurately identifies why this process has taken so long, including ever-changing state regulations and the difficulty of gaining access to some schools.”

Sam Goldstein, a spokesman for Parents for Educational and Religious Liberty in Schools, a group that has defended yeshivas, declined to comment.

Do Children Get a Subpar Education in Yeshivas? New York Says It Will Finally Find OutDec. 3, 2018
City investigators focused on the summer of 2017, when Mr. de Blasio was running for a second term and was facing a threat in the State Capitol that he believed could unravel his entire education agenda.

For the third time in his first term, Mr. de Blasio fretted as state legislators debated whether to extend his oversight of the nation’s largest public school system, under a governance structure known as mayoral control. A lengthy extension was the mayor’s top priority in Albany that year.

Shortly before the final vote during a tense special session on mayoral control that June, the mayor’s office struck a deal. They would delay an interim report about the yeshivas to appease state lawmakers who were deliberating on mayoral control. Some state politicians were facing pressure from their Orthodox Jewish constituents who considered the probe an attack on religious liberty and the broader Hasidic community.

“Only in de Blasio’s New York could the future of mayoral control of public schools depend on an investigation into private yeshivas,” said Menashe Shapiro, a political consultant.

When the report into the yeshivas eventually came out a year later, it was incomplete: Education officials had only visited about half of the schools, in part because officials said that some yeshivas did not permit them to enter. Though representatives for the schools denied that allegation, it was backed up by Wednesday’s D.O.I report.

Mr. de Blasio was made aware of the deal and spoke to at least one state senator along with members of the Orthodox community “about their broader concerns regarding oversight of yeshivas and how those concerns related to the extension of mayoral control,” the report found.

It’s not the first time Mr. de Blasio has faced questions about whether his close ties to the Orthodox community have affected his handling of public health and education issues.

Critics said he moved too slowly to declare a public health emergency that would have required vaccinations after a measles outbreak spread through Hasidic neighborhoods in Brooklyn.

In 2015, the mayor eased rules on a circumcision ritual that was infecting some Hasidic babies with herpes, though he eventually changed course. The mayor also signed legislation to funnel $20 million to security at private and parochial schools, including yeshivas, prompting an outcry that public schools were being shortchanged.

Rabbi David Niederman, the executive director and president of the United Jewish Organizations of Williamsburg — and an ally of Mr. de Blasio’s whom the mayor referred to last week as “someone I have known for decades and respect highly” — has called criticism of secular education at yeshivas “a smear campaign against our community and what it stands for.”

Investigators found that the agreement over yeshivas and mayoral control was far from the only cause for the long delay in releasing the report on the yeshivas.

Attorneys for the yeshivas themselves sometimes did not turn over information about their curriculum requested by the city. But the review also dragged on because of the “accommodating approach taken by the [Department of Education] to that conflict,” the report found.

By the time the deal on mayoral control was struck — two years into the probe — city officials had only visited six yeshivas. The city has now visited all 28 schools it vowed to investigate.

The issue of secular studies in yeshivas was thrust into the spotlight following a 2015 legal complaint filed by yeshiva graduates who said they had not learned enough English or secular subjects.

An advocacy group called Young Advocates for Fair Education charged that Hasidic boys are being trapped in a cycle of poverty. Without a firm grasp on English, it is extremely difficult for Hasidic Jews to find work outside their low-income neighborhoods, where the predominant spoken language is Yiddish.

The quality and quantity of secular education varies widely across different types of yeshivas. Advocates for more secular education in yeshivas say some Modern Orthodox schools, which split the day between religious and secular studies, could be a model.

Naftuli Moster, the executive director of Young Advocates for Fair Education, called Wednesday’s report “a disgrace.”

The investigation, he said, demonstrates that “the city is willing to trade away the education of tens of thousands of students for power and political influence. These findings also raise concerns as to whether the city will provide an accurate assessment of what is happening inside yeshiva schools when it finally releases its report.”

But Simcha Eichenstein, a Brooklyn assemblyman who formerly worked for Mr. de Blasio’s legislative affairs team in Albany and represents the Hasidic community, highlighted the finding that no laws were violated. “Nothing newsworthy here,” he said.

משהלע
שר שלשת אלפים
תגובות: 3050
זיך איינגעשריבן אום: זונטאג יולי 02, 2017 2:01 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהלע »

אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

פאזיטיווע אנטוויקלונג אין קאמף פאר חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »


ניו יארק – א שטארק פאזיטיווע אנטוויקלונג איז אנטשטאנען אינעם קאמף פאר'ן ערליכן חינוך אין ניו יארק, ווען עס איז פובליצירט געווארן א בריוו פון צוויי וואכן צוריק, אין וועלכע עס ווערט רעקאמענדירט דורך א באאמטן פון די ניו יארק סטעיט עדזשוקעישאן דעפארטמענט, אז דער "באורד אוו רידזשענטס" זאל שטימען דערווייל נאכנישט צו באשטעטיגן די אנטי-חינוך גיידליינס פאר מוסדות התורה. די רעקאמענדאציע איז געמאכט געווארן אין בעפארברייטונג צום באורד זיצונג מארגן מאנטאג וואו די גיידליינס וועלן דיסקוסירט ווערן, און עס ווערט רעקאמענדירט אז אנשטאט צו באשטעטיגן שוין יעצט די גיידליינס, זאל מען ארויסגיין און הערן פון די מוסדות התורה און די עלטערן פון די צענדליגער טויזנטער קינדער. א באזונדערע פונקט וואס שיינט ארויס פונעם בריוו איז דער שטארקער כח הרבים, ווען דער באאמטער שרייבט אז ער מאכט זיין רעקאמענדאציע צוליב די פרעצעדענטלאזע צאל פון בריוון, וואס ווי באקאנט האבן זיי - א דאנק די בארימטע פערל'ס ארגאניזאציע - באקומען צוגעשיקט 140,000 בריוון פון היימישן ציבור אויסצודרוקן קעגנערשאפט צו די גיידליינס. עסקנים זאגן אבער אז ס'איז ווייט פון דער ענדע און מ'דארף נאך אסאך תפילות אז די גזירה זאל גענצליך בטל ווערן.


טעגליכער דער איד א' יתרו י"ד שבט תש"פ - DER YID DAILY 2/9/2020‎
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

פון דא

ווי דער עולם זעהט און הערט איז ב"ה געקומען די פרייליכע נייעס ערב שבת נישט לאנג בעפאר די זמן, אז די באאמטע וועלן זיך זעצן פריש איבערקוקן די גאנצע פלאן איבער די רעגולאציעס אויף פריוואטע שולעס וואס נעמט אויך אריין אידישע ישיבות און חדרים.

ווי פאסיג און געשמאק איז צו באקומען אזא גוטע בשורה, טאקע אין די וואך וואס די תורה דערציילט אונז פון די גרויסע ישועה וואס אונזער אור עלטערן האבן געהאט ווען מען איז ארויס פון מצרים. וויאזוי דער גרויסער באשעפער האט אלס געטאן פאר אידן ניסים און חסדים בטבע און שלא בדרך הטבע.

בעפאר מען ברענגט ארויס די גוטע טייל פון די נייעס – און עס איז ב"ה זייער גוטע נייעס - דארף מען אבער דערמאנען דער "אבער", אז דאס מיינט נישט אז אצינד איז אלעס פארטיג. מען דארף ווייטער מתפלל זיין און האפן צום אויבערשטן אויפ'ן בעסטן, און לאמיר טאקע פארשטיין וואס דא האט פאסירט, און וואס דאס מיינט אויפ'ן צוקונפט, און פארוואס מען דארף ווייטער אסאך תפילה.

לאמיר אביסל איבערגיין.

מען רעדט דא פון די רעגולאציע פון ניו יארק וואס פארלאנגט אז די פריוואטע שולעס דארפן זיין "סובסטענטשעלי עקוויוועלענט" צו – להבדיל – די פובליק שולעס.

דאס מיינט, אז די געזעץ פארלאנגט – דאס איז שוין פון לאנג – אז אזוי ווי עלטערן זענען מחויב צו שיקן די קינדער אין א שולע צו באקומען א חינוך אין סעקולערע ענינים אז זיי זאלן זיין "גרייט" צו קענען לעבן אויף די וועלט, און נישט אלע עלטערן ווילן שיקן אין די פובליק שולעס, נאר ענדערש אין א פריוואטע שולע פאר סיי וועלכע סיבה, דארף אבער די פריוואטע שולע וואו מען וויל שיקן, זיין אזא סארט שולע וואס שטעלט צו "מער ווייניגער" דאס וואס די פובליק שולעס שטעלן צו.

און דאס איז פארשטענדליך פון זייער קוק ווינקל. זיי האבן א געוויסע מהלך וויאזוי זיי האלטן אז א קינד דארף ווערן ערצויגן, און אן דעם קען מען נישט זיין "א מענטש צווישן מענטשן" און וואס זיי האלטן איז ריכטיג ווערט צוגעשטעלט אין די פובליק שולעס, און אויב ווילסטו דארט נישט שיקן איז עס דיין רעכט, אבער דאס מיינט נישט אז דו דארפסט נישט צושטעלן דאס וואס אונז האלטן איז "ריכטיגע חינוך".

דאס צושטעלן די "ריכטיגע חינוך" איז א געזעץ, און אויב שטעלט מען דאס נישט צו איז דאס זייער ווייט פון א שפיל. אזעלכע עלטערן ווערן פאררעכנט אלס "פארנאכלעסיגט" – טשיילד אביוז – און דאס קומט מיט ביטערע קאנסעקווענצן ח"ו. נישט אלס אויפ'ן ארט, אבער דאס איז א קרימינאלע אקט. דאס האט אסאך קאנסעקווענצן ווען עס קומט א ביישפיל צו רעגירונגס בענעפיטן, סאציאלע הילפס פראגראמען וכדו'.

אויך שטעלט עס אריין די מענטש אין זיינע קינדער אין א מצב אז ער ווערט פאררעכנט אלס איינער וואס איז א "טשיילד אביוזער". דאס קען זייער אסאך ערטער אויסקלאפן.

א ביישפיל אויב חלילה א קינד דארף אנקומען אין שפיטאל פאר סיי וועלכע סיבה, אפילו א קלייניגקייט – מען זאל נישט הערן – ווי א צובראכענע האנט, א ברי, סיי וועלכע פרעסידזשער חלילה וכדו', און אין די פייל פון די עלטערן – וואס ווערט אויטאמאטיש באטראכט ווען א קינד קומט אין שפיטאל - איז אריינגעשריבן אז די עלטערן זענען "טשיילד אביוזערס".

אדער ח"ו אין פאל פון א גט מען זאל נישט וויסן וכדו' ווען די רעגירונג קען אריינקוקן וואס טוט זיך מיט די קינדער.

אויב חלילה מען ווערט פארפלאנטערט מיט'ן געזעץ אין סיי וועלכע זאך אפילו פאר א קלייניגקייט, און די רעגירונג הייבט אן אריינצוקוקן "אין אלעם" – אזוי ווי עס איז די שטייגער אין אזא פאל -.

און אזוי זענען דא נאך אסאך ביישפילן.

אלענפאלס, דארף מען שיקן אין אזא שולע וואס איז ווי געזאגט "מער ווייניגער" אזוי ווי אין די פובליק שולן.

די גרויסע פראגע איז נאר, וואס הייסט "מער ווייניגער"? וויאזוי מעסט מען דאס? איז דאס בכמות אדער באיכות אדער ביידע? אזוי אויך, "מער ווייניגער" מיינט דאך אז עס מוז נישט זיין "ממש אייניג", איז מיט וויפיל אנדערש מעג עס זיין? וואס הייסט שוין "נישט אייניג"? אא"וו אלע די סארט פראגעס.

די פארגעשלאגענע רעגולאציעס – וואס מען האט אצינד באשלאסן איבערצומאכן ב"ה – זענען סך הכל געווען רעגולאציעס "פארשטיין צו געבן" און "צו ענטפערן" די דערמאנטע פראגעס.

עס האט ארויסגעשריבן פונקטליך וואס מיינט "מער ווייניגער", וואס דארף מען אלס צושטעלן, אז מען זאל זיין פאררעכנט ווי א שולע וואס איז "סובסטענטשעלי עקוויוועלענט" צו – להבדיל – די פובליק שולעס.

אלזא, דאס איז בעצם באזונדער פון די קלאגע וואס די מוסרים האבן אריינגעגעבן קעגן די ישיבות.

עס איז אמת אז די נייע רעגולאציעס איז ארויסגעשטעלט געווארן א דאנק די מסירות, זיי האבן אויפגערייצט די רעגירונג אז זיי זאלן קומען און "ענטפערן" אויף די אלע פראגעס. אבער בעצם די "פארלאנג פאר סובסטענטשעלי עקוויוועלענט" איז עפעס פון פריער, און דאס איז ווייטער אין קראפט.

אצינד, סיי צו די נייע רעגולאציעס וואלטן חלילה אריין אין קראפט, אדער ווערן איבערגעמאכט, מיינט נישט אז די רעגירונג האט זיך אצינד אפגעלאזט פון די ישיבות, און "אלעס איז צוריק צום אלטן", ווייל די פארלאנג פאר "סובסטענטשעלי עקוויוועלענט" צו – להבדיל – די פובליק שולעס איז ווייטער דא, און ליידער האבן די מוסרים דאס "ארויפגעברענגט" און געזען דערצו אז די רעגירונג זאל מוזן דאס "פארשטיין געבן".

אלזא וואס איז אויב אזוי די שמחה?

איז די ענטפער אז די שמחה איז זייער גרויס ב"ה. ווייל די רעגולאציעס וואס זיי האבן געהאט אנגעטראגן, ארויסגעשטעלט, זענען געווען אזעלכע רעגולאציעס וואס די ישיבות האבן בשום אופן נישט געקענט – געוואלט, געמעגט – אננעמען. וואס די רעגירונג האט געוואלט פארלאנגען איז געווען גאר ווייט פון וואס די ישיבות וואלטן געקענט איינגיין.

און דאס מיינט אז אויב חלילה די רעגולאציעס וואלטן אריין אין קראפט, וואלט געווען א ביטערע גזירה געגן די גאנצע ערליכן חינוך אין ניו יארק. נישט נאר א "פאטענציעלע גזירה" – אזוי ווי עס איז געווען די גאנצע צייט ביז יעצט - נאר א אקטיווע גזירה ח"ו. עפעס וואס מען וואלט ווארשיינליך געברויכט גיין אין געריכט אריין זיך שלאגן.

באזונדער וואס איינמאל א גזירה איז אין קראפט איז שוין פיל שווערער צוריקצודרייען, טוישן א פאקט איז טויזענט מאל שווערער ווי צוריקהאלטן אז די פאקט זאל נישט פאסירן. באזונדער וואס איינמאל א גזירה איז אין קראפט חלילה, טוישט זיך די הלכה וויאזוי מען דארף צוגיין דערצו, וויאזוי און וואס מען קען פארהאנדלען אא"וו, דעריבער איידער מען האט א גזירה איז אלס פיל גרינגער פון אלע זייטן. גרינגער בגשמיות, גרינגער ברוחניות, גרינגער אין פראקטיק און גרינגער להלכה.

דאס איז פונקט נומער איינס. די שאנס אז די שענדליכע רעגולאציעס זאלן אריינגיין אין קראפט – דאס הייסט אז עס זאל ווערן א גזירה - איז געווען הויעך און א שרעקעדיגע מעגליכקייט, און אצינד אז עס איז אפגעשטופט איז די שמחה גרויס.

אבער ווי געזאגט, דאס מיינט נישט אז די עצם פראבלעם איז אוועקגעגאנגען, ווייל די מסירות זענען ווייטער דא, די פארלאנג פון "סובסטענטשעלי עקוויוועלענטסי" איז ווייטער דא, נאר אצינד איז דא א געלעגנהייט, אז ווען די רעגירונג וועט ארויסגעבן די פרישע רעגולאציעס אין די צוקונפט – אויב זיי וועלן ארויסגעבן - וועט עס האפנטליך מיט'ן אויבערשטנס הילף זיין סענסיטיוו צו די פארלאנגען און געברויכן פון די ישיבות.

און דאס איז פארשטייט זיך זייער זייער און קריטיש וויכטיג.

ווייל די ישיבות זאגן אז דאס וואס זיי געבן חינוך פאר די קינדער איז גוט. אויסער דעם, די פאקט איז אז אין די פובליק שולעס אין ניו יארק איז די מצב החינוך זייער נישט פויגלדיג, און אפגעזען "וויאזוי" אונז זענען מחנך אונזערע קינדער בכמות און באיכות אויסגעהאלטן ע"פ תורה והמסורה, איז די פאקט אז אונזערע קינדער קומען ארויס פון דעם סיסטעם רעלאטיוו גוט, און טרעפן גוטע פרנסות וכדו'. זיכער רעלאטיוו צו די דורכשניטליכע קינד וואס קומט ארויס פן די פובליק שולע סיסטעם אין ניו יארק.

דאס מיינט אז אפילו מען זאל פארלאנגען אז די ישיבות דארפן זיין "סובסטענטשעלי עקוויוועלענט" צו – להבדיל – די פובליק שולעס, איז איבריג און נאריש צו מאכן נייע רעגולאציעס און פארלאנגען זאכן וואס אפילו די פובליק שולעס קומען פאקטיש נישט נאך למעשה. עפעס וואס די פארגעשלאגענע רעגולאציעס האבן געטאן.

און בעיקר, אז אויב האלטן זיי אז די ישיבת דארפן זיך עפעס פארבעסערן, קענען זיי דאס אויסשמועסן מיט די ישיבות אויף א נארמאלע אופן, מען דארף נישט מאכן קיין נייע רעגולאציעס מיט פרישע "גייד-ליינס", מען דארף נישט מאכן קיין גזירות און מלחמות און פארלאנגען זאכן וואס די ישיבות ווילן נישט און קענען סיי ווי נישט נאכגעבן.

מען קען זיך אראפזעצן, און די ישיבות קענען ווייזן פארוואס זיי האלטן אז די חינוך וואס זיי געבן איז גוט און גענוג, אן דעם וואס די רעגירונג מישט זיך אריין. און אויב רעדט מען פון זאכן וואס זענען אין איינקלאנג מיט דאס וואס די ישיבות קענען טאן, זאכן וואס זענען אויסגעהאלטן ע"פ תורה והמסורה, זענען די ישיבות אלס גרייט אויף דעם סיי ווי. פונקט ווי די ישיבות געבן שוין איצט אויך א סעקולערע חינוך וואס זיי האלטן איז אויסגעהאלטן. א סיסטעם וואס אונזערע פריערדיגע גדולים וצדיקים האבן אראפגעשטעלט.

--

דא דארף ארויסגעברענגט ווערן נאך א פאקט איבער די גרויסע שמחה.

די רעגולאציעס זענען געשריבן געווען דורך די אלטע קאמישאנער. זי איז ב"ה שוין נישט אין דינסט. עס איז געווען זייער שווער מיט איר צו רעדן, אז זי זאל פארשטיין וואס די ישיבות ווילן און וויאזוי איר "קאפ אין וואנט" צוגאנג צו די זאך וועט סיי ווי נישט מצליח זיין, אז אין די ענדע וועט עס אנקומען אין געריכט און פארטיג. אז אונז גייען נישט נאכגעבן עפעס וואס אונז מעגן נישט.

זי האט אפילו פרובירט איינצושטעלן די רעגולאציעס אליינס אויף ד אייגענע האנט, אן נאכקומען די פארלאנגען וואס די געזעץ פארלאנגט ווען מען וויל מאכן די סארט רעגולאציעס. און אויף דעם איז מען שוין געגאנגען אין געריכט און ב"ה געווינען. דאס הייסט אז די געריכט האט געזאגט אז מען דארף נאכקומען די פארשריפטן פון מאכן אזעלכע רעגולאציעס, און דאס נעמט אריין טאקע א צייט אפשניט ווען די באטראפענע קענען אריינשיקן "קאמענטארן" איבער די נייע רעגולאציעס אא"וו.

דאס נעמט אויך אריין אז די גאנצע באורד דארף שטימען אויף די נייע רעגולאציעס און די קאמישאנער אליינס קען דאס נישט אליינס אריינשטעלן. און דאס האט געגעבן די געלעגנהייט פאר די עסקנים צו זיצן מיט די מיטגלידער פון די באורד - וויפיל עס איז געווען מעגליך - און זיי פארשטיין געבן דאס ענין. פארשטיין געבן "אונזער זייט פון די מעשה", וויאזוי אונז זעהן אונזער חינוך סיסטעם. וויאזוי אונז פארשטייען אז אונזער חינוך איז גענוג און גוט, און וויאזוי אונז וועלן סיי ווי קיינמאל נישט נאכגעבן די פארלאנגען אין די פארגעשלאגענע רעגולאציעס, און דעריבער אויב "מיינען זיי ערנסט" די חינוך פון די קינדער, זאלן זיי נישט אריינלייגן די פארגעשלאגענע רעגולאציעס אין קראפט.

דעריבער איז בכלל אז אונז האבן געהאט די מעגליכקייט אז מען זאל קענען שיקן די פעטיציעס די קאמענטס, אז מען זאל קענען זיצן מיט די באורד מיטגלידער אראפלייגן אונזערע פאקטן, איז אויך שוין געווען בחסדי השם נאכן גיין איינמאל אין געריכט.

און אצינד זעהט מען טאקע ווי וויכטיג עס איז געווען דאס גיין אין געריכט דעמאלט, צו פועל'ן אז מען זאל קענען האבן א געלעגנהייט פאר קאמענטס און די אלע מיטינגען. און מען זעהט אז די שווערע געלטער וואס מען האט אויסגעגעבן דעמאלט פארן געריכט, און די שווערע געלטער צו ערמעגליכן דאס זיצן מיט די מיטגלידער אז זיי זאלן אונז טאקע אויסהערן און ווילן פארשטיין, וואס נעמט אריין גאר אסאך השתדלות פון דרויסנדיגע לאבי פירמעס.

יעצט זעהט מען ווי וויכטיג עס זענען געווען די קאמענטארן, און ווי וויכטיג עס איז געווען זיי זאלן אונז אויסהערן און פארשטיין. און חסדי השם אז די אלע זאכן האבן גע'פועל'ט אז זיי האבן איינגעזען און פארשטאנען אז ווייטער גיין מיט די פארגעשלאגענע רעגולאציעס איז נישט קיין מהלך.

דאס איז איינס.

אבער עס איז נאך טיפער די חסד השם.

אמת אז מען איז געזעצן מיט זיי, אמת אז מען האט געשיקט די אלע קאמענטארן, אבער דאס האט נישט געמיינט אז זיי "מוזן" זיך רעכענען מיט אונז בכלל.

זיי וואלטן געקענט ווייטער גיין זייער וועג און אריינשטעלן די רעגולאציעס. גארנישט האט זיי נישט פאקטיש אפגעהאלטן פון דעם.

אבער אפילו לאמיר זאגן אז זיי האבן נישט געוואלט גיין אזוי טיף און שטרענג. למעשה איז געקומען אזויפיל קאמענטארן, און למעשה איז מען געזעצן מיט א שיינע טייל פון די באורד און זיי האבן זייער גוט פארשטאנען אונזערע טענות.

אבער דאס מיינט נישט אז זיי וואלטן געמוזט נעמען די שריט וואס זיי האבן למעשה גענומען וואס איז ב"ה א גרויסע טובה.

פון איין זייט זענען זיי נישט קיין ערוועלטע מענטשן. דאס מיינט אז אלגעמיינע "דרוק" וואס מען מאכט אויף רעגירונגס באאמטע האט דא נישט געהאט קיין פלאץ און קיין ווערט. זיי האבן נישט מורא פון קיין וואלן – זיי ווערן געשטעלט אן קיין וואלן – זיי האבן נישט מורא פון קיין פראטעסטן וכדו', און דארפן זיך אין פאקט גארנישט רעכענען מיט די פארלאנגען פון די באטראפענע אויב ווילן זיי דוקא נישט. יא, אפיציעל דארפן זיי "אויסהערן" וואס מען זאגט, אבער קענען זייער רואיג זאגן "אונז האבן געהערט און אונז מאכן די באשלוס וואס אונז מאכן טראץ דעם", און עס וואלט נישט געווען גארנישט צו טאן קעגן זיי אויסער זיך שלאגן אין געריכט וואו מען דארף באזונדערע חסד השם אז מען זאל געווינען אפילו טיילווייז.

אבער פון די צווייטע זייט, טאקע ווייל זיי זענען נישט קיינע פאליטיקאנטן זענען זיי אין א געוויסע זין "נארמאלע לויטע".... אין א געוויסע זין איינער וואס שטעלט זיך ארויס אין א "פארמעסט" צו לויפן פאר א פאליטישע פאזיציע איז א געוויסע סארט עלעמענט. אזא איינער דארף זיין גרייט אויסשטיין אטאקעס פון די קעגנער, דארף קענען אראפשלינגען א פארלוסט, דארף זיין איינער וואס איז גרייט צו זיין אין די אויגן און אין די מויל פון מיליאנען מענטשן – ווען מען רעדט פון א שטאט ווי ניו יארק – אא"וו.

די פון די באורד, ווייל זיי זענען דוקא נישט ערוועלט, און ווערן אויפגענומען איינפאך פאר זייער עקספערטיז אין די ענינים, זענען זיי צומאל מער צוגעלאזענע מענטשן, מענטשן מיט פארשטאנד מענטשן וואס מען קען רופן "מער ערנסטע מענטשן". כאטש עס איז פונקט אזוי דא דארטן פארקערט גאר הארטע צווישן זיי וואס וואלטן אין וואלן טאקע נישט געקענט געווינען ווייל זיי זענען הארטע און שווערע לייט. אבער כאטש טייל פון זיי זענען פארשטענדליכע מענטשן, אפשר "שטרענג" און "גראדע" סארט מענטשן ,אבער וואס זענען גרייט צו הערן א ארגומענט, מענטשן וואס מיינען רעלאטיוו ערנסט זייער ארבעט אא"וו.

דאס מיינט אבער אויך אז זיי זענען פיל סענסיטיווער ווי פאליטיקאנטן, זיי זענען נישט צוגעוואוינט צו דרוק. גיין קעגן זיי "שטרענג", נישט נאר וואס עס העלפט נישט – ווי פריער ארויסגעברענגט ווייל זיי זענען "קיינעם גארנישט שולדיג" – עס קען נאך מער שאדן מאכן, ווייל זיי זענען נישט קיינע פאליטיקאנטן וואס זענען צוגעוואוינט צו "כאפן" און קענען צומאל באשליסן נקמה צו נעמען פאר די סארט זאכן.

אלזא, עס איז זייער זייער האקל ווען מען האנדלט מיט זיי. מען דארף צוגיין זייער באלאנסירט און סענסיטיוו. נישט זיי אויפצורעגן, אבער אין די זעלבע צייט "אויסנוצן" זייערע נארמאלקייטן אויף צו קענען עפעס פועלן.

דעריבער אפילו לאמיר זאגן אז פון די אלע קאמענטארן און מיטינגען וואלט מען געהאט אויפגעטאן אזויפיל אז זיי וואלטן פארשטאנען אז די רעגולאציעס - אזוי ווי עס איז געווען פארגעשלאגן - איז נישט קיין מהלך. אבער דאן וואלטן זיי געהאט די אפציע און פולע מעגליכקייט, צו סך הכל טוישן געוויסע קלייניגקייטן, און אזוי באשטעטיגן די רעגולאציעס.

דאן וואלט מעגליך די פראבלעם געווען פון איין זייט קלענער, ווייל זיי וואלטן ווארשיינליך ארויסגענומען געוויסע זאכן וואס שטערט פאר די ישיבות, אבער וואלט געקענט זיין פון די אנדערע זייט ערגער. זיי וואלטן דארטן געקענט לאזן אנדערע זאכן וואס שטערט, און וואלטן נאך געווען "גוטע" פארן עפעס נאכגעבן.

אצינד איז דאס פונקט נומער צוויי פון די חסד השם.

זיי האבן באשלאסן אינגאנצן ארויסווארפן די יעצטיגע פארשלאג, און זיך זעצן מיט די ישיבות הערן וואס אונז פארלאנגען, און ערשט נאכדעם, לויט די פארלאנגען באשליסן וואס זיי וועלן טאן.

דאס מיינט אז אנשטאט וואס עס איז דא א געבויטע געביידע פון 50 שטאק, און אונז שרייען געוואלד די געביידע טויג נישט פאר אונז, זאלן קומען די באאמטע און זאגן "גוט איך וועל אראפנעמען עטליכע שטאק", אנשטאט דעם האט די באורד געזאגט "לאמיר אינגאנצן צואווארפן די געביידע, און לאמיר זעהן צו מיר דארפן בויען א געביידע בכלל, און אפילו אויב יא, לאמיר בויען די געביידע אינאיינעם צו מאכן זיכער אז עס שטערט קיינעם נישט".

נאכאמאל, דאס מיינט נישט אז זיי וועלן נישט בויען אצינד קיין געביידע בכלל – דאס הייסט נישט מאכן אינגאנצן קיין רעגולאציעס - די דרוק אויף זיי פון די אלע מסירות איז זייער שטארק. און עס מיינט אויך נישט אז אויב זיי וועלן יא בויען די נייע געביידע - מאכן נייע רעגולאציעס - וועט עס נישט ענטהאלטן גארנישט וואס קען שטערן די ישיבות ח"ו, אבער די מעגליכקייט איז דא אז זיי וועלן אפלאזן די זאך אינגאנצן, און אפילו נישט, אז זיי וועלן נישט אריינשטעלן עפעס וואס זאל אונז שטערן.

אין קורצן, די "געווינס" איז א טאפלטע, אז זיי האבן נישט באשטעטיגט די יעצטיגע פארשלאג, און אז זיי האבן אבער אין די זעלבע צייט אויך נישט סך הכל געמאכט געוויסע טוישונגען און אזוי באשטעטיגט, נאר זיי האבן באשלאסן אנצוהייבן פון אנהייב און זיך רעכענען מיט די באטראפענע אויפ'ן גאנצן וועג.

--

אויף צו ענדיגן די ארטיקל, נאך איין נקודה.

פון די הצלחה ב"ה בחסד השם, דארף מען ארויסנעמען אז ווען די עסקנים בעטן דעם ציבור הילף זאל מען ווייטער שטיין צו די האנט גערן און בשמחה. די אלע פעולת ווי די קאמענטארן און די לאביאינג, די לויערס און געריכט קלאגעס, די אלע זאכן קאסטן שווערע הונדערטער טויזנטער דאלארן, און דאס גייט שוין אן עטליכע יאר, וואס דאס מיינט אז מען רעדט פון מיליאנען וואס די זאכן האבן שוין אפגעקאסט און קאסטן ווייטער אפ.

אבער ספעציפיש טאקע די קאמענטארן. דאס איז עפעס וואס האט נישט געקאסט פארן ציבור קיין געלט, נאר אביסל צייט. פארן די עסקנים האט עס יא געקאסט שווערע געלטער. דאס אויפשטעלן די סיסטעם, אויסארבעטן וואס און וויאזוי מען גייט צו דערצו אא"וו. אבער פארן ציבור איז דאס געווען נאר א "צייט" זאך, אויסער די געלטער וואס די ציבור האט צוגעשטעלט.

און מען זעהט ווי די קאמענטארן האט אזויפיל אויפגעטאן אויסער די אלע אנדערע פעולות. וויאזוי דאס איז וואס זיי שרייבן אין די דאקומענטן. און באמת עס איז פארשטענדליך פארוואס זיי שרייבן דאס, און דאס גיט טאקע צו פארשטיין פארוואס דאס איז געווען אזוי וויכטיג.

די פאקט איז געווען אז די מוסרים רעדן אלס אז זיי זאגן "בשם דעם גאנצן ציבור". דאס אליינס איז א גרויסע חוצפה און רשעות זינט די פאקט איז אז 99.999 פראצענט – און ווארשיינליך מער פון דעם - פון ציבור וויל נישט אז זיי זאלן רעדן אין זייער נאמען. איז עס דעריבער א חוצפה און א אוממענטשליכקייט פון זיי דאס צו טאן, עפעס וואס איז כלומר'שט וואס די אזויגערופענע "בעסערע לויטע" זענען שטארק דערקעגן.

אבער זייער היפאקריטישקייט אין די זייט געלייגט.

דאס אז די רעגירונג הערט פון זיי אז "זיי רעדן בשם דעם ציבור" מאכט דאך אז אפילו די רעגירונג זאל זיך רעכענען מיט'ן ציבור און נישט ווילן גיין אין א קריג מיט'ן ציבור – צו ערוועלטע וואס פארכטן זיך פארן בענקל, אדער די נישט ערוועלטע וואס ווילן אבער זיין "מענטשליך" – אבער אז "דאס וויל דער ציבור" דארפן זיי דאך דאס נאכקומען.

אבער אז 140,000 מענטשן קומען ארויס און זאגן "ניין"! זיי פארטרעטן אונז נישט! אונז זענען צופרידן פון דעם חינוך! אונז ווילן נישט אז די רעגירונג זאל אריינקומען אדער אפילו נאר אריינרעדן אין אונזער חינוך, איז דאס אוועקגעקלאפט זייער גאנצע טענה!

אצינד אז די רעגירונג וויל זיך רעכענען מיט'ן ציבור ווייסן זיי וואס די ציבור וויל – בעסער געזאגט וואס דער ציבור וויל נישט - און אז די מוסרים ווילן לייגן דרוק, האט די רעגירונג די ריכטיגע כלים זיך קעגנצושטעלן, ווייל "אזויפיל מענטשן ווילן דאס נישט, און מיר דארפן זיך רעכענען מיט זיי".

אלזא, ווי געזאגט. מען דארף שטיין צו די האנט פון די עסקנים, ארויסהעלפן בגוף ובממון. כאטש נישט אלס פארשטייט מען פונקטליך וואס זיי ווילן, וואס זי טיען וויאזוי די געוויסע זאך וועט ארויסהעלפן, און ווי געזאגט אסאך מאל קען מען נישט פארציילן וואס מען טוט אלס ווי פארשטענדליך.

און די עיקר, לויבן דעם אויבערשטן פאר זיינע חסדים, ווייטער מתפלל זיין אויפ'ן צוקונפט און געדענקען אז אפילו עס איז "היינטיגע צייטן" און עס איז אזוי שווער עפעס צו פועלן וואס האט צוטאן מיט ערליכקייט, מיט מאראל, מיט אידישקייט איבערהויפט אין אזא ליבעראלע שטאט ווי ניו יארק, דאך, אז מען מיינט אמת'דיג העלפט דער אויבערשטער, און אז מען האט סיעתא דשמיא קומט מען אן, און מען וועט אי"ה ווייטער אנקומען, אז ותטה לב המלכות עלינו לטובה ותגזור עלינו גזירות טובות ביז מען וועט בקרות זוכה זיין צו די גרויסע און ענדגילטיגע גאולה בביאת משיח בן דוד, אמן.
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

גאווענאר קאומא האט היינט געזאגק אז ער וועט ארבעטן מיט די געיטס פאונדעישן צו איבערמאכן די וועג וויאזוי סקולס לערנען מיט די קינדער אין ליכט פון קאָראָנא

https://www.governor.ny.gov/news/amid-o ... on-develop

אנדערע האבן אבער טענות אז געיטס האט זיך שוין ארויסגעוויזן מיט זיין דורכגעפאלענע common core איז פארוואס זאל מען אים טראסטן יעצט?

https://gothamist.com/news/cuomo-wants- ... foundation
טאהשער תושב
שר חמישים
תגובות: 78
זיך איינגעשריבן אום: מיטוואך מאי 22, 2019 12:56 pm
לאקאציע: קרית טאהש יצ״ו

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך טאהשער תושב »

פרישע אנטוויקלונגען אין די מהלך בנוגע חינוך ווערט אין די טעג פלאנירט אין קרית טאהש,
רופט דעם נאמבער צו הערן אן אפיציעלע מעסעזש פאר קרית טאהש בשם די בית הוראה דקהל אור החיים ד׳קרית טאהש

14384762334
טאהשער תושב
שר חמישים
תגובות: 78
זיך איינגעשריבן אום: מיטוואך מאי 22, 2019 12:56 pm
לאקאציע: קרית טאהש יצ״ו

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך טאהשער תושב »

דא האט איר א לינק צו די ראקארדינג
https://www.dropbox.com/s/i8o2kudsbdi2s ... 1.MP3?dl=0
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

עמיצער האט אפשר די דרשה פון האדמו"ר מפארשעי שליט"א איבער די גזירת החינוך וועלעכע איז געזאגט געווארן אויפן טעלעקאנפרענץ?
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
צום פוינט
שר חמישים ומאתים
תגובות: 499
זיך איינגעשריבן אום: דינסטאג יאנואר 05, 2016 2:34 pm

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך צום פוינט »

נשמת השכל האט געשריבן:עמיצער האט אפשר די דרשה פון האדמו"ר מפארשעי שליט"א איבער די גזירת החינוך וועלעכע איז געזאגט געווארן אויפן טעלעקאנפרענץ?

929-605-5500
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

די ניו יארק סטעיט עדוקעישאן דיפארטמענט האט געמאלדן א סעריע זיצונגן איבער די גזירת החינוך
ג' לך לך פ״א
די דיפארטמענט זאגט אז דורכאויס די חדשים פון נאוועמבער און דיצעמבער וועט פארקומען 6 זיצונגן צו רעדן איבער וועגן וויאזוי צו רעגולירן פריוואטע שולעס היל"ת. דער ציבור ווערט גערופן מתפלל צו זיין און מעורר רחמים זיין אז די גזירה זאל גענצליך בטל ווערן, ולה' הישועה.

https://www.yiddish24.com/news/57/27734


איינער מיט מער אינפארמאציע איבער וואס זיי ווילן? אדער א לינק צו די שטאט ווי זיי מעלדן עס?
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

ר בנציון וויעדער אויף קול מבשר, מען דארף אסאך תפילות, די אנדערע צד פארלייגט אסאך כוחות אויף די באורד אף ריגענטס ווי עס קומען פאר מיטינגס די דאזיגע טעגץ
זייטס מתפלל!!!
מצליח
שר חמש מאות
תגובות: 818
זיך איינגעשריבן אום: זונטאג נאוועמבער 01, 2020 10:33 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצליח »

האדמו"ר מהר"א יעצט ביים דינער און ב"פ: און זיינע מוסדות גייט מען נישט לערנען קיין קאמאן קאר !
די רבי האט געזאגט אז ער האט זיך נישט אריינגעלייגט צו עס איז מותר אדער אסור וויבאלד עס איז נישט נוגע, ער איז צופרידן וויאזוי עס איז געווען ביז יעצט, אשע"כ גייט ער נישט טוישן פון וואס מען האט געלערנט ביז יעצט.
מצליח
שר חמש מאות
תגובות: 818
זיך איינגעשריבן אום: זונטאג נאוועמבער 01, 2020 10:33 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצליח »

היינט נאכט ביים סעודת הודאה כ"א כסליו אין קר"י האט האדמו"ר מהר"א מסאטמאר קלאר ארויסגעברענגט, וואס איז געווען, וואס איז די מעלה פון פעלדער געזעץ אויף יעצט און אויף לעתיד, וואס זענען די פלענער צו טוהן, וואס אונז וויל מיר טוהן, וואס מען האט שוין געטוהן, וואס געשעט אויב איין פלאן ארבעט זיך נישט אויס, ועוד ועוד
אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

כ"ק אדמו"ר מסאטמאר (מהרי"י) שליט"א: ביי חינוך טאר מען נישט מאכן אפילו א נגיעה קלה.

וויליאמסבורג - ביים יערליכן משא הקודש פון כ"ק אדמו"ר מהרי"י שליט"א ביום כ"א כסלו, וואס איז היי יאר פארגעקומען אין א פארמאט פון א שולחן הטהור אין ביהמ"ד הגדול אויף ראדני סט. אין וויליאמסבורג, האט דער רבי שליט"א שטארק ארום געשמועסט איבער די גזירת החינוך וואס הויערט איבער יהדות ניו יארק, זאגנדיג אז ביי תינוקות של בית רבן ברויך מען האבן מסירת נפש "דארט קען מען נישט מאכן א נגיעה, אפילו א נגיעה קלה".

דער רבי האט שטארק מחזק געווען די געטרייע עסקנים לשם שמים וואס גיבן זיך אפ אין עולם המעשה צו שטיין אויפן פראנט קעגן די רעגירונג. דער רבי האט דערמאנט די פירענדע עסקנים, וואס זענען פאראייניגט לוחם צו זיין די גזירה, זאגנדיג אז ער קען מעיד אויף די חשובע עסקנים אז יעדע פרט ווערט דורכגעזיפט און דורכגערעדט מיט גדולי תורה, און דערמאנט זייער מסירת נפש'דיגע עסקנות ביי די גזירה פון מציצה בפה. ווי באקאנט זענען די עסקנים פון די "פערל'ס" ארגאנעזאציע וואס שטייען בראש המערכה ובראשם שר העסקנים הרה"ח המפורסם ר' משה דוד נידערמאן שליט"א וואס קעמפן ציין און נעגל צו פארטיידיגן און אפהיטן אונזער חינוך בלי שום שינוי, עוסק בלי ליאות אפצושאפן די געפערליכע גזירה מיט ריכטיגע מהלכים און אופנים, בהדרכת ובהכוונת גדולי הדור און גדולי האדמורי"ם שליט"א, אונטער די פאראייניגונג פון די קהילות און מוסדות הקדושות.




ד"ק אדמו"ר מהרי"י שליט''א אצל סעודת הודאה כ"א כסלו בהיכל בית מדרש הגדול 152 ראדני
בערך ביי 35 מינוט בענין גזירת החינוך
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
green sunday
שר האלף
תגובות: 1199
זיך איינגעשריבן אום: דינסטאג מארטש 16, 2010 3:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך green sunday »

[align=center]דברים קילורין לעינים

דבר המערכה נגד גזירת החינוך בניו יארק
שהשמיע כ"ק אדמו"ר מ'סאטמאר שליט"א (מהר"א)
ליל כ"א כסליו תשפ"א[/align]


המצב הנוכחי, כשעומדים לפני עריכת ה'גיידליינס'

דאס ענין וואס איז נוגע דבר העומד על הפרק, דער 'גזירת החינוך' דא אין מדינת ניו יארק, אן ענין חמור מאוד מאוד, אסאך איז שוין געטון געווארן אין דעם ענין, און אסאך איז שוין גערעדט געווארן אין דעם ענין, איך וויל נישט רעדן פונעם 'עבר', דער עיקר איז דער 'הוה' און דער 'עתיד'.

לויט'ן יעצטיגן חק, איז זייער אן ערנסטע שאלה צו דער 'שר החינוך' אין מדינת ניו יארק האט א רעכט אריינצוזאגן אין די עניני החינוך.

ממילא אויב ער וועט גוזר זיין חלילה די גזירה אויף די תלמודי תורה, אויף חינוך הבנים והבנות און די ישיבות קטנות, וועט מען מוזן ארויסגיין מיט א שארפע מלחמה אנטקעגן אים, מיר וועלן אנפירן א מלחמה, אויף דעם אליין צו ער האט א כח געזעצליך אדער נישט.

מ'וועט גיין אין די געריכטן, און מ'וועט בעזרת השם יתברך עס באקעמפן.


מה ה'חוק' מטעם הממשלה, כעת


ווער עס האט אביסל באקאנטשאפט בנוגע געזעץ, די דינא דמלכותא, ווייסט אז נאכ'ן 'פעלדער געזעץ' זענען די אלע וועלכע לערנען לימודי קודש, פטור פון לערנען פארשידענע ענינים פון די לימודי חול, דאס הייסט אז ס'איז געווארן באגרעניצט די חוב פון לימודי חול.

בעפאר דעם געזעץ, זענען אלע תלמודי תורה און אלע ישיבות קטנות, מחויב געווען צו לערנען אסאך ענינים פון לימודי חול, און אויב די רעגירונג איז מעלים עין דערפון, קען יעדער יחיד רופן די רעגירונג אין בית המשפט, און זיי אויפפאדערן פארוואס זי איז מעלים עין, און דער ריכטער וועט זאגן אז געזעצליך מוזן זיי נעמען שריט, און מ'קען ניטאמאל האבן טענות צו די רעגירונג אז זי איז אנטיסעמיטיש און זי רודפ'ט אידן, ווייל דאס געריכט וועט הייסן. דאס איז געווען אמאל, און דאס איז געווען א שטארקע סכנה, ווייל ליידער איז דא וואס זיי גייען אין געריכט, און צווינגען די רעגירונג צו נעמען שריט קעגן די תלמודי תורה.

היינט צוטאג, "לויטן געזעץ" איז שטארק באגרעניצט דער חוב וויפיל לימודי חול מ'דארף צו לערנען. מ'האט נאר אריינגעשמוגלט ווערטער אינעם געזעץ, אז דער שר החינוך האט א רעכט צו פארלאנגען מער.


שני יסודות שנלחום עליהם בבתי משפט

אבער וואס עס זענען זיינע רעכטן, און צו ער האט טאקע א רעכט, דאס קען מען שטארק באקעמפן אין די געריכטן, ווייל דאס אליינס צו ער האט טאקע א רעכט, איז נישט קלאר. און אפילו אויב ער האט רעכט, איז דאס פשט אז ער האט א רעכט צו זאגן א 'שיקול הדעת' אז ער וויל מ'זאל לערנען נאך לימודים, און דאס קען מען אויך באקעמפן און געריכט, פארוואס איז דאס דיין שיקול הדעת? אויב דער געזעץ בעצם פטר'ט, פארוואס ווילסטו מחייב זיין? דו האלטסט אז די רעגירונג שולעס זענען אין ארדענונג? דארט האסטו שוין געמאכט ארדענונג? ווער עס פארשטייט אביסל אין געזעץ איז דאס א גרויסער מקום אז עס זאל אים פארגיין דער אפעטיט פון צווינגען אידישע קינדער, ווייל מ'וועט אויפדעקן אלע פסלנות פון די 'פאבליק סקולס', און עס וועט אים פארגיין דער אפעטיט... דאס איז מיט וואס מיר שטייען היינט אסאך בעסער פון וואו מיר זענען געשטאנען מיט א צוויי-דריי יאר צוריק.

אודאי, אויב ס'וועט חלילה אנקומען צו דעם, וועט מען דינגען אדוואקאטן, מומחים מפורסמים, וועלכע פארשטייען גוט די געזעצן פון די 'קאנסטיטושן', און די געזעצן פונעם חינוך, אזוי ווי יעדער ערנסטער ענין וועט מען מוזן צוזאמשטעלן - ווי מ'רופט עס אין ענגליש - א 'טיעם', און דער אויבערשטער וועט העלפן אז מ'וועט מצליח זיין. דער אויבערשטער זאל העלפן אז מען זאל נישט דארפן אנקומען צו דעם.


ה'קאנפערענס' עם אנשי הממשלה


יענע וואך דאנערשטאג (ה' וישלח תשפ"א), איז געווען א מיטונג וואס האט געדארפט צו זיין ביי מיר אין שטוב, וואס איז שוין מיט אפאר וואכן צוריק אויסגעארבעט געווארן, דאס איז געווען גערופן מיט הויכע באאמטע פונעם 'עדיוקעישאן דעפארטמענט', זיי האבן געדארפט אראפקומען, זיי האבן זיך אויסגענומען אז עס טאר נישט זיין מער ווי צעהן מענטשן, מ'האט אויסגעארבעט אלע פרטים, מ'האט אויסגעקליבן מענטשן פון פארשידענע מקומות, עסקנים וועלכע קענען גוט ענגליש, האבן א גוטן חיתוך הדיבור און פארשטייען דעם נושא, אינאיינעם מיט היזיגע מחנכים, דאס האט געדארפט זיין דאנערשטאג, און מ'האט שטארק ארויסגעקוקט דערויף.

דערווייל, היות זיי לעבן דאך אין א גרויסן פחד, האבן זיי געמאלדן אז מ'קען זיך נישט צוזאמקומען פערזענליך, נאר דאס זאל זיין אויפן טעלעפאון, איז געווען א 'קאנפערענס קאל' אויף דאס וואס מ'רופט 'זום', זיי האבן געגעבן א שעה צייט וואס זיי ווילן האבן דעם מיטינג, דערווייל האט זיך עס פארצויגן אויף קרוב צו צוויי שעה. עס איז געווען זייער אינטערעסאנט, זיי האבן געוואלט וויסן דעם מהות פון אונזער חינוך, וואס איז אונזער חינוך, אונזער דרך החיים, זיי האבן נישט קיין שום השגה פון אונזער סארט לעבן.

נאך מער אינטערעסאנט איז געווען, עס זענען דאך דארט געווען אויך פרעמדע נישט פון קרית יואל - צוויי אידן זענען געווען פון קרית יואל - אבער זיי האבן געוואלט הערן וואס 'סאטמאר' האט צו זאגן, וואס די צוויי סאטמארע פון קרית יואל האבן צו זאגן, דאס איז פאר זיי געווען אינטערעסאנטער ווי די אנדערע מענטשן.

זיי קוקן אונז אן, ווי מ'האט צוטוהן מיט א חברה פראים, וועלכע זענען מפקיר זייערע קינדער, אומציוויליזירטע מענטשן, און דעריבער איז די עצה נישט צו אנטלויפן פון זיי, נאר פונקט פארקערט, מ'האט זיי איינגעלאדנט צו קומען זעהן קרית יואל, זיי ווילן קומען זעהן, און זיי האבן שוין געבעטן נאך א מיטונג, און נאך הויכע באאמטע האבן שוין געמאלדן אז זיי ווילן זיך טרעפן, זיי ווילן זעהן וואס דאס איז.

מיר גייען זיי ווייזן אונזער שיינעם חינוך, אונזער גוטע חינוך, מ'וועט זיין ווייזן די פירות פון אונזער חינוך, די וואס האבן 'גראדואירט' פון אונזער חינוך, וויאזוי זיי האבן מצליח געווען און וואו זיי זענען אנגעקומען, און צו עס איז דא פארברעכער אין די שטאט, וויאזוי מ'פירט זיך דא אויף אין די שטאט, אדרבה זאלן זיי קומען זעהן דעם חילוק צווישן אונזער חינוך און זייער חינוך.


חובתינו בעת כזאת: להשמיע שאין כאן מקום לשינויים!


באמת עס ווארט א גרויסע ארבעט, מ'דארף אנקניפן קשרים מיט אסאך מענטשן, פון איבער גאנץ 'סטעיט אוו ניו יארק' אין פארשידענע מקומות. מ'וועט זיי ווייזן נישט נאר קרית יואל, מיר ווילן זיי ווייזן אויך אנדערע אידישע ישובים, מ'וועט זיי ווייזן וויאזוי מאנסי זעהט אויס, וויאזוי סקווירא זעהט אויס, מ'וועט זיי ווייזן וויליאמסבורג, מ'וועט זיי ווייזן בארא פארק, מ'וועט זיי ווייזן אידישע שטעט און אידישע געגנטן, דעם סדר החיים, און די הצלחה פון אלע תלמידים אין אלע מקומות.

מ'האפט בעזר שמו יתברך אז מ'וועט זיי עפענען די אויגן, און זיי וועלן אנערקענען און אליינס זעהן אז מ'דארף דא גארנישט פארבעסערן, דא איז גוט און פיין און וואויל, און מ'וועט מיטן אויבערשטנס הילף מעביר זיין די גזירה.

אבער בראש וראשונה דארפן מיר אליינס וויסן און פארשטיין, אז אונזער חינוך איז א גוטע חינוך, און מ'דארף גארנישט פארבעסערן, מ'דארף גארנישט משנה זיין, און מ'טאר נישט משנה זיין גארנישט.

אז מיר וועלן דאס קודם אליינס וויסן, וועלן מיר דאס קענען מסביר זיין פאר זיי אויך. חינוך ביי אידן דאס איז 'דת משה וישראל', פון דעם קען מען זיך נישט אוועקרירן, און אויף דעם וועט מען שטיין מיט מסירת נפש!

א זאך וואס איז 'נישט' צובראכן, פאררעכט מען נישט!

מיר האפן אויף סייעתא דשמיא, מיר זענען גרייט צו ארבעטן מיט יעדן איינציגן איד, לטובת הצלת החינוך פון אידישע קינדער, מיר האפן אז מיטן אויבערשטנס הילף וועט מען מצליח זיין למען שמו יתברך, למען תינוקות של בית רבן, הבל פיהם שאין בהם חטא.

ד"ק כ"ק אדמו"ר מסאטמאר שליט''א מהר"א אצל סעודת הודאה כ"א כסלו בהיכל בית מדרש הגדול קרית יואל
פאר צענטראלע נייעס אינערהאלב קהל יטב לב ד'סאטמאר שיקט אן אימעל צי בחצרות סאטמאר
פאר לאקאלע נייעס קליקט דא מודעות קהלינו סאטמאר קרית יואל קול הקהל סאטמאר וויליאסמבורג
קרית יואל וועכענטנליכע נייעס באריכט היימשטאט
אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

אורח הכבוד האט געשריבן:
עשה נא למען שמך, להיות לנו תשועה:

פּשרה׳לאָזער און שטייפער ענטפער פון ניו יאָרק׳ס 169 מוסדות התורה והחינוך איבערגעגעבן דורך כלל ישראל׳ס שליחים צום ״ניו יארק סטעיט עדיוקעישאן דעפארטמענט״
נאָכפאָלגענדיג היסטאָרישע אסיפת הרבנים בבית כ״ק אדמו״ר מוויזניץ שליט״א אין וויליאַמסבורג, וואו גדולי ומאורי ישראל באַהאַנדלען און באַשטעטיגן גענויען אחריות׳דיגן מהלך אין דעם פשרה'לאזן קאַמף פאַר’ן חינוך הטהור אין ניו יארק

מרנן ורבנן שליט״א גדולי האדמורי״ם והיגי ישראל און זייער שליחים פון אַלע גרעסטע קהלות קדושות דעם שאַרפן און קאָמפּראָמיסלאָזן נוסח פונעם בריוו וואָס איז אָפּגעשיקט געוואָרן אין נאָמען פון זייערע מוסדות און דער ריזיגער מספר פון ריבוא ריבבות קינדער כ״י

ניו יאָרק – דער פאַרלאָפענער ערב שבת קודש פרשת וישב, אינעם ערשטן טאג פונעם יום טוב חנוכה, ווען כלל ישראל בימי החשמונאים האבן מנצח געווען קעגן דעם פרואוו להשכיחם תורתיך, האָבן די אחריות׳דיגע שליחים פון כלל ישראל, וועלכע פאַרטרעטן צענדליגער טויזנטער קינדער כ״י פון ניו יאָרק׳ס מוסדות התורה והחינוך, איבערגעגעבן אַ זעלטענעם היסטאָרישן בריוו אין נאָמען פון די מוסדות התורה – על פי הדרכות ופקודת די מאורי ומנהיגי ישראל שליט״א, אָפּצוענטפערן די בייזוויליגע אַטאַקעס פון די שונאי הדת אין ניו יאָרק קעגן דעם ריינעם אויסגעטרעטענעם חינוך ילדי ישראל און דערביי קלאָרשטעלן די פאַראייניגטע קאָמפּראָמיסלאָזע שטעלונג פון כלל ישראל קעגן סיי וועלכע רעגירונג׳ס אַריינמישונג אינעם חינוך פון אונזערע קינדער.
דאָס אַהערשטעלן און איבערגעבן דעם היסטאָרישן מעמאָראַנדום און קלאָרשטעלונג פון יהדות ניו יאָרק ומוסדותי׳ צום ״סטעיט עדיוקעישאן דעפארטמענט״ קומט אין אַ צייט ווען די ״באָורד אָוו ריזשענטס״ טוט אַצינד באַהאַנדלען אויף איר אַגענדע די נושא פונעם חינוך אין ניו יאָרק, און דאָס קאָלעקטיווע האַרץ פון יהדות ניו יאָרק צאַפּעלט פאַר שרעק און זאָרג איבער זייער בעפאָרשטייענדן באַשלוס. די הערצער פון די צענדליגער טויזנטער טאַטעס און מאַמעס ציטערן, אַז די רעגירונג זאָל חלילה זיך נישט אַריינמישן דאָס מינדעסטע אין אונזער חינוך וואָס מיר האָבן מקובל פון אבותינו ורבותינו דור אחר דור, ווייל דער ערליכער חינוך פון אונזערע קינדער — וואָס אין דעם איז אָנגעוואָנדן די המשכת הדורות — איז ביי כלל ישראל דאָס הייליגסטע און טייערסטע.
אין לויף פון די לעצטערע וואָכן וואָס האָבן געפירט צום איבערגעבן דעם פאַראייניגטן בריוו וואָס פאַרטרעט אַזאַ סכום עצום פון 169 מוסדות התורה והחינוך אין ניו יאָרק, וואו עס ווערן נתחנך אן ערך פון 73,000 קינדער קע"ה, דער גרעסערער רוב פון די קינדער אין חרדי'שע מוסדות (און דאס איז טראץ וואס מ'האט נישט געקענט צוקומען נאר צו די גרעסערע מוסדות התורה), האָט אָט דער בריוו פאַרנומען אַן אויבנאָן אָרט אויפ׳ן סדר היום פון די גדולי ומאורי ישראל, מנהיגי העדות נשיאי המוסדות, וואָס רבבות אלפי ישראל זענען הולכים לאורם.
וויבאַלד אַזאַ בריוו איז אַ קלאָרשטעלונג אויפ׳ן בליק און שטעלונג פון ניו יאָרקער אידנטום אַנבאַלאַנגט איינס פון די האַקלסטע נקודות וואָס באַרירן איר סאַמע עקזיסטענץ, זענען די גדולי ישראל דערצו צוגעגאַנגען מיט אַ מורא׳דיגער ערנסטקייט, אחריות און פאַראַנטוואָרטליכקייט, זייענדיג שוקל במדה ובמשורה יעדעס וואָרט, יעדע תג ואות, ס׳זאָל פון איין זייט אָפּשפּיגלען דעם ריינעם, לויטערן תורה׳דיגן צוגאַנג, ווי ערליכע אידן האָבן גערעדט און גע׳שתדל׳ט ביי די שרי המלוכה אין אַלע דורות, און גלייכצייטיג זאָל עס טראָגן דעם פּשרה׳לאָזן אומצוויידייטיגן כאַראַקטער, ס׳זאָל אַרויסקומען קלאָר און דייטליך פאַר די שרי המלוכה אַז: בנפשינו הדבר, דאָס איז די חמורות שבחמורות, יסודות הדת, און מיר וועלן קיינמאָל נישט טוישן אונזערע פעלזן-פעסטע פּרינציפּן אָדער זיך לאָזן פון סיי וועלכע מאַנדאַטירטע שינויים אין אונזער חינוך, היו לא תהי׳.

ביי די עינ״י העדה — די אחריות׳דיגע שיקול הדעת פון די גדולי ישראל
מיט צוויי וואָכן צוריק ביי דער גרויסאַרטיגער ״אסיפת גדולי ישראל״ אין שטוב פון כ״ק אדמו״ר מוויזניץ שליט״א אין וויליאַמסבורג — וואָס די דעטאַלן פון די אסיפה לייענט איר ווייטער אין דעם באַריכט — איז אַראָפּגעשטעלט געוואָרן די באַזע פאַר דעם בריוו, וואו די עיני העדה האָבן אחריות׳דיג באַהאַנדעלט דעם מהלך און וועלכן אופן דער ענטפער פון כלל ישראל זאָל צוגיין כדי ס׳זאָל האָבן די מאַקסימום איינפלוס בעז״ה. נאָכ׳ן אויסשמועסן און קומען צו אַ החלטה אַהערצושטעלן אַ פאַראייניגטן בריוו וואָס זאָל פאַרטרעטן די מוסדות התורה, האָט כ״ק אדמו״ר מוויען שליט״א פאָרגעשלאָגן אַז ווען די עסקנים און עקספּערטן וועלן האָבן פאַרטיג אַ נוסח זאָל מען דערמיט אַרומגיין צו די שטיבער פון די גדולי הרבנים שליט״א, כדי מ׳זאָל דאָס קענען איבערקוקן, להאיר ולהעיר, צו מאַכן זיכער אַז ס׳איז געשריבן מיט׳ן ריכטיגן משמעות קלאָרצושטעלן דעם ערליכן צוגאַנג פון חרדי׳שן אידנטום און אירע מוסדות התורה.
אין די נאָכפאָלגענדע טעג זענען ווירקליך די חשוב׳ע עסקנים, די מסירת נפש׳דיגע שליחי הכלל, אַרום באַזוכן אין די שטיבער פון די גדולי הרבנים והאדמורי״ם שליט״א, די נשיאים פון די סאַמע גרעסטע מוסדות התורה והחינוך אין ניו יאָרק, אדער זייערע שליחים וועלכע זיי האבן ממנה געווען צו ארבעטן אויפ'ן בריוו.
די גדולי ישראל און זייערע שליחים האָבן אַוועקגעגעבן פון זייער טייערע צייט פאַר לאַנגע שעה׳ן, דורכגיין יעדע אות און יעדע שורה בכובד ראש. מיט אַ געוואַלדיגן שיקול הדעת האָבן זיי געגעבן זייערע הערות און אָנווייזונגען, מיט׳ן דעת תורה, צו מאַכן זיכער אַז דער בריוו האָט מיט זיך אַ שלימות׳דיגן כאַראַקטער צו פּרעזענטירן די פאַראייניגטע קלאָרע און ערליכע שטעלונג פון יהדות ניו יאָרק.
דאַן, דעם פאַרלאָפענעם פרייטאָג, ערב שבת קודש פ׳ וישב לסדר ״למען הציל אותו מידם״, אין די סאַמע ימי חנוכה וואָס שפּיגלט אָפּ כלל ישראל׳ס דורות׳דיגער קאַמף פאַר׳ן שלימות טהרת בני ישראל, ״טמאים ביד טהורים ורשעים ביד צדיקים״, מ׳זאָל חלילה נישט אַריינדרינגען אין כלל ישראל׳ס הייליגע רייען מיט קיין שום שינויים, איז דער בריוו ענדגילטיג פאַרטיג און באַשטעטיגט געוואָרן — אויסגעאַרבעט דורך וועטעראַן עסקנים און מומחים און גוטגעהייסן פון די גדול ישראל — און דאַן האָט מען מיט צאַפּעלדיגע הערצער דאָס אַריבערגעשיקט צו די באַאַמטע פונעם סטעיט דעפארטמענט אוו עדיוקעישאן (SED) מיט אַ הייסע תפלה לה׳ הרחמן הוא יעשה לנו נסים, אַז די השפּעה פון די הייליגע טעג זאָל באַגלייטן דער בריוו זאָל האָבן דעם ריכטיגן איינפלוס, ברענגען אַ קידוש ה׳ און אויס׳פועל׳ן די ישועה — ולעמך ישראל עשית תשועה גדולה ופורקן כיום הזה.


ונועדו אליך ראשי אלפי ישראל: די ״אסיפה הגדולה״ פון גדולו מאורי ישראל
די פריערדערמאַנטע גרויסע אסיפת גדולי הרבנים הגאונים והצדיקים עיני העדה שליט"א איז אפגעהאלטן געווארן דעם פארלאפענעם דאנערשטאג וישלח לסדר והי’ המחנה הנשאר לפלטה, בבית כ"ק מרן אדמו"ר מוויזניץ שליט"א, וואו די גדולי ומנהיגי ישראל פון ניו יארק, אויפ'ן רוף פון די ראשי העסקנים פון פערל"ס — די אָרגאַניזאַציע וואָס פאַרטרעט געטריי די מוסדות התורה והחינוך אין ניו יאָרק — זענען זיך צונויף געקומען תחת קורת גג אחד, לטכס עצה איצט ווען די סטעיט עדיוקעישאן דעפארטמענט האלט אפ מיטינגען איבער'ן גזירת החינוך, ווי אזוי פארצושטעלן די קלארע שטעלונג פון די ערליכע מוסדות התורה.
ובכן מה נהדר הי׳ המראה ווי די ראשי בני ישראל פון איבער גרעיטער ניו יארק זיצן מיט אַזאַ געהויבענער אחריות׳דיגער ערנסטקייט פאר עטליכע שעה און זענען דן איבער דעם ברענענדיגן מצב און איבער די ווייטערדיגע שריט וואס פאדערט זיך אין רעאקציע צו די שווערע סכנה וואָס הענגט איבער די קעפּ פון יהדות ניו יאָרק. אין די לופטן האט זיך געשפירט אז עפעס גאר ערנסט שפילט זיך יעצט אפ, עפעס גאר הייליג און פארכטיג פאסירט יעצט, ווען מען איז זוכה צו אזא כינוס לגדולי ומאורי הדור בעצה אחת ובדעה אחת לפני המקום.
ביי דער געהויבענער און קריטישער אסיפת הרבנים האבן זיך באטייליגט די רבנים בעלי תריסין גאונים וצדיקים, העומדים בראש קהלות הקודש ומוסדות התורה בכל רחבי ניו יארק רבתי, הלא הם, כ"ק מרן אדמו"ר מסאטמאר מהרי"י שליט"א, כ"ק אדמו"ר מבאבוב-45 שליט"א, כ"ק אדמו"ר מפאפא שליט"א, כ"ק אדמו"ר מוויזניץ וויליאמסבורג שליט"א, כ”ק אדמו״ר מוויען שליט"א, כ”ק אב"ד צעהלים שליט"א, כ"ק אדמו"ר מקאשוי שליט"א, כ"ק אדמו"ר מוויזניץ בארא פארק שליט"א, הגה"צ רבי חיים פלאהר שליט"א – ראש הכולל זכרון מנחם פון מאנסי, הגה"צ אבד"ק סאטמאר ירושלים שליט"א, הגה״צ דומ"ץ צעהלים שליט"א וומ"ס, הגה״צ ר’ אשר עקשטיין שליט"א – דומ"ץ בעלזא בארא פארק, הגה״צ ר’ משה פוגל דומ"ץ גור ב"פ שליט"א, הגה״צ ר’ יחיאל מיכל שטיינמעץ שליט"א - דומ"ץ סקווירא ב"פ, הגה״צ ר’ משה קעסלער שליט"א - ראה"כ וויזניץ מאנסי, הגה״צ ר’ חיים שלום הלברשטאם שליט"א בשליחות כ"ק אדמו"ר מבאבוב שליט"א, הגה״צ אבד"ק סיגוט ב"פ שליט"א, הרה"ג ר’ מנחם מענדל טייטלבוים שליט"א אב"ד סאטמאר מהר"א וומסב"ג, הרה״ג ר’ חיים אלעזר ראבינאוויטש שליט"א ראש ישיבת מונקאטש שליט"א בשליחות כ"ק אדמו"ר מונקאטש שליט"א, הרה"ג ר’ יהושע ווייס שליט"א ראה"כ ספינקא בשליחות כ"ק אדמו"ר מספינקא שליט"א - ב"פ, הרה"ג ר’ יואל שווארטץ שליט"א – מו״ץ ביהמ"ד סאטמאר מהר"א קעסקעיד.

השתלשלות הענינים — הרה״ח ר׳ נפתלי אלימלך ווייס שליט״א, מראשי עסקני פּערל״ס
איינגעלייטעט די אסיפה האט דער וועטעראן עסקן, איש האשכולות ורב תבונות, הרה"ח ר’ נפתלי אלימלך ווייס שליט"א, וועלכער האט בטוב טעם ודעת אין א לענגערע צייט געשילדערט די השתלשלות הענינים זינט דער גזירת החינוך האט זיך אנגעהויבן דורך די רשעי עמינו וואס האבן אנגעקלאגט די הייליגע מוסדות התורה אין די מסירת נפש פון די הייליגע “פערלס” ארגענעזאציע וואס איז אריינגעשפרינגן אין די מלחמת אש קודש מיט מסירת נפש נישט קוקענדיג אויף די שווערע מיליאנען און וואס עס ציעט אריין.
הר"ר נפתלי, וועלכער איז שוין לאנגע יארן א חבר ההנהלה אינעם חשוב'ן מוסד פערלס, האט נאכגעזאָגט אַ הייליג וואָרט פון רבינו הקוה"ט מסאטמאר זי"ע, פארוואס דער שר של עשיו, דער ס"מ, האט זיך נאר געשלאגן פון יעקב אבינו. דאס איז ווייל יעקב אבינו האט אויפגעשטעלט די שבטי קה, ער האט אוועקגעשטעלט דעם חינוך פון די דורות הבאים, האט עשיו געוואלט אפהאקן ח"ו און אריינדרינגען אינעם חינוך. אויף דעם האט ער זיך פארמאסטן.
ר’ נפתלי איז דאן איבערגעגאנגען די השתלשלות פון ווען די טרויעריג בארימטע גרופע — וועלכע ער האט בא'טיטול'ט אלס 'משכילים’ - האבן אנגעהויבן פרובירן מיטלען צו שעדיגן דעם ערליכן חינוך. צוערשט דורך די פרעסע, צו באשמיצן דעם ערליכן חינוך, בילבאורדס פון 'חייב אדם ללמד את בנו אומנות’ און אנדערע מיטלען. אין תשע"ה האבן זיי צום באדויערן אנגעהויבן די פאקטישע קלאגע קעגן צענדליגער מוסדות אין די סיטי ביי די ניו יארק דעפארטמענט אוו עדיוקעישאן.
"איין איד איז נישט געשלאפן און האט נישט גערועט די גאנצע צייט,” האט ער אויסגערופן, אנווייזנדיג אז דער געטרייער מסירת נפש׳דיגער נזר העסקנים והשתדלנים בדורינו, הרה"ח ר’ משה דוד ניעדערמאן שליט״א האט שוין דעמאלט מרעיש עולמות געווען אז עס קומט א גזירה און מ'דארף מקדם זיין פני הרעה, אוועקשטעלן א חומה בצורה אז די רעגירונג זאל חלילה נישט קענען אריינדרינגען, ווען במשך די גאנצע צייט פון אנהייב אָן האט ר’ משה דוד זיך נישט גערירט אן דעם דעת תורה פון די רבנים שליט"א, מיט וועמען ער האט דורכגערעדט יעדן טריט און שריט.
ווען די גזירה איז בפועל ארויס אויף די מוסדות אין ניו יארק סיטי, האבן די מוסדות זיך צוזאמענגענומען און ארגאניזירט פערל"ס, און אויפגענומען דעם געניטן חרדי׳שן אַדוואָקאַט ר’ אבי שיק הי״ו, וועלכער שטייט שוין יארן צווישן די מוסדות אין די רעגירונג. ברוך ה’ זייט דעמאלט איז שוין מער ווי פינף יאר און מ'גייט אן מיט'ן ערליכן חינוך. מען שלאפט נישט טעג און נעכט אפצוהיטן בבת עינינו די הייליגע תשב"ר, און ברוך ה’ מען זעהט די פירות פון די גרויסע הארעוואניע ווען ס'איז דערווייל נישט געלונגען פאר די מוסרים צו אויספירן אפילו דאס מינדסטע, כה יתן ה’ וכה יוסיף.

די געניטע פּעולות אָפּצושלאָגן די אַטאַקעס פון די משכילים ומוסרים
דער יושב ראש האט דאן פארגעלייגט בטוב טעם ודעת דעם הייליגן ציל וויאזוי “פערלס” אפערירט דורכאויס די גאנצע צייט, צו איבערצייגן די רעגירונג אז ערשטנס, מיר וועלן זיך נישט לאזן צווינגען צו לערנען וואס זיי ווילן און וויפיל זיי ווילן, און דאס איז קעגן אונזער רעליגיע. מיר זענען גרייט צו קעמפן דערפאר אין געריכט.
ווידעראום פון דער אנדערער זייט, ווייזט פערל"ס אויף בהשכל ובדעת אז אונזערע קינדער זענען נישט אנגעוויזן אין די שטודיעס פון די לימודי חול, ווייל זיי באקומען שוין אלע ידיעות וואס פעלן זיי אויס. מיר מאכן אליין זיכער אז די קינדער קענען און לערנען וואס עס פעלט אויס. מיר לערנען עס אין ענגליש, און בעיקר זענען מיר קונה זייער אסאך ידיעות וואס מ'באקומט אין לימודי קודש. ״פּערלס״ האט אריינגעלייגט ממון ודמים אויפצואווייזן די ידיעות וואס מ'איז קונה פון לימודי קודש.
פערל"ס ארבעט אויך צו ווייזן די פירות וואס קומען ארויס פונעם חינוך, ארענטליכע בעלי משפחות, גרויסע ביזנעסלייט, און א גאר אנשטענדיגער ציבור מיט הערליכע משפחות. מ'טוט דאס דורך די פרעסע און אין פריוואטע מיטינגען מיט די רידזשענטס און באאמטע א.ד.ג. מיט די אלע מיטלען האט מען ב"ה באוויזן אפצושטופן די גזירה ביז'ן היינטיגן טאג.
האנט-ביי-האנט מיט די דרכי השתדלנות, איז פערלס אויך קאמפסגרייט שטענדיג אַריינצוגיין קעמפן אין די געריכטן, און איז שוין פאַקטיש עטליכע מאָל אַריין אין די געריכטן ווען ס'האט אויסגעפעלט, און מ׳האָט שוין ב״ה אָפּגעצייכענט באַדייטנדע זיגן לטובת דעם חינוך און יהדות ניו יאָרק, וועלכע האָבן צעשאָקעלט די קאָרטן פון די מבקשי רעתינו און זיי דערלאַנגט שווערע קלעפּ זיך איבערצייגנדיג אַז זיי שלאָגן זיך דאָ מיט אַ האַרטן ברעט; אַ מאַכטפולער אומצוברעכבאַרער כח וואָס וועט קיינמאָל נישט רעזיגנירן, נאָר קעמפן מיט ציין און נעגל צו פאַרזיכערן אונזערע רעכטן אויפ׳ן חינוך פון אונזערע קינדער.

דער פאַראייניגטער פראָנט אין נ.י. סטעיט צו באַשיצן דעם חינוך
אין צוגאב צו דעם פראנט אין נ.י. סיטי - האט דער חשוב'ער טשערמאן באטאנט - גייט אָן די לעצטע עטליכע יאר א מערכה אויפ'ן סטעיט פראנט.
ער האָט אַרויסגעברענגט אַז ממש יעצט איז געווארן גענוי צוויי יאר פון ווען די סטעיט עדיוקעישאָן דעפּאַרטמענט האט ארויסגעגעבן נייע ״גיידליינס״ און טשעק-ליסטעס, וואָס מ'דארף לערנען, וויפיל שעה און אזוי ווייט. עס האט אַ לאַנגע ליסטע לימודים וואָס מ'דאַרף לערנען אין אַלע קלאַסן, און שטרענגע אינספּעקציעס און איבערזיכטן יעדע עטליכע יאָר.
״פּערלס״ האט דעמאלט געקלאגט אין געריכט, און האט ב"ה געווינען און דער געריכט האט דערקלערט די סטעיט עדיוקעישאָן רעגולאַציעס אַלס “נול און אומגילטיג” ווייל ס'איז נישט דורכגעגאנגען די פראצעדורן ווי אזוי מ'דארף דורכפירן א געזעץ.
א’ דראש חודש תמוז תשע"ט האט אבער די סטעיט נאכמאל ארויסגעלייגט די רעגולאציעס — כמעט גענוי די זעלבע ווי דאס ערשטע מאל — נאר דעמאלט האבן זיי אנגעהויבן א פאָרמאַלע פראצעדור וואס האָט אייינגעשלאסן דאס אָננעמען ׳קאמענטארן׳, וואָס די באָורד מיטגלידער זאָלן קענען זען און נעמען אין באטראכט בעפאָר׳ן פאַסן אַ באשלוס.
דורכאויס יענעם זומער האט ״פּערלס״ ארגאניזירט א מאַסיווע ריזן ״פּעטיציע דרייוו״ אינערהאַלב אַלע קהלות איבער גרעיטער ניו יאָרק, אויפפלאַמענדיג די צענדליגער טויזנטער עלטערן פון אַלע שיכטן און קרייזן אַז ס׳איז אַן ״עת צרה ליעקב״ און אַז ס׳איז דער חובת השעה אריינצושיקן קאמענטארן צו די רעגירונג קלאָרשטעלן אַז מיר זענען אין שאַרפסטן קעגנערשאַפט צו די פאָרגעשלאָגענע גיידליינס.
אַדאַנק דעם ריזיגן דרייוו פון פּערל"ס, אין צוזאַמאַרבעט מיט די עסקני הקהלות והמוסדות פון אַלע קרייזן, האָט מען דאַן ב״ה באַוויזן אַריינצוברענגען די סאַמע גרעסטע צאל קאמענטארן פון סיי ווען – 140,000 אונטערגעשריבענע פּעטיציעס, וואס מער ווי 95 פראצענט דערפון זענען געווען קעגן די רעגולאציעס!
דער ריזן צאָל קאָמענטאַרן האָבן געהאַט א מאכטפולן אפּקלאנג, עס האט געכאפּט די אינסטאנצן אין איבערראַשונג, און אַדאַנק דעם האט די סטעיט דאַן ב״ה באשלאסן נישט דורכצופירן די גזירה, נאר האט פאראיאר ווינטער געמאלדן אז זיי גייען איבעררעדן די אישו מיט ״סטעיק-האָלדערס״ – דאס הייסט פריוואטע שולעס און ישיבות, עלטערן וואס שיקן דארט די קינדער, און אנדערע וואס האבן אן אינטערעסע אין די אישו.
מיט עטליכע וואכן צוריק האבן זיי אנגעהויבן די פאָרמאַלע “סטעיקהאולדערס” דיסקוסיעס. זיי האבן דערקלערט פינף רעגיאנעלע מיטינגען וואו מ׳וועט באֵַהאַנדלען די אישו.

אשאלה ממנו: די אָנפראַגעס פאַר די גדולי הרבנים שליט״א
דער יושב ראש האט אין קורצן דערציילט און איבערגעגעבן פאַר די רבנים שליט״א איבער די מיטינגען וואס זענען שוין אָפּגעהאַלטן געוואָרן ביז יעצט, וואס מ'האט געהערט פון פילע פון די גרופעס ביי די מיטינגען פאזיטיווע פארשלאגן, אז די סטעיט פארשטייט אז זיי זענען נישט געאייגנט אפצושאצן דעם ערליכן חינוך און מ׳באַהאַנדעלט זייער ערנסט די מעגליכקייט דאס איבערצוגעבן פאר אנדערע קערפערשאפטן וואס קענען אפשאצן דעם ריכטיגן משמעות פון די לימודי קודש כלפי זייערע פאַרלאַנגען און נאך. פון דעם אַלעם זעט מען ווי ווייט מ׳קומט אָן מיט די ריכטיגע אויסגעפּרואווטע דרכי השתדלנות, לדורון, לתפלה ולמלחמה.
דאַן האט דער יושב ראש אויפגעברענגט ספעציפישע וויכטיגע און האַקעלע אָנפראַגעס, אויפ'ן שפיץ גאפל, וואס מ'וויל הערן דעם היינטיגן טאָג דעם חוות דעת פון די רבנים, ווי אזוי צו רעאגירן צו די סטעיט'ס פראצעדור וואס גייט איצט אן.
אַ הויפּט פראַגע וואָס דער יושב ראש האָט געשטעלט, אין נאָמען פון די עסקנים און עקספּערטן וועלכע אַרבעטן אומערמידליך אין דעם קאַמף פאַר׳ן חינוך, איז געווען צי מ׳זאָל ענטפערן אויף די ״פראַגע בויגן״ וואָס די באָורד אָוו עדיוקעישאָן האָט געשיקט צו אַלע מוסדות אויספרעגן איבער זייער סדר הלימודים. אויב מ'באשליסט אז מ'ענטפערט, ווי אזוי גענוי מ'זאל ענטפערן און צי עס זאל זיין א פאראייניגטער אנטווארט.
אַזוי ווי ביי יעדן טריט און שריט ביז׳ן היינטיגן טאָג וואָס איז צוגעגאַנגען אויף די קלאָרע דירעקציע והוראתם הברורה פון הרבנים הגאונים שליט״א, האט דער יושב ראש פארגעלייגט די שאלה צו באקומען די הוראה, הדרך ילכו בה ואת המעשה אשר יעשון.

שר העסקנים ונזר השתדלנים הרה״ח ר׳ משה דוד נידערמאן שליט״א
דערנאך האט גענומען דאס ווארט דער אָנפאַרטרויטער שליח פון די גדולי ישראל, דער לעגענדארער שר העסקנים והשתדלנים בדורינו, ירא ושלם, הרה"ח ר’ משה דוד נידערמאן שליט"א, וועלכער איז שוין לאנגע יארן דער עומד בראש פון דעם הייליגן קאמף — בנוסף צו אַלע זיינע פּעולות חובקות זרועות עולם לכל קדשי בית ישראל — שטייענדיג אויפ'ן פראנט מיט מסירת נפש אָפּצושלאָגן אלע בייזע פיילן פון די משנאי ה', נישט שלאפנדיג קיין נעכט מיט די דאגה אז די רעגירונג זאל חלילה נישט איבערנעמען דאס בעלות פון די הייליגע מוסדות התורה און מען זאל ווייטער קענען אנגיין אומגעשטערט אויפ׳ן דרך הסלולה שהנחיל לנו רבינו הק’ למורשה.
העסקן הרה"ח רבי משה דוד הי"ו האט באדאנקט די רבנים און עסקנים פאר זייער מסירת נפש׳דיגע עבודת הקודש דורכאויס די אלע יארן, איבערהויפט ווען עס קומט צו דער נושא פון חינוך וואו די רבנים געבן אַוועק צענדליגער שעה׳ן, טעג און נעכט, צו באגלייטן יעדע ריר בדעת תורתם בכל זמן ועידן, אַז די עסקנים זאָלן וויסן דעם קלאָרן גאַנג וויאַזוי זיך צו פירן עפ״י דעת תורה אויף יעדן טריט און שריט.
דערנאך האט כלל ישראל׳ס שליח הרה״ח ר׳ משה דוד שליט״א אראפגעלייגט דעם יעצטיגן ברענעדיגן מצב און די אקטועלע אנטוויקלונגען אויפ’ן קאַמפס-פראנט מיט לעבעדיגע באריכטן און גריסן פון די לעצטיגע מיטינגען וואס מען האט געהאט מיט די באאמטע. דאן האט ער פארגעלייגט און אויסגעשמועסט די שאלות פאר די רבנים שליט"א, לדעת את המעשה אשר יעשון לגבי די פארשידענע הצעות וואס ליגט אויפ'ן טיש, וויאזוי צו האנדלען ווייטער, און ווידערהאָלט די פראַגע בנוגע דעם ״בריוו״ וואָס די עקספּערטן קלערן אַז ס׳וואָלט געווען כדאי יעצט אַרויסצושיקן, אין נאָמען פון די מוסדות התורה, וואָס פאַרטרעטנדיג אַזאַ ריזן צאָל פון צענדליגער צענדליגער טויזנטער קינדער בליעה״ר און אזעלכע אנערקענטע קהלות ומוסדות וועט דאָס בעז״ה האָבן אַ שטאַרקן אימפּאַקט.

חרדי׳שער אַדוואָקאַט ר׳ אבי שיק הי״ו: רעפעראַט פון די אַנטוויקלונגען
עס איז דאן אויפגערופן געווארן דער באַרימטער אַדוואָקאַט פון די “פערלס” ארגעניזאציע, ר’ אבי שיק הי״ו, וועלכער האט פארגעלייגט פאר די רבנים די לאגע, פון א לויער'ס שטאנדפונקט. ער האט געשילדערט ווי מען האט בע"ה ביז היינט גאר שטארק מצליח געווען צו ברעכן ווענט אויף א אופן וואס מען האט נישט געגלייבט, סיי די רעגולאציעס וואס האט שוין עטליכע מאל געדארפט אריין אין קראפט אין נאר דורך די פעולות לטובה האט מען בסייעתא דשמיא עס אפגעהאלטן וואס מען האט צוויי מאל אפגעשלאגן און מ'האט געווינען עטליכע געריכט קעיסעס אויף דעם נושא.
דער געניטער אדוואקאט האט דעטאלירט אויסגעשמועסט און פארגעלייגט פאר די רבנים פארשידענע אפציעס פון פלענער אויפן עתיד ביז מען וועט בע"ה אנקומען צו צוברעכן די גזירה, און האט קלאר ארויסגעברענגט אז דער איצטיגער ציל איז זיי אויפצואווייזן אז עס פעלן נישט אויס נייע, קלארערע געזעצן וואס זאל פארלאנגען פונקטליכער וועלכע סוביעקטן מ'זאל לערנען ווי אזוי, און וויפיל צייט, און ח"ו צו פארמיידן כסדר'דיגע אינספעקציעס אויף דעם.
דער געניטער געזעץ-עקספּערט — וועלכער האָט שוין סוקסעספול רעפּרעזענטירט אידישע אינטערעסן פאַר די העכסטע געריכטן אין די פאַראייניגטע שטאַטן און באַוויזן מאָנומענטאַלע זיגן — האָט אַרויסגעברענגט אַז אויב חלילה מ'וועט זיך דארפן שלאגן, אויב די רעגולאציעס קומען נישט גוט ארויס, וועט מען קעמפן און מ'האט שוין ב"ה געווינען צוויי קאורט קעיסעס אויף די אישו. אבער מען דארף גרויס רחמים מצליח צו זיין, און מ'קען זיך נישט פארלאזן אויף א געריכט זיג - מאמענטאל דארף מען פרובירן צו פארמיידן א ביטערע גזירה.

אלקים נצב בעדת קל: די גדולי ישראל שליט״א זענען דן בכובד ראש
א שטארקע ערנסטקייט האט ארומגענומען דעם צימער ווען עס האט זיך אנטוויקלט אַ העפטיגער משא ומתן צווישן די גדולי הרבנים עיני העדה שליט"א, וועלכע האבן צווישן זיך נושא ונותן געווען איבער די פרטי הדברים און דעם ריכטיגן דעת תורה וויאזוי צו רעאגירן אין אזא צייט. דערביי האט כ”ק אדמו״ר מוויען שליט"א אויסגעפרעגט פונעם אדוואקאט אלע קלענערע און גרעסערע דעטאלן, בנוגע די הצעות וואס זענען אויפגעברענגט געווארן, און דער לויער האט אלעס מסביר געווען בטוב טעם ודעת.
דאס זעלבע האבן כ"ק אדמו"ר מקאשוי שליט"א און כ"ק אדמו"ר מוויזניץ וויליאמסבורג שליט"א אויסגעפרעגט כמה צדדים וואס מ'קען טוהן צו לינדערן די ביטערע גזירה, ועל צבאם האָט דער ראש מערכות ישראל, כ"ק מרן אדמו"ר מהרי"י מסאטמאר שליט"א — וואָס דער רבי שליט״א שטייט פּערזענליך בקשרי המלחמה מאז ראשית מערכת הקודש וידע את כל אשר נעשה אין די הייליגע אונטערנעמונג להציל עתיד החינוך הטהור — אויסגעשמועסט מערערע וויכטיגע יסודות און פרטים איבער דעם גרויסן און העלדישן קאמף למען נפש דורותינו.
א יראת כבוד האָט געשוועבט אין די לופטן בשעת ווען די רבנים ראשי ומאורי ישראל האבן דן געווען כל ענין וענין מיט אזא ערנסטקייט ובכובד ראש. מען האט באשיינפערליך געקענט טאפן אין די לופט אז דא איז מען דן בדברים העומדים ברומו של עולם און די איינציגסטע זאך וואס עס שטייט פאר די אחריות׳דיגע אויגן פון די עיני העדה איז: דער עתיד פונעם כלל ישראל די הייליגסטע וואס מיר פארמאגן די צאן קדשים, און די בעסטע תכסיסי מלחמה צו קעמפן פאר זייער שלימות׳דיגן חינוך.
הגה”צ רבי חיים פלאהר שליט"א ראש הכולל זכרון מנחם, האט נושא ונותן געווען איבער דער נושא פון ענטפערן די 'סורוועי’ וואס די רעגירונג פארלאנגט אצינד צוריק צו שיקן, און מען האט געהערט פון די רבנים ועסקנים שליט"א שטארקע צדדים פארוואס עס איז כדאי יא צו גיין אינאיינעם, אז יעדער זאל ענטפערן ביינאזאם מיט'ן כח הרבים. דער ראש הכולל האט אויך אויפגעברענגט די שאלה צי ס׳איז קלאָר גענוג וואָס דאָס באַדייט די קריעטעריע פון “סובסטענשעל עקוויוואַלענט,” אויף וואס דער וויענער רב שליט"א האט ערקלערט אז אויף דעם גופא איז דא די מיינונגס פארשידענהייטן און דער וויכוח פון די מוסדות מיט די רעגירונג, און ווי דער אדוואקאט האט ארויסגעברענגט אז דאס איז יעצט דער פחד, אז די רעגירונג זאל חלילה נישט ארויסקומען מיט א קלארע אויסטייטשונג דערויף לויט דעם נעגאטיוון פּערספּעקטיוו ח״ו.

רבת את ריבם: דער פּשרה׳לאָזער קאַמף אינאיינעם מיט די גדולי ישראל
כ"ק מרן אדמו"ר מרי"י מסאטמאר שליט”א האָט בתוך הדברים ארויסגעברענגט דאס געוואַלדיגע זהירות וואס פאדערט זיך — און אויף דעם שטייט מען טאַקע דערויף מיט אַ מורא׳דיגער אחריות — נישט צו איבערגעבן פאר די רעגירונג קיין שום סאָרט בעלות אויף וואס מיר לערנען אין אונזערע מוסדות הקדושים, זיי זאלן נישט האבן קיין שום ווארט און עס נישט קענען קאנטראלירן. דאָס בעלות אויף ״וואָס״ מ׳לערנט מוז ליגן גענצליך אין די הענט פון די מוסדות התורה, מיט די פולקאָמע אויסשליסליכע רעכטן אַליין צו מאַכן די באַשלוסן וואָס אונזערע קינדער לערנען!
רעדנדיג איבער דער נושא האָט דער סאַטמאַרער רבי מהרי"י שליט״א גאָר שטאַרק אַרויסגעברענגט לשבח די געטרייע עסקנים פון “פערלס", אין שפיץ פון הרה"ח רבי משה דוד ניעדערמאן שליט"א, וואס דער רבי האט מעיד געווען אז אלעס וואס זיי טוען, מאז התייסדותם עד היום, ווערט דורכגערעדט מיט די רבנים שליט"א און דעת תורה, איתמחי גברא ואיתמחי קמיע, און זיי שטייען דערויף מיט אַן אמת׳דיגער נאמנות און מסירת נפש צו טון יעדן ריר בלויז על פּי התורה אשר יורוך און זיי רירן זיך נישט אַוועק פון דעם ימין ושמאל.
אויך האט כ״ק אדמו״ר מהרי"י מסאטמאר שליט״א ארויסגעברענגט אז ער אליין איז שוין געזעסן כמה פעמים מיט די גדולי הרבנים שליט״א ומנהיגי המוסדות, און דער רבי שליט״א האט אויסגערעכנט כ״ק אדמו״ר מפאפא שליט״א, כ״ק אדמו״ר מוויען שליט״א, כ״ק אדמו״ר מוויזניץ שליט״א, כ״ק אדמו״ר מצעהלים שליט״א, כ״ק אדמו״ר מקאשוי שליט״א, און כ״ק אדמו״ר מגאלאנטא שליט״א, וואו מ׳האט דורכגערעדט די אלע ענינים און אויסגעשמועסט ביי יעדער גרעסערער באַשלוס דעם ריכטיגן דרך התורה וויאַזוי מ׳זאָל זיך אומגיין על כל צעד ושעל. באַזונדער האָט דער רבי שליט״א שטאַרק משבח געווען די צוויי גדולי הרבנים, דער קאַשויער רב שליט״א און דער גאַלאַנטער רב שליט״א, וואָס זענען זיך מקריב די אַלע יאָרן צו שטיין בראש און באַגלייטן אַלע פּעולות פונדערנאָענט בכח תורתם והוראתם.
כ"ק אדמו"ר מקאשוי שליט"א, וועלכער איז במשך די אלע יארן בעובי הקורה פון די הייליגע פעולות, האט כיהודא ועוד לקרא דערביי איבערגעגעבן זיין פערזענליכע התפעלות וויאזוי ער האלט זעלבסט מיט די מסירת נפש'דיגע אקטיוועטעטן פון די “פערלס” ארגאניזאציע מאז הקמתה. און האט זעלבסט זיך באטייליגט ביי שטורמישע מיטינגען מיט רידזשענטס ווי הרה"ח ר’ משה דוד שליט"א האט זיי קלארגעשטעלט מיט א הייליגן שטאלץ, אז מיר וועלן שטיין פעלזן פעסט אויף אונזערע פרינציפן און נישט זיך אוועקרירן פון דעת תורה.

דיון פון גדולי ישראל אויף די פראַגע צי מ׳זאָל יעצט ענטפערן אָדער איגנאָרירן די רעגירונג
ווען עס איז אויפגעברענגט געוואָרן די פראגע אויב עס לוינט יעצט ענדערש צו איגנאָרירן אינגאַנצן די רעגירונגס אָנפראַגע, איז אנגעוויזן געווארן אז די גאנצע סיבה פארוואס דער געריכט האט ארויסגעווארפן די פריערדיגע רעגולאציעס איז געווען ווייל מ'האט נישט גענומען קיין קאמענטארן און זיך נישט גערעכנט מיט די פריוואטע שולעס און עלטערן, וואס איז א טייל פונעם פראצעדור דורכצופירן נייע רעגולאציעס. דעריבער, איז וויכטיגער אז מ'זאל זיך לאזן הערן, ווייל אויב מ'איגנארירט דעם פראצעדור און מ'לאזט נישט הערן אונזערע פאדערונגען און טענות, וועט מען חלילה שטיין שוואכער אין געריכט, ווייל זיי וועלן אנווייזן אז מ'האט איגנארירט די געלעגנהייט ווען מ'האט זיך געקענט לאזן הערן.
עס איז אויך אויפגעברענגט געווארן א פראגע אז אפשר זאל מען גענצליך איגנארירן דעם פראצעדור און גלייך גיין צום פעדעראלן געריכט, כדי עס זאלן אנקומען צום העכסטן ״סופרים קאורט״ פון די פאַראייניגטע שטאַטן, וואו עס איז מעגליך פארהאן א סברא אז מען קען געווינען וויבאלד די קאנסערוואטיוון האבן איצט א שטארקער רוב, אזוי ווי דער לעצטער קעיס וואָס איז געקומען פאַר׳ן הויפּט-געריכט איבער די רעכטן פון די רעגירונג איינצוטיילן פאַר די בתי מדרשים מיט זייערע באַגרעניצונגען אין דער יעצטיגער תקופה מיט׳ן קאָוויד-19, וואו מ׳האָט ב״ה אַרויסגעצויגן אַ באַדייטנדן זיג.
אויף דעם האָט רעאגירט דער געניטער אדוואקאט ר’ אבי שיק — וועלכער האט סוקסעספול פארטרעטן די אידישע קהלות אין דעם נאַציאָנאַל-נאָכגעפאָלגטן קעיס פאַר׳ן סופּרים קאָורט, וואו מ׳האָט באַוויזן אַן אומגעהויערן זיג אין דער יעצטיגער סיטואַציע (און אגב, דעם פרייטאג זאת חנוכה, וועט ער זיין צוריק אין פעדעראלן געריכט, וואו אהין די סופרים קאורט האט צוריקגעשיקט אנדערע טיילן פון די קעיס, און ער וועט ווייטער קעמפן פאר יהדות החרדית) - אַז פון יענעם קעיס זעט מען פאַרקערט, צום באַדויערן, אַז אפילו די קאנסערוואטיווע סופּרים-קאָורט איז ״נישט״ געווען גרייט צו צושטימען אז די רעגירונג טאר זיך בכלל נישט מישן; זיי האָבן בלויז איינגעשטימט צו אורטיילן אז די רעגירונג קען נישט ״איבערציען דעם שטריקל״ און מאכן שולן הארבער ווי אנדערע ערטער וואס זיי לאזן יא אפן פאר מענטשן און זיי מוזן האבן א גוטע סיבה פארוואס זיי מאכן די באגרעניצונגען.
דאס באדייט זייער קלאָר — האָט דער אַדוואָקאַט וועלכער ״קומט שוין פון דאָרט״ און האָט גענוי שטודירט דעם לעצטן אורטייל פונעם הויפּט-געריכט אַרויסגעברענגט — אז מיר קענען אצינד נישט איינפאך איגנארירן די גזירות על החינוך, ווייל דאס קען חלילה זיין א בכי’ לדורות פאר'ן עתיד פון אונזערע מוסדות רח"ל. און אפילו אויב ס'איז יא דא א שאנס צו געווינען, קען מען נישט נעמען די ריזיקע און זיך בלויז פארלאזן דערויף, נאר מ'דארף פרובירן ביי אלע שטאפלען צו פרובירן אפצושלאגן די גזירה. עס וואלט געווען אן אומ'אחריות בלויז זיך צו פארלאזן אויפ'ן העכסטן געריכט.
דער אדוואקאט האט דערביי אויסגעשמועסט עטליכע קעיסעס וואס זענען געווען אין ניו יארק און אין די פעדעראלע געריכט, איבער עדיוקעישאן, און אנגעצייגט אין קיין איינער פון די קעיסעס האט דאס געריכט נישט גענומען די שטעלונג אז די רעגירונג קען בכלל נישט איינטיילן וועלכע ערציאונג א קינד דארף באקומען.
אַלס רעפערענצן צו די אויבנדערמאַנטע האט דער באַגאַבטער געזעץ-עקספּערט דערמאנט די בארימטע 'מלאכים’ קעיס פאר ארום זיבעציג יאר צוריק אין ניו יארק; די 'יאדער’ קעיס אין וויסקאנסין, וועלכע האט באהאנדעלט די קינדער פון די 'עימיש’ סעקטע. ביי אט דעם פאל האט דער סופרים קאורט שוין מיט 50 יאר צוריק בלויז באפרייעט די 'עימיש’ קינדער פון הויך-סקול, אבער נישט פון בכלל גיין אין סקול; און ווי אויך עטליכע קעיסעס אין ניו יארק, וואס דער צד השוה איז אז קיין איין געריכט האט נישט געאורטיילט אז די רעגירונג האט בכלל נישט קיין דעה און קען נישט אריינרעדן אז א קינד מוז האבן א מינימאלע 'בעיסיק עדיוקעישאן', לויט זייער מיינונג און אָפּטייטש.
דער אדוואקאט האט ארויסגעברענגט אז וואָס מיר דאַרפן איצט טון פאַר די בעסטע לעגאַלע שאַנסן אינעם עתיד, איז פרובירן מיט אַלע כוחות צו ארבעטן צו ״איבערצייגן״ די רעגירונג זיי זאָלן אָפּרופן די שווערע גזירות און אינספעקציעס. אויב וועלן מיר זיי ענטפערן מיט אַ שטאַרקער איבערצייגונג און זאַכליכע טענות, און זיי וועלן נישט נאָכקומען אונזערע פאדערונגען, דאַן וועלן מיר בדרך הטבע האָבן אַ פיל שטאַרקערן שטאַנד און אַסאַך גרעסערע אויסזיכטן אויב מ'וועט דארפן אַָנקומען אין די געריכטן צו קענען אַרויסקוועטשן אַ זיג בעז״ה.

ולך עשית שם גדול וקדוש — די שטאַרקע החלטות און דער קידוש ה׳ פון דער אסיפה
ביים שלוס פון דער אסיפה איז באַשלאָסן געוואָרן דורך די רבנים הגאונים שליט״א צו גיין מיט׳ן מהלך פון אַ ״פאראייניגטן בריוו״ וואס זאל פאָרשטעלן אונזער שטאַנד פאַר די שרי הממשלה און כ״ק אדמו״ר מוויען שליט״א האָט דערביי — ווי פריער דערמאַנט — פאָרגעשלאָגן פאַר די עסקנים זאָלן צונויפשטעלן דעם נוסח פון דעם בריוו און דאַן אַרומגיין צו די שטיבער פון די רבנים שליט״א זיי זאָלן עס איבערקוקן און געבן זייערע קאָמענטאַרן, עצות והערות צו מאַכן זיכער אַז ס׳איז ראוי ויאה בעיניהם צו פּרעזענטירן די שטעלונג פון די מוסדות התורה בנוגע דעם חינוך פון אונזערע קינדער.
דער וויענער רב שליט״א האט דערביי אויך פאַרבעטן די רבנים הנאספים שליט״א, אז היות דאָ האַנדעלט מען פון די סאַמע האַקלסטע יסודות וואס איז נוגע פאַר׳ן חינוך התשב”ר און דאָס איז אַבסאָלוט עפּעס וואָס איז דאָס אחריות פון די מנהיגי העדה די נשיאי המוסדות און איז נישט קיין נחלת הכלל פאַר יעדן מן דהוא אַריינצורעדן זיינע מיינונגען איבער דעם, איז דערפאר מן הראוי אַז אַלעס זאָל געהאַלטן ווערן טאַקע צווישן די רבנים שליט״א, ובפרט אַז ווען מ׳גרייט צו דעם בריוו צו קענען אָפּשיקן זאָל דאָס געהאַלטן ווערן פּריוואַט ווילאַנג ס׳ווערט אַרויסגעשיקט צו די אינסטאַנצן. איבערהויפּט אַז מ׳שטייט היינט אין אַזאַ וועלט וואָס מ׳ליידט זיך אַזויפיל אָן פון מוסרים בכל מיני אופנים, דאַרף מען אויף דעם שטיין במשנה זהירות.
די רבנים שליט"א האבן זיך אלע געזעגענט מיט דער שטארקער החלטת הקודש, ואת והב בסופה מיט אן אנטשלאסנקייט צו ווייטער לוחם זיין, אלע קהילות הקודש אינאיינעם, אויף דעם זעלבן מהלך פון אלע יארן, נישט צו געבן חלילה פאר די רעגירונג קיין שום מקום אריינצורעדן אין די חינוך נושאים.
אויפ׳ן וועג אַרויס האבן די רבנים שליט״א אויסגעדרוקט זייער הכרת הטובה פאר כ"ק מרן אדמו"ר מוויזניץ שליט"א, דער גרויסער בעל אכסניא וועלכער האט פאררופן די אסיפה במעון ביתו, אן אסיפה וואס וועט בעז"ה אריינגיין אין די געשיכטע פון “גלות אמעריקע״, אלס איינע פון די וויכטיגסטע מאמענטן אינעם קאמף פאר תורה ומצוות און עתיד היהדות. באַזונדער האט כ"ק מרן אדמו"ר מהרי"י מסאטמאר שליט"א ווארעם באדאנקט פאר הגה”צ רבי חיים פלאהר שליט"א פאַר׳ן זיך מטריח זיין בטירחא דאורחא צו קומען צו פאָרן פון מאנסי זיך באַטייליגן ביי דער אסיפה למען עתיד חינוך הדורות.
ווי נאָר ס׳איז אַרויס אין דער ברייטער גאַס ביי יהדות ניו יאָרק די באַריכטן איבער דער געהויבענער אסיפה האָט עס אַרויסגעברענגט א געוואלדיגע הנאה און סאַטיספאַקציע ביי די רבבות אלפי ישראל פון אַלע שיכטן און קרייזן וועלכע ציטערן פאַר׳ן עתיד הדורות, זעענדיג ווי די עיני העדה, די גדולי הדור, שטייען פאַראייניגט אויפ׳ן פראָנט פאַר דער ריינער המשכה פונעם חינוך הטהור, און באַזונדערס האָט דאָס ווידעראַמאָל אַרויסגעברענגט צום אויבערפלאַך די אויסטערלישע צוטרוי און שעצונג פון די גדולי ישראל צו די שליחי עמך בית ישראל פון ״פּערלס״, אויף וועלכע די רבנים זענען סומכים את ידיהם צו פאַרטרעטן דעם יהדות הנאמנה.
אצינד קוקט כלל ישראל אַרויס מיט געשפּאַנטע הערצער און מ׳איז מתפּלל מעומק הלב אַז די אַלע פּעולות חובקות זרועות עולם לטובת החינוך, און די ״דברים היוצאים מן הלב״, בעסער געזאָגט: מן לבבות רבבות ישראל, דער האַרציגער געבעט אַז מ׳זאָל חלילה נישט פּייניגן כלל ישראל און נישט ענדערן אונזער חינוך, זאָל נתקבל ווערן אויף די שרי הממשלה, ותטה לב המלכות עלינו לטובה, און אַזוי ווי אין די ימי חנוכה זאָלן די מתייוונים און מתחדשים, די שונאיהן של ישראל מבכם ומכם, ליידן אַ וויסטע מפּלה ולא ירעו ולא ישחיתו בכל הר קדשי, כלל ישראל זאָל ווייטער קענען פאָרזעצן מגדל זיין ערליכע לעכטיגע דורות לה׳ ולתורתו ווי אונזער ווילן און שטרעבן, ביז מיר וועלן שוין זוכה זיין צום ״ומלאה הארץ דעה״ און ״בנערינו ובזקיננו״ מיט ערליכע דורות וועלן מיר קעגנגיין משיח צדקינו, בב״א..
לֹא יָמוּשׁוּ מִפִּיךָ וּמִפִּי זַרְעֲךָ וּמִפִּי זֶרַע זַרְעֲךָ!
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

אורח הכבוד האט געשריבן:
אבינו מלכינו עשה למען תינוקת של בית רבן

כראָנאָלאָגישע איבערזיכט
איבער דעם העלדישן קאמף למען עתיד החינוך אין די מוסדות התורה אין ניו יארק


• יונים נקבצו עלי; די מסירות פון יאפע"ד: ס'איז שוין ארום צען יאר וואס עס איז געגרינדעט געווארן די שעדליכע גרופע אונטערצוגראבן דעם ערליכן חינוך, מיט די טענה אז מ'לערנט נישט גענוג ענגליש. יאפע"ד האט אנגעהויבן ארויסשטעלן אין די צייטונגען נושרים וואס באשולדיגן דעם ערליכן חינוך פאר זייערע דורכפעלער. במשך די יארן האבן זיי אויך פרובירט א קלאגע קעגן איסט ראמאפא און די סטעיט פאר נישט פארסירן דעם געזעץ פון סאבסטענשעל עקווילענס, וואס פארלאנגט אז פריוואטע סקולס זאלן לערנען ענליך צו די פובליק סקולס.
• דער ערשטער פראנט וואס האט זיך געעפנט אויף די בתי חינוך גייט שוין צוריק באלד זעקס יאר, ווען די מוסרים האבן געשיקט א 'קאמפלעינט’ צו די ניו יארק סיטי עדיקעישאן דעפארטמענט קעגן צענדליגער מוסדות אז מ'לערנט נישט קיין ענגליש.
• עס איז געווען קלאר פון דער ערשטער מינוט אז מען מוז דא האבן א שטארקן, פאראייניגטן פראנט, צו מציל זיין דעם ערליכן חינוך. דאן האט בהתייעצות הרבנים הגאונים שליט"א מנהיגי הקהלות פארזאמעלט עסקנים און אנגעהויבן ארבעטן אויף א מהלך צו פאראייניגן אלע היימישע מוסדות התורה והחינוך פון איבער גרעיטאר ניו יארק, בעצה אחת ובדעה אחת, לקדם פני הרעה, אז קיינער זאל זיך חלילה נישט אונטערגעבן נאר שטעלן א פאראייניגטן פראנט בגאון ועוז.


• י"ב אלול תשע"ה: איז די גזירה ליידער ארויס בפועל, ווען צענדליגער ישיבות אין ניו יאָרק סיטי האבן באַקומען בריוו פון ניו יאָרק סיטי עדיוקעישאָן דעפּאַרטמענט צו פאַרלאַנגן זייער קוריקולום – פונקטליך וועלכע סאבדזשעקט מ'לערנט אין יעדן קלאס, פאר וויפיל צייט, די פונקטליכע סקעדזושעל. ס'האט געהערשט א שרעקליכער פחד. זאל מען ענטפערן אדער נישט. חלילה, וויסנדיג אז אויב מ'זאגט זיי אז מ'לערנט נישט, קענען זיי נעמען שריט, ביז דערקלערן די קינדער 'טרוענט’ און באפעלן אז מ'מוז זיי אריינשטעלן אין געזעצליכע סקולס. אויב נישט, קענען זיי פאר דעם נעמען שטרענגע שריט.
• אין יענע חדשים איז פּערל"ס נתייסד געוואָרן – אלס די שירעם ארגאניזאציע פאר אַלע מוסדות התורה פון ניו יאָרק סיטי. מ'האָט אויפגענומען דעם געטרייען אַדוואָקאַט מר. אבי שיק – וועלכער איז א באגאבטער אדוואקאט און האט אויך א זעלטענע ערפארונג אין רעגירונג, אדאנק זיין הויכראנגיגע קאריעריע פון ווען ער איז געווען דער הויפט געהילף צום סטעיט אטוירני דזשענערל און אויך דעם גאווערנאר'ס אפיס – וועלכער איז אן אפגעהיטענער ארטאדאקסישער איד, צו פאַרטרעטן די מוסדות.
די דרכי השתדלנות און מהלך פון פערל"ס
• דער ציל פון פערל"ס איז צו איבערצייגן די רעגירונג אז ערשטנס, מיר וועלן זיך נישט לאזן צווינגען צו לערנען אלעס וואס זיי ווילן, און דאס איז קעגן אונזער רעליגיע. מיר זענען גרייט צו קעמפן דערפאר אין געריכט.
• פון די אנדערע זייט, ווייזט מען זיי אויף אז מ'האט יא אן ענגליש פראגראם, און זיי דארפן נישט אריינקומען קאנטראלירן פונקטליך וואס און ווי אזוי מ'לערנט אין די מוסדות, אזוי ווי עס איז נתייסד געווארן בפקודת רבינו הקוה"ט זי"ע און די גדולי ומנהיגי הקהלות.
• א וויכטיגער טייל איז וואס האט מען אריינגעלייגט זייער אסאך כוחות צו ווייזן 'כי הוא חכמתכם ובינתכם לעיני העמים', אז פון די תורה הקדושה זענען אונזערע קינדער קונה ידיעות און חכמה, שארפן זיך די קעפ, און זיי מוזן זיך רעכענען דערמיט און חלילה נישט בעטן משנה צו זיין פון די סדרים. פערל"ס האט פאקטיש אריינגעלייגט ממון ודמים אין 'קוריקולום מעפינג’ אויפצואווייזן די ידיעות וואס מ'איז קונה פון לימודי קודש דייקא.
• פערל"ס ארבעט אויך צו ווייזן די פירות וואס קומען ארויס פונעם חינוך, ארענטליכע בעלי משפחות, גרויסע ביזנעסלייט, און א גאר אנשטענדיגער ציבור מיט הערליכע משפחות. מ'טוט דאס דורך די פרעסע און אין פריוואטע מיטינגען מיט די רידזשענטס און באאמטע, א.ד.ג.
• כדי דאס זאל מצליח זיין מוז מען פארשטענדליך האבן א מינימום ענגליש אין די קלענערע קלאסן. ווי עס איז שוין איינגעפירט געווארן דורך רביה"ק מסאטמאר זי"ע ווען ער האט געגרינדעט זיינע מוסדות על אדמת אמעריקע.
• אין די זעלבע צייט האט “פערלס” אנגענומען דעם מיטל למלחמה. מען האט איינמאל און נאכאמאל קלארגעשטעלט פאר די סיטי און סטעיט אז מיר זענען גרייט צו גיין אין געריכט קעמפן פאר אונזערע רעכטן, און מיר וועלן פאר קיין שום פרייז נישט לאזן זיך אוועקרירן פונעם ערליכן חינוך. מען איז געגאנגען אין געריכט מער ווי איין מאל, און ב"ה געווינען.
• ווען די מוסרים זענען אריין אין פעדעראלע קאורט, אז די סטעיט זאל נישט טארן זיך רעכענען וואס מ'איז קונה ביי די לימודי קודש, האט “פערלס” לאיער פארלאנגט אז מיר דארפן ווערן א צד אין די קעיס און האט באקומען אייניגע צייט אין געריכט צו קענען פארטיידיגן די ערליכע ישיבות, און מיר האבן ב"ה געווינען קעגן די מוסרים, און אז דער ריכטער האט געזאגט אז מ'מוז זיך רעכענען מיט לימודי קודש, און מ'האט זיך אלץ געדארפט רעכענען דערפאר.
• חפץ ה’ בידם הצליח! אט דער מהלך פון שתדלנות בהשכל ובדעת האט ב"ה געארבעט: מיר שטייען היינט שוין מער ווי פינף יאר פונעם ערשטן בריוו – ברוך השם אז מיר שטייען ווייטער פעלזן און דער סדר החינוך אן קיין שום טויש פונעם חינוך על פי מסורה און פון די סדרים אין די בתי חינוך. כה יתן ה’ וכה יוסיף!

די גזירות אין די סטעיט:
• אצינד איז ליידער געווארן פונקט צוויי יאר פון ווען מ'האט אנגעהויבן צו ליידן אויך פון די סטעיט.
• די סטעיט האט אן עדיוקעישאן דעפארטמענט וואס זיי האבן די העכסטע אויטאריטעט אויפ'ן חינוך. זיי דירעקטירן די לאקאלע סקול דיסטריקטס וואס צו טאן. די דעפארטמענט האט א קאמישאנער, וואס פירט דעם אפיס, און א באורד אוו רידזשענטס. דאס באשטייט פון רידזשענטס – 13 ריזשענטס פאר יעדע דזשודיזשיעל דיסטריקט, און פיר וועלכע ווערן אויסגעקליבן פאר די גאנצע סטעיט ('עט לארדזש'). זיי ווערן באשטימט דורך די סטעיט לעגיסלאטור. זיי דארפן באשטעטיגן די דעפארטמענט'ס רעגולאציעס, זיי שטימען פאר'ן קאמישאנער – די רידזשענטס האבן א פירער, איינער פון זיי, וועלכע איז די טשענסלער.
• י"ב כסליו תשע"ט: די סטעיט עדיוקעישאָן דעפּאַרטמענט גיט אַרויס נייע גיידליינס און טשעק-ליסטעס, וואָס מ'דארף לערנען און וויפיל צייט. עס רעכנט אַריין אַ לאַנגע ליסטע לימודים וואָס מ'דאַרף לערנען אין אַלע קלאַסן, און שטרענגע אינספּעקציעס און איבערזיכטן יעדע עטליכע יאָר.
• כלל ישראל פאַראייניגט זיך אָפּצוקעמפן די גזירה, אָרגאַניזירט דורך פּערל"ס. עס שליסט אַריין אַ פּעטיציע אונטערגעשריבן דורך איבער 75,000 מענטשן קעגן די גזירה.
• באלד ווען די רידזשענטס האט ארויסגעגעבן די רעגולאציעס, האט פערל"ס קלארגעשטעלט אז מ'וועט דאס נישט פאלגן. מען האט זיי דאס געזאגט פריוואט, מ'האט עס געזאגט אין אפיציעלע סטעיטמענטס, און יענעם כ"א כסלו האט הרה"ח רבי משה דוד ניעדערמאן שליט"א אויסגערופן זייער קלאר שטייענדיג בפני כל עם ועדה, רבבות אלפי ישראל, און להבדיל אויך צענדליגער ערוויילטע באאמטע
“Let us be unambiguous and clear: the guidance issued is something that we cannot and will not abide by. This is a clear interference in our religion, and we will not stand idle in the face of it.‎”
"לאָמיר זיין אומצוויידייטיג און קלאָר: "די גיידענס וואָס זענען אַרויסגעגעבן געוואָרן איז עפעס וואָס מיר קענען נישט און וועלן נישט אויספאָלגן. דאָס איז אַ קלאָרע אַריינמישונג אין אונזער רעליגיע, און מיר וועלן נישט זיצן שטיל ווען דאָס פאַסירט.‏"
• די מוסרים האבן דאס תיכף ארויסגעשיקט מיט א ברייטן פרסום אין די אלגעמיינע מידיע, וואו זיי האבן אטאקירט די ערוויילטע באאמטע פאר בלייבן אין זאל ווען מ'האט דאס געזאגט. דער געטרייער עסקן הכלל האט זיך אבער נישט דערשראקן, און זאגט דאס ווייטער כסדר איבער פאר די באאמטע. מיר האבן א מסורה ווי אזוי מחנך צו זיין אונזערע קינדער, און מיר האבן אויך א מסורה וויפיל און ווי אזוי מען קען לערנען לימודי חול. מיר וועלן חס וחלילה נישט טוישן קיין ריר דערפון.
• ראש חודש אדר ב': פערל"ס גיט אַריין דראמאטישע אָנקלאַגע קעגן די סטעיט'ס נייע גזירה אויפ'ן חינוך.
• י"ג ניסן תשע"ט: הודו לה’ כי טוב! די געריכט דערקלערט די סטעיט עדיוקעישאָן רעגולאַציעס אַלס “נול און אומגילטיג” ווייל ס'איז נישט דורכגעגאנגען די פראצעדורן ווי אזוי מ'דארף דורכפירן א געזעץ.
• א’ דראש חודש תמוז תשע"ט: די סטעיט האט נאכמאל ארויסגעלייגט די רעגולאציעס- כמעט די זעלבע ווי דאס ערשטע מאל – נאר איצט האבן זיי אנגעהויבן א פארמעלע פראצעדור וואס שליסט אריין 60 טעג פון אננעמען פארמעלע קאמענטארן.
• זומער תשע"ט: במשך דעם זומער האט פערל"ס ארגאניזירט א ריזן דרייוו אריינצושיקן קאמענטארן. עס זענען ארויסגעקומען די גרעסטע צאל קאמענטארן פון סיי ווען - – 140,000וואס מער ווי 95 פראצענט זענען געווען קעגן די רעגולאציעס. א אדאנק דעם פאראייניגטן כח האט פערל"ס ב"ה באוויזן אריינצוברענגן דער היסטארישער מספר און זיי האבן איינגעזען אז מ'מוז זיך דערמיט רעכענען.
• שלש עשרה מדות – ערב יום כיפור תש"פ: קומט פאר די באורד אוו רידזשענטס מיטינג וואו מ'האט געדארפט שטימען אויף די נייע רעגולאציעס. זיי האבן געמאלדן אז זיי לייגן אפ דעם באשלוס ווייל עס נעמט זייער לאנג איבערצוקוקן די צענדליגער טויזנטער קאמענטארן.
• חמשה עשר בשבט תש"פ: האט די סטעיט עדיוקעישאן דעפארטמענט געמאלדן אז זיי וועלן נישט שטימען אויף די רעגולאציעס נאר מ'גייט צוריק ארבעטן אויפ'ן געזעץ, און מ'וועט אויסהערן אלע 'סטעיקהאולדערס’ (דאס הייסט פריוואטע סקולס און אלע וואס האבן אן אינטערעסע איבער די אישו).
• דורכאויס די גאנצע צייט האבן פערל"ס געהאט מיטינגען מיט אינדיווידועלע רידזשענטס – פערל"ס האבן אויך גערעדט מיט די טשענסלאר, די פריערדיגע קאמישאנערס, און פאליטישאנס, זיי צו באאיינפלוסן נישט חלילה אריינצורעדן אינעם חינוך.
• מיט עטליכע וואכן צוריק האבן זיי אנגעהויבן די א.ג. “סטעיקהאולדערס” דיסקוסיעס. זיי האבן דערקלערט פינף רעגיאנעלע מיטינגען, און איין מיטינג פאר עלטערן און געוועזענע קינדער פון פריוואטע שולעס. פערל"ס איז געשטאנען אויפ'ן וואך און קלארגעשטעלט אז ביי די מיטינגען פרעגט מען נישט קיין ספעציפישע שאלות, נאר מ'רעדט ארום פונעם חינוך א.ד.ג. אן פרעגן וואס מוסדות זענען גרייט צו טאן אדער דריקן פאר אינפארמאציע. דער לעצטער מיטינג, פאר'ן ברוקלין ראיאן, איז פארגעקומען פאריגע וואך מיטוואך.
• פערל"ס האט געשיקט פארשטייער און ברוך ה’ זיי האבן עושה רושם געווען. די פאזיטיווע נייעס איז אז מ'הערט פון ממש אלע פריוואטע שולעס א שטארקע קעגנערשאפט צו די רעגולאציעס און זאגן זיך שארף ארויס קעגן א רעגירונג אריינדרינג אין פריוואטע שולעס.
• נאך א וועג ווי אזוי די SED האט געוואלט הערן פון פריוואטע שולעס, איז דורך א סורוועי וואס זיי האבן ארויסגעשיקט פרעגט ספעציפישע שאלות. תיכף ווען די סורוועי איז ארויסגעקומען איז אפגעהאלטן געווארן אן אסיפה בביתו נאוה קודש פון כ"ק מרן אדמו"ר מהרי"י מסאטמאר שליט"א, אינאיינעם מיט הגאוה"צ חברי הבד"ץ שליט"א, וואו עס האבן זיך אויך באטייליגט כ"ק אדמו"ר מגאלאנטא שליט"א און כ"ק אדמו"ר מקאשוי שליט"א, וואו מ'האט דן געווען וויאזוי דאס צו ענטפערן. דערנאך איז פאררופן געווארן די היסטארישע אסיפת הרבנים – איבער וואס עס ווערט ברייט באריכטעט אים דעם ארטיקל - בביתו נאוה קודש פון כ"ק אדמו"ר מוויזניץ שליט"א וואו די גדולי הרבנים האבן אינאיינעם דן געווען און מחליט געווען בדעת תורתם איבער די פאסיגע שריט וויאזוי צו אפהאלטן אז עס זאלן נישט ארויסקומען קיין ביטערע רעגולאציעס.

אידישע קינדער קוקן ווייטער ארויס מיט צאפלענדיגע הערצער אז “לא ירעו ולא ישחיתו בכל הר קדשי", ווען גלייכצייטיג איז מען גרייט אויף אלע פראנטן, מיט שתדלנות און לעגאלע מיטלען צו באקעמפן מיט'ן פולסטן שטארקייט יעדע פרואוו צו טוישן אפילו דאס מינדסטע פון אונזער ריינע חינוך, והשי"ת יהי’ בעזרינו שלא ינוח שבט הרשע על גורל הצדיקים.
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
אוועטאר
אורח הכבוד
שר ארבעת האלפים
תגובות: 4427
זיך איינגעשריבן אום: מיטוואך יולי 27, 2016 10:21 am
לאקאציע: פרוזדור (עולם הזה)

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך אורח הכבוד »

אורח הכבוד האט געשריבן:
דער קלאָרער ענטפער פון יהדות ניו יאָרק
• קורצער איבערזיכט פון דעם 5 זייטיגן בריוו וואָס רעפּרעזענטירט די שטעלונג פון 169 מוסדות התורה והחינוך אין ניו יאָרק סטעיט •

דער אַנטוואָרט וואָס איז געשריבן געוואָרן — אויפ׳ן ראַט און מיט די קלאָרע הדרכה פון די גדולי ישראל — פון דעם ניו יאָרקער אידנטום צום דעפּאַרטמענט אָוו עדיוקעישאָן איז געוואָרן אונטערגעשריבן דורך די גרעסטע מוסדות התורה אין גרעיטער ניו יארק – וויליאמסבורג, בארא פארק, קרית יואל, מאָנסי, קראונהייטס, פלעטבוש, אפסטעיט, סטעטן איילאנד, קעטסקילס און נאך - און רעפרעזענטירט א קלארן רוב פון די תלמידי המוסדות אין ניו יארק, און אן איבערוויגענדן מערהייט פון אַלע היימישע און חסיד'ישע מוסדות.
צוליב פאַרשטענדליכע סיבות, און דער פאקט אז די שונאי הדת און די אלע וואס האבן געשטעלט פאר א ציל צו צוברעכן די הייליגע מערכה צושמירן יעדעס ווארט וואס ווערט געשריבן, האָבן די עסקנים צונויפגענומען די מוסדות אויף אַ פּערזענליכן וועג און נישט צירקולירט דעם בריוו עלעקטעראניש. דעריבער איז נישט מעגליך געווען אָנצוקומען צו אַלע קלענערע מוסדות התורה נאָך בעפאָר׳ן דעדליין וואָס איז געווען דעם פאַרגאַנגענעם שב״ק וישב.
דער פאראייניגטער בריוו שטעלט פאר די קלארע שטימע פונעם יהדות החרדית און רופט אויס אז מיר ווילן און וועלן אנגיין מיט'ן ערליכן חינוך.
פאָלגענד איז אַ קורצער איבערזיכט פון די הויפּט-נקודות אינעם בריוו, וואָס פאַרנעמט 5 זייטן, וועלכע איז צונויפגעשטעלט געוואָרן מיט אסאַך קאָפּ און מח, און מיט זייער אַ קלאָרער אומצוויידייטיגער שפּראך, אַז ס׳זאָל האָבן די ריכטיגע השפּעה בעז״ה.
• דער בריוו צייגט אָן אויף די ״קוריקולום מעפינג״ וואס פערל"ס האט ספעציעל צוגעשטעלט וואס ווייזט קלאס-ביי-קלאס, וואך-ביי-וואך, די געוואלדיגע ידיעות וואס א קינד באקומט אין די ״לימודי קודש״ וואָס מיר לערנען מיט אונזערע קינדער, מיט וואס די רעגירונג מוז זיך רעכענען.
• עס ווייזט אן אז אפילו נישט-אידישע אַלגעמיינע סקול דיסטריקטס זאגן אז זיי האלטן נישט אז זיי זענען געאייגנט אפצושאצן ישיבות, ווייל זיי פארשטייען נישט די לימודי קודש.
• עס טוט אָנצייכענען אז ביי ישיבות גדולות, האט די פעדעראלע רעגירונג אנערקענט אז זיי קענען נישט אפשאצן ישיבות, צוליב וואס עס איז דא ספעציעלע אידיש-געפירטע ארגאניזאציע, ״אארט״ס״, וועלכע שאצט אפ ישיבות גדולות.
• עס ציטירט פון בריוו וואס די ישיבות האבן געשריבן צו די SED‏ אין יאָר 1942, ווען מ'האט דעמאלט אויך געוואלט מאכן א גזירה אויף ישיבות, אינעם פארעם פון פארלאנגן אז לימודי חול זאל מען לערנען פארמיטאג, און עס ברענגט אַרויס גאָר שיין און וואַרעם אונזער צוגעבונדנקייט צו אונזער חינוך פון לימודי קודש, וואָס מיר קענען אויף דעם נישט פאַרציכטן פאַר קיין שום פּרייז אויף דער וועלט, און קיינער קען דאָס נישט בייקומען.
די עלעאקוואנטע ווערטער מאכן זייער קלאר אז אידן אלץ גרייט אויף מסירות נפש אויפ'ן ערליכן חינוך, און מ'וועט זיך חלילה נישט לאזן צו טראנספארמירן דעם חינוך.
• אין אַ האַרציגע ליניע אין דעם בריוו שרייבן די 169 מוסדות התורה צו די רעגירונג: די מוסדות איז די האַרץ און אָטעם פון די אידישע געמיינדע. אָן דעם קענען מיר נישט עקזיסטירן. ס׳נישטאָ גאָרנישט בעסער פון אָט דעם חינוך וואָס מיר געבן אין די ישיבות פאָרצוברייטן אונזערע קינדער פאַר אַ באַרייכנדער, פּראָדוקטיווער, מאָראַלישער, עטישער און סוקסעספולער לעבן אין זייער צוקונפט!
• אין די ענדע פארלאנגט דער בריוו פארצוזעצן דעם דיאלאג, און אז די דעפּאַרטמענט אוו עדיוקעישאן קען נישט אפשאצן און פרובירן צו פארשטיין וואס מיינט אן ערליכער חינוך, בעפאָר׳ן געהעריג דורכטאן און זיצן מיט מחנכים פון ישיבות צו באגרייפן און זיך באקענען מיט די געוואלדיגע חינוך און לימודים וואס ווערט צוגעשטעלט פאר די קינדער.
יעדעס ווארט אינעם בריוו איז אויסגערעכנט און מ'איז געזעסן מיט די גדולי הרבנים און זייערע פארשטייער, איבערצוגיין יעדע שורה. עס איז דורך עטליכע רונדעס פון הגהות, און מ'האט אינקארפארירט יעדנ'ס הגהות און הערות.
ווי געשריבן אינעם הויפּט-באַריכט האבן די עסקנים במשך פאריגע וואך פערזענליך באזוכט ביי צענדליגער מנהיגי הקהלות ומוסדות התורה, זיכער צו מאכן אז דאס שפיגלט אפ א פאראייניגטע און קלארע שטימע, צו לאזן הערן די ריכטיגע דעת תורה איבער'ן חינוך.
כלל ישראל פאָלגט נאָך די אַנוויטקלונגען געשפּאַנט און איז מתפּלל הי׳ עם פיפיות שלוחי עמך בית ישראל, אז די שטעלונג פונעם יהדות החרדית זאל האָבן דעם ריכטיגן אָפּקלאַנג, די מסירות קעגן דעם ערליכן חינוך זאָלן זיך אָפּשטעלן, און ס׳זאָל איינמאָל פאַר אַלעמאָל באשטעטיגט ווערן כלל ישראל'ס רעכטן מחנך צו זיין אונזערע דורות בדרך ישראל סבא, בדרך התורה והמסורה, וואָס איז אראפגעשטעלט געווארן דורך אונזערע גאונים וצדיקים די מייסדים פון די בתי חינוך און ווערן ווייטער געפירט אויף די זעלבע וועגן דורך יבלחט"א די אדמו"רים ורבנים מנהיגי הקהלות, וואס פון דעם וועלן מיר זיך נישט אַוועקרירן קיינמאָל.
שטייט (זוה''ק שמות) אַּז די בריונים פון אידן וועלן גיין מיט גוג ומגוג'ן אינאיינעם, לוחם זיין מיט'ן מלך המשיח,
דאָס איז דעס מיליטער! די זענען אויסגעשולט געוואָרן, די וועלן גיין קעגן מלך המשיח לוחם זיין!


רביה''ק זי''ע נשא תשכ"ז
green sunday
שר האלף
תגובות: 1199
זיך איינגעשריבן אום: דינסטאג מארטש 16, 2010 3:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך green sunday »

[align=center]
דינסטאג ויגש:
ערשטמאָליגער קאָנפערענס צווישן 'אַר-פּעק' און 'בּאורד אוו רידזשענטס' שטעלט אַראָפּ קלאָרע ליניעס

ערשטע גרויסע טריט פון 'אר-פעק'
איז בלויז א הכנה צו א
מאסיווער אונטערנעמונג

יהדות ניו יארק פאלגט נאָך מיט שפאנונג
[/align]

ניו יארק – א קאלירפולער קאנפערענס וואס איז פארגעקומען היינטיגן דינסטאג ויגש צווישן עטליכע 'אר-פעק' פארשטייער בשם די עלטערן פון רבבות תינוקות של בית רבן, און די ניו יארק סטעיט 'בארד אוו רידזשענטס', איז אריבער מיט א אויסטערלישע שטארקייט און קלארקייט, און האט געעפנט א נייע וועלט פון שטאנדהאפטע און קלארע סטעיטמענט'ס צו די רעגירונג איבער די גאנצע נושא פון אונזער "רעליגיעזע עדיוקעישן".

ווי שוין געמאלדן פארגאנגענע וואך, האט דער יהדות החרדית איבער ניו יארק אויפגענומען מיט גרויס פרייד דעם עפענונג פונעם וויכטיגן אר-פעק ארגאניזאציע, דער ארגאניזאציע וועלכע פארטרעט די עלטערן וואס שיקן די טייערע קינדערלעך אין די מוסדות התורה איבער ניו יארק, וועלנדיג ערציען ערליכע אידישע דורות על דרך ישראל סבא מיט די חינוך וואס מיר האבן מקובל מאבותינו ורבותינו מדור דור.

די נייעס איבערן עפענען פון אר-פעק איז אויפגענומען געווארן מיט שטורעמישע פרייד ביי אלע הורי רבבות התשב"ר, נאך וואס איז די לעצטערע עטליכע יאר טאפט מען אין די פינסטער זיך ספראווענדיג מיט א שווערע גזירה וואס איז אנגעברענגט געווארן אויף אונז דורך נידערטרעכטיגע מוסרים ומלשינים, און די זארג איבערן עתיד פון די הייליגע מוסדות התורה לאזן נישט נאך, פארשטערנדיג יעדעס ברעקל מנוחה פון די גדולי הדור וועלכע האבן אן אחריות'דיגער בליק אויפ'ן כלל, או אוודאי די באזארגטע עלטערן וועמען עס אינטערסירט נישט גארנישט אויף דער וועלט העכער ווי דער חינוך פון די צאן קדשים.

ווי געזאגט האט זיך 'אר-פעק' געגרינדעט דורך גאר ענערגישע עסקנים און כלל טוער, ארייננעמענדיג אין די באורד עלטערן פון קינדער וועלכע שטייען גרייט מיט א פולן מאס ענערגיע זיך ארויסצושטעלן אויפן פראנט און קעמפן פאר אונזער חינוך מיט אלע תכסיסי מלחמה וואס עס וועט זיך אויספעלן, נאכפאלגנדיג מיט א שטאב פון געניטע אדוואקאטן וועלכע געבן גאר פראפעסיאנאלע אנווייזונגען, און שטייען שוין אויך וואַך, גרייט צו א מעגליכע לעגאלע קאמף אין די העכסטע געריכטן.

שטייענדיג בלויז איין וואך נאכ'ן ספאנטאניש מעלדן די נייעס, קומט שוין די פרישע נייעס איבער דער ערשטער רינגעלע אינעם קייט פון פאקטישע פעולות דורך אר-פעק, א שריט וועלכע פארשפרעכט נאכצוברענגען נאך זיך פילע גרעסערע לייסטונגען.

אצינד איז געקומען די בשורה איבער א נארוואס פארגעקומענער היסטארישער ווירטואלע-צוזאמטרעף צווישן עטליכע באורד מיטגלידער פונעם פריש געגרינדעטן אר-פעק ארגאניזאציע, און די באורד אוו רידזשענטס וועלכע פארפיגט אויף די ניו יארק סטעיט עדיוקעישאן דעפארטמענט.

נאכפאלגענדיג א גאר פראדוקטיווער ווירטואלער מיטינג וואס איז פארגעקומען מיט צוויי וואכן צוריק מיט די באורד אוו רידזשענטס, איז געקומען א באגער פון די לאקאלע סטעיט רידזשענט, אז זי וויל זיך פערזענליך טרעפן מיט די פארשטייער און עדיוקעיטערס פון די היימישע מוסדות אין אפסטעיט, און זיך נענטער באקענען מיט די חינוך וואס מען געבט ביי אונז, און דורכגיין פארשידענע פרטים וואס וועט העלפן ארויסקומען מיטן קלארן בילד איבערן היימישן חינוך.

די עסקנים האבן גענומען דעם באגעגעניש גאר ערנסט, זעענדיג דערין א געלעגנהייט צו קלארשטעלן אונזער אנטווארט צו די רידזשענט'ס איבער אונזער רעליגיעזע עדיוקעישן וועלכע איז אומבויגזאם, שטייענדיג אין די צייט וואס זיי גרייטן זיך אויסצושטעלן די נייע גיידליינס פאר אונזערע היימישע געגנטער. עס זענען געקליבן געווארן א צאל פארשטייערס וועלכע זאלן רעפרעזענטירן און פארשטעלן וואס מיר האבן צו זאגן.

מאנטאג איבערן טאג, א טאג איידער דער אסיפה האט געדארפט פארקומען, זענען די עסקנים אריבער צו גדולי ישראל און איבערגעשמועסט די פרטי הדברים וואס עס איז געפלאנט ארויפצוברענגען און וויאזוי עס איז געפלאנט פארצושטעלן דעם אמת איבער אונזער חינוך, און מען איז בכובד ראש אדורכגעגאנגען די פרטים, זיכער צו מאכן אז דער מעסעדזש קומט ארויס אפעקטיוו, קלאר און אויסגעהאלטן אויף הונדערט פראצענט.

נאך אפאר מינוט וואס מען איז געזעצן און אויסגעשמועסט געוויסע נושאים און געענטפערט אויף אלע שאלות וואס דער סטעיט רידזשענט האט געהאט פארצולייגן, אויסקלארענדיג דערביי מערערע דעטאלן וואס זענען ביז היינט נישט געווארן קלארגעשטעלט מיטן גאנצן קלארקייט פאר די פאליטישע פערזענליכקייטן, האבן די עסקנים אויפגעוויקלט א שלל מיט דאקומענטארישע חומר וואס איז פון פאראויס צוגעגרייט געווארן ווירטואל, דאקומענטן און פאלדער'ס וועלכע שטעלן פאר אויף א גאר רייכע פארנעם אלעס ארום אונזער חינוך, מיט פאקטישע קלארע באווייז וואס און וויאזוי אונזערע קינדער ווערן ערצויגן און וויאזוי די סדרי הלימוד גייען צו ביי אונז, און פארוואס מיר זענען נישט אפן פאר קיין שום טויש.

צום ערשט האט מען פארגעשטעלט פארן סטעיט רידזשענט די פאקטן און די מהלך וויאזוי אונזערע לימודים זענען אויסגעבויט, און אן אריינגיין אין קיין הייקעלע ווערטער-אויסטוישן איבער די לעגאלע שטאנדפונקט פון אונזערע לימודי קודש – וועלכע קענען ציען א שטריך צו פשרות און געהער נישט צו לאזן הערן פאר דעם בארד בעת כזאת – האט מען גאר שיין און שטארק אראפגעשטעלט דאס אז אונזער חינוך איז אזוי אויך גאר גוט, און איז אייגנטליך אפילו נאך בעסער ווי דאס וואס דער רעגירונג פארמאגט.

דאס אויסשמועסן אליינס האט געהאט גאר א טיפער אפקלאנג, ווען מען האט גענומען א נייעם שארפן דירעקציע פון 'אריינגיין אין די פרטי פרטים', און עפענען זייערע אויגן אז דער גאנצער גזירה איז געבויט אויף א לופטיגער באלון נאך וואס ביי אונז ווערן די קינדער גאר גוט נתחנך אפילו אָן אלע לימודי חול, און עס האט זיך קלאר אנגעזען אָן קיין צווייפל אז דער שפראך, און קלארקייט וואס האט איר באגלייט, האט 'גערעדט ווערטער' און איז דערהערט געווארן אזויווי מען האט געוואלט עס זאל דערהערט ווערן.

דערנאך האט מען פארגעשטעלט דעם 'אינו דומה שמיעה לראיה', ווען מען האט ארויפגעברענגט ווירקליכע מאטריאל ווי בחינות, רעפארט קארדס, צעטלעך פון לימודים, און נאך פארשידענע דאקומענטן פון אלע אספעקטן וואס ווערן באנוצט אינערהאלב אונזערע מוסדות התורה, און מיט דעם איז גאר קלאר און רייך ארויסגעברענגט געווארן וואס ווערטער קענען נישט אויפקלערן, ווי שטארק, און ווי מלא תוכן און יסודות פארן לעבן, אונזער חינוך איז.

ווי ערווארטעט האבן די אויפקלערונגס רייד – אין צוגאב צו די בייגעלייגטע מאטריאל – גאר שטארק איבערגענומען די סטעיט רידזשענטס באאמטע, וועלכע האבן זיך דערויף אויסגעדרוקט מיט אויסטערלישע התפעלות, זאגנדיג אז דער מיטינג איז פאר זיי געווען אן אויסנאם פראדוקטיווער, צולייגנדיג קלאר אז 'דא זענען געווארן ארויסגעברענגט זאכן וואס אין די פאליטישע קארידארן איז עס נאך קיינמאל נישט געהערט געווארן'(!).

דורכאויס דעם גאנצן מיטינג זענען די עסקנים געזעצן געשפאנט איינזעענדיג פון מינוט צו מינוט אלס מער און מער דעם וויכטיגן נחיצות וואס האט געשטעקט אינעם אפירקומען מיט דעם מהלך פון איבערוויייזן אז אונזער חינוך איז גאר גוט, ווען ביי יעדע פרישע נושא אדער דאקומענט וואס מען האט ארויפגעברענגט אויפן טיש האט זיך קלאר דערקענט אז דאס ווערט אויפגענומען ווי א אויפבליצנדער חידוש, ווערנדיג דורכגעקוקט גרונטליך און גאר דעטאלירט, און די אימפאקט דערפון האט געשיינט צו זיין גאר א שטארקער און ווירקזאמער, בס"ד.

שטייענדיג יעצט גלייך נאך וואס דער אסיפה האט זיך פארענדיגט, הערט מען צוריק פון אלע באטייליגטע און פון די ראשי עסקנים וועלכע זענען געשטאנען אונטער דעם, די גרויס צופרידנהייט און גוטער געפיל ארויסקומענדיג מיט אזא פראדוקטיווער הצלחה, ווען אלע געבן אן אז די סוקסעס פונעם צוגאנג איז געווען למעלה מן המשוער, און מיט פרייליכע געמיטער מעלדן די געטרייע שליחים פון כלל ישראל פאר שלומי שמוני ישראל, אז מיר זענען אויפן וועג צו ברענגען ווייטערדיגע פארשריט גאר אינגיכן.

ובשם ה' נעשה ונצליח
.
פאר צענטראלע נייעס אינערהאלב קהל יטב לב ד'סאטמאר שיקט אן אימעל צי בחצרות סאטמאר
פאר לאקאלע נייעס קליקט דא מודעות קהלינו סאטמאר קרית יואל קול הקהל סאטמאר וויליאסמבורג
קרית יואל וועכענטנליכע נייעס באריכט היימשטאט
פארדעם
שר חמש מאות
תגובות: 557
זיך איינגעשריבן אום: דינסטאג אפריל 09, 2019 12:28 pm

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארדעם »

ווער זענען די באורד מיטגלידער פון אר-פעק?
שטארקע חסיד
שר חמש מאות
תגובות: 524
זיך איינגעשריבן אום: מאנטאג סעפטעמבער 29, 2014 9:54 am

Re: א ברייטע אויפקלערונג איבער די פראבלעם בנוגע חינוך

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארקע חסיד »

איז דא רבנים וואס פארטרעטן אופציעל די ארג. ?
שרייב תגובה

צוריק צו “אקטועלע נייעס”