בריוו פאר אלע וואס האבן געקויפט די ביליגע טיקעטס פון אוקרייענע עירליין:
---------- Forwarded message ---------
From: משה יחזקאל פערלמוטטער <
[email protected]>
Date: Wed, Oct 30, 2019 at 5:03 PM
Subject: Fwd: אוקריינע פליגער אינפארמאציע
To:
---------- Forwarded message ---------
From: וועד הנסיעה קרית יואל
Date: Wed, Oct 30, 2019 at 5:00 PM
Subject: Fwd: אוקריינע פליגער אינפארמאציע
To: @gmail.com>
שלום וברכה לכבוד ידידינו היקר הי"ו
מיר שטייען שוין 3 וואכן פאר די נסיעה, הונדערטער אידן קויפן זיך יעצט איין די
טיקעטס צו פארן קיין ארה"ק מיטהאלטן די געהויבענע טעג מיט עטרת תפארת ראשינו
כ"ק מרן שליט"א וואס פארט מחזק זיין בגוף ובממון די שרידים אשר לה' קוראים
בעיר ה' שמה.
*א וויכטיגע מודעה בנוגע אייער טיקעט*
איר זענט געווען פון די זריזין מקדימין און זיך איינגעקויפט נאך פאר די זומער
מיט א טיקעט מיט די *אוקריינע עירליינס *פאר די ביליגע פרייז פון $*399* און
איר האט זיך געגערייט צו זיין א חלק פון די מסע הקודש.
*לדאבונינו האט אונז די עירליין געזעלטשאפט יעצט איינגעמאלדן אז זיי טוען
אינגאנצן אפשאפן די פלייט און זיי פארן בכלל נישט יענעם טאג קיין אוקריינע
אויפן וועג קיין ארה"ק.*
* דעריבער איז אונזער גרופע אויפגעלאזט געווארן און די טיקעטס זענען אפען צו
מאכן געוויסע שינויים מיט אנדערע וועגן קיין ארה"ק *
*כאטש עס איז נישט בידינו צו טוהן עפעס און *מיר* זענען אונסים גמורים דאך
פארשטייען מיר אז מען רעדט פון אינגעלייט תורתם אומנתם וואס האבן דעמאלטס זיך
אנגעשלאסן צוליב די ביליגע פרייז, און זיי קענען זיך נישט ערלויבן די איבריגע
$350 צו צאלן וויפיל עס קאסט די אנדערע סטאפ פליגער פון טערקיי, ממילא קומען
מיר צו אייך אנטראגן אז מיר זענען גרייט צו נעמען די גרעסער חלק פון די קאסטן
אויף אונז און איר וועט דארפן צוצאלן בלויז הונדערט דאלער ארויפצוגיין אויף
איינע פון די טורקיש פליגער'ס פון זונטאג און מאנטאג און די איבריגע וועט דער
וועד הנסיעה נעמען אויף זיך מיט די הילף פון נדיבים בעם בעז"ה און אזוי וועט
איר קענען מיטהאלטן די נסיעה בעז"ה*
נעמט אין אכט אז טורקיש האט צוויי פליגערס קיין ארץ ישראל בעז"ה
ז*ונטאג 11:55 ביינאכט און מען קומט אן קיין טערקיי מאנטאג נאכמיטאג 5:25 און
מען פארט ווייטער 8:25 און ווייטער קיין ארה"ק ווי מען וועט אנקומען בשעה 9:40
ביינאכט *
*מאנטאג 1:20 נאכמיטאג, דינסטאג צופרי 7:05 אין טערקיי מען דאווענט שחרית און
מען פארט ווייטער 10:10 און מען קומט אן קיין אקץ ישראל 11:25 פארמיטאג*
*אהיים קומען ביידע גרופעס זונטאג נאכו 1:00 ביינאכט מען קומט אן 4:20 קייו
טערקיי מען דאווענט שחרית דארט און מען פארט ווייטער 8:10 און מען קומט אן
קיין ניו יארק 11:40 פארמיטאג*
*נעמט אין אכט אז די עירליין איז באקאנט פאר זייער א גוטע און באקוועמע פירמע
מיט א סטאפ ממש פאר ארץ ישראל און אויפן וועג, נישט ווי אוקריינע וואס איז
ארויס פון וועג*
*אזוי אויך איז די עירליין באקאנט מיט זייער העפליכקייט, א הערליכע עירפארט
אין טערקיי און מען קען אויך מיטנעמען דאפעלט פעקלעך ווי אנדערע עירליינס*
*אנדערע אפציעס*
*אזוי אויך שטעלן מיר אייך צו די אפציע פון צאלן 300$ פאר די יונייטעד פליגער
מאנטאג נאכמיטאג פון נוארק און צוריק זונטאג נאכט אדער פאר 350$ די דעלטא
פלייט פון זונטאג נאכט און צוריק זונטאג נאכט*
*טאמער איר ווילט בלייבן מיט אוקריינע איז זייער לעצטע פליגער פאר מאנטאג
מוצאי שבת ביינאכט און מיר קענען עס אייך געבן פאר די זעלבע אלטע פרייז*
ביטע נעמט אין אכט אז די אויסוואל איז זייער באגרעניצט, אייער גרופע אליינס
איז הונדערטער מענטשן, ווי שנעלער איר מאכט א אויסוואל אלס בעסער זענט איר
פארזיכערט מיט אייער אפציע, איר דארפט נאר צוריקשרייבן ווען איר ווילט פארן
און אונז וועלן מיר טשארשן אייער קארטל פאר נאך 100$ א טיקעט און איר וועט
נאכדעם באקומען אייער נייע קאנפירמעישן בעז"ה
ביטע אין אכט נעמען אז מיר זענען גארנישט שולדיג דערויף ממילא ביטע פארשטיין
און נישט טענעהן מיט די עסקנים וואס טוען די בעסטע אייך צופרידנשטעלן
מיר ווארטן צו הערן פון אייך און אייך מסדר זיין מיט א טיקעט עצהיו"ט לקדש שם
שמים
בכבוד רב
וועד הנסיעה