פרשת שלח ע"פ סהדותא

געשמאקע ארטיקלען און באשרייבונגען

די אחראים: יאנאש,אחראי,געלעגער

אוועטאר
יגרסהדותא
מ. ראש הקהל
תגובות: 3687
זיך איינגעשריבן אום: מאנטאג יולי 03, 2006 10:14 am
לאקאציע: קאר וואש

פרשת שלח ע"פ סהדותא

  • ציטיר
  • צו לייגן א דאנק דארפט איר זיין אריינגעלאגט

תגובה דורך יגרסהדותא »

פרשת שלח ע"פ סהדותא



א שפיאן, א שפיאן!! אזוי וואלטן ווען געדארפט לויפן אלע העדליינ'ס יענע וואך אין די צייטונגן, נישט נאר יענעם יאר, בימי יהושע – ווי מ'גייט ליינען אין די הפטורה די וואך אלטס מעניני דיומא – איז דאך געווען אלמאסט די סעים סטארי, דארט איז געווען אנדערע ניסים אז די חברה האבן זיך פארשטעקט אינעם בוידעם און זענען צום סוף אנטלאפן מיט גרויס הצלחה. אנדערש איז דא געווען ווען עס זענען געפאלן די כנעניים ווי פליגן כדאי מ'זאל אונזערע שפיאנען נישט כאפן, וויאזוי ס'זאל נאר נישט זיין האט די גוי'אישע וועלט פון די גאנצע פרשה נישט געוואוסט צו זאגן [גראדע נישט עכט, ווייל ווען מיר קוקן אין די ארכיוון געפינען מיר יא אז זיי האבן יענע וואך געפאקט אפאר היישעריקן צו נמלים, פאני ביז גאר אז א היימישער איד מיט א פלאטחשיגן ביבער היט מיט'ן טלית זעקל אין די האנד, זאל אויסזעהן ביי זיי ווי א היישעריק, פארשטייסטו מיר? גיי לערן מיט א גוי ברטנורא..] אבער, די גויאישע גאס האט פון זיי נישט געוואוסט, אבער דער כלל ישראל האט שוין איינמאל געדענקט די פרשה, 40 יאר אין מדבר האט מען צוליב דעם זיך געמוזט ארומדרייען.

קליינע נקודות וואס איז כדאי ארויסצוברענגן, איינס, אין ירושלמי סוטה (פ"ז ה"ה) איז דא א מחלוקת צווישן ר"ע ור"י צו ס'איז געווען גאר 24 מרגלים! דאס איז שיטת ר"ע. מיט דעם וועלן אונזערע חוקרים שוין קענען פארענטפערן וויאזוי מ'האט באמת געפירט דעם "אשכול ענבים אחד". אה יא מיללער? מ'רייסט זיך דארט ארום איבער די שטאנגן, אזש "דער לקט בהיר" מאכט דערפון אש און פארך, הער, אין תנא דבי אליהו (רבה פכ"ט) ברענגט ער אז די תאנים און רמונים איז געווען 5 פראטם אהיטש.. איר פארשטייט, ס'איז כלל נישט גרינג געווען יענטס עסק צו שלעפן אזעלכע פעקלעך.

מיט נשמות און גלגולים וויל איך ניטאמאל אנהייבן אריינצוגיין, ס'איז דאך א שרעק, דער ילקוט ראובני ברענגט בשם האריז"ל אז די נשמת י"ב שבטי י-ה זענען נבעבר געווארן אין די מרגלים, דער בני יששכר (תשרי מאמר ז' אות ו) ברענגט בשם האריז"ל (לק"ת חיי שרה ל"ו ע"א) אז נשמת אליעזר עבד אברהם נתגלגל ב'כלב בן יפונה. ס'איז א שרעק צו רעדן סיי וועלכע ווארט בנוגע די פרשה, די מרגלים, די מעפילים, די נשמות, ס'איז נישט לויט אונזערע השגות. יא, איין זאך האבן מיר יא פארדינט פון די גאנצע סמאטאכע, די פסוק וואס מיר האבן אריינדערווישט: למה אתם עוברים את פי ד' והיא לא תצלח!! זאגט מיר וויאזוי די צייטונגן וואלטן היינט געקענט לעבן איין טאג אן דעם פסוק!!!

בעק טא THE SADRA, איך טראכט פונקט, זיצנדיג און טייפענדיג און הערענדיג אין די בעק-ראנט "ליפא שמעלצער'ס נייע טעיפ" [וואט דען?.. שוועקי'ס רחחום זאל איך יעצט הערן? אינגאנצן משוגע בין איך נישט] טראכט איך צו מיר, ווען "ליפא" זאל ווען זען די רש"י די וואך פון "ויהס כלב" וואלט ער זיכער געהאט א גוטע ניגון דערויף, די רש"י פון הרוצה לשתק אגודת אנשים אומר שי"ט! איך געדענק נאך פון די יונגע יארן וויאזוי ס'איז געלאפן א ניגון - פון מרדכי בן דוד צו אברהם פריעד כבודם עליהם מונח - ביי די חתונות, וואס איז געזינגן געווארן מיט א התלהבות: איז דאך משמע פון רש"י אז צו זינגן א ניגון קען מען נאר ווען א איד איז בשמחה.. יענטס איז נאר "משמע" געווען פון רש"י! דא ווען איר האט א בפירוש'ע רש"י וואלט מען זיכער עפעס געקענט מאכן..

סתם א שיינע טייטש וואס א "פרשה מיט סהדותא" קען נישט אויסלאזן (איך קוק ניטאמאל צו איינער שמייכלט זיך אינטער..) איז אויף די ווערטער: והערים בצורות גדולות מאוד, זאגט מען נאך אז מ'האט געפרעגט הגר"ש קלוגער זצ"ל וואס איז די "גנאי" אויף ארץ ישראל וואס די מרגלים האבן דא געוואלט אנווערטשאפטן? וואס פאר א ווייטאג האט די ווערטער "ערים בצורות" געדארפט טון פאר די אידן אז זיי זאלן פארלירן זייער חשק אהינצוגיין?

האט ר"ש קלוגער געענטפערט גאר טרעפליך: רש"י ז"ל האט אונז אראפגעברענגט אין פ' מצורע (ויקרא יד לד) אז: בשורה היא להם שהנגעים באים עליהם, ווייל די כנעניים האבן דארט באהאלטן זייערע אוצרות אין די ווענט, און דורך די נגע, ווען מ'האט עפ"י דין געמוזט אויפברעכן די וואנט - חולץ וקוצץ וטח – האט מען דאס אנדעקט. נו, די משנה זאגט אונז אין מס' נגעים (פי"ב מ"א) בית עגול ווערט נישט טמא. רש"י זאגט דא אויפן פלאץ "בצורות": ותרגומו כריכן, לשון בירניות עגולות! נו, אפי' ס'וועט זיין א נגע אינעם וואנט, היות די הייזער זענען רינדיג – וויאזוי די מרגלים האבן אונז עס דא געוואלט אראפשטעלן – וועט מען קיינמאל די מטמוניות נישט טרעפן, ע"כ דבריו, ודפח"ח ושפתים ישק.

איך האב זיך מתבונן געווען, קוק נאר אן מיט וויפיל דריידלעך די מרגלים האבן געוואלט און האבן למעשה דערשראקן די אידישע קינדער, איך וויל מדייק זיין אין רש"י אנהייב פון זייערע ווערטער, זאגט תיכף רש"י: כל דבר שקר שאין בו קצת אמת בתחלתו אין מתקיים בסופו. וואס הייסט "קצת אמת", ס'איז דאך דא א גאנצע פסוק פון אמת: "באנו אל הארץ אשר שלחתנו", איין אמת, און נאכדעם "וגם זבת חלב", נאך א אמת, "ודבש" נאך א גוטע פאקט אויף ארץ ישראל וגו' וואס הייסט "קצת" אמת??

נאר הא תינח – געב א שנעלקע מיטן פינגער – ווען דו לערנסט דעם פסוק ווי דיין רבי אין חדר האט געטייטשט, און אין די מפרשים ווי למשל "חומש סהדותא" האסטו שוין נישט אריינגעבליקט, אבער לויט דעם ווארט פון ר' שלמה קלוגער האלט איך, אז די "איינציגסטע" אמת וואס זיי האבן געזאגט אמת איז געווען "באנו אל הארץ אשר שלחתנו", ס'איבריגע האבן זיי פארציילט אזוי:

איר ווייסט אידן, מיר זענען אנגעקומען דארט, פעעךךךך ס'גיסט דארט מילעך און אלע גאסן, האניג טראפט פון אלע פענסטער'ס, ס'איז קלעבעדיג און שוויציג, יוי איך האב נישט די ווערטער, באט סאמטינג לייק דעט, עפעס מוזט איר מיר אויך מודה זיין אז "עפעס זייער שרעקעדיג" האבן זיי געמוזט זאגן וואס האט געמאכט יעדעם וויינען, קינדער און פרויען מענער און זיידעס, אלעס האט דאך גע'בוכה'עט אז ס'איז געווען א שרעק, למשל (אויב איך מעג צוזאמשמעלצן צוויי אשכולות..) די קינדער האבן געוויינט וועגן די קלעבעדיגע האניג כנ"ל, די מענער האבן געוויינט ווען זיי האבן געהערט און געזען דעם "וזה פריה" די טאמעטא'ס וואס וואקסן דארט.. די מאמעס האבן געוויינט וועגן די "ילידי הענק", העי, אפס, הערשט פאריגע וואך האט זי געקוויטשט ווייל זי האט געזען א פיצי מייזל אין איר בעדרום, איך קען מיך שוין פארשטעלן ווען זי זאל זען א ריז-מענטש, יוי איך קען נישט טראכטן..


ווי פארשטענליך, השמר והזהר צו טראכטן אז אפס קצהו ליגט אין די פרשיות התורה, חס מלהזכיר, ס'נאר אסאך מאל טראכט איך וויפיל איך פארשטיי נישט קיין ווארט און זאכן וואס זענען נישט פאר מיר ווייל איך בין נאך אינטער די פערציג, פרוביר איך מיך צו מאכן א קאלקלעישען מה-דאך אויף אויסצוטרעפן שטותים מיט לאקשן קען איך טרעפן ווי ס'איז ממש געגאסן אויף די אותיות התורה, על אחת כמה וכמה, ווען מ'וועט צוקומען צו פארשטיין דברים שכסה עתיק יומין וויל לעכטיג וועט מען אלעס טרעפן אינעווייניג אלעס ארויסגעשריבן. וויאזוי טייטשט דער ישמח משה אויף א פלאץ: בשובי את שבותיכם, ווען דער בורא עולם וועט אונז אויסלייזן פון גלות, "לעיניכם" אמר ד', וועט מען אונז אנצייכענען אויף אן א שיעור פסוקים קוק ווי "דא" שטייט ארויסגעשריבן די זמן הגאולה.

וואס איך ציטער יא, איז, אז איך ווייס אז פון זיך מאכן אזוי משוגע וועל איך צו קיין גרויסע מדריגות זיכער נישט צוקומען, ועל זה וודאי יאות למיבכי.

מיט איין זאך קענען מיר זיך נאך היינט טרייסטן, אז דארט אין יענעם פינסטערן מצב ווען ס'גאנצע כלל ישראל האט געוויינט און פארפירט אויף א "מתנה" וואס דער אייבערשטער האט געוואלט געבן, אין יענע טינקעלע טעג, שטייט נאך אלטס אין פסוק: וכבוד ד' נראה באהל מועד אל כל בני ישראל.

אין דעם קאפיטל וואס שטייט דאס שרעקליכע גזירה פון: במדבר הזה יפלו פגריכם וכל פקדיכם לכל מספרכם, אפאר פסוקים געריקט שטייט: חי אני, וימלא כבוד ד' את כל הארץ!

ווי דערלעבן מיר שוין דערצו.
אוועטאר
אלטעבחורל
מ. ראש הקהל
תגובות: 1086
זיך איינגעשריבן אום: מיטוואך נאוועמבער 14, 2007 11:28 pm
לאקאציע: לעצטענס בינעך געווען אין א פאָפאָטש, היינט? אין אַ קראַקס
פארבינד זיך:

Re: פרשת שלח ע"פ סהדותא

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלטעבחורל »

סהדותא - סהדותא האט אויפגעריסן! אזוי וואלטן ווען געדארפט לויפן אלע העדליינ'ס אריין אין קרעטשמע.

"באנו אל הארטיקל אשר נטתטנו",

וואס זאל איך דיר זאגן, דער בעגראונד מיט דיינע מליצות זענען ווי געגאסענע זאלץ אויף וועטשעיבעלס.
אזוי גייט דאס אריין אין הארץ מיט א געשמירטן חן, אזאנס אראפ צולייגן דאס איז דאך ממש געוואלדיג, זייער שיין!!

בעק טאט SHADISA, איך טראכט פונקט, זיצנדיג און טייפענדיג אויף דיין ארטיקל, עס איז דאך נשגב וואס דו לייגסט אריין אין אונז איך קען דיר נישט גענוג דאנקן דערפאר. סאטמטיגנג מעידזשער.

טענקס יגר!
לעצט פארראכטן דורך אלטעבחורל אום דאנערשטאג יוני 19, 2008 3:52 pm, פארראכטן געווארן 1 מאל.
אבאמא09
שר חמישים ומאתים
תגובות: 355
זיך איינגעשריבן אום: מיטוואך יוני 11, 2008 11:10 pm

Re: פרשת שלח ע"פ סהדותא

  • ציטיר
  • צו לייגן א דאנק דארפט איר זיין אריינגעלאגט

תגובה דורך אבאמא09 »

יגרסהדותא האט געשריבן:פאני ביז גאר אז א היימישער איד מיט א פלאטחשיגן ביבער היט מיט'ן טלית זעקל אין די האנד, זאל אויסזעהן ביי זיי ווי א היישעריק, פארשטייסטו מיר? גיי לערן מיט א גוי ברטנורא..


נאכן ליינען דעם פירוש האב איך אריין געטראכט, וויזוי וואלט יגרל אויסגעקוט, אלץ היישעריק!!

אבער סעיקר כולו געוואלדיג!!! מעביר סדרה זיין די וואך, וועט נישט אריבער גיין אזוי בארינג.
פון גרעבעטשלעך, קומט נישט קיין טשעקעלעך,
אוועטאר
צייטליך
מ. ראש הקהל
תגובות: 12505
זיך איינגעשריבן אום: מיטוואך נאוועמבער 01, 2006 6:13 pm
לאקאציע: ערגעץ דא אין די געגענט.

  • ציטיר
  • צו לייגן א דאנק דארפט איר זיין אריינגעלאגט

תגובה דורך צייטליך »

יגר, ב"ה די האלטס אן מיט דיינע וועכענטליכע שיעורים על התורה, ס'איז אינזער פארגעניגען דאס צו ליינען, חוץ דעם האסטו א ערנסטע זכות אין מיין היינטיגע לערנען, א זאך וואס כ'האב נאכנישט געטוען זינט נעכטן נאכט.

ס'איז נאר א שאד אז יענטאאש איז נישט בחיים אתנו און ער האלט דאס נישט מיט, א זאך וואס ער האט זיך אוועקעגעבן אינגאנצען און עס איז אום געגאגנען בנפשו, ווער געדענקט דען נישט די קריגערייען פון די קינדערלעך וועגן די סהדותא חומש.. בעסער דערמאן מיך נישט.

יגר, האלט נאר אן מיט דיין אויסערגעווענליכער ארבייט. די מיזט ענדיגן די גאנצע חמשה חומשי תורה.

פאר איך פארגעס: איבער די פשט אין רש"י קאמבענירט מיט ליפא'ס נייע טעיפ קומצעך דיר אן עקסטערען שכויעך. ביסט צוקער.
איך בין צייטליך און איך האב עפראווד די תגובה.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

יעצט שרייבנדיג די תגובה זעצט דער אונטערשטער שכן אויף א פויק מיט דזשעזי מוזיק אויף "הרוצה להשתיק אגודת אנשים..." לאמיר שנעל צומאכן די פענסטער.

קענסט וויינען און קלאגן אויף דיין מצב, אויף דעם וואס דו ביסט אונטער די 40 (ווער איז שולדיג?), אבער איך קען דיר בלויז טרייסטן מיט איין זאך: צו דיר יגר'ל קומט קיינער נישט צו!
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

יעדעס ווארט פון דעם אשכול איז צוקער זיס, ובפרט דער גאנצער אשכול.
An article a day keeps the babies away
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

יגר'ל, כ'מוטשע מיך יעדע וואך, וואס זאלעכעס דעי וואך שרייבן? גארנישט האטעך נישט קיין פשט, ס'איז אפילו נישט יושר, נו וואס יא? כ'ווייס נישט.

פלעין שכוח, כ'קען נישט מער, זיי מער מוחל, אז דו האסט פאר מיר עפעס א גוטע מליצה, לייגעס אויף מיין חשבון, כ'וועל דיר בני לדר באצאלן.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

יגר יגר,
ביסט דאך זיס ווי שטאגער

"הערסט מעכי,
אויף ליפא'ס נייע נייע-טעיפ 'א מעשוגענער איד' הער אויס די פערדע ניגון, מ'קען צודרייט ווערן ער זינגט דארט פון פרשת שלח די פאני רש"י, איין מינוט איך לייען יעצט די באמפער-סטיקער פאר האממערס, שטיייט דארט אז די איידיע קומט פון איינעם יגר סהדותא, וואס דער ליפא טרעפט אלס נישט עפעס א ארמי'שער איד סהדותא האט אים צוגעשטעלט ניגונים, איינמאל פוקס איינמאל סהדותא.......


(גיי ווייס ווי איך בין דארט אריינגעקראכן צווישן די מרגלים און די בני ענק, אבער יגר איט וואס א גוד אינוועסטמענט פראם יור סייד)
3x0
המכונה 'טריאו'
תגובות: 9152
זיך איינגעשריבן אום: מיטוואך יוני 28, 2006 11:29 am
לאקאציע: חבוי

  • ציטיר
  • צו לייגן א דאנק דארפט איר זיין אריינגעלאגט

תגובה דורך 3x0 »

יגר,

זייער שיין, א גרויסן יישר כח.
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

מילער, סתם דו זאלסט וויסן, דו ביסט אויך גוט. (כ'זאג נישט וואס.)
זיידעניו
שר ארבעת האלפים
תגובות: 4376
זיך איינגעשריבן אום: פרייטאג פעברואר 01, 2008 12:51 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זיידעניו »

יגר'ל איך בין דא היינט אייך צו דערציילן א זאך וואס האט פאסירט די וואך,
איך בין געווען א ממלא מקום פון איינער וואס לענרט פאר חומש רש"י, און כ'האב פארגעלערנט די פרשה מיטן נוסח יגר לאו דוקא דיינע געניוע דיבורים נאר דיין מהלך, דער עולם איז געזיצן מיט אפענע מיילער וואפארא מערכה עס איז אלץ דארט פארגעקומען מיט די שפיאנען, וכו'

יישר כח.
אוועטאר
cano
שר האלפיים
תגובות: 2324
זיך איינגעשריבן אום: מיטוואך יוני 28, 2006 5:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך cano »

מה נאמר ומה נדבר, שפראך לאז.
דיסקליימער: ווען איך מאך א ספעלינג טעות, איז דאס נישט דיירעקט, עס פשוט א טעות.
אוועטאר
סאכדעס
שר שלשים אלף
תגובות: 31438
זיך איינגעשריבן אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך סאכדעס »

ארויסגעפרינט, העלמיר עס היינט פארלערנען ביין טיש.
פקודתו פון התאחדות שמרה רוחי!
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

יגר, דיין גאונות אין די פשט'לאך איז דאך געוואלטיג.

שכויח פאר די ר' שלמה קלוגער גאר א שיין ווארט!
שוש אשיש בה', תגל נפשי באלקי! (ישעיה סא)
אוועטאר
יאנאש
שר עשרת אלפים
תגובות: 15319
זיך איינגעשריבן אום: מיטוואך יוני 28, 2006 8:40 pm
לאקאציע: וואו בינעך טאקע?

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנאש »

יגר'ל, יו נעווער סטאפ טו עמעיז מי, מיר קענען קוים ווארטן נאך דיינע פערציג, די שיעורים וועלן נאך ווערן מער אינטערסאנט, אבער פור די טיים ביאינג איי גאט טו טעלל יו, איטס אמעיזינג.

יישר כח.
אוועטאר
אנדי פעטיט
שר שבעת אלפים
תגובות: 7175
זיך איינגעשריבן אום: זונטאג סעפטעמבער 02, 2007 11:20 am
לאקאציע: אין די גלייזן

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנדי פעטיט »

דיין שלח שיעור האט באשיינט מיין פרייטאג צו נאכטס שבת'דיגע סעודה. מיר האבן הנאה געהאט.
הייב אויף דיינע הענטעלעך צום טאטע אין הימל!
אוועטאר
וויכטיג מאכער
Site Admin
תגובות: 32414
זיך איינגעשריבן אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויכטיג מאכער »

יגר, שוין די צווייטע מאל וואס כ'האלט מיט די שיעור (הייב נישט קיין הענט! קרעדיט???) ס'איז עפעס..... כאנישט די ווערטער.

ווען ס'וועט זיין אביסעלע צייט וועט מען אי"ה אפירזוכן די פריערדיגע פרשיות, (כ'זאג גוט נאך?)

א שיינעם דאנק אייך! וויכי.
דו האסט לייף אינשורענס אויף דיר און דיין ווייב?

ר' איד, דו האסט א פאלעסי, אבער נישט קיין אינשורענס!
אוועטאר
דארפסמאן
שר ששת אלפים
תגובות: 6484
זיך איינגעשריבן אום: דינסטאג נאוועמבער 14, 2006 2:52 pm
לאקאציע: אין דארף

  • ציטיר
  • צו לייגן א דאנק דארפט איר זיין אריינגעלאגט

תגובה דורך דארפסמאן »

יעצט געענדיגט ליינען

א גרויסן ישר כח
הכו"ח ר' אברהם דארפסמאן שליט"א
פה ב'דארף יצ"ו -
היישעריק
שר מאה
תגובות: 127
זיך איינגעשריבן אום: מיטוואך פעברואר 06, 2008 6:21 pm

Re: פרשת שלח ע"פ סהדותא

  • ציטיר
  • צו לייגן א דאנק דארפט איר זיין אריינגעלאגט

תגובה דורך היישעריק »

זייער א רייכער שיעור, א גרויסער שכח!

אבאמא09 האט געשריבן:נאכן ליינען דעם פירוש האב איך אריין געטראכט, וויזוי וואלט יגרל אויסגעקוט, אלץ היישעריק!!.


וואלט ער געשערט מיט מיר מיין ניק :wink:
אוועטאר
farshlufen
שר שלשים אלף
תגובות: 35243
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

יגר, א דאנק.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

אנדי פעטיט האט געשריבן:דיין שלח שיעור האט באשיינט מיין פרייטאג צו נאכטס שבת'דיגע סעודה. מיר האבן הנאה געהאט.

:wink:
יגגגגגגגגגגרררררררררררר!!!!!!!!!!!!!!!!!!!! ישר כח !!!!!!!!!!!
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
אוועטאר
שעפטיל
שר חמישים ומאתים
תגובות: 467
זיך איינגעשריבן אום: מאנטאג דעצעמבער 24, 2007 2:16 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שעפטיל »

סהדותא: סאפער דזשאב!
בראווא! 'קרעטשמע' איז צירוק דא מיטן אלטן חן..
מיר זענען שיך!
קרעדיט: מיכאל שניצלער
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

הערליך הערליך,
יגרל'ל יו אר דע מען!

פריש איבערגעליינט..
שוש אשיש בה', תגל נפשי באלקי! (ישעיה סא)
over night kugel
שר מאה
תגובות: 153
זיך איינגעשריבן אום: דינסטאג מארטש 31, 2009 3:33 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך over night kugel »

עטס קענטס ענק פארשטעלן כלב האט שטיל געמאכט איבער פיפציג טויזענט מענטשען. וויאזוי? זאגט רש"י הק' ער האט געזאגט "וכי בלבד עשה לנו בן עמרם"פליצלינג איז יעדער שטיל געווארן דאס הייסט פאר א שטיקל לשון הרע לע קען מען שטיל מאכן אפילי פיפציג טויזענט מענטשען אויך.האב איך שוין א עצה פאר א גבאי ווען ער וויל עפעס אויס רופען
אוועטאר
וויכטיג מאכער
Site Admin
תגובות: 32414
זיך איינגעשריבן אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויכטיג מאכער »

אוי יגר'ל... וואו ביסטו???
דו האסט לייף אינשורענס אויף דיר און דיין ווייב?

ר' איד, דו האסט א פאלעסי, אבער נישט קיין אינשורענס!
שרייב תגובה

צוריק צו “היימישע קרעטשמע”