ה'כולל-אברכים' באספקלריית רביה"ק מסאטמאר זצ"ל

געדאנקען און התחזקות בעניני עבודת השם

די אחראים: יאנאש,אחראי,געלעגער

יוסלמאן

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסלמאן »

לאז געמאכט, איר האט זייער א גוטע פלאן וואס וועט לכאו' נישט צושטאנד קומען. פארוואס? שטעלט אייך פאר די אויגן און נאז פון שווער און שוויגער ווען די נייע איידעם איז אריין אינעם כולל/סענטראל?! איינער האט פריער געשריבן אז ס'איז אזא סענטראל בוקינג, ס'וועט האבן אזא פנים ביי די עלטערן. אבער וואס א אמת איז דארף זיין אזא הבחנה צווישן די אמת'ע לערנער און די קאווע טרינער/באנק-קוועטשער/צייט שטיפער. ס'איז א בזיון אז אינגעלייט תלמידי חכמים זאלן באקומען א נאמען פון באנק-קוועטשערס וועגן אפאר ליידיג-גייערס.

אבער לענ"ד דארף יעדער אינגערמאן זיין אין כולל כאטשיג א דריי חדשים כדי די קליינע קינדערליך זאלן נישט איינשלאפן, אז ער זאל האבן פורבירט כולל און נאכן איינזעהן אז א שיעור ערב ובוקר איז אים גענוג און ס'איז שוין צייט צו גיין ארבייטן. אנדערש בלייבט ער אלץ מיט א פילינג אז ער האט נישט פורבירט.
משמש
שר חמישים ומאתים
תגובות: 367
זיך איינגעשריבן אום: זונטאג מארטש 29, 2009 10:02 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך משמש »

איך שטיי און שטוין.
א פונדאמענטאלע און פארדוסליכער טעות איז אנטשטאנען, און איך מוז ארויסגיין אויף די דעפענסיווע, אויף ענינים פשוטים וברורים.

מיללער האט געשריבן:
משמש האט געשריבן:לעניית דעתי איז איינע פון די סיבות וואס האט געמאכט דעם רבי'ן זיין סקעפטיש איבער כוללים, דער פאקט אז דער רבי האט קיינמאל נישט געגליכן ווען בחורים אדער אינגעלייט ווערן א 'יש' מכח דעם וואס ער לערנט/קען לערנען.
כידוע פאר סאטמארער תלמידים איז אין סאטמאר קיינמאל נישט פארגעקומען קיין 'חלוקת פרסים', קיין מעמד 'כבוד התורה', וכו', זעלטן [אדער קיינמאל ]זענען געדרוקט געווארן קובצים מיט חידושים, וכו'.איך וועל נישט זיין ראדיקאל און זאגן אז דער רבי זיך מתנגד געווען, אדער ארויסגעגעבן א הוראה דערקעגן, אבער עס האט אים קלאר נישט געשמעקט.

פארוואס טאקע? די פשוטע סברא איז ווייל יודע צדיק נפש בהמתו, ער האט גוט געקענט זיין עולם, און פארשטאנען אז טאמער זאל איינער זיך פילן מער און ברייטער פונעם אלגעמיינעם ציבור, וועט דאס אים טרייבן צו צווייפלען אינעם רבי'נס מהלך און שיטה, וכמעשה שהי' שפעטער אין די יארן.

לענינינו, דער רבי האט נישט געוואלט אוועקשטעלן א פלאץ וואס קען זיין א פאטענשאל פראבלעם פאר אים, און אפי' ווען יא כולל, זאל עס זיין מינימאל, ד"ה, נישט צו לאנג זיצן דארט.


איך האב נישט געזעהן אז איינער זאל זיך באפאסען מיט די טעאריע, אבער לדעתי איז דאס דברי הבל און אפשר גאר דברי בלע אויפן חשבון פונעם רב'ין ז"ל, במחילת כבוד המשמש.

הייסט דאס אז דער רבי זאל האבן אויפגעגעבן אויף לימוד התורה ווייל ער האט מורא געהאט פון א תלמיד שאינו הגון? אבסורד!

אפשר צייכנט איר אן ווען שפעטער אין די יארען מען האט דאס געזעהן? איך מיין אז די סאטמארער כוללים האבן זיך גארנישט צו שעמען מיט זייערע פירות בכל מקום שהם, וויפיל צענדליגער מגידי-שיעור ומרביצי תורה און וויפיל מורי הוראה ומשמיעי לקח האבן די כוללים שוין ארויסגעגעבן, און דאס אלעס איז דער רבי גרייט געווען צו פארקוקען ווייל אפשר וועט זיין איין אויבער-חכם? דברים זרים ומוזרים!


טעות גמור ומוחלט.

נישט כולל, מיינט 'אויפגעגעבן אויף לימוד התורה'?! נישט כולל מיינט 'פארקוקען אויף תלמידי חכמים'?!, וויאזוי האבן אלע אידן געלערנט זינט מתן תורה? אין כולל?, וויאזוי זענען די תנאים, אמוראים, גאונים, ראשונים, אחרונים, געווארן תלמידי חכמים? דורך כולל?!
פארן קריג ווען כוללים האבן נאכנישט עקזיסטירט איז דען נישט געווען א דור מיט מגידי שיעור, מרביצי תורה, מורי הוראה, און משמיעי לקח?
וועלכע יאר פונקטליך איז דער קיום התורה געווארן תלוי אין קיום הכולל??

אפגעזעהן וואס כולל באדייט יא, נישט כולל, באדייט זיכער נישט ביטול תורה, ח"ו.

אין אלע דורות זענען געווען תלמידי חכמים, קיינער האט נישט געהאט א פלאן וויאזוי ער וועט סורווייווען, מען האט מקיים די משנה כפשוטו, כך הוא דרכה של תורה, פת במלח תאכל, ומים במשורה תשתה, וכו' וכו', ויגעת ומצאת תאמין.

ווען רבינו הק' איז אנגעקומען קיין אמעריקא און געהערט פון דעם נייעם געדאנק 'כולל'[מיללער, איך קען היסטאריע, און ווייס אז אין ארה"ק גייט שוין כולל אן א וויילע], ד"ה א אפיציעלע קערפערשאפט פאר בני תורה, האט ער געהאט אלע רעכטן צו צווייפלען צו דאס איז גוט פאר אים, און צו ער זאל דאס נאכקאפירן, און ווי מיר ווייסן, איז זיין מסקנא געווען, ניין, איך כאפ מיך [נאכ]נישט צו דערצו.
ער האט גאנץ גוט געוואוסט אז דער וועלכער איז מוכשר און מסוגל אויסצושטייגן א אדם גדול, א תלמיד חכם, וועט עווענטועל אויסוואקסן גרויס, אזויוואו עס איז געווען אין אלע דורות, כולל קומט אינגאנצן נישט אריין דערין.
דאס איז די הקדמה.
איצט, קען אנהייבן דעבאטירן פארוואס טאקע איז ער געווען סקעפטיש איבער כולל, אבער אלעס נאר נאך די הכרה ברורה אז לימוד התורה איז נישט געוואנדן אין כוללים.

מיללער האט געשריבן:
משמש האט געשריבן:"זעלטן [אדער קיינמאל ]זענען געדרוקט געווארן קובצים מיט חידושים, וכו"
גיי לערן היסטאריע, אין סאטמאר אינדערהיים איז ארויסגעקומען עטליכע ירחונים, ווי דער רבי האט זיך פערזענליך משתתף געווען, און אפי' געגעבן א הסכמה בכתב, נאך די קריג איז געווען דער 'אוצרות ירושלים' בעריכת הרב ר' צבי מאשקאוויטש וועלכער איז געווען דער בטאון ווי סאטמארער תלמידי-חכמים האבן געשריבען אין די תש"י-תש"ל יארען, דערנאך איז געווען 'עולת שבת' און שפעטער 'פרי תמרים', האק נישט אין טשייניק!!


יא יא, היסטאריע דארף מען קענען אפלערנען אויך, אט איז וואס א חבר שרייבט.
אייניגע האט געשריבן: א קובץ איז נישט געווען דא אין אמעריקא אין די געזונטע יארן פון רבי'ן. אינדערהיים איז עס -דאכט זעך-געווען א פריוואטער מענטש.

ער איז גערעכט, קיינמאל האט די ישיבה נישט ארויסגעגעבן א קובץ, נישט אינדערהיים, און נישט דאהי אין די געזונטע יארן.

בכלל האט מיללער פארפעלט צו קוואטן דאס לעצטע פאראגראף פון מיין תגובה, אט איז עס.
משמש האט געשריבן:נישט אז דער רבי האט נישט געוואלט דער עולם זאל לערנען, בהחלט נישט, לערן טאקע יא, אזוי וואו ער האט געזאגט פאר א אינגערמאן וואס איז געקומען פרעגן צו ער זאל גיין ארבעטן אדער בלייבן אין כולל, האט אים דער רבי געפרעגט וויפיל שעה א טאג ער לערנט, זאגט דער אינגערמאן, 6 שעה, זאגט אים דער רבי, שוין גיי ארבעט, אלס ארבייטער קענסטו אויכעט לערנען זעקס שעה.


בנוגע דאס וואס מיללער פרעגט,
מיללער האט געשריבן:אפשר צייכנט איר אן ווען שפעטער אין די יארען מען האט דאס געזעהן? איך מיין אז די סאטמארער כוללים האבן זיך גארנישט צו שעמען מיט זייערע פירות בכל מקום שהם, וויפיל צענדליגער מגידי-שיעור ומרביצי תורה און וויפיל מורי הוראה ומשמיעי לקח האבן די כוללים שוין ארויסגעגעבן, און דאס אלעס איז דער רבי גרייט געווען צו פארקוקען ווייל אפשר וועט זיין איין אויבער-חכם? דברים זרים ומוזרים!


ארגינעל האב איך נאטירט א זמן ווען עס איז פארגעקומען איינס פון אומב'טעמ'טסטע געשיכטעס אין סאטמאר, דער מנהל האט עס געמעקט, כ'וויל מיר נישט צוקריגן מיט'ן.
והכל שריר וקיים, ואין כאן לא הבל ולא בלע, לא זרים ולא מוזרים.

נאך איינער האט טענות.

יוסלמאן האט געשריבן:משמש, איר בויעט עפעס אויף העכער און העכער. קודם איז דער רבי געווען קעגן קובצים, חלוקת פרסים און אלעס ארום. כ'ווייס נישט פון וואו איר נעמט עס, עניוועי, כ'מיין אז איר האט געבויעט אויף לופט.

ביטע זייט בעסער מדייק בלשוני.
משמש האט געשריבן:איך וועל נישט זיין ראדיקאל און זאגן אז דער רבי זיך מתנגד געווען, אדער ארויסגעגעבן א הוראה דערקעגן, אבער עס האט אים קלאר נישט געשמעקט


מאדנע ביז גאר איז ווי א חבר פארלאנגט מען זאל גאר מעקן מיין תגובה, ווייל איך בין מבזה דעם רבי'ן, ווייל איך זאג אז דער רבי האט נישט געוואלט כוללים, וואס דאס האלט אויף תורה, און ווי איר זעהט איז דאס א פאטאלע טעות.
קאמענטארן זענען איבעריג?! אינגאנצן נישט!
אוועטאר
לאז געמאכט
שר האלפיים
תגובות: 2710
זיך איינגעשריבן אום: פרייטאג דעצעמבער 14, 2007 11:55 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאז געמאכט »

מען טענה'ט זיך אויף זייטיגע פאקטן!

דעי שטיקל איז די זאך וואס מען איז דן יעצט, און די איצטיגע תגובה האסטו עס אויך נישט פארענטפערט!

משמש האט געשריבן:די פשוטע סברא איז ווייל יודע צדיק נפש בהמתו, ער האט גוט געקענט זיין עולם, און פארשטאנען אז טאמער זאל איינער זיך פילן מער און ברייטער פונעם אלגעמיינעם ציבור, וועט דאס אים טרייבן צו צווייפלען אינעם רבי'נס מהלך און שיטה, וכמעשה שהי' שפעטער אין די יארן.

לענינינו, דער רבי האט נישט געוואלט אוועקשטעלן א פלאץ וואס קען זיין א פאטענשאל פראבלעם פאר אים, און אפי' ווען יא כולל, זאל עס זיין מינימאל, ד"ה, נישט צו לאנג זיצן דארט.
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

משמש האט געשריבן:איך שטיי און שטוין.
א פונדאמענטאלע און פארדוסליכער טעות איז אנטשטאנען, און איך מוז ארויסגיין אויף די דעפענסיווע, אויף ענינים פשוטים וברורים.


נישט כולל, מיינט 'אויפגעגעבן אויף לימוד התורה'?! נישט כולל מיינט 'פארקוקען אויף תלמידי חכמים'?!, וויאזוי האבן אלע אידן געלערנט זינט מתן תורה? אין כולל?, וויאזוי זענען די תנאים, אמוראים, גאונים, ראשונים, אחרונים, געווארן תלמידי חכמים? דורך כולל?!
פארן קריג ווען כוללים האבן נאכנישט עקזיסטירט איז דען נישט געווען א דור מיט מגידי שיעור, מרביצי תורה, מורי הוראה, און משמיעי לקח?
וועלכע יאר פונקטליך איז דער קיום התורה געווארן תלוי אין קיום הכולל??

אפגעזעהן וואס כולל באדייט יא, נישט כולל, באדייט זיכער נישט ביטול תורה, ח"ו.

אין אלע דורות זענען געווען תלמידי חכמים, קיינער האט נישט געהאט א פלאן וויאזוי ער וועט סורווייווען, מען האט מקיים די משנה כפשוטו, כך הוא דרכה של תורה, פת במלח תאכל, ומים במשורה תשתה, וכו' וכו', ויגעת ומצאת תאמין.

ווען רבינו הק' איז אנגעקומען קיין אמעריקא און געהערט פון דעם נייעם געדאנק 'כולל'[מיללער, איך קען היסטאריע, און ווייס אז אין ארה"ק גייט שוין כולל אן א וויילע], ד"ה א אפיציעלע קערפערשאפט פאר בני תורה, האט ער געהאט אלע רעכטן צו צווייפלען צו דאס איז גוט פאר אים, און צו ער זאל דאס נאכקאפירן, און ווי מיר ווייסן, איז זיין מסקנא געווען, ניין, איך כאפ מיך [נאכ]נישט צו דערצו.
ער האט גאנץ גוט געוואוסט אז דער וועלכער איז מוכשר און מסוגל אויסצושטייגן א אדם גדול, א תלמיד חכם, וועט עווענטועל אויסוואקסן גרויס, אזויוואו עס איז געווען אין אלע דורות, כולל קומט אינגאנצן נישט אריין דערין.
דאס איז די הקדמה.
איצט, קען אנהייבן דעבאטירן פארוואס טאקע איז ער געווען סקעפטיש איבער כולל, אבער אלעס נאר נאך די הכרה ברורה אז לימוד התורה איז נישט געוואנדן אין כוללים.


ס'וואלט מיר זייער אינטערסאנט געווען ווי דער משמש האט גענומען אז דער אויבנדערמאנטער איז געווען די טעם וואס דער רבי האט זיך מתנגד געווען צי עפענען א כולל,
לויט וויפיל איך האב מלקט געווען , איז זיין טעם געווען מכוח זיין מורה האבען אז אינגעלייט זאלען נישט גיין בטל אין ווי דער בעסערמינער רב ז"ל האט מעיד געווען האט דער רבי אים געזאגט אז ענדערש זאלען דאכט זיך 10 וואס קענען יא אויסשטייגען גיין ארבייטען ווי איידער איינע וואס באלאנגט נישט דארט זאל דארט גיין פועל בטל,
אין יא נאך א טעם דער מצב הכספי איז אין יענע יארן נישט געווען אזוי פויגעלדיג אין סאטמאר מילד גערעדט, האט ער נישט געהאלטען ביים נעמען דעם עול,
אבער היות די טעמים איז נישט געווען אזעלכע אז סזאל דעם כולל מאכן אסור מדינה, איז היות ס'איז אינטערגעקומען אנדערע טעמים, דהיינו אז די אינגעלייט וואס האבן יא געהאלטען ביים בלייבען לערנען זענען זיך ציגאנגען אויף פרעמדע פלעצער האט די פרישע טעמים איבערגעוואויגען אין ער האט יא געמאכט.
בנוגע היסטאריע מעג אינזער משמש נאך נעמען א שטיקעל לעקציע דערין,
כוללים איז געגרינדעט געווארן אין די ליטע דאכט זיך נאך די ערשטע וועלט קריג, אין כגלייב שווער אז דער רבי האט ערשט דא אין אמעריקא דאס ערשטע מאל געהערט דערוועגען,
צווייטענס די כוללים אין ירושלים איז גאר אן אנדער בחינה דאס איז געווען אזא מין חלוקה פאר ישיבה לייט ווי מהאט דאס גערופען ס'האט נישט געהאט מיט דעם אז מ'האט געלערענט אין א כולל.
אוועטאר
שאץ מאץ
שר שלשת אלפים
תגובות: 3031
זיך איינגעשריבן אום: דאנערשטאג מאי 15, 2008 5:01 pm
לאקאציע: איבעראל
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך שאץ מאץ »

לאז געמאכט האט געשריבן:ווער ס'ווייסט וואס ס'טוט זיך אויסער די גרעניצן פון סאטמאר קוקט אויס, ווייסט וואס דער רבי האט געמיינט, און בס"ד ווי גוט ס'געלונגן!

שטעלטס צאם א עווריטש יונגערמאן פון סאטמאר און א עווריטש פון א ערגעץ אנדערש, די חילקום זענען הימל שרייענדיג.


ס'קוקט אויס ווי די ווייסט, אויב אזוי ביסטו מכחיש שמש בצהרים, און סתם מוציא לעז אויף אנדערע אידן,
ס'פעלט גארנישט פאר די וויזניץ'ע, בעלזא, באבוב'ע, גור'ע אינגעלייט, די חילוק איז גארנישט הימל שרייעדיג....

---
לגבי די מדובר צו מ'זאל מאכן א יש פון א תלמוד איז גערעכט אונזער שרייבער וואס ברענט דאס ארויס אויבן (איך דענק נישט זיין נאמען יעצט)
אין סאטמאר איז דירעקט געוועהן א מהלך אין דעם נישט ארויס צו הייבן מציונים, ווי אויך מאכן א יש פון א געוויסן געהויבענע חסיד, ווי אין אנדערע חסידות'ער, מיין טאטע זז"ג א איד פון פאריגן דור האט עס מיר געזאגט עטליכע מאל און אנגעוויזן א קלארע פאקטן אז אין סאטמאר האט מען קיינמאל נישט געוואלט מאכן קיין עסק פון א יחיד.

דאס איז אבער קלאר אז דער רבי האט משנה געוועהן דעתו צו מאכן א כולל פאר סיי וועלכע סיבה ווייל ער האט איינגעזעהן אז לתועלת הענין איז יעצט וויכטיג אזוי, איז מיין פראגע אויב דער רבי האט געזעהן פאר וויכטיג משנה צו זיין דעתו לתועלת הענין והמצב, אפשר מעג מען היינט משנה זיין מיט א מדריגה מער און איינשטעלן א סיסטעם פון כולל כדרך ישיבה, (מיט אביסל שטרענגע תקנות) פאר די וואקלדיגע יונגעלייט וואס האבן חתונה און ווילן עביסל לערנען פאר ער גייט ארויס אין די שטורעמישע גאס, פארשטייט זיך אז דאס זאל זיין נאר פאר ווער ס'האלט דערביי,
צו זאג איך ניין, דער רבי האט נישט געהאלטן דערפון און פארטיג, ס'איז זייער שווער אליין מחליט צו זיין אזא פראגע, אבער ס'איז דאך א צ"ע, צו מוז מען גיין מיט פארמאכטע אויגן דאס האט דער רבי געוואלט און פארטיג, צו ניין וויבאלד מ'האלט היינט אין אזא תקופה מוז מען משנה זיין?....
.
http://shatzmatz.blogspot.com/" onclick="window.open(this.href);return false;
משמש
שר חמישים ומאתים
תגובות: 367
זיך איינגעשריבן אום: זונטאג מארטש 29, 2009 10:02 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך משמש »

לאז געמאכט האט געשריבן:מען טענה'ט זיך אויף זייטיגע פאקטן!

דעי שטיקל איז די זאך וואס מען איז דן יעצט, און די איצטיגע תגובה האסטו עס אויך נישט פארענטפערט!

משמש האט געשריבן:די פשוטע סברא איז ווייל יודע צדיק נפש בהמתו, ער האט גוט געקענט זיין עולם, און פארשטאנען אז טאמער זאל איינער זיך פילן מער און ברייטער פונעם אלגעמיינעם ציבור, וועט דאס אים טרייבן צו צווייפלען אינעם רבי'נס מהלך און שיטה, וכמעשה שהי' שפעטער אין די יארן.

לענינינו, דער רבי האט נישט געוואלט אוועקשטעלן א פלאץ וואס קען זיין א פאטענשאל פראבלעם פאר אים, און אפי' ווען יא כולל, זאל עס זיין מינימאל, ד"ה, נישט צו לאנג זיצן דארט.


דער ציהל פון מיין תגובה איז געווען אפצוענטפערן מיללער'ס פרעצעדענטלאזע שארפע ווערטער קעגן מיר, ווי דברי הבל, בלע, האק אין טשייניק, זרים ומוזרים, אבסורד, וואס ער האט דאס געשריבן ווייל איך זאג אז דער רבי וויל פארקוקען אויף לימוד התורה.

מיללער האט געשריבן: איך האב נישט געזעהן אז איינער זאל זיך באפאסען מיט די טעאריע, אבער לדעתי איז דאס דברי הבל און אפשר גאר דברי בלע אויפן חשבון פונעם רב'ין ז"ל, במחילת כבוד המשמש.

הייסט דאס אז דער רבי זאל האבן אויפגעגעבן אויף לימוד התורה ווייל ער האט מורא געהאט פון א תלמיד שאינו הגון? אבסורד!
אפשר צייכנט איר אן ווען שפעטער אין די יארען מען האט דאס געזעהן? איך מיין אז די סאטמארער כוללים האבן זיך גארנישט צו שעמען מיט זייערע פירות בכל מקום שהם, וויפיל צענדליגער מגידי-שיעור ומרביצי תורה און וויפיל מורי הוראה ומשמיעי לקח האבן די כוללים שוין ארויסגעגעבן, און דאס אלעס איז דער רבי גרייט געווען צו פארקוקען ווייל אפשר וועט זיין איין אויבער-חכם? דברים זרים ומוזרים!

"זעלטן [אדער קיינמאל ]זענען געדרוקט געווארן קובצים מיט חידושים, וכו"
גיי לערן היסטאריע, אין סאטמאר אינדערהיים איז ארויסגעקומען עטליכע ירחונים, ווי דער רבי האט זיך פערזענליך משתתף געווען, און אפי' געגעבן א הסכמה בכתב, נאך די קריג איז געווען דער 'אוצרות ירושלים' בעריכת הרב ר' צבי מאשקאוויטש וועלכער איז געווען דער בטאון ווי סאטמארער תלמידי-חכמים האבן געשריבען אין די תש"י-תש"ל יארען, דערנאך איז געווען 'עולת שבת' און שפעטער 'פרי תמרים', האק נישט אין טשייניק!

בנוגע די סברא וואס איך זאג, פארוואס טאקע דער רבי האט נישט געהאלטן דערפון, כל מי שרוצה לחלוק, יבא ויחלוק.

ועוד, עס איז שין די צווייטע מאל וואס איר זענט נישט מדייק בלשוני, אט זענען מיינע ווערטער.

משמש האט געשריבן:בנוגע דאס וואס מיללער פרעגט,
מיללער האט געשריבן:אפשר צייכנט איר אן ווען שפעטער אין די יארען מען האט דאס געזעהן? איך מיין אז די סאטמארער כוללים האבן זיך גארנישט צו שעמען מיט זייערע פירות בכל מקום שהם, וויפיל צענדליגער מגידי-שיעור ומרביצי תורה און וויפיל מורי הוראה ומשמיעי לקח האבן די כוללים שוין ארויסגעגעבן, און דאס אלעס איז דער רבי גרייט געווען צו פארקוקען ווייל אפשר וועט זיין איין אויבער-חכם? דברים זרים ומוזרים!


ארגינעל האב איך נאטירט א זמן ווען עס איז פארגעקומען איינס פון אומב'טעמ'טסטע געשיכטעס אין סאטמאר, דער מנהל האט עס געמעקט, כ'וויל מיר נישט צוקריגן מיט'ן.
קאמענטארן זענען איבעריג?! אינגאנצן נישט!
משמש
שר חמישים ומאתים
תגובות: 367
זיך איינגעשריבן אום: זונטאג מארטש 29, 2009 10:02 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך משמש »

יאסל האט געשריבן:
משמש האט געשריבן:איך שטיי און שטוין.
א פונדאמענטאלע און פארדוסליכער טעות איז אנטשטאנען, און איך מוז ארויסגיין אויף די דעפענסיווע, אויף ענינים פשוטים וברורים.


נישט כולל, מיינט 'אויפגעגעבן אויף לימוד התורה'?! נישט כולל מיינט 'פארקוקען אויף תלמידי חכמים'?!, וויאזוי האבן אלע אידן געלערנט זינט מתן תורה? אין כולל?, וויאזוי זענען די תנאים, אמוראים, גאונים, ראשונים, אחרונים, געווארן תלמידי חכמים? דורך כולל?!
פארן קריג ווען כוללים האבן נאכנישט עקזיסטירט איז דען נישט געווען א דור מיט מגידי שיעור, מרביצי תורה, מורי הוראה, און משמיעי לקח?
וועלכע יאר פונקטליך איז דער קיום התורה געווארן תלוי אין קיום הכולל??

אפגעזעהן וואס כולל באדייט יא, נישט כולל, באדייט זיכער נישט ביטול תורה, ח"ו.

אין אלע דורות זענען געווען תלמידי חכמים, קיינער האט נישט געהאט א פלאן וויאזוי ער וועט סורווייווען, מען האט מקיים די משנה כפשוטו, כך הוא דרכה של תורה, פת במלח תאכל, ומים במשורה תשתה, וכו' וכו', ויגעת ומצאת תאמין.

ווען רבינו הק' איז אנגעקומען קיין אמעריקא און געהערט פון דעם נייעם געדאנק 'כולל'[מיללער, איך קען היסטאריע, און ווייס אז אין ארה"ק גייט שוין כולל אן א וויילע], ד"ה א אפיציעלע קערפערשאפט פאר בני תורה, האט ער געהאט אלע רעכטן צו צווייפלען צו דאס איז גוט פאר אים, און צו ער זאל דאס נאכקאפירן, און ווי מיר ווייסן, איז זיין מסקנא געווען, ניין, איך כאפ מיך [נאכ]נישט צו דערצו.
ער האט גאנץ גוט געוואוסט אז דער וועלכער איז מוכשר און מסוגל אויסצושטייגן א אדם גדול, א תלמיד חכם, וועט עווענטועל אויסוואקסן גרויס, אזויוואו עס איז געווען אין אלע דורות, כולל קומט אינגאנצן נישט אריין דערין.
דאס איז די הקדמה.
איצט, קען אנהייבן דעבאטירן פארוואס טאקע איז ער געווען סקעפטיש איבער כולל, אבער אלעס נאר נאך די הכרה ברורה אז לימוד התורה איז נישט געוואנדן אין כוללים.


ס'וואלט מיר זייער אינטערסאנט געווען ווי דער משמש האט גענומען אז דער אויבנדערמאנטער איז געווען די טעם וואס דער רבי האט זיך מתנגד געווען צי עפענען א כולל,לויט וויפיל איך האב מלקט געווען , איז זיין טעם געווען מכוח זיין מורה האבען אז אינגעלייט זאלען נישט גיין בטל אין ווי דער בעסערמינער רב ז"ל האט מעיד געווען האט דער רבי אים געזאגט אז ענדערש זאלען דאכט זיך 10 וואס קענען יא אויסשטייגען גיין ארבייטען ווי איידער איינע וואס באלאנגט נישט דארט זאל דארט גיין פועל בטל,
אין יא נאך א טעם דער מצב הכספי איז אין יענע יארן נישט געווען אזוי פויגעלדיג אין סאטמאר מילד גערעדט, האט ער נישט געהאלטען ביים נעמען דעם עול,
אבער היות די טעמים איז נישט געווען אזעלכע אז סזאל דעם כולל מאכן אסור מדינה, איז היות ס'איז אינטערגעקומען אנדערע טעמים, דהיינו אז די אינגעלייט וואס האבן יא געהאלטען ביים בלייבען לערנען זענען זיך ציגאנגען אויף פרעמדע פלעצער האט די פרישע טעמים איבערגעוואויגען אין ער האט יא געמאכט.
בנוגע היסטאריע מעג אינזער משמש נאך נעמען א שטיקעל לעקציע דערין,
כוללים איז געגרינדעט געווארן אין די ליטע דאכט זיך נאך די ערשטע וועלט קריג, אין כגלייב שווער אז דער רבי האט ערשט דא אין אמעריקא דאס ערשטע מאל געהערט דערוועגען,
צווייטענס די כוללים אין ירושלים איז גאר אן אנדער בחינה דאס איז געווען אזא מין חלוקה פאר ישיבה לייט ווי מהאט דאס גערופען ס'האט נישט געהאט מיט דעם אז מ'האט געלערענט אין א כולל.


ר' יאסל, דאס דערמאנטע אין דיין ציטאט, איז נישט דער טעם וואס משמש זאגט, פארוואס דער רבי האט נישט געהאלטן פון כולל, דאס איז בלויז אן הקדמה בו באנעמען דעם ענין, וכמו שכתבתי
משמש האט געשריבן:דאס איז די הקדמה.
איצט, קען אנהייבן דעבאטירן פארוואס טאקע איז ער געווען סקעפטיש איבער כולל, אבער אלעס נאר נאך די הכרה ברורה אז לימוד התורה איז נישט געוואנדן אין כוללים
.
י.
קאמענטארן זענען איבעריג?! אינגאנצן נישט!
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

היות איך בין א שטיקעל מלקט אין עניני רבי ז"ל וואלט איך זייער געוואלט האבן ציטריט צי די סארסעס וואס ווייסען דעם רבינ'ס הכרה ברורה
קענסט מיר טיען די טובה???
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

שאץ מאץ האט געשריבן:
לאז געמאכט האט געשריבן:ווער ס'ווייסט וואס ס'טוט זיך אויסער די גרעניצן פון סאטמאר קוקט אויס, ווייסט וואס דער רבי האט געמיינט, און בס"ד ווי גוט ס'געלונגן!

שטעלטס צאם א עווריטש יונגערמאן פון סאטמאר און א עווריטש פון א ערגעץ אנדערש, די חילקום זענען הימל שרייענדיג.


ס'קוקט אויס ווי די ווייסט, אויב אזוי ביסטו מכחיש שמש בצהרים, און סתם מוציא לעז אויף אנדערע אידן,
ס'פעלט גארנישט פאר די וויזניץ'ע, בעלזא, באבוב'ע, גור'ע אינגעלייט, די חילוק איז גארנישט הימל שרייעדיג....

---

.


אויב איז עס בענעני אמינות ודיעות האט געמאכט א פוינט, אין כ'האב אליינס עטליכע חבירים וואס זענען געגאנגען לערנען אין אזעלכע פלעצער אין דערנאך גאר אפגעלאכט פון מיר אז כ'האלט רב קוק פאר אן עוכר ישראל, פארשטייט זיך אז דאס נעמט אבער נישט אריין אזעלכע כמו סאטמארער כוללים ווי טעמפלערס וכו וכו'

ווידער אויב רעדסטי בנוגע התנהגות ליידער האט דער אמעריקאנער לופט אזא השפעה אז א געווענליכער אינגערמאן וואס דרייט זיך אין א חסידות אין א"י שטייט ליידער בעסער ווי דער געווענליכער אינגערמאן וואס דרייט זיך דא ביי אלע חסידות'ער דא אין אמעריקא (א שטיקעל אויסנאם איז די וואס האבען אייגענע שטעטליך ווי ק"י, סקווירא, וויזניץ מאנסי,)
כהאב מורא אז די חילקים איז הימל שרייענד אבער אויף די פארקערטען אופן ליידער :x :x
לעצט פארראכטן דורך יאסל אום מיטוואך אוגוסט 26, 2009 1:00 pm, פארראכטן געווארן 2 מאל.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

איך מיין אז ערגעץ אנדערש אין קרעטשמע איז מען שוין דן איבער די כוללים בארץ הקודש, אבער איך וויל קלאר שטעלן אז כ'האב מברר געווען אז אין ארץ ישראל האט "כולל" מיט זיצן און לערנען אין א באשטימט פלאץ נישט געהאט קיין שייכות, די כוללים האבן געטיילט חלוקה פאר יעדן וואס איז געווען יוצאי מדינתם, מיט די צייט האט כולל שומרי החומות געעפנט א בית המדרש ווי אינגעלייט זיצן און לערנען און זיי געגעבן מער געלט ווי פאר סתם אידן.
עס איז געווען א גאנצער פולמוס צו מען זאל געבן חלוקה געלט פאר א גוטן פארדינער, איך האב געהערט אז היינט איז געבליבן אז ווילאנג מ'האט נאך חובות אדער מ'שטיצט קינדער וואס זיצן און לערנען באקומט מען חלוקה, און אז נישט פאלט מען ארויס דערפון.
אז מ'לעבט דערלעבט מען
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

איך וויל אויך מעורר זיין אויף דעם ענין אז דער רבי האט נישט געגליכן קיין "ישות" און קיין "גאות" און ער איז געווען אן אויסערגעווענליכער איש אמת, ער האט נישט פארנומען דעם בלאף, זייפנבלאז, און אמעריקאנער פראפאגאנדע,
אבער,
פונקט אזוי ווי ער האט געטוישט זיינע מיינונגען בנוגע מיידל סקול, כולל, דיינים, און נאך ענליכע פרטים וואס זענען נישט פארשריבן אין זיינע הייליגע ספרים לאיסור, נאר כפי השעה האט ער פארשטאנען אז די זאך דארף יא אדער נישט זיין איז פונקט אזוי מעגליך אז ער וואלט ווען היינט געלעבט מיט די היינטיגע נסיונות און פראבלעמען אויף די גאסן און אין חינוך אז ער וואלט ווען געווען דער ערשטער צו מאכן א מבצע לגבי מצויינים וכו' כדי עומד צו זיין בפרץ און צו טרעפן א לעזונג צו האלטן די קינדער/בחורים/אינגעלייט במסגרת התורה הקדושה.

כ'האב טאקע געהערט בענין זה פון א עלטערן רב, אז אמאל האט א בן תורה געהאט א שטארקע מעגליכקייט פאר כבוד, אין יעדע שטאט אדער דארף האט מען געהאט א רב און א דיין, און ס'איז געווען טויזענטער שטעט און דערפער, על כל פנים א בחור'ל וואס האט געהאט א נסיון בנוגע התמדה האט געהאט א גוטן שלא לשמה אז ער וועט לערנען פלייסיג וועט ער בלי ספק קענען ווערן א רב אדער כאטשיק א דיין אין א שטעטל, וואס דאס איז געווען פון די ארויפגעקוקטע מענטשן ביי כלל ישראל, היינט אבער וואסערע שלא לשמה האט ער שוין אויב ער לערנט, אז ער וועט קענען זיצן אין כולל און באקומען הונדערט דאללער א וואך און נאכלויפן חנפ'ענען אלע עשירים ?
אז מ'לעבט דערלעבט מען
אוועטאר
לאז געמאכט
שר האלפיים
תגובות: 2710
זיך איינגעשריבן אום: פרייטאג דעצעמבער 14, 2007 11:55 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאז געמאכט »

איך האב אפגעטייפט אפאר טעג צוריק א לאנגע תגובה אבער ס'איז געווען פונעם בערי - כנהוג - ע"כ האביך מקצר געווען יותר מכדאי, יעצט אפאר טעג שפעטער האט מען זיך ארויפגעכאפט אויף די לעצטע פאר שורות, וועליך פרובירן מסביר זיין וואס כ'האב געמיינט.

קודם וויל איך איבערבעטן אויב איינער פון א אנדערע חסידות איז געווארן נפגע איך האב קיינעם נישט געמיינט פרעזענדליך, און אויך נישט זייער קהילה!

די הימל שרייענדיגע חילוק זעהט מען ביי די וואס קוקן בעיקר אויף ''לערנער'ס" און נישט אזוי ווייט אויף די יראת שמים וכו', אין יענע קרייזן איינער וואס איז נישט קיין 'לערנער' איז צען מדריגות שוואכער ווי אין סאטמאר (ובדומא לזה) אפי' איינער וואס איז נישט קיין לערנער, דאך ווייסט ער חובתו בעולמו, זיך פירן ערליך וכדו'.

אזוי ווי מען האט שוין פריער געברענגט, און ס'איז אזאך וואס יעדער ווייסט אז דער רבי זי"ע האט זיך שטארק פארלייגט אויף 'ערליכע בעלי בתים' נישט דווקא 'תלמידי חכמים'.

און היות הקב"ה האט געוואלט אז ס'רוב פון כלל ישראל זאל זיין אין דעם קאטעגאריע האט רבינו הק' זי"ע געזען פאר וויכטיג זיך צו פארלייגן גאר שטארק דייקא אויף דעם, און ווי געזאגט זעהט מען היינט ב"ה א הימל שרייענדיגע חילוק.
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

לאז געמאכט האט געשריבן:איך האב אפגעטייפט אפאר טעג צוריק א לאנגע תגובה אבער ס'איז געווען פונעם בערי - כנהוג - ע"כ האביך מקצר געווען יותר מכדאי, יעצט אפאר טעג שפעטער האט מען זיך ארויפגעכאפט אויף די לעצטע פאר שורות, וועליך פרובירן מסביר זיין וואס כ'האב געמיינט.

קודם וויל איך איבערבעטן אויב איינער פון א אנדערע חסידות איז געווארן נפגע איך האב קיינעם נישט געמיינט פרעזענדליך, און אויך נישט זייער קהילה!

די הימל שרייענדיגע חילוק זעהט מען ביי די וואס קוקן בעיקר אויף ''לערנער'ס" און נישט אזוי ווייט אויף די יראת שמים וכו', אין יענע קרייזן איינער וואס איז נישט קיין 'לערנער' איז צען מדריגות שוואכער ווי אין סאטמאר (ובדומא לזה) אפי' איינער וואס איז נישט קיין לערנער, דאך ווייסט ער חובתו בעולמו, זיך פירן ערליך וכדו'.

אזוי ווי מען האט שוין פריער געברענגט, און ס'איז אזאך וואס יעדער ווייסט אז דער רבי זי"ע האט זיך שטארק פארלייגט אויף 'ערליכע בעלי בתים' נישט דווקא 'תלמידי חכמים'.

און היות הקב"ה האט געוואלט אז ס'רוב פון כלל ישראל זאל זיין אין דעם קאטעגאריע האט רבינו הק' זי"ע געזען פאר וויכטיג זיך צו פארלייגן גאר שטארק דייקא אויף דעם, און ווי געזאגט זעהט מען היינט ב"ה א הימל שרייענדיגע חילוק.

ר' איד איר חלומט בהקיץ
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

איך מיין אז אמאל איז אזוי געווען אבער אין די לעצטע פאר יאר איז געווארן א שטארקע שינוי לטוב אין דעם ענין איבער די גאנצע וועלט אז מ'קוקט שוין אויך אויף די וואס זענען נישט די סעמעטענע.
אויך האב איך מורא אז פון די אנדערע זייט ריקט זיך עס אביסל אראפ און ביי אנ"ש דארף אסאך זאכן א תיקון מער ווי אפאר יאר צוריק, איך וויל נישט אוועק פארן פון די נושא.
אז מ'לעבט דערלעבט מען
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

צוריק צום נושא פון כולל.
כ'האב געהערט פון ר' יודל ראזענבערג זצ"ל אז איינער האט אמאל געזאגט פארן רבי'ן אז ער לערנט אין כולל
האט אים דער רבי געפרעגט וויפיל שעה א טאג לערנסטו
האט ער געזאגט
אכט שעה
האט אים דער רבי געענטפערט אלץ דעם אויס קענסטו נאך זיין א בעל הבית, כ'האב געקענט (אסאך)בעלי בתים אין סאטמאר וואס האבן געלערנט יעדן טאג אכט שעה.
און אויב מיין זכרון נער'ט מיך נישט האט ר' יודל מעצמו צוגעלייגט אז דער ראש הקהל אין סאטמאר ר' חיים פריינד האט אויך געלערנט יעדן טאג פיר שעה פארטאגס פאר די ארבעט און נאך פיר שעה נאכמיטאג.
דרך אגב
ר' יודל ראזענבערג איז אויך געווען בערך אזוי ער האט געלערנט ארום 5-6 שעה יעדן פארטאגס און נאך עפעס נאכמיטאג כאטש זיין פארנומענעם סדר היום, ער האט טאקע נישט געקענט פארנעמען דעם היינטיגן סיסטעם
אז מ'לעבט דערלעבט מען
יוסלמאן

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסלמאן »

מ'זאגט פונעם חזון איש אז ער האט געזאגט פאר א בחור אז ער זאל לערנען בין הזמנים כאטש אזויפיל וואו א בעל הבית, האט ער אים געפרעגט וויפיל דארף א בעל הבית לערנען? האט ער געזאגט אכט שעה!!!

א כולל אינגערמאן דארף ווען אויך לערנען צופרי און ביינאכט. אויב מיר - ארבייטער - וואס ארבייטן ווינגסטנס אכט שעה א טאג לערנען אפאר שעה צופרי און ביינאכט, דארפן זיי - וואס זייער ארבייט איז אין כולל - פונקט אזוי לערנען צופרי און ביינאכט.

ס'האט מיך שוין אסאך מאל געבאדערט פארוואס ס'זענען דא כולל אינגעלייט וואס שטייען אויף שפעט.
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

lebediger berel האט געשריבן:
אבער,
פונקט אזוי ווי ער האט געטוישט זיינע מיינונגען בנוגע מיידל סקול, כולל, דיינים, און נאך ענליכע פרטים וואס זענען נישט פארשריבן אין זיינע הייליגע ספרים לאיסור, נאר כפי השעה האט ער פארשטאנען אז די זאך דארף יא אדער נישט זיין איז פונקט אזוי מעגליך אז ער וואלט ווען היינט געלעבט מיט די היינטיגע נסיונות און פראבלעמען אויף די גאסן און אין חינוך אז ער וואלט ווען געווען דער ערשטער צו מאכן א מבצע לגבי מצויינים וכו' כדי עומד צו זיין בפרץ און צו טרעפן א לעזונג צו האלטן די קינדער/בחורים/אינגעלייט במסגרת התורה הקדושה.


בערל די ברענגסט דא ארויס זייער א וויכטיגען פוינט כהאלט אז ספארדינט אן עקסטערען אשכול,
סאיז היינט דא צענדליגער הנהגות וואס איז אנגענומען קודש קדשים אין סאטמאר ביי ביידע פראקציעס מכוח אז דער רבי האט אמאל אזוי געזאגט פאר דעם אדער יענעם, וואס סאיז טאקע אמת דער רבי האט אזוי געזאגט ווייל ער האט געהאט זיינע סברות דערצי וואס קען זיין אז סאיז היינט שוין נישט שייך אדער איז היינט דא בעסערע סברות אויף פארקערט ווי מזעט טאקע אז דער רבי האט געטוישט זיין מיינוג ביים כולל מכוח טעמים וואס זענען שפעטער נולד געווארן,
אנדערש איז אבער ענינים וואס ער האט מברר געווען להלכה דאס איז א צווייטע ענין דאס גייט אריין אין כלל פון זאת התורה לא תהא מחלפת.
כגעב דיר א משל וואס כהאב זיך אמאל געטענא'ט מיט עימיצען, סאיז ידוע אז דער רבי איז געווען אנקעגען יונעפורמען ביי מיידליך, היינט מיט די שמאלע געפאסטע בגדים איז דאך א חורבן אין צניעות אזוי אויך איז היינט זייער שווער ווען געוויסע מיידלעך גייען מיט גאר טייערע קליידער אין אנדערע ווילען עס נאכטאן וכו',
איז ווען מאיז ביי א געוויסע סאטמארע בית חינוך אויפגעקומען אז דאס איז די איינציגע לעזונג האבן זיי נישט דערוואגט צי מאכן נאר איין אונעפורם נאר א געמישעכץ פון עטליכע סארטען, כאטש איך האב דאן געטנה'ט מיט איינע פון די חברה, אז ווער זאגט אז דער רבי וואלט עס היינט נישט געוואלט דאס האסט דאך שטארקע סברות אז ס'פעלט יא אויס אין אפשר וועגט דאס איבער.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

יאסל,
גוד פאונט איבער די יוניפארמס, צו נעמען היינטיגע נסיונות מיט אמאליגע עצות, איז ווי נוצען א פערד-און-וואגען אנצוקומען קיין בארא-פארק, אדער אפשר גאר צו גיין אנליין....

די מעשה מיט דאס נעמען הוראה פונעם רבין און פארוואנדלען אין א תורה שלימה, איז היינו הך מיט מיין טעמע פון די כולל, און דאס איז טאקע דער בנין-אב, א זאך וואס האט צוטאן מיט די הויות הזמן איז נישט די זעלבע ווי א הוראה בדין תורה וואס לא ישנה ולא ישתנה, און אין דעם כלל איז דא נאך פרטים.
אוועטאר
לאז געמאכט
שר האלפיים
תגובות: 2710
זיך איינגעשריבן אום: פרייטאג דעצעמבער 14, 2007 11:55 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאז געמאכט »

איר זאגט זייער ריכטיג, דאס איז אבער נאר ווען דער רבי האט געזאגט א טעם!

אויב דער רבי האט נישט געזאגט קיין טעם, קען יעדער זאגן אז דעס וואס ער טראכט איז געווען דעם רבי'נס כוונה (אזוי ווי עטליכע אין די אשכול האט אריינגעטייטשט א טעם פארוואס דער רבי האטניש געוואלט קיין כוללים) און ווען מען האט שוין א טעם זאגט מען היות דעס איניש שייך היינט קעמען אוועקנייגען פון וואס דער רבי האט באפוילן.

אבער יורד זיין לסוף דעתו פון אזא גאון וצדיק איז אוואדי נישט שייך, סא דעס אפנייגן פונעם רבין ווייל זאכן האבן זיך געטוישט אינאר ווען דער רבי האט געזאגט א טעם, דעמאלט קען מען זאגן זיל בתר טעמא.

דרך אגב: טייל מאל האט דער רבי דייקא נישט געזאגט קיין טעם, וועגן דעם טאקע. (דעס איז פשוט געווען פארן רבין אז ס'וועט נישט קומען עני באדי און זאגן טעמו ונמוקו...) ס'איז ידוע דער דברי חיים האט נישט געשריבן קיין טעם ביי די מאשין מצות אויך וועגן די סיבה ואכמ"ל וואע"מ
אוועטאר
שמערי בערי
מ. ראש הקהל
תגובות: 9165
זיך איינגעשריבן אום: מאנטאג אפריל 28, 2008 4:40 pm
לאקאציע: באַזאָטלט אינעם ראשעקאָלישן אפיס....
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמערי בערי »

lebediger berel האט געשריבן:צוריק צום נושא פון כולל.
כ'האב געהערט פון ר' יודל ראזענבערג זצ"ל אז איינער האט אמאל געזאגט פארן רבי'ן אז ער לערנט אין כולל
האט אים דער רבי געפרעגט וויפיל שעה א טאג לערנסטו
האט ער געזאגט
אכט שעה
האט אים דער רבי געענטפערט אלץ דעם אויס קענסטו נאך זיין א בעל הבית, כ'האב געקענט (אסאך)בעלי בתים אין סאטמאר וואס האבן געלערנט יעדן טאג אכט שעה.
און אויב מיין זכרון נער'ט מיך נישט האט ר' יודל מעצמו צוגעלייגט אז דער ראש הקהל אין סאטמאר ר' חיים פריינד האט אויך געלערנט יעדן טאג פיר שעה פארטאגס פאר די ארבעט און נאך פיר שעה נאכמיטאג.
דרך אגב
ר' יודל ראזענבערג איז אויך געווען בערך אזוי ער האט געלערנט ארום 5-6 שעה יעדן פארטאגס און נאך עפעס נאכמיטאג כאטש זיין פארנומענעם סדר היום, ער האט טאקע נישט געקענט פארנעמען דעם היינטיגן סיסטעם

כ'האב אמאל געהערט פון זיין זון ר' דוד, איבער דעם ענין, אז ר' יודל פלעגט נאכצוזאגן פון הרה"ק ר' שאול בראך זצ"ל, אז איינער וואס "קען" לערנען זעכצן שעה א טאג, און ער לערנט בלויז פופצן שעה א טאג, וועט קיינמאל נישט קענען זוכה זיין לכתרה של תורה.
אבער איינער וואס קען לערנען זעקס שעה א טאג, און ער לערנט זעקס שעה א טאג, דער וועט יא קענען אנקומען לכתרה של תורה!

די ווערטער זענען מורא'דיג, און דאס איז וואס האט וויי געטוען פאר'ן רבי'ן אז א יונגערמאן וואס לערנט אין כולל, "לערנט" גאנצע אכט שעה... (לאמיר רעדן פון אזא איינעם וואס נוצט אויס יעדען מינוט), וואס איז ברור כשמש אז א כולל יונגערמאן "קען" לערנען מער ווי דאס א טאג, נו, איז דען נישט בעסער אז ער זאל ווערן א בעל הבית'ישער יוד, און יא לערנען יעדע מינוט וואס ער קען? אפילו עס זאל נישט זיין קיין אכט שעה.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

לאז געמאכט האט געשריבן:אויב דער רבי האט נישט געזאגט קיין טעם, קען יעדער זאגן אז דעס וואס ער טראכט איז געווען דעם רבי'נס כוונה (אזוי ווי עטליכע אין די אשכול האט אריינגעטייטשט א טעם פארוואס דער רבי האטניש געוואלט קיין כוללים) און ווען מען האט שוין א טעם זאגט מען היות דעס איניש שייך היינט קעמען אוועקנייגען פון וואס דער רבי האט באפוילן.

אבער יורד זיין לסוף דעתו פון אזא גאון וצדיק איז אוואדי נישט שייך, סא דעס אפנייגן פונעם רבין ווייל זאכן האבן זיך געטוישט אינאר ווען דער רבי האט געזאגט א טעם, דעמאלט קען מען זאגן זיל בתר טעמא.

דרך אגב: טייל מאל האט דער רבי דייקא נישט געזאגט קיין טעם, וועגן דעם טאקע. ס'איז ידוע דער דברי חיים האט נישט געשריבן קיין טעם ביי די מאשין מצות אויך וועגן די סיבה ואכמ"ל וואע"מ

עס מוז אבער קלאר ווערן אויף הונדערט פראצענט בלי שום ספק אז דער רבי האט עס טאקע "געזאגט" ווייל ווי באקאנט ברענגט דער רבי אין על הגאולה אז מ'זאגט בשמו זאכן וואס לא עלתה על דעתו. דער דברי חיים האט גע'אסר'ט מאשין מצות האט ער עס געשריבן אין א תשובה, (דוכט זיך מיר אז דער ענין פון נישט זאגן א טעם האט ער געשריבן ביי מאשין ציצית) און טאקע ביי די זאכן וואס ער האט נאר געזאגט בגדר הוראה לשעתו פריוואט אין שטוב אדער פאר א שואל און ניטאמאל אפגעשריבן א תשובה און נישט אונטערגעשריבן א קול קורא איז גארניקס מחייב אויב פארשטייט א גדול מיט א דעת תורה אז איצט דארף מען טון אנדערש, איבערהויפט ווען די זאכן זענען כמעט קיינמאל נישט הונדערט פראצענט קראנט.
איך וואלט געראטן אלע מספרי מעשיות און זיכערע זאך קענער צו כאפן א בליק אויף דעם אשכול איבער ווער האט מחבר געווען דעם זמר "קה אכסוף" און זען וויאזוי א מעשה גייט, וויאזוי צוויי פון אונזערע קאלעגעס האבן זיך געשוואוירן אויף א מעשה און דערנאך האט זיך ארויסגעשטעלט אז עס איז שקר וכזב, עס איז א מורא'דיגער מוסר השכל און מ'דארף זיך דערפון אראפ לערנען א לימוד מיד ולדורות.
אויך וויל איך מודיע זיין אז אין "אלע" ביכלעך און באשרייבונגען וואס ווערן באנוצט אין "אלע" פראקציעס פון סאטמאר איז אויך דא אסאך ענינים איבערגעגעבן דורך אזעלכע אידן וואס זענען באמת וואוילע ערנסטע אידן וכו' אבער האבן א נטי' און געוואינהייט צו מגזם זיין, אדער סתם פאבריצירן געשיכטעס פון דמיון ארויס, אויך אין זמירות און די מחזורים דברי יואל זענען אריין געקראכן במישרים ובעקיפין פון די סארט מעשיות און מנהגים, ממילא כל ערום יעשה בדעת און זאל נישט אננעמען יעדע געשיכטע אדער מנהג ווי תורה מסיני ווייל זייער קראנטקייט איז אונטער פראגע צייכן.

בלייבט מיר אלע געזונט.
אז מ'לעבט דערלעבט מען
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

איך וועל פרובירען מיטען אייבירשטענס הילף צו בלייבען געזונט ר' בערל, אבער ביטע פארלאזט אונז נישט.

נעכטן האב איך מחליט געווען איבערצולערנען מאמר לשה"ק אין ספה"ק ויואל משה נאכדעם וואס הרב ליפשיץ מחברי בית מדרשינו האט מיר מעורר געווען איבער א געוויסע ענין אשר אכמ"ל, למעשה מענין לענין ובאותו ענין רעדט דארט דער רבי פון דעם איסור פון לימוד תורה לנשים, שרייבט ער קלאר אראפ אז עס איז דא א ענין פון שאפען א בית חינוך לבנות אז מ'זאל כאטש לערנען מיט זיי דברים המותרים.

כלפי מה הדברים אמורים, אז מ'רעדט דא פון דעם אז דער רבי האט פארשטאנען אין עניני הנהגה והשקפה אז דאס איז נישט קיין הלכות וואס מ'פסקנט ארויס פון א שלחן ערוך, נאר תלוי ברוח הזמן והמקום אווא איינער האט דא נאכגעשריבען וואס דער רבי האט געזאגט די חילקו פון די צוויי דרשות אין שטאט סאטמאר, פאר די שטאטישע שוהל און פאר די חסידים.

דאס אז אינדערהיים האט דער רבי אזוי ווי אסאך גדולי ישראל נישט געהאלטן פון מייסד זיין קיין מיידל שולע, דאס איז געווען לויט יענע אומשטענדן, וואס אזוי ווי מ'איז ארויסגעקומען צו די נייע וועלט ווי די נסיונות זענען לא קרב זה אל זה, חוץ דעם וואס ער האט אליינס בפועל מייסד געווען א בית חינוך לשמה ולזכרה פון די סיגוטער רביצין, דעם רבינ'ס טאכטער הרבנית רחל ע"ה, האט ער דאס פאראייביגט אין זיין תורה שבכתב למען יעמוד ימים רבים למשמרת.
אטעטשמענטס
vayoel_moshe.jpg
אוועטאר
א טאטע
שר חמישים
תגובות: 73
זיך איינגעשריבן אום: מיטוואך יוני 11, 2008 12:24 pm
לאקאציע: א מאל אין קאך, אמאל אין הויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך א טאטע »

לאז געמאכט האט געשריבן:איר זאגט זייער ריכטיג, דאס איז אבער נאר ווען דער רבי האט געזאגט א טעם!

אויב דער רבי האט נישט געזאגט קיין טעם, קען יעדער זאגן אז דעס וואס ער טראכט איז געווען דעם רבי'נס כוונה (אזוי ווי עטליכע אין די אשכול האט אריינגעטייטשט א טעם פארוואס דער רבי האטניש געוואלט קיין כוללים) און ווען מען האט שוין א טעם זאגט מען היות דעס איניש שייך היינט קעמען אוועקנייגען פון וואס דער רבי האט באפוילן.

אבער יורד זיין לסוף דעתו פון אזא גאון וצדיק איז אוואדי נישט שייך, סא דעס אפנייגן פונעם רבין ווייל זאכן האבן זיך געטוישט אינאר ווען דער רבי האט געזאגט א טעם, דעמאלט קען מען זאגן זיל בתר טעמא.

דרך אגב: טייל מאל האט דער רבי דייקא נישט געזאגט קיין טעם, וועגן דעם טאקע. (דעס איז פשוט געווען פארן רבין אז ס'וועט נישט קומען עני באדי און זאגן טעמו ונמוקו...) ס'איז ידוע דער דברי חיים האט נישט געשריבן קיין טעם ביי די מאשין מצות אויך וועגן די סיבה ואכמ"ל וואע"מ

עס איז ניכר פון דיינע ווערטער אז די געהערסט שוין צום דריטן דור פון די וואס האבן נאך געקאנט דעם רבי'ן ז"ל, און דערפאר האסטו א ליסטע מיט איינרעדנישן איבער דעם אדם הגדול בענקים, טייל שטאמט פון אונוויסענהייט און טייל האבן געוויסע בכונה פארדרייט.

מיר האבן יא מקבל געווען פון רבי'נס גאר נאענטע תלמידים און כולם אמרו אז דער רבי איז געווען ספעציעל אפן צו מציאות'ער וואס האבן זיך געביטן אדער זאכן וואס האבן זיך ארויסגעשטעלט מיט די צייט אנדערש ווי ער האט אריגענעל געטראכט.

דוגמא אחת מני אלף, אין די ערשטע יארן ווען די סאטמארע תלמידים הסרים למשמעתו זענען געקומען פון די די פי קעמפס מיט די הילף פון די דזשאוינט, איז דער סדר פון די דזשוינט איז געווען אז זיי האבן געברענגט די אידן ערשט קיין ניו יארק און שפעטער זיי צושיקט אויף אנדערע שטאטן צוליעב זייערע סיבות און פאליסיס נישט צו פארפלייצן איין געגנט מיט פיל פליטים, איז אויסגעקומען אז אידן זענען געקומען אפנעמען שלום פון רבי'ן און דערציילט וואו דער דזשוינט שיקט זיי, עס איז געווען ווער עס האט געוואלט בלייבן דאהי וואס דאס האט באדייט פארלירן די שטיצע פון דזשוינט, דער רבי האט יעדן געהייסן גיין וואהין מ'האט זיי געשיקט האלטענדיג אז מ'קען אויפטאן אין די פארשטופטע שטעט, נאך א וויילע ווען דער רבי האט מער קאנען געלערנט אמעריקא און אירע איינוואוינער האט ער געטוישט זיין מיינונג און געהייסן דעם עולם בלייבן אין ניו יארק. כך שמעתי מפי א' מן ותיקי החסידים.
אוועטאר
ווינקל
שר שבעת אלפים
תגובות: 7788
זיך איינגעשריבן אום: דאנערשטאג מאי 21, 2009 12:10 am
לאקאציע: vinkel.ivelt ביי גימעיל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווינקל »

א הערליכער שמועס.

איין נקודה וואס איז פארבליבן אין ווינקל...
דער רבי זצ"ל האט דאס אמאל געזאגט אויף אנאנדער ענין אדער סאיז אביסל מאיר אהער.
חז"ל זאגן אלף נכנסים לביהמ"ד ואחד יוצא להוראה. האט דער רבי ז"ל געזאגט דאכט זיך בשם החת"ס אז סיי וואסערע "סיסטעם" מוועט טרייען וועט מען ניש איבער קליגן חז"ל! דאס מיינט דאך אז די 999 וואס קומען אריין אין בעסמעדרעש וועלן סוכ"ס אנקומען..... אויסער די גרעניצן פון הוראה! ע"כ.

לפי זה איז פארשטענדליך אז דער "סיסטעם" דארף זיין אויסגעשטעלט פאר די 999. דער איינער? ער וועט סייווי אנקומען אנעם סיסטעם. הנראה לענ"ד כתבתי.
איך וואלט געוואלט בעטן אויב איינער וואלט געקענט במחכ"ת אריינסקענען פון ספה"ק בית אהרן ביי די מכתבים דער ערשטער בריוו מענין זה! דברים נוראים!!! ואולי היה זה דעת רביה"ק.

נ.ב. איך בין דא בלויז מיט א בערעלע... (וואס האט דער רבי האט געהאלטן פון דעם?) ביניך לימיטעד צו שרייבן קורץ ואתכם הסליחה...
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

איין זאך בין איך זיכער אז דער רבי וואלט געהאלטן דיין בערעלע זאל האבן א פילטער ואידך פירושא הוא זיל גמור.
מסתמא האט עס א פילטער
אז מ'לעבט דערלעבט מען
שרייב תגובה

צוריק צו “אז נדברו”