באנאנא האט געשריבן:היום יום שני שבו שבו ביקר רבינו שליט"א אנ"ש תושבי ארצינו הקדושה:
חלק ב:
נאכן מעמד קביעת מזוזה אין די נייע בנין הת"ת אין ירושלים איז רבינו שליט"א אריין אין די ספיציעלע טענט הארט נעבן די בנין און אנגעראכטן א מעמד לחיים. די שאטער איז געווארן הערליך שיין צוגערישט, אינדערמיט זענען געזעצן די נגידים בעם און חשובי העדה, און אויף די צוויי זייטן זענען געשטאנען אלע תלמידי הת"ת אויף פארענטשעס.
די תלמידים האבן מקבל פנים געווען רבינו שליט"א בשירה וזמרה און די מנהל המוסד האט מקבל פנים געווען מיט פאסיגע דברי פתיחה, דערנאך האט מען געזינגען גראמען לכבוד די מעמד וואו די קינדער האבן ארויסגעברענגען זייער גרויסע זכי' על ביאת צדיק אל המקום און דערביי געבעטן פון רבינו שליט"א זיי אינזין צו האבן ביי די כותל המערבי און קבר רחל.
פון דארט איז רבינו שליט"א אין א זעלטענע שריט געגאנגען צו די שבע ברכות בשמחת בית באיאן, פון די באיאנער רבי יונגסטע קינד, נאך וואס דער באיאן רבי האט געשיקט אין אמעריקא א ספיציעלע דעלעגאציע צו רבינו שליט"א איינצולאדענען צו באשיינען די שמחה.
די באיאן רבי האט גאר שיין אויפגענומען די גרויסע גאסט כ"ק מרן רבינו שליט"א און אריין א שיחת צדיקים. דערנאך האט רבינו שליט"א זיך ארויסגעלאזט אין א מחול לצדיקים מיט די באיאן רבי, חתן און מחותנים.
רבינו שליט"א איז דערנאך געפארן צום שריד בית מקדשנו וואו עס זענען שוין געווען פארזאמעלט א ריזן ציבור פון העכער טויזענט אנ"ש און בחורים. טראצדעם וואס די ארגענעלע פלאן האט געלויטעט צו דאווענען אינעם אינערווייניגסטע חלק ביים כותל האט די פאליציי געמאכט פראבלעמען צוליב די ריבוי עם און דערפאר האט מען געפראוועט דעם מעמד תפילת רבים אינדרויסן.
ווען רבינו שליט"א איז אנגעקומען צום כותל המערבי ארומגענומען מיט חסידים ואנשי מעשה האט מען אנגעהויבן די יהי רצון פון תהלים, רבינו שליט"א האט נאכן יהי רצון איידער אנהייבן תהלים אנגעהויבן מיט גאר ווארימע הארצרייסענדע אמרי קודש לעורר בתשובה ותיקון המעשים על שבר בת עמי דערמאנענדיג מיט בכיות נוראות צרכי עמך בית ישראל המרובים. דערנאך האט רבינו שליט"א פארגעזאגט תהלים מיט גרויסע התעוררות אין באגלייטונג פונעם גאנצען ציבור וואס האבן פארלאזט גרויסע בכיות. דאס התעוררות ביים שריד בית מקדשנו איז געווען אין לשער.
אין יעדע באבובער צענטער האט מען זיך צוזאמעגענומען אין די זעלבע צייט פאר אמירת ספר תהלים מיט די זעלבע ספיציעלע ספר וואס רבינו שליט"א האט אויסגעשטעלט און מיטגעהאלטן מיט'ן רב'ס תפילות דורך א לייו הוק אפ, אריינגערעכנט די ישיבות הקודושת און כוללים איבער די גארער וועלט. אין ביהמ"ד הגדול אין בארא פארק איז דאס ביהמ"ד געווען פול מקצה אל קצה מיט הונדערטער אידן וועלכע האבן מיטגעהאלטן די תפילות לרחמים ורצון, אריינגערעכנט הגה"צ דומ"ץ שליט"א, אב"ד קשאנוב, און הגה"צ דוד דוב האגער בן כ"ק אדמו"ר מוויזניץ מאנסי.
דאן איז די גאנצע ציבור בראשות רבינו שליט"א געפארן צום קבר רחל וואו עס איז ווידער פארגעקומען גאר א התעוררות'דיגע מעמד בקשת רחמים ביים מאמע רחל בהשתתפות פון א ריזן ציבור. נאכן דאווענען האט מען ארויסבאגלייט כ"ק מרן רבינו שליט"א מיט נינוגי שמחה פון 'חזק ימלא בקשתינו'.
פון דארט איז רבינו שליט"א אנגעקומען אין א היסטארישע שריט צום חתונה הגדולה בשמחת בית קארלין סטאלין מפאר צו זיין בראש השמחה. מען האט שוין געהאלטן סוף מצוה טאנץ און דער קארלינער רבי האט אויפגענומען רבינו שליט"א מיט גרויסע כבוד און אריין אין א שמועס בשיחת צדיקים. דאן האט דער רב געטאנצן מיט'ן חתן און נאכדעם א לענגערע ריקוד קודש מיט די קארלינער רבי אינעם חלל פונעם זאל.
עס איז כדי צוצוצייכענען אז די קליינע חשובע ספר תורה וואס רבינו שליט"א ניצט שוין יארן לאנג אויף שמיני עצרת און שמחת תורה באלאנגט פאר די קארלינער רבי און מען בארגט עס פון אים יעדע יאר, בהשתדלות הנה"ח ר' אברהם אהרן לעזער שליט"א.