@אידישליך: נייעס און באריכטן

[אידישליך]

אילאן מאסק זאגט אז ער וועט פובליצירן אויף טוויטער היינט 5 אזייגער וואס עס האט זיך אפגעשפילט מיט די האנטער ביידען לעפטאפ געשיכטע.

IMG_20221202_160201_779.jpg (230.59 KiB) געזען 10950 מאל

[אידישליך]

ווי פארשפראכן, איז ארויסגעשטעלט געווארן א לענגערע טוויטער טרעד מיט דאקומענטן איבער די צענזור וואס טוויטער האט ארויפגעשטעלט אויף די האנטער ביידען לעפטאפ געשיכטע.

די דאקומענטן צייגן אז דער גרינדער און געוועזענער פירער דזשעק דארסי איז נישט געווען פארמישט אין די באשלוס, נאר עס איז אממערסטנס געווען וועדזשייע געד, וועלכע איז אויפגעזאגט געזאגט געווארן דורך מאסק גראד נאכ'ן איבערנעמען פירערשאפט.

די דאקומענטן צייגן אז די ערשטע אנגעבליכע אורזאך איז געווען וועגן טוויטער פאליסי קעגן 'געהעקטע מאטריאל', אבער ביז "עטליכע שטונדן האט שוין יעדער געוויסט אז דאס וועט נישט האלטן", און אינערליכע דיסקוסיעס זענען געגאנגען אהין און צוריק איבער די באשלוס.

די דאקומענטן צייגן אבער אז די דעמאקראטישע נאציאנאלע קאמיטע (DNC) און די ביידען קאמפיין האבן געהאט א דירעקטע ווארט אויף טוויטער און פארלאנגט צו אפשפארן געוויסע אקאונטס און מען האט זיי געפאלגט.

מאסק אין א טוויט האט פארשפראכן אז עס וועט קומען א פארזעצונג.

IMG_20221203_192156_399.jpg (99.24 KiB) געזען 10809 מאל

[אידישליך]

אין רעאקציע צו די טוויטער פיילס, האט רעפובליקאנער קאנגרעסמאן דזשעימס קאומער, דער העכסטער רעפובליקאנער אויף די קאנגרעס אווערסייט קאמיטע, געזאגט אז ער וויל רופן אלע פארמישטע טוויטער איינגעשטעלטע צו אויפטרעטן בעפאר קאנגרעס.

[אידישליך]

די אמעריקאנער עיר פארס האט פארגעשטעלט זייער פרישע אינטערקאנטינענטל B-21 סטראטעגישע באמבאדיר פליגער.

IMG_20221203_193021_759.jpg (152.72 KiB) געזען 10736 מאל

[אידישליך]

א מאסיווע פייער האט אויסגעבראכן פרייטאג צונאכטס אין די 'בשר' פלייש געשעפט אין סאוט פאלסבורג, אין וועלכע די געשעפט איז טאטאל פארניכטעט געווארן.

IMG_20221203_210810_466.jpg (87.68 KiB) געזען 10487 מאל

[אידישליך]

די אמעריקאנער עקאנאמיע האט צוגעזעהן פרישע 362,000 דזשאבס אין נאוועמבער, וואס דאס איז העכער ווי ערווארטעט. די אנעמפלאוימענט ראטע איז געבליבן ביי 3.7%.

[אידישליך]

נאך מאנאטן פון ווילדע פראטעסטן, האט איראן געמאלדן אז זיי וועלן אויפלעזן די ארטיגע 'מאראל פאליציי', וואס האט צוגעברענגט צו די ראיאטן נאך וואס א אינגע פרוי איז געשטארבן אין זייערע הענט.

[אידישליך]

מדינת ישראל פרעזידענט יצחק הערצאג האט באזוכט באכריין, ווערנדיג די ערשטע מדינת ישראל פירער צו באזוכן דאס לאנד.

[אידישליך]

דער העכסטער רעפובליקאנער אויף די הויז אינטעלעדזשענס קאמיטע, רעפובליקאנער קאנגרעסמאן מייק טורנער, האט פארדאמט טראמפ'ס טרוט וועלכע רופט צו סוספענדירן די קאנסטיטוציע איבער די 2020 וואלן, און געזאגט אז ער גלייבט אז מענטשן וועלן נעמען אין באטראכט אזא סטעיטמענט ווען זיי וועלן באשליסן איבער א פרעזידענטליכע קאנדידאט.

טראמפ'ס טרוט

IMG_20221204_134816_952.jpg (193.15 KiB) געזען 8723 מאל

[אידישליך]

איבער 1000 ארבעטער פון די ניו יארק טיימס וועלכע זענען אנגעשלאסן אין א יוניאן סטראשען צו ארויסשפאצירן אויב די ניו יארק טיימס גייט נישט איין אויף א נייע קאנטראקט מיט די ארבעטער ביז דעצעמבער 8.

[אידישליך]

א פאליטיקא באריכט געבט אן אז הערמיעט דילאן, א קאמיטע פרוי אין די RNC און א בארימטע אדוואקאט וועמענ'ס פירמע רעפרעזענטירט טראמפ און אנדערע רעפובליקאנער, גרייט זיך צו מעלדן איר קאנדידאטור פאר די RNC פארזיצער פאזיציע.

[אידישליך]

קאנגרעסמאן לי זעלדין אין א טוויט מעלדט אפיציעל אז ער באטראכט שטארק די אפציע זיך צו פארמעסטן פאר די RNC פארזיצערשאפט, אבער וועט הערשט מעלדן זיין באשלוס דעם מיטוואך, נאך די דזשארדזשיע סענאט ראנאף פארמעסט.

[אידישליך]

די יוסטיץ דעפארטמענט האט אריינגעגעבן א פארלאנג אין געריכט אז דער ריכטער זאל זיי ערלויבן צו שטעלן א זעלבסטשטענדיגע אויספארשער איבער FTX און זייער געוועזענער פירער סעם בענקמען-פריעד, וועלכע זאל אויספארשן "די ערנסטע און סובסטאנציאלע באשולדיגונגען פון שווינדל, קרומקייטן, אומקאמפעטענץ, און שוואכע פירערשאפט און פארוואלטונג".

[אידישליך]

צפון קארעא האט ארויסגעשאסן 130 ארטילערי שעלס נאנט צו די וואסער גרעניצן פון דרום קארעא, אין רעאקציע צו דרום קארעא מיליטערישע מושטירונגען.

[אידישליך]

סעם בענקמען-פריעד אין א טוויט רעאגירט צו אן איינלאדנונג פון קאנגרעספרוי מעקסין וואטערס צו קומען אויפטרעטן בעפאר די קאנגרעס פינאנציעלע סערוויסעס קאמיטע, זאגענדיג אז ער איז גרייט צו קומען אויפטרעטן, איינמאל ער ענדיגט איבערקוקן וואס עס האט פאסירט מיט זיין פירמע.

IMG_20221205_095644_601.jpg (109.4 KiB) געזען 5721 מאל

[אידישליך]

די FBI האט געמאלדן אז זיי האבן זיך אנגעשלאסן אין די אויספארשונג איבער 2 עלעקטריציטעט סוב-סטעישאנס אין נארט קאראליינע וועלכע זענען בייזוויליג געשעדיגט געווארן דורך גאן פייער, פאראורזאכענדיג קורצשלוסן פאר ארום 40,000 ארטיגע איינוואוינער.

[אידישליך]

רעפובליקאנער אין די קאנגרעס אווערסייט קאמיטע האבן געמאלדן אין א בריוו צו סעקרעטערי אוו סטעיט ענטאני בלינקען אז זיי האבן געעפנט אן אויספארשונג איבער די באריכטן אז די ביידען אדמיניסטראציע האט פרובירט צו אויסהאמערן א געהיימע דיעל מיט OPEC+ אז זיי זאלן העכערן אויל פראדוקציע בעפאר די מיד-טוירם וואלן.

[אידישליך]

טעמפא פאליציי שעף, מערי אוקאנער, איז געשטעלט געווארן אויף אדמיניסטראטיווע אורלויב, און דערנאך רעזיגנירט, נאך וואס ווידעא צייגט וויאזוי זי האט געוויזן איר פאליציי בעדזש זיך ארויסצודרייען פון באקומען א טיקעט ביי א טראפיק אפשטעל.

[אידישליך]

סענאט מאיאריטעט פירער טשאק שומער האט גערופן צו די פעדעראלע HHS (דעפארטמענט אוו העלט און היומען סערוויסעס) אגענטור צו זיין גרייט ארויסצוהעלפן, אין ליכט פון אן אלאמירנדע אויפשטייג אין RSV פעלער וועלכע טוט אין די טעג גאר שטארק איבערשטרענגן שפיטעלער אין ניו יארק און ניו דזשערסי.

[אידישליך]

קאנגרעס מינאריטעט פירער קעווין מעקקארטי זאגט אז ער וועט נישט לאזן די נאציאנאלע פארטיידיגונגס ביל דורכגיין אויב די וואקסין מאנדאט אויף די מיליטער ווערט נישט אראפגענומען.

[אידישליך]

געוועזענער אדוואקאט און באקאנטער פאליטישער קאמענטאטאר מייקל אוואנאטי, איז פאראורטיילט געווארן צו 14 יאר טורמע פאר'ן אויסמיידן שטייערן און גנב'נען מיליאנען פון די קליענטן וועמען ער האט פארטרעטן.

ער וועט אויסדינען די טערמין נאך וואס ער פארענדיגט א באזונדערע 5 יאר טערמין פאר פריערדיגע קלאגעס.

די אורטייל קומט נאך וואס ער האט זיך דערקלערט שולדיג אויף 4 קלאגעס פון שווינדל, פאר'ן אויסשווינדלען געלט פון 4 קליענטן, און א באזונדערע קלאגע פאר'ן זיך ארויסדרייען פון באצאלן איבער 5 מיליאן דאלער אין שטייערן פאר זיין קאווע ברענד 'טולי'ס קאפי'.

[אידישליך]

די 'כאן 11' נייעס סטאנציע דעקט אויף צום ערשטן מאל די רעקארדירונגען פון די פאליציי ראדיאס אין מירון א האלבע שעה פאר די שוידערליכע אומגליק.

לויט די רעקארדירונגען באריכטן שוין די פאליציי אויפן סצענע א האלבע שעה פארן אומגליק איבער א שרעקליכע שטופעניש און בעטן דרינגענד הילף, אבער באקומען נישט קיין געהעריגע ענטפער.

[אידישליך]

די רוסישע פארטיידיגונגס מיניסטעריום זאגט אז אוקריינישע דראונס האבן אטאקירט 2 רוסישע לופט באזעס הונדערטער מיילן אריין אין רוסישע טערעטאריע, פון וועלכע 3 זענען אומגעקומען, 5 פארוואונדעט, און 2 פליגער זענען געשעדיגט געווארן.

[אידישליך]

די טיים מאגאזין האט ארויסגעשטעלט זייער ליסטע פון די 10 לעצט פארבליבענע אויסוואלן פאר זייער "פערזאן פון די יאר".

צווישן זיי איז אילאן מאסק (וועלכער איז אויסגעקליבן געווארן פאראיאר), קאנגרעספרוי ליז טשעיני, און פלארידע גאווערנער ראן דיסענטיס.

[אידישליך]

הארמיעט דילאן, די פארזיצערין פון די רעפובליקאנע נאציאנאלע לויערס אסאסיאציע, האט אפיציעל געמאלדן אויף טאקער קארלסאנ'ס שוי איר קאנדידאטור פאר די RNC פארזיצערשאפט, זאגנדיג אז רעפובליקאנער זענען שוין זאט פון פארלירן, און כדי צו קענען געוואונען דארף מען אויפפרישן די פארטיי פירערשאפט.