רוסלאנד אינוואדירט אוקריינע - **בלויז נייעס**

[קרעטשמער]

זייטיגע נאטיץ

אפיציעלע דערמאנונג: די אשכול איז א זעראו טאלעראנץ פאליסי אשכול - מען קען אויסגעשלאסן ווערן אן קיין ווארענונג פארן פארלעצן די תקנות. עס איז בלויז ערלויבט צו שרייבן נייעס!! פראגעס, קאמענטארן אדער אנאליזן זענען נישט ערלויבט.

פאר די ספעציעלע קאמענטארן אשכול דריקט דא.

[פעטער ברוך]

Screenshot_20230122-173625_WhatsApp.jpg (259.13 KiB) געזען 11754 מאל

[חלום חלמתי]

פּוילישער אויסערן מיניסטער און אוקריינעס פרעזידענטליכער ראטגעבער זאגן,אוקריינע באצאלט מיט לעבנס צוליב די מערב האמפּערייען איבער די לעפארדס.
דריי אמעריקאנער סענאטארן האבן זיך געטראפן מיט זאלענסקי אין קיעװ און שטארק קריטיקירט די סאמאטאכע איבער די לעפארדס, זיי האבן גערופן דייטשלאנד שוין צו ארויסגעבן רשות, און גערופן ביידען אדמיניסטרעישאן צו געבן אפאר אמעריקאנער טאנקען, כדאי דייטשלאנד זאל נישט האבן קיין אויסריידן.
לויט סקיי ניוס אינפארמאציע פון אמעריקאנער דעפענס מיניסטעריום, װעט אמעריקע נישט געבן די אמעריקאנער טאנקען נאר כדי צו פארלויפן א תירץ פון דייטשלאנד אבער איז נישט געברויכט אין אוקריינע.

דייטשלאנד אויסערן מיניסטער האט היינט װייטער געשפילט פאליטיק מיט די לעפארדס זאגענדיג דייטשלאנד װעט נישט צוריקהאלטן אנדערע לענדער אבער האט נאך נישט ערהאלטן רשות.
די לעפערד שדים טאנץ איז נאך א שטיקעלע אין די פארראט פון מערב װעלט פארפליכטונגען צו אוקריינע. װי באקאנט האט אוקריינע געהאט די דריט גרעסטע זאפאזעס פון נוקלעארע װאפן אריינגעשטעלט נאך אין די צייטן פון סאװיעטן פארבאנד, נאך די צוזאמפאל פון קאמאניזם האבן די אוקריינער דאס נישט געװאלט אויפגעבן װאוסענדיג דאס איז װי אן אינשורעס פאליסי, הגם זיי האבן דאס נישט געקענט נוצן צוליב װאס רוסלאנד האט געהאט די געהיימע קאודס.
זיי זענען געצװינגען געװארן דורך פרעזידענט קלינטאן אין יאר 94 דאס אויפצוגעבן (קלינטאן האט געסטראשעט אפצוהאקן באציאונגען אויב נישט) און כדי צו פארזיכערן אז זיי גייען נישט אינװאדירד װערן, האט אמעריקע ענגלאנד און רוסלאנד אונטערגעשריבן די בודאפעסט מעמאראנדום װי עס װערט געגעבן געראנטיען פון די לענדער אז אוקריינע װעט קיינמאל אינװאדירט װערן, די אינטערגעשריבענע לענדער זענען אחראי צו קומען צו הילף. עס הערשט א דעבאטע װי װייט לעגאל דאס פארפליכטעט אמעריקע און ענגלאנד צו קומען צו הילף.

אין 14 װען רוסלאנד האט אנעקסירט קריימיע האבן זיי געזאגט דאס פארלעצט נישט די מעמוראנדום װיבאלד קריימיע האט זיך קודם אפגעטיילט, פארמירט א פארלעמענט, װאס האט געשטימט זיך איינצושליסן אין רוסלאנד, במילא גייט דאס נישט אריין אין די בחינה פון אנעקסירן אוקריינע װאס איז פארבאטן.

עס איז מיינד באגלינג, װען אימער רוסלאנד טרעפט זיך אין קאָרנער ספּאַט, בלאָזן זיי ארויס די װערטער ״עסקולאציע״ און געװיסע מערב פחדנים לויפן צוריק נישט ח״ו אנצודרייען די געװארענטע עסקאלאציע.

היינט אליין האט מען געהערט פון מעדװעדאװ און אויך פון דער הויפט פון די נידריגע דומא פארלאמענט, אז אויב װעט מען װייטער שיקען װאפן ־גאנץ קלאר בכװנה די טאנקען פון װאס זיי ציטערן װעט געבן אן איבערװיגנדע אויבערהאנט פאר אוקריינע־ װעט דאס קלאר זיין אן עסקאלאציע װאס װעט פירן צו פאטאלע קאטאסטראפע,און מען זאל נישט מיינען װיבאלד דאס האט נישט פאסירט אין פארגאנגענהייט אז סװעט נישט פאסירן האט דער סטעיטמענט אויסגעפירט.

װי איז דען דא א גרעסערע עסקאלאציע װי אינװאדירן א זעלבסשטענדיג לאנד װאס רוסלאנד אליין האט זיך פארפליכטעט צו זיין אפיטרופס, בלויז װייל רוסלאנד האט זיך פארשמעקט און זיך איינגערעדט אז סװעט גיין איינס צװיי.

געדענקט װי טראמפ האט נאך אויסגערימט פּוטין האַרט פאר אינװאזיע די קליגשאפט פון אייננעמן א פרישע לאנד אנע שטער? איך גלייב ער האלט שוין נישט אזוי נאכן זיך איבערצייגן װי צובאלדט רוסלאנד און פוטין גייען ארויס,נישט קיין חילוק די אויסגאנג פון מלחמה. דאס איז װארשיינליך געװען איינע פון זייער מערסט טיפשותדיגע באשלוסן (אפילו זיי װאלטן געהאט א סוקסעס פון אנפירן א רעזשים טויש נאך שװערע שלאכטן װאלט לכאורה זיך דאס נישט געהאלטן פאר צו לאנג אנדעם װאס װאלט געװען גאסן פראטעסטן און בלוטיגע שלאכטן און עװענטואל א פוטש װאס רוסלאנד װאלט נישט געהאט צופיל קאנטראל לויט די היסטאריע פון אוקריינע). און װיפיל מער געשטארקט אוקריינע קומט ארויס, װען נאך די מלחמה גייען זיי זיין פיל פיל שטערקער װי פארדעם, אויף א מיליטערישן פראנט האבענדיג זיך באװאפענט מיט מערב סארט װאפן טרענירט און אויספרובירט אויף די אייגענע האנט. חוץ דעם װאס זיי װעלן כמעט בלי ספק אריינגענומען װערן אין די אי. יו. נאך א מארשאל סארט פלאן װאס װעט אריינפילסן הונדערטער ביליאנען פאר װידעראויפבוי

אפילו אוקריינע זאל מוזן אויפגעבן געװיסע שטחים פאר שלום אין מזרח, לוהאנס־דונעצק ראיאן איז אויך נישט געפערליך װיבאלד עס װעט אויסשליסן א רוסלאנד פריינד סארט קאנדידאטד פון װערן אמאל פרעזידענט אין אוקריינע, אויב די איינװאוינער דארט אין װעלכע האבן אין די פארגאנגענהייט געשטימט איבערװיגענד פאר יאנאקאװיטש און װעלן אויסגעשלאסן װערן פון שטימע (יאנאקאװיטש האט אין יאר 2010 געװינען מיט בלויז ארום דריי פראצענט) װען מערב אוקריינע טערעטאריע שטימט איבערװיגענד מער פאר דעמאקראטיש פריינטליך קאנדידאט און אפילו אויב אפאר הונדרעט טויזענט רוסלאנד פריינטליך װיילער װעלן אויסגעשלאסן װערן פון אוקריינע קען דאס גאר זיין א טובה

די לעצטע מאל װאס די װעלט האט מיטגעהאלטן מערסטע ענליך צו דעם פון אינװאדירן שכינותדיגע לענדער מיטן אויסרייד פון ״באשיצן די עטניש רעדנדע״ און מאכן כל מיני חשבונות פארװאס שטחים פון אנדערע לענדער באלאנגען צו זיי איז געװען ביי די צװייטע װעלט מלחמה (װאס רוסלאנד האט געהאט א דירעקטע שייכות מיטן אויסברוך פונעם צװייטן װעלט קריג דורך די מאָלטאָװ ריבענטראָפּ אפמאך װאס האט געגעבן די מעגליכקייט פאר נאציזם צו אינװאדירן פוילן דורכן מאכן אחלק שלל מיט רוסלאנד)
אזעלכע פראזן װי מען ״באקירעװעדט די עטניש רעדנדע דייטשן אין סודעטן געביטן טשעכסלאװאקיע״ אדער מען האט געהאט גאנצעטע פשעטלעך פארװאס עסטרייך און פוילן באלאנגט צו דייטשלאנד,
גענוי די אלע פשעטלאך האט מען יעצט געהערט קודם ביי קריימיע, אז סאיז נאר געװען א קורצע מתנה װאס רוסלאנד האט געגעבן נאר פאר א שטיק צייט (רוסלאנד גראדע טעהנעט אויך אז אלאסקעס מכירה איז נאר געװען פאר הונדערט יאר צו אמעריקע און בעצם איז עס א מתנה ע״מ להחזיר, נאר װי גייט דער װערטל ״פארװאס באגראבט מען א טויטן װייל ער לאזט זיך״ סאו צוריקנעמען אלאסקא װעט זיך אמעריקע נישט לאזן)

דערנאך מיטן אפעטיט און זעענדיג עס איז נישטא קיין קאנסעקװענצן אויף זייערע אקטן ווייל קיינער װיל נישט קיין ״פראװאקאציעס װעלכע פירן צו עסקאלאציעס״ האט רוסלאנד אנגעדרייט די שטיק פון דאנעצק פיפעל רעפאבליק און לוהאנסק פּיפּעל רעפּובליק װאס לויט דעם אויבנדערמאנטן פשעטל ( רוסלאנד איז דאך בשכינות פון ליטא....) איז דאס אויך נישט קיין פארלעצונג פון די מאמוראנדום װיבאלד מען אנעקסירט נישט אוקריינע ,נאר דיִ פּיפּעלס רעפּובליק. איי איז דאך שװער װאס איז די װייטערדיגע אריינגיין צו שטחים אין מעריב אויף דעם קען זיין די תירץ בדוחק אז יענץ האט געזאלט זיין בלויז א רעזשים טויש, נישט קיין אנעקסירונג.

היוצא מכל זה עס איז נישט דא קיין גרעסערע עסקולאציעס װי דאס װאס רוסלאנד האט דא אומפארשעמטערהייט איינגענומען א פרעמד לאנד און אנגעזייט גרויליגע שחיטות װיבאלד טייל פאלק װיל נישט גיין לויט זייערע געװאונטשענע אינטערעסן,

[חלום חלמתי]

אוקריינע סאלדאטן האבן געװיזן פאר פרעסע װי זיי נעמען ארויס זייערע געפאלענע קאלעגע פון טאנק װעלכע האט טיפע אויפרייס לאָך װאס לויט זיי װאלט דאס נישט געלעכערט געװארן ביי מערב סארט טאנק

[חלום חלמתי]

די אנגעלייגטקייט פון מינעס אינדרויסן פון קרעמניע און די אומצאליגע פרישע רוסישע רעזערװיסטן האלט אפּ די אוקריינע פאר באטייטענע פארשריט, זיי האלטן נאך דערװייל אפאר קאלימעטער פון טאון, קיין שום טויש פון צװיי װאכן צוריק

די אוקריינער צילן צו גיין װייטער פון קרעמינע צו ליסיטשאנסק און סעװעראדאנעטסק

[ישראל_הלוי]

איטאליענער אויסערן מיניסטער: איטאליע און פראנקרייך גרייטן זיך אינאיינעם צו שיקן די SMAP-T לופט פארטיידיגונגס סיסטעם קיין אוקריינע.

[ישראל_הלוי]

ניו יארק טיימס: רוסישע מיליטערישע שפיאנאזש איז געשטאנען אונטער די פאסט באמבעס אין שפאניע אין 2022, באנוצענדיג זיך מיט עקסטרעם רעכטע גרופעס אין די אייראפעאישער פאראיין.

[ישראל_הלוי]

מאראקא האט אריבערגעשיקט קיין אוקריינע א צאל T-72B טאנקן וואס איז אריבער א מאדערנעזאציע אין טשעכיי.

[ידיד כל חי]

ISW
Jan 22

[משהלע]

די מצב ארום באכמוט איז גאר ביטער.
אין די היינטיגע סטעיטמענט פון די אוקריינער מיליטער איז צוגעקומען צוויי שטעטלעך וואס זענען אויף די הייוועיס ארום באכמוט.
סטופאטשקי וואס איז ווייט מערב דרום פון באכמוט און פאראסקאווייבקא וואס זיצט צפון.

[נקדימון]

דייטשלאנד מעלדט א פעקל פאר אוקראינע פון א ביליאן יורא!


אבער לעמפערטס לאזן זיי נאכנישט געבן.

לויט אנדרי מעלניק דער געוועזענער אוקריינער אמבאסאדאר קיין דייטשלאנד איז די איין ביליאן יורא הילפס פעקל נישט פשט אז עס קומט א התחייבות פון א פרישע נייע הילפס פעקל פון א ביליאן יורא. דאס איז א סך הכל פון אלע לעצטיגע וואפנס וואס דייטשלאנד האט מבטיח געווען צו געבן פאר אוקריינע.

עס איז פרישע געלטער װאס װערט אריינגעלייגט אלץ סופּלעמענטאל אין זייער אינטערנאצינאלער הילף אקאונט, װאס פון דעם װעט געגעבן װערן פון דעם ספרינג סיזען, װאפן פאר אוקריינע אין װערט פון ביליאן, פאר אומזינסט.

איך בין נישט זיכער איך פארשטיי וואס דו זאגסט. דו זאגסט אז די ביליאן יורא איז יא א פרישע זאך וואס רעכנט נישט אריין ביז יעצטיגע הבטחות?

מעלניק זאגט אז די נייעס אז דייטשלאנד גייט געבן א ביליאן יורא הילפס פעקל רעכנט אריין אין זיך הבטחות פון דייטשלאנד פון די לעצטע וואכן אין חדשים. צום ביישפיל, געפארדס, אייריס-טי און מארדארס.

די זיבן געפארדס (א צוואנציג מיליאן דאלער) אנאנסירט צוריק אנהייב דעצעמבער

פרישע פעקל פון דייטשלאנד

— 7 "Gepard"
— 100,000 first-aid kits
— 3 BIBER armored bridge-laying machines
— 8 surface drones
— 12 border vehicles
— 30 ​​ambulances
— spare parts for the Mi-24
— 4.000 sleeping bags

א פרישע אייריס-טי סיסטעם מיט די צוגעהערן, אנאנסירט צוריק אין נאוועמבער

דייטשלאנד גרייט זיך איבערצוגעבן נאך דריי Iris 2 מיסיל דעפענס סיסטעמס פאר די אוקריינישע מיליטער.

די סיסטעם מיט א הונדערט מיסילס איז ווערט א צוויי הונדערט מיליאן דאלער.

פערציג מארדאר טרעקלעך. געווארן אנאנסירט צוויי וואכן צוריק

די אוקריינער וועלן ערהאלטן 40 Marder קאמפס טרעקלעך פון דייטשלאנד אנהייב 2023. עס וועט נעמען 2 חדשים פאר די אוקריינער זיך צו טרענירן דערויף.

אויב איז ריכטיג וואס מעלניק (און נאך א סך) שרייבן אז די פעקל פון א ביליאן יורא רעכנט אריין הבטחות פון די לעצטע וואכן אין חדשים איז עס אביסל פארפירעריש מצד דייטשלאנד [אדער די מידיע] עס צו פארשטעלן ווי א פרישע באזונדערע הילפס פעקל ווי איידער א סך הכל [לכל הפחות א ריזן טייל פון עס באשטייט] פון צוגעזאגטע מתנות פון די לעצטע שטיק צייט.

[ישראל_הלוי]

רוסלאנד האקט אפ דיפלאמאטישע באציאונגען מיט עסטאניע און פארארדענט איר אמבאסאדאר צו פארלאזן רוסלאנד ביי פעברואר 7.

[ידיד כל חי]

Jan 23

[ידיד כל חי]

British Update - Jan 23

[שטופט אין ישיבה]

די אמעריקאנער רעגירונג איז ערווארטעט היינטיגע וואך ארויסצושטעלן א נייע פּעקעדזש פון סאנקציעס קעגן דער רוסישער רעגירונג און קעגן דער "וואגנער גרופּע", וואס איז א פּריוואטע מיליטערישע גרופּע וועמען דאס רוסישע מיליטער נוצט אויפ'ן פראנט אין אוקראינע. די ביידען אדמיניסטראציע האט אפיציעל דעזיגנירט די גרופּע אלס א גלאבאלע קרימינאלע ארגאניזאציע, מיט דער האפענונג אז דאס וועט בלאקירן די פינאנצן וואס ערמעגליכן די 50,000 מיטגלידער צו קעמפן אויפ'ן פראנט.

[שטופט אין ישיבה]

דאס רוסישע מיליטער האט געזאגט אז אירע קרעפטן האבן זיך פאראויסגערוקט אינעם זאפּאראזשיע ראיאן אין דרום אוקראינע, וואס דער ראיאן איז טיילווייז אקופּירט דורך רוסלאנד. די רוסן זאגן אז זייערע קרעפטן האבן באוויזן צו נעמען בעסערע פּאזיציעס אויף די פראנט ליניעס, זייענדיג שוין דאס צווייטע מאל אין די לעצטע צוויי טעג וואס די רוסן זאגן אז זיי מאכן פארשריט אין דרום, אין א צייט וואס זיי ליידן ווייטער פארלוסטן אין מזרח אינעם קאמף ארום באכמוט.

[ישראל_הלוי]

עסטאניע פלאנט צו פארמאכן די גאלף אף פינלאנד פאר רוסישע שיפן דורך עס ערקלערן אירע טעריטאריעל וואסערן וואס וועט איר ערלויבן אפצושטעלן און אונטערזוכן רוסישע קריגס און ציווילע שיפן.

[ישראל_הלוי]

באקמוט.

https://www.dropbox.com/s/emznuzgl2luhu ... 2.mp4?dl=0

[ישראל_הלוי]

נידערלאנד וועט שיקן 8 עף-35 קאמפס עראפלאנען קיין פוילן צו באשיצן די נאטא הימלען אין מזרח אייראפע.

[ישראל_הלוי]

דייטשלאנד האט אנגעהויבן אריבערפירן פאטריאט סיסטעמען קיין פוילן.

"כדי צו באשיצן פוילן'ן הימלען ווערט א דייטשע אנטי מיסיל טעסק פארס אוועקגעשטעלט אלס א חלק פון נאטא'ס אקטיוויטעטן."

[ישראל_הלוי]

די אוקריינער זיכערהייט סערוויסעס האבן ארעסטירט עטליכע פארשוינען אין קיעוו וואס האבן פארקויפט אוקריינער פאספארטן פאר רוסישע בירגער פאר 10 טויזנט דאלער א שטיק.

[ישראל_הלוי]

די אי יו שיקט א פרישע הילף פעקל פאר אוקריינע אין די ווערט פון 500 מיליאן יורא.

[ישראל_הלוי]

די אי יו שיקט א פרישע הילף פעקל פאר אוקריינע אין די ווערט פון 500 מיליאן יורא.

אונגארן וואס האט זיך קודם אנטקעגנגעשטעלט די נייע הילף פעקל, האט צום סוף אפגעמאכט נישט צו שטערן.

[ישראל_הלוי]

רוסלאנד האקט אפ דיפלאמאטישע באציאונגען מיט עסטאניע און פארארדענט איר אמבאסאדאר צו פארלאזן רוסלאנד ביי פעברואר 7.

לאטוויע וועט פארמינערן די שטאפל פון אירע דיפלאמאטישע באציאונגען מיט רוסלאנד פעברואר 24 אין סאלידאריאטעט מיט עסטאניע.

[ישראל_הלוי]

דייטשלאנד האט אנגעהויבן אריבערפירן פאטריאט סיסטעמען קיין פוילן.

"כדי צו באשיצן פוילן'ן הימלען ווערט א דייטשע אנטי מיסיל טעסק פארס אוועקגעשטעלט אלס א חלק פון נאטא'ס אקטיוויטעטן."

https://www.dropbox.com/s/pfm1anot10n8m ... 3.mp4?dl=0

[ישראל_הלוי]

לאטוויע פארשיקט דעם רוסישן אמבאסאדאר פון לאנד.