חלקי האט געשריבן:אויב גייט עס זיך ממילא נישט אויסארבעטן פארוואס שטערט פארן צד שכנגד אז ער עפנט עס בכלל? דיין קינד לאזסטו דאך האלטן דעם ספארקלינג באטל ווייל די ווייסט אז ער וועט עס ממילא נישט קענען עפענען...
שטערט מיר נישט אז ער עפנט. פערזענליך האלט איך אז דאס האט א גאר קליינע שאנסן צו ווערן א פאקטאר אין די פאליטישן אדער סאציאלע מידיע וועלט. אז דאס גייט ווערן א פעטע גריפט, בלע"ז, א קוואל פאר די טראמפ פאמיליע אריינצושארן מיליאנען א יאר איז מער רעאליסטיש.
איך לאך פון דעם נאמען "טרוטה," און פון די לויב וואס גיסט זיך דא איבערן אויסוואל. כאילו די "דעמאקראטישע מענטשנ'ס רעפובליק פון קארעא" איז אזא געלונגענע ברענדינג מאוו אז יעדעס מאל וואס דאס לענדל און איר איבערוואגיגן דעספאט פיגורירט אין די נייעס לויף איך צו די וויקיפידיע זייטל איבער צפון קארעא בלויז זיך צו איבערצייגן אז די טיראנישע קעניגרייך איז, אין פאקט, נישט קיין דעמאקראטיע.
חלקי האט געשריבן:@שלמה איך האב איין פראבלעם מיט אייך. איר רעדט בכלל נישט פון אילאן מאסק. איר רעדט בלויז וואס איר וואלט געטון האבנדיג די געלט פאוער אין אזוי ווייטער וואס מאסק האט...
איך פארשטיי נישט.
פעיק ניוז האט געשריבן:@שלמה, האסט סיי וועלכע הינט וואס זאל דיר טראגן צו גלייבן אז טראמפ גלייבט נישט אין פרייהייט פון אויסדרוק? האט ער אמאל געטון עפעס אין דעם ריכטונג?
איך האב נישט קיין צווייפל אז טראמפ האט נישט קיינע אידעאלן, גלייבט נישט אין קיינע אידעאלאגיעס און איז נישט געבונדן צו קיין שום פרינציפן.
ער טוט נאר וואס ער מיינט וועט זיין גוט פאר אים אדער זיין טאש.
טראמפ דער פאטריאט האט נישט קיין שום פראבלעם צו האקן אויף אמעריקע און איר אינערן אדער אויסערן פאליטיק. טראמפ דער 'בלו לייווס מעטער' חסיד וועט נישט טראכטן קיין צוויי מאל איבער אראפרייסן לאו ענפארסמענט ווען ער מיינט אז דאס העלפט אים. דער גרויסער קאנסערוואטיווער אפגאט האט נישט קיין שום פראבלעם צו שטיפן אנטי קאנסערוואטיווע פאליסיס ווען עס בעניפיטירט אים.
שוין אפגערעדט פון דעמאקראטיע, גלייכבארעכטיגונג, שטימ-רעכט און ענליכע ווירדן וואס ער האט קיינמאל pretended אז ער גלייבט דערין.
איבער אונזער נושא דא.
טראמפ האט געפאדערט מיט אן אייפער אז מען מוז פארשיקן א שפילער פארן קניען אינמיטן די נאציאנאלע הימנע. ער האט רעגלמעסיג געפאדערט אז מען מוז אויפזאגן קאלומניסטן וואס זענען קריטיש קעגן אים. ער האט פראבירט צו טוישן דאס געזעץ גרינגער צו מאכן דאס אנקלאגן די פרעסע פארן באריכטן אומגונסטיג קעגן אים.
זיין אדמיניסטראציע האט געסטראשעט צוקערבערג פערזענליך זיך צו נעמען צו זיינע ביינער און ארויסגעקוועטשט א רייע שווערע קאנצעסיעס פון פעיסבוק פאר די 2020 עלעקשנס.
צי האסטו פארגעסן די היסטערישע אנטי 'קריטיקל רעיס טעארי' פאניק קוים עטליכע חדשים צוריק?
נאך טויזנט ביישפילן פון פאר, דורכאויס און נאך די פיר יאריגע טערמין.
איך כאפ יעצט אז אויב ווערט די פלאטפארמע שטארק אויפגעכאפט אין די קאנסערוואטיווע וועלט און די מידיע דעקט טראמפ'ס פערל ווערטער אין די קומענדיגע צוועלף חדשים קען דאס זיין א נעט פאזיטיוו פאר דעמאקראטן פאר די מידטורמס (אויב די סופליי טשעין כאאס גלעט זיך נישט אויס אין די נעקסטע 6-8 חדשים). די מעקאנלס און מעקארטיס פון די וועלט און רעפובליקאנער גאווערנאר קאנדידאטן, סענאטארן און קאנגרעס-מיטגלידער אין סווינגסטעיטס דורכאויס דאס לאנד וועלן האבן א בייזוויליגן קאשמאר מיטן ארוועליען טיטל "טרוטה."
צוריק צום קעפל.
מיין שאלה צו דיר
שלמה הילדעסהיימער האט געשריבן:@פעיק ניוז, האסט סיי וועלכע הינט וואס זאל דיר טראגן צו גלייבן אז טראמפ גלייבט, אדער האט סיי וועלכע אינטערעסע אדער פארשטאנד אין' טרוטה' און רעאליטעט? אז טראמפ האט דאס מינדסטע פראבלעם מיטן פארשפרייטן די אפענסטע, פארגרעבטסטע און שעדליכסטע ליגנטס?