באבוב 45
בוי-ארבעט ביים תלמוד תורה בנין אין פולסטן אימפעט
אין א רעלאטיוו שטילע ווינקל אין בארא פארק דערקענט זיך א טומל און גערויש פון פילע צענדליגע בוי-ארבייטער וואס ארבעטן פלייסיג אָן אויפהער און ברענגען דערמיט א נייעם פראכטפולן בנין פאר דער אידישער בארא פארק, דאס איז דער נייער בנין תלמוד תורה פון מוסדותינו הק' וואס בויעט זיך אצינד אויף די 15'טע עוועניו און 41'סטע גאס.
בעת וואס די הערצער פון טויזנטער אנ"ש זענען אזוי נאנט צוגעבינדן צום קרוין-פראיעקט פון קהלתנו הק' און פאלגן נאך טריט נאך טריט דאס אויפבוי פון בית מדרשנו הגדול והחדש, אין די זעלבע צייט, ווערן בעז"ה געמאכט מאסיווע פארשריט ביי דעם גראנדיעזן בוי-פראיעקט פונ'ם נייעם תלמוד תורה בנין.
איבער די לעצטע פארלאפענע וואכן האט דאס בנין אנגעהויבן צו באקומען א נייע צורה, ווען די הויפט אינערליכע איינריכטונגען, ווי עלעקטריק, פלאמבינג, HVAC, עלעוועיטאר זענען שוין מער ווייניגער אינסטאלירט, און מען האלט שוין ביים אויסלייגן sheetrock איבער דעם גאנצן בנין.
שטייענדיג אין די סאמע לעצטע פאזעס פון די בוי-ארבעט דערנענטערן מיר זיך מיט מאסיווע טריט צום ענדגילטיגן גמר הבנין. דאס הארץ וואקסט פון פרייד און די אויגן לייכטן פון צופרידנהייט, זעענדיג די לעצטיגע אנטוויקלונגען ווי עס בויעט זיך א נייעם היים פאר אונזערע טוינזטער תלמידים בליעה"ר.
די הנהלה האט אין די לעצטע חדשים אינוועסטירט פאנטאסטישע סומעס אין דעם פראיעקט און די רעזולטאטן דערקענען זיך באשיינפערליך.
אדרבה, באטראכט די פאלגנדע בילדער און איבערצייגט אייך אליין...
- unnamed (43).jpg (376.36 KiB) געזען 2868 מאל
- unnamed (44).jpg (222.42 KiB) געזען 2868 מאל
- unnamed (45).jpg (273.51 KiB) געזען 2868 מאל
