קשורה בנפשו האט געשריבן:ס'איז באקאנט די מעשה, אז אין די צייטן ווען די ציונים האבן גע'סטראשעט רביה"ק מסאטמאר מיטן לעבן רח"ל האט זיך ר'מענדל גרינבערג - פון די שטוב מענטשן - זיך באוואפענט מיט א רעוואלווער האט זיך די רבי אויסגעדריקט צו אים "כ'ווייס וואס די האסט אינטערן רעקל כ'וויל דיר זאגן, עס פעלט נישט אויס".
לענייננו, האמער דען געזען דאס זיך באוואפענען ביי אונזערע עלטערן? זיי האבן עס פילפאכיג מער גע'ברויכט.
ווי @פראקטיש האט אראפגעברענגט פון הרה"ק מ'טאהש זצ"ל אז כחי ועוצם ידי איז נישט די מהלך וואס אינזערע גדולים האבן אינז גע'לערנט.
אלזא וואס גייט אריין אין די חוב פון השתדלות? דאס דארפן מיר איבערלאזן פאר א דעת תורה, א קאפיטל תהילים שאדט לכו'ע נישט.
מיר ווילן זען די וואס דרייען זיך מיט הייס געווער, אויסזאגן תהילים בעפארן דאווענען דאס טוהט אויף פילפאכיג מער....
די חיוב השתדלות ווערט געשאצט דורך די נארמאלע אנגענומענע מעטאדן צו דערגרייכן די ציהל, והנוגע לענינינו איז דאס א סעקיוריטי גארד ביי יעדע עפנטלעכע ארט.
און דאס קומט אויסשליסלעך נישט במקום תפילה, און איך בין ערשטוינט צו זען אידן מישן אויס תפילה מיט השתדלות אז אויב מען איז מתפלל פעלט שוין נישט אויס קיין השתדלות.