כאפצעם האט געשריבן:ווערעצקי האט געשריבן:כאפצעם האט געשריבן:און די רעזולטאטן זענען?
אז קענעדע וועט בלאזן צוויי וואכן, שיקן טוויטס, פאראדאמונגען וכו' וכו'. און נאך צוויי וואכן וועלן זיי בלית ברירה זיך צוריק קערן צום פארהאנדלונגס טיש.
זאגסטו אז עז אוו נאו זענען די רעזולטאטן צעהארגעטע באציאונגען מיט אלע אונזערע פריינט. כ'הער.
לאמיר פארשטיין.
ראובן און שמעון, צוויי לאנגיעריגע פריינט, האבן א ביזנעס בשותפות. נאך יארן לאנג וואס זיי געטרויען זיך איינער דעם צווייטן, ווערט ראובן געוואויר אז שמעון האט אויסגענוצט דיין פריינטשאפט, זיין טראסט, אים אפצוריפּן פון אלע זייטן, שמעון האט ארויסגעריקט א ריזיגע סכום געלט פון די קאסע שטילערהייט. וואס טוט מען יעצט? ראובן איז אייביג געווען א גוטער חבר פאר שמעון, און איז גרייט צו בלייבן מיט אים אויף ווייטער גוטע חברים, ער וויל די שותפות זאל ווייטער אנהאלטן, אבער ער דארף זיין געלט צוריק??!!
דאס ערשטע זאך נעמט מען ראובן אפיר דעם שמעון, און ווייזט ער אים אויף שווארץ אויף ווייס, אז ער ווייסט אלע זיינע שייגעץ שטיק, פונקטליך וואו און וויאזוי ער האט פארשטעקט דאס געלט. אבער!! איך בין גרייט ווייטער אנצוגיין מיט די שותפות/פריינטשאפט, אויב שמעון לייגט צוריק אלעס וואס ער האט גענומען, און בינדט זיך די הענט פון היינט און ווייטער.
אין אזא פאל, שטייט פאר שמעון דריי אויסוואלן.
1) שמעון, אויב האט ער שכל, און וויל ווייטער אנהאלטן די צוזאמענארבעט, די פריינטשאפט, וועט ער זיך אפווישן די נאז, די גניבה איז נישט געלונגען, פארפאלן, אבער לתועלת הענין גיימיר זיך פארגלייכן, און שלום על ישראל.
2) אויב איז שמעון אבער א נאר, און זיין גניבה'לע איז אים וויכטיגער ווי אלעס, ער איז גרייט אלעס צו דערלייגן אבי צו בלייבן מיט די גע'גנב'טע געלט, הייבט ער אן לייקענען שטיין און ביין, כ'האב קיינמאל גארנישט גענומען, כ'ווייס נישט וואס דו רעדסט, פארקערט, דו ביסט דער גנב, און הייבט אן צו בארעדן אין די גאנצע שטאט אז ראובן וויל אים בארויבן וכו' וכו'.
וואס וועט זיין דער סוף? שמעון וועט שרייען און פארפירן ביז ער וועט הייזעריג ווערן, אבער נאכדעם ווען ער וועט ניכטער ווערן, וועט ער זיך ארומזעהן אז ס'איז נישטא קיין ברירה, אויב וויל ער בלייבן מיט די געשעפט מוז ער צוריק קומען צו ראובן און זיך פארגלייכן מיט אים, און דאן קען אלעס אנגיין ווייטער. אנפאנג וועט עס זיין פיינפול און אומבאקוועם, אבער נאך א שטיק צייט וועט די אומאנגענעמליכקייט פארגעסן ווערן, און מער ווייניגער וועט אלעס קענען אנגיין ווייטער ווי פריער. אפשר נישט מיט אזא פריינטשאפט, מיט אזא גוט אויג, אבער לתועלת פונעם ביזנעס וועט מען זיך פרובירן פארשטיין ווי ווייט מעגליך.
3) א דריטע אויסוואל איז פארהאן, אז שמעון זאל בלייבן שרייען און פארפירן, ס'וועט אים אפשר געלונגען אז די גאס זאל האלטן אז ער איז גערעכט, און ראובן וויל אים סתם באשולדיגן על לא דבר. אבער די געשעפט וועט נישט קענען ווייטער אנגיין אזוי. ראובן און שמעון וועלן מער נישט קענען בלייבן קיין שותפים. קען זיין אז ראובן וועט אויך מיט גארנישט בלייבן, אבער שמעון - כדי צו באשיצן זיין גניבה - וועט זיך מיט יעדעם אראפשלעפן אין תהום אריין.
אבער די אויסוואל ליגט אין שמעון'ס הענט, נישט אין ראובן'ס. שמעון איז דער וואס קען באשליסן וויאזוי צו רעאגירן און וואס צו טוהן, והקולר תלוי בצוארו.נאר וואס דען, דו וואלסט מסתמא געזאגט אז ראובן זאל גארנישט טוהן, נישט רעדן קיין ווארט פון די גניבה, לאזן שמעון ווייטער אנגיין מיט שייגעץ שטיק, ביז די קאסע טריקענט אויס, אלעס כדי צו אנהאלטן די פריינטשאפט/שותפות צווישן די צוויי.
וואס וועט ראובן האבן פון אזא שותפות? פון אזא פריינטשאפט?
ואידך פירושא זיל גמור.