די פרישע מיידעלע אין קאנגרעס (גראדע איז זי נישט קיין מיידל, זי האט שוין חתונה געהאט 3 מאל...) די סאמאליע אפשטאמיגע מיסיס אילאן אומאר וואס האט זיך שוין פארשמירט פאריגן חודש מיט אנטיסעמיטישע קאמענטארן האט יעצט נאכאמאל געעפנט איהר מויל...
רעדנדיג ביי א צוזאמקנופט פאר CAIR (קאונסיל פאר אמעריקאנער איסלאמישע רילעישאנס) האט זי געזאגט אז "די ארגאניזאציע האט זיך געגרינדעט נאך ניין עלעווען 9/11 ווייל זיי האבן איינגעזעהן אז "געוויסע מענטשן" האבן געטון "עפעס" און די איסלאמישע געמיינדע האבן אנגעהויבן ליידן.
די ניו יארק פאוסט האטעס געלייגט אויפן פראנט דעקל מיט א גרויסן בילד פון די ברענענדיגע טווין טאוערס צייגנדיג ווי די "עפעס" האט אומגעברענגט 2,977 מענטשן!!
טראמפ האט זיך באסמאקוועט דערמיט און געטוויט א קליפ פון איהר רעדע צוזאמען מיט שרעקליכע ווידיאו שטיקלעך פון די שרעקליכע מאמענטן, מיט טראמפ צושרייבנדיג "אונז וועל מיר קיינמאל נישט פארגעסן!"
ס'האט זיך אנגעהויבן א ויצעקו פון די דעמאקראטישע פארטיי מיטגלידער- נישט וועלענדיג נאכאמאל זיין די וואס דארפן זיך דיפענדען האבן זיי אנגעהויבן צו באשולדיגן טראמפ אז מיטן שרייבן אז "אונז וועל מיר קיינמאל נישט פארגעסן" טוט ער מוטיגן ווייאלענס אנטקעגן אומאר, (כ'האב נישט קיין אהנונג ווי אין די ווערטער זעהט מען געוואלדטאן..!),
פעלאוסי האט זייענדיג אויפן וועג קיין לאנדאן (ניין! נישט טראמפ האט ארויסגעגעבן די "געהיימע" אינפארמאציע אז זי איז אויף אן אויסלענדישע וויזיט...
) ארויסגעגעבן א סטעיטמענט זאגנדיג אז זי האט באפוילן די קעפיטאל פאליציי איהר צו באשיצן, און האט גערופן פאר טראמפ אראפצונעמען דאס קליפ.
ס'דא איין גרויסע פראבלעם מיט איהרע קאמענטס... די CAIR ארגאניזאציע האט זיך געגרינדעט אין 1994 גאנצע זיבן יאר פאר די געוויסע האבן געטון עפעס... #קריעטן_פעקטס