מעלדונג איבער נייע פארום "אקטועלע נייעס"
געשריבן: זונטאג יוני 04, 2017 11:53 pm
אין א פרישע שריט נאכמער צו פארבעסערן אונזער פארום טוט די הנהלה פראקלאמירן איבער א פרישע אנטוויקלונג וואס איז פון איין זייט פיל שווערער ווי די ארבעט ביז היינט, און פון די צווייטע זייט וועט עס פיל פארבעסערן א וויכטיגע טייל פון אונזער פארום, און דאס איז דער דערעפענונג פון א פרישע סוב פארום וואס רופט זיך "אקטועלע נייעס".
אזוי ווי עס האט זיך ארויסגעשטעלט אז ווען עס קומט צו נייעס און פרישע אנטוויקלונגען, בעיקר ווען עס נעמט אריין עפעס פון וועלטס פאליטיק, זענען דא צווישן די שרייבער און לייענער שטארקע מיינונגען אויף ביידע זייטן.
דאס ברענגט אז עס מאכט זיך זייער אפט אז א "נייעס" ווערט פארקראכן... עס גייט פון "נייעס" צו "דעבאטעס" צו "שרייערייען" צו "באשולדיגונגען" צו "קריגערייען" און עווענטועל צו "מעקערייען".
דאס איז נישט באקוועם פאר קיינעם – אויסער די טראלן..... – דאס שמעקט נישט, נישט פארן שרייבער, נישט פארן לייענער, נישט פארן טיילער און נישט פארן כאפער... און פארשטייט זיך נישט פאר די הנהלה.
יעדעס מאל א שרייבער שפירט זיך געטראפן, צו איז עס ווייל מען באציט זיך צו זיין תגובה שלא ביושר, אדער מען אטאקירט אים פאר זיין מיינונג, און פארשטייט זיך אויב ווערט עס היציג און די אחראים דארפן מעקן, טוט עס זייער וויי.
אזא ווייטאג איז נישט נאר אויף די מינוט – דאס אליינס איז גענוג שלעכט – נאר עס האט לאנג טערמיניגע קאנסעקווענצן, אריינגערעכנט – און הויפטזעכליך – אז גוטע שרייבער, געשמאקע שרייבער, זאכליכע שרייבער הערן אויף שרייבן. און עס שטעלט זיך ארויס, אז די שרייבער וואס מערסטענס לייענער און מיטגלידער ווילן לייענען ווערן ווינציגער, און די שמועסן ווערן מער און מער אומלייענבאר און אומגעשמאק.
צוליב דעם האט די הנהלה באשלאסן צו גרינדן א נייע אפטיילונג אין אונזער פארום גערופן "אקטועלע נייעס" וואס וועט באשטיין פון "נאר נייעס".
די פארום "אקטועלע נייעס" פארשפרעכט צו דינען אלס פלאטפארמע פאר אינפארמאטיווע נייעס וואס זאל קענען געליינט ווערן אן ווערן געשטערט דורך די זייטיגע טענה'רייען וואס טוט באגלייטן די טרוקענע נייעס און טוט שטערן די סדר הדברים. די סיסטעם אין דעם פארום וועט ארבעטן אז יעדע תגובה וואס וועט געשריבן ווערן אינערהאלב דעם פארום וועט אדורכגיין די אויגן פון א אחראי אדער מנהל בעפארן ארויפגיין ווי דער אחראי וועט האבן די אפציע פון אפראוון און באשטעטיגן די תגובה אז עס איז ראוי און אז עס זאל קענען אריינגיין אינעם פארום און ארויסגיין פאר די פובליק.
דאס הייסט, ווען איר שרייבט א תגובה אין דעם פארום וועט עס נישט גלייך ארויפגיין נאר די מנהלים און אחראים וועלן באקומען א נאטיפיקאציע איבער די תגובה און זיי וועלן האבן די מעגליכקייט עס צו באשטעטיגן אדער לייגן אין א זייט.
עס וועלן זיין א ספעציעלע שטאב מיט אחרים, וואס צו זיי וועט אנקומען די אלע תגובות וואס ווערט געשריבן אין דעם ספעציעלן פארום, און אויב וועט איינער פון זיי באשליסן אז די תגובה קומט נאך די פאדערונגען פון די אפטיילונג וועט עס ווערן ארויסגעלייגט פארן פאבליק.
עס איז צום האפן אז די פארום וועט דינען פאר די צוועק פון לייענער וואס ווילן דוקא זעהן די נייעס אפגעשריבן נארמאל אין א סדר אן די זייטיגע "צוגעהערן" וואס די עבר האט געוויזן אז שרייבן די סארט זאכן האט זיך אפטער יא ווי נישט אריינגעצויגן אין לאנגע צעגערייען טענה'רייען און דעבאטעס, אזש מען האט צומאל געדארפט לייענען עטליכע בלעטער נאר צו טרעפן די טרוקענע פאקטן ארום די געשעענישן.
ויהי רצון שחפץ ה' בידינו צו אהערשטעלן א ריינע מקום אינעם רוישיגן אינטערנעט וועלט יצליח.
אזוי ווי עס האט זיך ארויסגעשטעלט אז ווען עס קומט צו נייעס און פרישע אנטוויקלונגען, בעיקר ווען עס נעמט אריין עפעס פון וועלטס פאליטיק, זענען דא צווישן די שרייבער און לייענער שטארקע מיינונגען אויף ביידע זייטן.
דאס ברענגט אז עס מאכט זיך זייער אפט אז א "נייעס" ווערט פארקראכן... עס גייט פון "נייעס" צו "דעבאטעס" צו "שרייערייען" צו "באשולדיגונגען" צו "קריגערייען" און עווענטועל צו "מעקערייען".
דאס איז נישט באקוועם פאר קיינעם – אויסער די טראלן..... – דאס שמעקט נישט, נישט פארן שרייבער, נישט פארן לייענער, נישט פארן טיילער און נישט פארן כאפער... און פארשטייט זיך נישט פאר די הנהלה.
יעדעס מאל א שרייבער שפירט זיך געטראפן, צו איז עס ווייל מען באציט זיך צו זיין תגובה שלא ביושר, אדער מען אטאקירט אים פאר זיין מיינונג, און פארשטייט זיך אויב ווערט עס היציג און די אחראים דארפן מעקן, טוט עס זייער וויי.
אזא ווייטאג איז נישט נאר אויף די מינוט – דאס אליינס איז גענוג שלעכט – נאר עס האט לאנג טערמיניגע קאנסעקווענצן, אריינגערעכנט – און הויפטזעכליך – אז גוטע שרייבער, געשמאקע שרייבער, זאכליכע שרייבער הערן אויף שרייבן. און עס שטעלט זיך ארויס, אז די שרייבער וואס מערסטענס לייענער און מיטגלידער ווילן לייענען ווערן ווינציגער, און די שמועסן ווערן מער און מער אומלייענבאר און אומגעשמאק.
צוליב דעם האט די הנהלה באשלאסן צו גרינדן א נייע אפטיילונג אין אונזער פארום גערופן "אקטועלע נייעס" וואס וועט באשטיין פון "נאר נייעס".
די פארום "אקטועלע נייעס" פארשפרעכט צו דינען אלס פלאטפארמע פאר אינפארמאטיווע נייעס וואס זאל קענען געליינט ווערן אן ווערן געשטערט דורך די זייטיגע טענה'רייען וואס טוט באגלייטן די טרוקענע נייעס און טוט שטערן די סדר הדברים. די סיסטעם אין דעם פארום וועט ארבעטן אז יעדע תגובה וואס וועט געשריבן ווערן אינערהאלב דעם פארום וועט אדורכגיין די אויגן פון א אחראי אדער מנהל בעפארן ארויפגיין ווי דער אחראי וועט האבן די אפציע פון אפראוון און באשטעטיגן די תגובה אז עס איז ראוי און אז עס זאל קענען אריינגיין אינעם פארום און ארויסגיין פאר די פובליק.
דאס הייסט, ווען איר שרייבט א תגובה אין דעם פארום וועט עס נישט גלייך ארויפגיין נאר די מנהלים און אחראים וועלן באקומען א נאטיפיקאציע איבער די תגובה און זיי וועלן האבן די מעגליכקייט עס צו באשטעטיגן אדער לייגן אין א זייט.
עס וועלן זיין א ספעציעלע שטאב מיט אחרים, וואס צו זיי וועט אנקומען די אלע תגובות וואס ווערט געשריבן אין דעם ספעציעלן פארום, און אויב וועט איינער פון זיי באשליסן אז די תגובה קומט נאך די פאדערונגען פון די אפטיילונג וועט עס ווערן ארויסגעלייגט פארן פאבליק.
עס איז צום האפן אז די פארום וועט דינען פאר די צוועק פון לייענער וואס ווילן דוקא זעהן די נייעס אפגעשריבן נארמאל אין א סדר אן די זייטיגע "צוגעהערן" וואס די עבר האט געוויזן אז שרייבן די סארט זאכן האט זיך אפטער יא ווי נישט אריינגעצויגן אין לאנגע צעגערייען טענה'רייען און דעבאטעס, אזש מען האט צומאל געדארפט לייענען עטליכע בלעטער נאר צו טרעפן די טרוקענע פאקטן ארום די געשעענישן.
ויהי רצון שחפץ ה' בידינו צו אהערשטעלן א ריינע מקום אינעם רוישיגן אינטערנעט וועלט יצליח.
