אפענע בריוו צו אלע תושבי ועסקני מאנסי (ומנהלי המוסדות)

[טהור-עיניים]

אלס מאנסי'ער איינוואוינער פיל איך א דראנג צו נעמען דעם פעדער אין די האנט און אפשרייבן די פאלגענדע פאר שורות.

מארגן קומט פאר וואלען ביי אונז אין טאון אוו רעמעפא, און לויט ווי מען זאגט אונז (און איך זעה אז "זיי" שרייבן אויך אזוי) איז דאס "די וויכטיגסטע" וואלן וואס איז נאר אמאל פארגעקומען אין טאון אוו רעמעפא.

איך געדענק נאך גוט די ריזמאן יארן און די ביטערע צרות וועלכע ער האט אנגעמאכט, איך געדענק נאך ווען מיט קרוב צו צוואנציג יאר צוריק האט זיך ארויסגעשטעלט איינער צו לויפן קעגן אים און מיאוס פארלוירן, איך געדענק די פארלוירנקייט צווישן דעם עולם, קלערנדיג אז עס וועט זיך קיינמאל נישט טוישן. איך געדענק אויך ווען דער יעצטיגער סופערווייזער סט. לאורענס איז געווארן סופערווייזער און ער האט צוגעזאגט צו טוישן זאכן, און האט טאקע מקיים געווען למעלה מן המשוער.

באמת, קיינער האט נישט גע'חלומ'ט אז א גוי'אישער סופערווייזער גייט זיין אזוי גוט צו היימישע אידן. אבער ער האט זיך איבערצייגט צו זיין אן אמת'ער פריינט און א חסיד אומות העולם. עס איז מיר שוין אויסגעקומען במשך די יארן צו רעדן מיט אים פערזענליך מערערע מאל און יעדעס מאל ווער איך עקסטער נתפעל וויאזוי דער מענטש האט ליב אידן.

און דער חידוש איז נאך מער, ווייל ער האט עס נישט געמוזט טאן. ווען ער זאל ווען נאר ווערן "בעסער פון ריזמאן", נישט רודפ'ן אזוי שטארק, נישט פייניגן אידישע משפחות אינמיטן די נאכט אדער ערב שבת ויו"ט, וואלט דאך אויך דער עולם געווען צופרידן און געשטימט פאר אים איינמאל און נאכאמאל. אבער ער האט זיך נישט באגענוגענט מיט דעם, ער האט גענומען אזעלכע שריט לטובת היימישע אידן, וואס האט אים פארפיינטעט ביי אונזערע פיינט, גוים ווי להבדיל פארגוי'אישטע אידן צוגלייך, מען טשעפעט אים פערזענליך, זיינע קינדער און משפחה מיטגלידער ליידן זיך אן פאר דעם און אלעס איז נאר פאר דעם וואס ער העלפט אונז ארויס.

און לאמיר זיך נישט לאזן נארן, דער מציאות איז אז די איינציגסטע אידישע ישוב, וועלכע איז נישט דירעקט אידישער שטעטל, וועלכע האט נאך היינט פארהעלטנסמעסיג א נארמאלע מספר פון דירות, איז מאנסי. און יעדעס יאר ציען זיך ארויס אהער צענדליגער משפחות פון ברוקלין וועלכע האבן שוין פשוט נישט געקענט ממשיך זיין דארט ווייטער.

אמת, עס טרייבט שטארק ארויף די פרייזן, אבער נאך אלס איז עס פיל ביליגער פון ברוקלין און דער עיקר, עס איז דא דירות, אין ברוקלין איז ניטאמאל דא, אפילו פאר געלט.

במשך די לעצטערע יארן הערט מען אסאך היימישע אינגעלייט זינגען א נייעם ניגון: די דעוועלאפערס ווערן רייך אויף אונזער חשבון, איך גיי נישט וואוטן, אדער איך גיי וואוטן אקעגן פאר די פרעזערוו חברה. לדעתי, און איך האב דאס שוין אסאך געלאזט הערן, איז דאס פלעין און פשוט אן ענין פון מדות רעות. קנאה און אומפארגינערישקייט, צרת עין און און נישט אויסהאלטן יענעם. בעסער זאל איך אויך נישט האבן, אבי יענער זאל נישט האבן. איך פארשטיי דאס נישט. נישט אז איך בין שוין אויסגעארבעט אין דעם ענין פון קנאה, אבער איך זעה אז למעשה איז דא דירות ווי צו וואוינען, נא, מאכן די בויערס געלט, זיי טוען דאך עפעס דערפאר. יעדער ביזנעס מאן איז אין ביזנעס צו מאכן געלט, און איך זעה נישט קיין שום חסרון אין דעם.

אבער דא איז די צייט פאר מיר זיך אפצושטעלן. וואוינענדיג אזוי פיל יארן דא אין געגענט, פלעג איך ערליך גיין וואוטן יעדעס מאל וואס מען האט געהייסן. איך האב מיטגעשלעפט די ווייב און קינדער, אבער וואוטן דארף מען, אפילו עס איז שווער. די דעוועלאפערס זאלן ווייטער מאכן געלט, אבער איך גיי וואוטן.

אבער לעצטענס האבן זיך זאכן געטוישט ביי מיר. און עס זענען דא עטליכע סיבות דערפאר. ערשטנס, יארן לאנג האט מען געשריגן אז מען קען נישט אראפוואוטן די סקול טעקס העכערונג, אנשטאט דארף מען אריינוואוטן אידישע מענטשן אין דעם סקול באורד. פיין מען האט עס ענדליך אויסגעפירט און מען האט אריינגעוואוט היימישע אידן.

איך ווייס נישט וואס צו זאגן. עס איז שוין אפאר יאר אדורך, און די טעקס איז נאך דערווייל נישט אראפ מיט קיין איין פרוטה. איך ווייס אז עס האט זייער גוטע תירוצים און הסברים, אבער דער מציאות טוישט זיך נישט. מען האט היימישע אידן אויפן באורד און טעקסעס האלטן אין איין גיין ארויף.

מיט די טאון טעקסעס איז גארנישט בעסער. עס האלט אין איין ארויפגיין, אויך מיט גוטע תירוצים פארשטייט זיך. און איך פארשטיי זייער גוט וואס עס גייט פאר, און אין דעם הינזיכט פיל איך אזא אסאך פון די שרייערס האבן דוקא גאר זאכליכע טענות. עס איז אמת אז מיר קענען נישט גיין קעגן סט. לאורענס ווייל ער האט אונז אזוי פיל געהאלפן, אבער סוף כל סוף בלייבט מען מיט דעם צרה.

די מספר פון לעגאלע דירות האבן זיך כמעט געדאפעלט אין די לעצטע צען יאר, דאס מיינט אז עס זענען דא כמעט טאפעלט דירות וואס צאלן טעקס, און פארט איז די פרייז נישט אראפ מיט קיין פרוטה. און שוין אפגערעדט אז כמעט אלע פון די פארמערטע דירות שיקן נישט די קינדער אין די פאבליק סקולס.

דערנאך איז דא נאך א גרויסער פראבלעם, און דאס טוט מיך אויך אפעקטירן אין טאג טעגליכן לעבן. איך גלייב נישט די טענות פון פרעזערוו רעמעפאו אז די לעקטער, סוער און וואסער סיסטעמס זענען נישט גענוג שטארק צו פארנעמען דעם וואוקס. אבער אין דעם ענין פון טרעפיק דארף איך נישט אנקומען צו פרעזערוו. איך וואוין דא אין שטאט און איך זעה דעם מצב יעדן טאג.

די קורצע שטרעקע פון רוט 59 ביז ווייאולע רד. אויף רוט 306, א שטרעקע פון ניטאמאל גאנצע צוויי מייל, קען געדויערן אין א נארמאלע טאג, אין די ביזי שעות, א גוטע צוואנציג מינוט און צומאל מער פון דעם. שוין אפגערעדט אן ערב שבת אדער ערב יו"ט, און דאס איז שוין מיט די פאליס אויף מעין סטריט. עס איז זייער פשוט אזי די ראודס, אזוי ווי זיי זענען יעצט, זענען באמת נישט געמאכט צו פארנעמען אזא גרויסן אמאונט פון טראפיק. עס איז פלעין און פשוט ארויס פון יעדן פראפארץ פון נארמאלקייט. דו ווילסט צולייגן הייזער אן א שיעור און אן א ערך, און אפילו ווערן רייך ווי קורח אינדערמיט? געזונטערהייט. אבער גיס מיר נישט ארויף אויפן קאפ ארויף.

אז מען וויל מאכן אזוי פיל דירות, נעם אין באטראכט דעם טראפיק און טו וואס מען דארף, העכסטנס זאלן די דעוועלאפערס דארפן באצאלן א טייל און די איבריגע זאל קומען פון די פארמערטע דירות. איך וויל עס דא קלאר זאגן: די דריי גאסן, 306, רוט 59 און מעיפעל עוועניו דארפן ווערן פולע צוויי לעינס. 59 מוז גיין פון קענעדי דרייוו ביז קאלעדש לכל הפחות, גיב נאר א קוק יעדן טאג ביי ראש אוער אוויף די טראפיק דארט אויף רט. 59. 306 דארף האבן פולע צוויי לעינס פון 59 ארויף ביז ווייאולע. און מעיפעל פון סעדל ריווער ביז 45.

אדרבא, גיט אליינס א קוק אויף רט. 306, אין די לעצטע פאר יאר האט מען אין די קליינע שטרעקע צווישן פיליס טעררעס און מעיפעל עוועניו צוגעלייגט ארום הונדערט דירות. נאר איין פראיעקט איז גאנצע זעכציג דירות. איז דאס נארמאל, אז אויף אזא פארנומענע גאס זאל מען צולייגן אויף איינמאל אזא פראיעקט פון זעכציג דירות און קיין נארמאלע אריינגאנג און ארויסגאנג, אן גענוג פארקינג. און איך ווייס אז מען האט געטוישט די אריגינעלע פלענער, וועלכע האבן געדארפט צו האבן אביסל ווייניגער דירות, אבער האט געדארפט פארמאגן א געהעריגע דרייוועי אריין און ארויס פון די אנדערע זייט, נישט אז די הייזער זאלן זיין ממש ביי די גאס אזוי ווי עס איז יעצט. אבער סאמהאו, ערגעץ אונטערן טיש איז דאס געטוישט געווארן. ווייל איינער (אדער עטליכע) האבן דא געמאכט עפעס ריווח פון דעם.

און איך פארגין עס זיין גערן, אבער פליז, לאז מיך אויך לעבן. איך טריי נישט צוצונעמען דיין געלט, אבער טריי די נישט צוצונעמען מיין נארמאלן לעבן. און טאקע צוליב די אלע זאכן האב איך לעצטענס אויפגעהערט צו גיין שטימען. נישט אינגאנצן, עס איז דא איין מענטש פאר וועמען איך גיי נאך אלץ שטימען יעדעס איינציגסטע מאל, און דאס איז טאקע אונזער באקאנטער סט. לאורענס, און די סיבה איז טאקע דערפאר ווייל ער האט זיך אוועק געגעבן פאר אידן. און דערפאר פיל איך אז איך מוז וואוטן פאר אים, אפגעזעהן צו ער איז קארופטירט צו נישט, צו איך פערזענליך בענעפיטיר פון אים צו נישט. אז ער העלפט פאר אידן מוז איך שטימען פאר אים. אבער חוץ פון דעם האב איך אויפגעהערט צו וואוטן.

(איך זאג אייך זייער אפן, איך האב אן אינטערעסע צו מיר אליינס. און איך אליינס זעה איך נישט זאל עפעס פארדינען פון די אלע וואוטס. אדרבא, זאלן די דעוועלאפערס מיר ארויסהעלפן קויפן א דירה, קען מען רעדן דערפון)

והאחרון הכביד, מיר האבן אלע מיטגעהאלטן דא אויפן וועלטעל דעם שערורי' אין וועלכען צענדליגער קינדער האבן נישט געהאט קיין סקול ווי צו גיין. און ווי איך האב געשריבן איז דאס נישט געווען דאס ערשטע מאל וואס איך האב אזעלכע זאכן מיטגעהאלטן גאר פון די נאנט. און דאס האט מיך אינגאנצן אפגעפאטשט.

ווען עס קומט צו די וואוטס לויפסטו צום רב פון מיין בית מדרש ער זאל דיר חתמ'ענען צו שטימען וויאזוי דו ווילסט. יעצט איז דיר דער רב גוט געווארן? ווייל דו האסט מורא פאר דיין הויט. אבער ווען מיין רב רופט דיר אן אז דו זאלסט ארייננעמען דעם אדער יענעם קינד אין מוסד... דעמאלס איז דער רב נישט ווערט ביי דיר קיין גרייצער.

די זעלבע איז מיט דעם עסקן וועלכען מען שרייט אז מען זאל אים אריינוואוטן? לאמיך אייך פרעגן באמת, פארוואס זאל איך אים אריינוואוטן? ער זאל אייך קענען ברענגען פראגראמען, ער זאל אייך העלפן באקומען פערמיטס אדער אנדערע מוציא'ס גרינגער? פיין, אבער וואס באקום איך פאר דעם? אז ווען דער עסקן רופט אן די מוסדות צו טרייען אריינשטעלן דארט א קינד וואס האט נישט קיין מוסד, דאן קען ער רעדן צום דופן עקומה. קיינער הערט אים נישט אויס, קיינעם גייט נישט אן אז "דאס איז דאך ר' פלוני אלמוני אליינס", דער קאנדידאט פאר וועמען מען האט כמעט געצווינגען ביהרג ואל יעבור צו שטימען פאר אים. פלוצלינג מיינט ער ביי דיר גארנישט?

און איך וועל ענדיגן מיט אפאר ווערטער לגבי די יעצטיגע וואוטס: איך ליין אלע מאטריאל, איך בין נאך אלץ נישט איבערצייגט לכאן אדער לכאן. יא, איך בין באמת נישט איבערצייגט. איך הער גאר שטארקע טענות פון ביידע צדדים. דער שרייט אז די טאון רעגירונג איז געווארן א שלום זכר ווי מען קען דארט טון וואס מען וויל און עס איז נישט דא קיין שום דין וחשבון, די געהאלטן פאר די איינגעשטעלטע פליען ארויף די שטייערן פליען ארויף אא"וו. ווידער די אנדערע שרייען געוואלד אז מען וויל צומאכן אלע מוסדות (וואס איז כמעט זיכער איבערגעטריבן) ועוד כהנה וכהנה.

נישט איך גלייב אז אויב מען גייט וואוטן פאר יא גייען אונז פלוצלינג אלע "גוטע שכנים" אנהייבן ליב האבן און לעבן מיט אונז באחדות, און נישט איך גלייב אז אויך עס גייט דורכפאלן גייט מען אונז אלע אריינווארפן ביים פריץ אין קעלער און נישט איך גלייב אז אויב מען גייט וואוטן אז ניין גייט עפעס בעסער ווערן.

און בכלל פארשטיי איך נישט, אויב די ווארדס ווערן איינגעטיילט לפי די מספר איינוואוינער (און איך קען מיך נישט גענוג גוט אויס מיט דעם גאנצן סיסטעם. בד"וו, איך האב נאך נישט געטראפן איינער וואס קען יא) איז דאך נישט קיין פראבלעם, ווייל דיין כח וועט סייווי זיין לויט דיין מספר איינוואוינער. און קיינער קען נישט אפהאלטן קיין אידן פון קויפן הייזער ארויס פון די יעצטיגע אידיש באוואוינטע געגענטער. און ממילא ווי מער מען ציעט זיך ארויס אלס מער ווארדס וועלן ווערן דאמינירט דורך די אידישע שטימען.

און חוץ מזה הער איך שוין יארן שרייען, אז אויב פרעזערוו גייט געווינען און ארויסזעהן סט. לארענס, גייט מען מאכן א נייעם ווילידש אוו מאנסי אויף די גאנצע שטח וואס איז רוב באוואוינט מיט אידן. צוליב די אלע זאכן, זעה איך נאך נישט פארוואס איך "מוז" גיין שטימען מארגן פאר ניין און ניין.

אין א זייטיגן נאטיץ האב איך געקלערט, אויב איז טאקע אזוי שרעקליך ווי מען שרעקט מיך אן און מען גייט מער נישט קענען בויען דירות אין מאנסי, קען אפשר גאר ארויסקומען א גוטע זאך דערפון, ווייל מען וועט נישט האבן קיין ברירה נאר זיך ציען צו נייע פלעצער ווי בלומינגבורג און די קעטסקילס.

אלזא, כאטש איך פארשטיי אז געוויסע אינטערעסן ווילן גאר שטארק אז איך זאל גיין שטימען מארגן. זאך איך אייך אבער קלאר אז איך שפיר אז שב ואל תעשה עדיף. איך קען נישט גיין מיט מענטשן וועלכע האבן אן אגענדע קעגן אידן, אפגעזעהן פון ווי גוט און פיין און ערליך זיי מיינען. אבער פארקערט שפיר איך אויך נישט אז איך וויל שטימען.

דעריבער וועל איך בעז"ה בלייבן אינדערהיים (נישט ממש, כ'מיין כ'וועל גיין אין שוהל, דאווענען אביסל, לערנען אביסל, אבער, ווייסטעך וואס כ'מיין) און איך וועל בלי"נ ובעז"ה נישט שטימען לא לכאן ולא לכאן.

און צו אלע עסקנים וכדו', די אלע וועלכע ווילן יעצט איך זאל שטימען, איך בעט איר זאלט מיר אביסל פארענטפערן די אלע פראגן וועלכע איך האב דא אויפגעברענגט, און דערנאך וועל איך בעז"ה ווייטער שטימען פאר וועמען איר וועט מיר הייסן.

[עירמאנט'ער]

פיין געשריבן
טאקע מיט א טהור עיניים'דיגע בליק
זעהט מיר אויס האסט געוואלגערט אין בעט ביז דריי אום זייגער נישט קאנענדיג איינשלאפן סאו האסטו געכאפט דעם פעדער אין פינגערס אין זעך אויסגעגעבן
עניוועיס איך בין אויכעט פיין צימישט אין איך אין מיין ווייב שטימען טאקע אויכעט ניט

[נישט]

פיין געשריבן
טאקע מיט א טהור עיניים'דיגע בליק
זעהט מיר אויס האסט געוואלגערט אין בעט ביז דריי אום זייגער נישט קאנענדיג איינשלאפן סאו האסטו געכאפט דעם פעדער אין פינגערס אין זעך אויסגעגעבן
עניוועיס איך בין אויכעט פיין צימישט אין איך אין מיין ווייב שטימען טאקע אויכעט ניט

איך טוה דאס זעלבע

[א איד אין גלות]

האמיר נאכנישט געליינט, עס קוקט אז די אשכול וועט זיין די ה הידיעה איבער היינטיגע טאג, רעזערוויר איך דעם פלאץ.

[פיצי קעפעלע]

טהור, זייער פיין געשריבען. פיין ארויסגעברענגט די טענות און ווייטאג וואס באדערט מיר אויך.

[עקבי הצאן]

טהור'ל אלץ א נישט מאנסיער איינוואוינער, מיט א לכאורה'דיגן אביעקטיווען בליק, האסטו אפשר שטארקע פוינטס אבער נישט גענוג שטארק זיך אליין צו שיסן אין די פוס, מיטן נישט גיין וואוטען נעמסטו נישט די מינדעסטע סטעפ עפעס צו טוען צו טוען צו אדרעסירן די פראגן, איך וואלט עס אנגעקוקט געקוקט ווי דו זאלסט למשל נישט אריין די קומענדיגע חודש צו די ארבעט אלץ א פראסטעסט איבער די אויבערדערמאנטע ענינים.

וועם דו גייסט ארויסהעלפן מיט דיין נישט גיין שטימען דעזערווען נישט דיין (נישט)שטימע וועגן די טענות.

[באזעסענער]

פון די צייטונג וועבסייט:
פאשקעוויל פארשפרייט אויף אידישע שפראך צו פארפירן די אידישע וויילער אין ראמאפא

http://www.ditzeitung.com/newsbulletin4b.pdf

[געלעגער]

נישט געבן א שטימע מיינט אז דו נעמסט זעלבסט אוועק פון דיר דיינע רעכטן. גיי יא ארויס און שטים לויט וויאזוי דו פארשטייסט אבער שטים!

[כאפצעם]

טהור, שכח פארן באריכט,
איך האב שוין לאנג געוואלט הערן די צווייטע זייט מטבע פון וואס אונז זעמיר צוגעוואינט צו הערן ביז יעצט.

[יקוםפרקן]

פון די צייטונג וועבסייט:
פאשקעוויל פארשפרייט אויף אידישע שפראך צו פארפירן די אידישע וויילער אין ראמאפא

http://www.ditzeitung.com/newsbulletin4b.pdf

[ענדע צדיק!]

איך וואוין נישט אין מאנסי, ווייסעך נישט דעם אמת'ן מצב. אבער ג"א מצטרף לדברי עקבי וגעלעגער, אז נישט וואויטען איז נישט די סעלושען.

אין קרית יואל איז אויך דא טענות אויף די ווילידזש עכ"ז זעהט יעדער איין די וויכטיגקייט פון וואויטען פאר אידיש אינדארסירטע קאנדידאטן.

[שמחה ונחת]

א גיטן הרב טהור שליט"א

דערמאן דיך ביטע פאר א יאר צוריק ביי די עלעקשאנס פון קאונטי עקסעקיוטיו, האט מען אויך געשריגן אז די עסקנים שרעקן אונז אבי אין די וועלט אריין.. אין די מוסדות.. טרעפיק.. זאונינג.. טעקסעס.. איז געפערליך. אלעס וואס איר שרייט יעצט.

למעשה האט מר. עד דעי געוואונען, אין ער טיילט ב"ה אויס פיינע צרות פאר יחידים, ניין, נישט פאר מוסדות-עסקנים-דעוועלאפערס, נאר פאר מענטשען ווי "דיר"! מיט נאכקוקן סאשעל סערוויסעס - סעקשאן 8, דעי קעיר, דיסעיבעלד קינדער ועוד שאין כאן המקום להאריך.

זעסטו אז ווען "פרעזערוו ראמאפאו" באקומט א כח, ווייסטו אליינס נישט וואס עס קען זיי אלס איינפאלן.

איז טו דיר אליינס א טובה - און געב זיי נישט די מינדעסטע כח אז עס זאל אפילו מספק קענען צוריקומען די "ריזמאן צייטן"

אין ביטע מאך נישט צומישט אנדערע מענטשען.

יישר כח
א "ציווילע" מאנסי אנוואוינער
(וואס צאלט הויכע טעקסעס אין ווערט משוגע פון די טרעפיק)

[הרבטייטעלבוים]

יעדער קען די מעשה פון וואלף וואלף.

נאכען מיטהאלטען די נייעם אויף ק"מ די לעצטע יאהרן נראה שגם בענין דידן איז געווען א וואלף וואלף, די לעצטע יאהרען, אויפן חשבון פונעם ציבור, ווען מען האט יעדע מאל געשריגען א ווואלף א וואלף, און דער (מקצת) עולם איז שוין מיעד, פון די געזאנגען, די שפילען מיט די נומערען פאר עס קומט צו א עלעקשן, און נאכדעם מאכען א רי וואט און אפי' נישט מודיע זיין אויף ק"מ אז עס קומט פאר וכו' וכו'.
אבער איצט איז טאקע א וואלף, ווייל אפי אויב מיר וועלן נאכדעם וועלען אריינלייגען קאנדידאטען וואס זאלן יא מיינען טובת הקהל. וועט עס שוין נישט גיין.

אמת כך עונשם של בדאים, אבער לכאורה יעצט טוען מיר זיך אליינס אפ מיטען נישט גיין שטומען.

לה"ר אויף די ביז איצטיגע וויל איך נישט שרייבען און אודאי נישט בין כסא לעשור.

[קנאפער ידען]

פון די צייטונג וועבסייט:
פאשקעוויל פארשפרייט אויף אידישע שפראך צו פארפירן די אידישע וויילער אין ראמאפא

http://www.ditzeitung.com/newsbulletin4b.pdf

אן אינטערעסאנטע פאקט זאגט ער אויף קאלמע, וואס שטימט זייער פיין. נעמליך אז דער בראשור איז אנגעקומען אום שבת קודש, וואס דאס מיינט [כידוע פאר ווער עס האט שוין געשיקט אמאל באלק פאסט] אז עס איז ארויסגעשיקט געווארן אום ראש השנה, סאו א איד האט עס זיכער נישט געשיקט.

[כאפצעם]

חחח
נעבאך, ס'ארא שלימזל'ת...

[Elmo]

איך וואין טאקע און ק׳י און איך וואוט פאר די קאנדידאטן וועם מען אינדארסט אפילו מען איז זייער נישט צופרידן פון זיי לגבי האוזינג אבער עס איז דא צוויי אפשענס איינס איז וואוטן פאר א קאנדידאט וואס וויל זיין קעגן דיינע אינטערעסן און איינס איז א קאנדידאט וואס מען אינדארסט פאר אפאר יחידים אינטערעסן וועל איך ענדערש וואוטן פאר די פאר יחידיםס אינטערעסן אפילו איך גיי טייער באצאלן דערפאר ווייל פארקערט איז ענדערש נישט א אפשען

[מחר]

אדרבא, גיט אליינס א קוק אויף רט. 306, אין די לעצטע פאר יאר האט מען אין די קליינע שטרעקע צווישן פיליס טעררעס און מעיפעל עוועניו צוגעלייגט ארום הונדערט דירות. נאר איין פראיעקט איז גאנצע זעכציג דירות. איז דאס נארמאל, אז אויף אזא פארנומענע גאס זאל מען צולייגן אויף איינמאל אזא פראיעקט פון זעכציג דירות און קיין נארמאלע אריינגאנג און ארויסגאנג, אן גענוג פארקינג. און איך ווייס אז מען האט געטוישט די אריגינעלע פלענער, וועלכע האבן געדארפט צו האבן אביסל ווייניגער דירות, אבער האט געדארפט פארמאגן א געהעריגע דרייוועי אריין און ארויס פון די אנדערע זייט, נישט אז די הייזער זאלן זיין ממש ביי די גאס אזוי ווי עס איז יעצט. אבער סאמהאו, ערגעץ אונטערן טיש איז דאס געטוישט געווארן. ווייל איינער (אדער עטליכע) האבן דא געמאכט עפעס ריווח פון דעם.

מיר שטערט אויך שטארק די טרעפיק, אבער דאס וואס די שרייבסט וועגען די 60 דירות אויף 306 איז נישט ריכטיג, עס האט א פארווייטיגטע היסטורי', דער וואס האט עס געדארפט בויען האט געוואלט בויען אסאך מער דירות ממש ווי כפרה באקסעס, די ווילידש אוו כתר האט איהם נישט געלאזט, למעשה זענען 60 אימשילדיגע אינגעלייט געבליבן אפאר יאר שטעקן דארט מיט שווערע טויזענטער'ס, so they try to get the best out of it

און איך פארגין עס זיין גערן, אבער פליז, לאז מיך אויך לעבן. איך טריי נישט צוצונעמען דיין געלט, אבער טריי די נישט צוצונעמען מיין נארמאלן לעבן. און טאקע צוליב די אלע זאכן האב איך לעצטענס אויפגעהערט צו גיין שטימען. נישט אינגאנצן, עס איז דא איין מענטש פאר וועמען איך גיי נאך אלץ שטימען יעדעס איינציגסטע מאל, און דאס איז טאקע אונזער באקאנטער סט. לאורענס, און די סיבה איז טאקע דערפאר ווייל ער האט זיך אוועק געגעבן פאר אידן. און דערפאר פיל איך אז איך מוז וואוטן פאר אים, אפגעזעהן צו ער איז קארופטירט צו נישט, צו איך פערזענליך בענעפיטיר פון אים צו נישט. אז ער העלפט פאר אידן מוז איך שטימען פאר אים. אבער חוץ פון דעם האב איך אויפגעהערט צו וואוטן.

למעשה אז די וואט'ס נישט יעצט וואטען בינדסטו איהם זיין הענט, (אביסעל הכרת הטוב), חוץ מזה אז איין פיס קלאפט אריין אין די צווייטע שיסטו זיך אליין אין פיס ?!

(איך זאג אייך זייער אפן, איך האב אן אינטערעסע צו מיר אליינס. און איך אליינס זעה איך נישט זאל עפעס פארדינען פון די אלע וואוטס. אדרבא, זאלן די דעוועלאפערס מיר ארויסהעלפן קויפן א דירה, קען מען רעדן דערפון)

און איך וועל ענדיגן מיט אפאר ווערטער לגבי די יעצטיגע וואוטס: איך ליין אלע מאטריאל, איך בין נאך אלץ נישט איבערצייגט לכאן אדער לכאן. יא, איך בין באמת נישט איבערצייגט. איך הער גאר שטארקע טענות פון ביידע צדדים. דער שרייט אז די טאון רעגירונג איז געווארן א שלום זכר ווי מען קען דארט טון וואס מען וויל און עס איז נישט דא קיין שום דין וחשבון, די געהאלטן פאר די איינגעשטעלטע פליען ארויף די שטייערן פליען ארויף אא"וו. ווידער די אנדערע שרייען געוואלד אז מען וויל צומאכן אלע מוסדות (וואס איז כמעט זיכער איבערגעטריבן) ועוד כהנה וכהנה.

למעשה האט מען אויס געלערנט ביי אונז אידן צו טוען וואס די רבנים הייסן, איך פארשטיי אלע תורות בנוגע די רבנים, אבער דיינע קינדער גייען מאכן אייגענע החלטות ווען יא צופאלגען און ווען נישט, עס איז ידיעה אז ביים חזון איש זענען אמאל געקומען מענטשען אין געזאגט אז די רב פארשטייט נישט מען האט איהם נאר אזוי פארקויפט וכו' די אלע מיני טענות, האט די חזון איש זיך אנגערופן "די שפראך שמעקט פון השכלה", איך ווייס אז די שפראך איז נישט פאפולער, אביר די תורה און דרך התורה איז נצחיות, און דאס איז די כח וואס האלט כלל ישראל, און די זעלבע אוז בנוגע די מוסדות, אז דיין קונד זעהט אז די טוסט נישט וואס די מוסדות בעהט, באקומט די קינד א נעגעטיווע בליק אויף די טראסט אין מוסדות, טראץ אלע סברות מיט חילוקים, מעסעדשעס צו קינדער קען מען נישט באשטעלען קאסטאם, סלוינט נישט איינצושטעלן

[טהור-עיניים]

עקבי, געלעגער, ענדע וכל השאר

איך רעד טאקע פון דעם. איך זעה נישט, און איך גלייב נאך נישט, אז איך טוה מיך שיסן אין די פוס. איז זעה אזוי פיל. נאך צענדליגער יארן וואוינען אין מאנסי איז די מצב אזוי: דער סופערווייזער (וועלכער איז בדרך אגב נישט אריינגעקומען דורך אידן) לאזט בויען הייזער, די וואס בויען טוען אומ'אחריות'דיג טרעטן אויפן גאנצן ציבור, סיי די וואס האבן יא געלט און סיי די וואס האבן נישט געלט. צוליב דעם וואס ער איז גוט צו אונז מוז מען אים לאזן טוהן וואס ער וויל אין אנדערע זאכן. און דער ס"ה דערפון איז אז איך פריוואטער מענטש ליידט פון דעם אלעם. קיין מורא'דיגע דירה האב איך נישט, טעקסעס זענען שוידערליך הויך, און אלע הבטחות אז עס גייט זיך טוישן האבן זיך אויסגעלאזט מיט א בוידעם, טרעפיק איז א קאטאסטראפע.

איז אויב אזוי וואס יא? וואס האב איך יא אויפגעטאן מיטן אלעמאל וואוטן ערליך פאר וועמען מען האט געהייסן. ניטאמאל קענען די אריינגעוועלטע עסקנים און די רבנים וואס האבן גע'חתמ'עט פאר זיי אריינזעהן א קינד אין איינעם פון די מוסדות!!! דאס הייסט אז איך וואוט פאר מיר? דאס הייסט אז איך טוה א טובה פארן ציבור? איך זעה עס נישט. אדרבא, צייג מיר איבער.

דער איינער וועלכער האט זיך געשטעלט אויפן ליין פאר אידישע קינדער, פאר אים שטים איך יעדעס מאל, אפגעזעהן פון וואס מען זאגט אויף אים און אפגעזעהן אפילו פון די עוולות וואס איך האלט ער טוט. ער האט זיך אוועק געשטעלט פאר אידן דארף איך שטימען פאר אים. אבער דעצאל. איך זעה באמת נישט וואס איך טוה אויף.

און ווי איך האב מסביר געווען שטימען פאר יא וויל איך נישט, פשוט ווייל איך זעה אז שונאי ישראל שרייען אז מען מוז וואוטן יא. אבער שטימען פאר ניין וויל איך אויך נישט. ממילא איז שב ואל תעשה עדיף.

מען וואוט נישט דא פאר א סופערווייזער, שעריף, קאונטי עקזעקיוטיוו אדער סיי וועלכע געזעץ געבער אדער מאכער אדער אינפארסירער. מען וואוט ס"ה איבער וויאזוי מען זאל ארייוואוטן דעם טאון רעגירונג. אין מאנסי האבן דאך שוין די עסקנים קלאר געמאכט אז אויב פארלירט מען וועט מען מאכן גאנץ מאנסי פאר א ריזיגער ווילידש (און דאס קען דוקא זיין גאר א גרויסער טובה ווייל דעמאלס וועט מען לכאורה קענען האבן באמת אן אייגענעם סקול דיסטריקט און קענען נידערן טעקסעס (אלע יעצטיגע תירוצים וועלן מער נישט זיין), וועט מען קענען ווייטער בויען. אין ספרינג וואלי קען מען דאך אויך בויען אזוי, איז דאך אויך נישט קיין פראבלעם. ווידער אין די אנדערע געגענטער, איז דאך יעצט נישט די שאלה איבער בויען מולטי פאמיליע פראיעקטן, און ווידער סתם צו קויפן א הויז און זיך אריינציען אהין קען מען דערווייל, לויטן אמעריקאנער געזעץ, נישט אפהאלטן קיינעם, ווי מען זעהט טאקע ווי עירמאנט און ממש לעצטענס טשעסטנאט רידש זענען געווארן שטארק אידיש.

אויב אזוי, ווען יענע געגענטער וועלן ווערן באזעצט נאך מער מיט אידן, וועלן זיי דעמאלס קענען אריינוועלן דעם טאון קאונסילמאן פון יענע געגענט און ווייטער האבן וואס רוב געגענט וויל.

עכ"פ, ווי געזאגט, איך זעה נאך דערווייל נישט קיין איין זאך וואס זאל מיך איבערצייגן אז איך מוז גיין. און גלייבט מיר אז איך קען באשטיין צו ווערן איבערצייגט. יארן לאנג האב איך עס געטון גלייבענדיג בלינדערהייט. דאס אז איך האב געטוישט מיין מיינונג ווייזט דוקא אויף דעם נאכלעסיגקייט פון דעם צד מיך אנצוהאלטן. זיי האלטן אז זיי קענען - און מעגן - טון מיט מיר וואס זיי ווילן. נאך אזוי לאנג מיר טרעטן אויפן קאפ און שפייען אין פנים האב איך זיך געעפענט די אויגן און איך בין נישט מסכים צו גיין בלינדערהייט "ווייל אזוי זאגן די עסקנים".

זייט נישט ברוגז, איך בין אויך אן עסקן. אין זיץ טאקע נישט מיט סט. לארענס יעדן טאג, און איך מאך נאך נישט געלט פון מיין עסקנות, אבער איך האב גענוג גערעדט מיט אים במשך די יארן, ער קען מיך פערזענליך און פרייט זיך מיט מיר שטענדיג ווען ער טרעפט מיך ביי מאורעות. איך בין נישט קיין גאנצער גולם. איך קען זייער גוט דעם שלאכט פעלד, און פאר דעם טאקע זאג איך, איך בין לגמרי נישט איבערצייגט אז אלעס וואס מען שרייט איז אזוי.

אבער שטימען פאר יא וועל איך אויך בשום אופן נישט, ווייל איך זעה אז שונאי ישראל ווילן דאס אזוי שטארק. ממילא איז בלית ברירה, און בלית ברירא, איז שב ואל תעשה עדיף.

---
מחר האקט. שרייען מיט גרויסע ווערטער איבערצייגט מיך נישט. זאכליכע דיבורים של טעם יא. סאו גאו עהעד, איר האט נאך צייט ביז ביינאכט מיך צו איבערצייגן. בד"וו, איך האב יא גערעדט לעצטענס מיט רבנים איבער דעם ענין. אסאך האלטן פונקט אזוי ווי איך האב דא געשריבן. איך גיי נישט אריינגיין אין קיין פרטים איבער דעם.

[שמעלקא טויב]

ג"א מצטרף לאלו האומרים אז ס'איז א גרויסע נארישקייט צו בלייבן אינדערהיים.

ואחלוק עם ידידי ר' געלעגער, איך וואוט נישט פאר וועם איך וויל, איך וויל ארויסהעלפן עסקנים, אפי' כ'רעד זיך איין אז זיי האבן כבוד און געלט דערפון, ס'גייט מיר נישט אן, מ'דארף האבן און מחזק זיין עסקנים, טענות מעג מען אויסשמועסן אויף א רעספעקטירטער וועג, אבער אראפרייסן קיינמאל נישט, חלילה!

רובא דרובא עסקנים וואס ווילן אויפטוען און זיי האבן נישט געטוען וואס דער ציבור ערווארטעט האט מען נישט קיין השגה אין וואספארא מכשולות מ'האט זיך אלץ אנגעשטויסן, מ'רעדט נישט אויב מ'ווייסט נישט און ווער ס'רעדט ווייסט נארמאל נישט!

[שמחה ונחת]

ר' טהור...

די וואס ווילן יעצט די "NO" זענען אלע יחידים ווי מיר אין דיר (אז די ווייסט נישט - פליז ווארט נישט ביז עד דעי קומט אן צו דיר. צו אסאך "יחידים" איז ער שוין אנגעקומען, ביודעי קאמינא)

די סבה פארוואס די זעסט די עסקנים און די מוסדות שרייען, איז ווייל זיי זענען די וואס זענען גרייט אריינצוגיסן שווערע טויזענטערס אין דעם וואל קאמפיין.

[ענדע צדיק!]

אין מאנסי האבן דאך שוין די עסקנים קלאר געמאכט אז אויב פארלירט מען וועט מען מאכן גאנץ מאנסי פאר א ריזיגער ווילידש (און דאס קען דוקא זיין גאר א גרויסער טובה ווייל דעמאלס וועט מען לכאורה קענען האבן באמת אן אייגענעם סקול דיסטריקט און קענען נידערן טעקסעס (אלע יעצטיגע תירוצים וועלן מער נישט זיין), וועט מען קענען ווייטער בויען.

אויב קען מען, פארוואס טוט מען עס נישט? און פארוואס האט מען עס נישט געטוען ביז יעצט? עס איז דאך א טובה ניין? אלא מאי..

[מיסטעריעז]

דאכצעך אז שב ואל תעשה אין אזא שמאלן פארמעסט, איז א וואוט פאר די טובה פון די שונאי ישראל...
און

שטימען פאר יא וויל איך נישט, פשוט ווייל איך זעה אז שונאי ישראל שרייען אז מען מוז וואוטן יא.

[זעקסטע_הקפה]

פיין געשריבן
טאקע מיט א טהור עיניים'דיגע בליק
זעהט מיר אויס האסט געוואלגערט אין בעט ביז דריי אום זייגער נישט קאנענדיג איינשלאפן סאו האסטו געכאפט דעם פעדער אין פינגערס אין זעך אויסגעגעבן
עניוועיס איך בין אויכעט פיין צימישט אין איך אין מיין ווייב שטימען טאקע אויכעט ניט

איך טוה דאס זעלבע

[ggg]

ג"א מצטרף לאלו האומרים אז ס'איז א גרויסע נארישקייט צו בלייבן אינדערהיים.

ואחלוק עם ידידי ר' געלעגער, איך וואוט נישט פאר וועם איך וויל, איך וויל ארויסהעלפן עסקנים, אפי' כ'רעד זיך איין אז זיי האבן כבוד און געלט דערפון, ס'גייט מיר נישט אן, מ'דארף האבן און מחזק זיין עסקנים, טענות מעג מען אויסשמועסן אויף א רעספעקטירטער וועג, אבער אראפרייסן קיינמאל נישט, חלילה!

רובא דרובא עסקנים וואס ווילן אויפטוען און זיי האבן נישט געטוען וואס דער ציבור ערווארטעט האט מען נישט קיין השגה אין וואספארא מכשולות מ'האט זיך אלץ אנגעשטויסן, מ'רעדט נישט אויב מ'ווייסט נישט און ווער ס'רעדט ווייסט נארמאל נישט!

100%

[green]

יוש איז די טעמע היציג, כהאב מורא אריינצורעדן נו איז דעך

שב ואל תעשה עדיף.