אין נייע אנטוויקלונגען אויפן פראנט פון הצלת נפשות צו ראטעווען די לעבן פון הערש ברוך בן אסתר יהודית בלומגארטן, ווערט איבערגעגעבן אז מארגן פרייטאג נאכמיטאג פרשת נח וועט ענדגילטיג אריינגעגעבן ווערן אין די קאליפארניער געריכט א ספעציעלע גאר קריטיש וויכטיגע מאושען ווי מען פאדערט אז די געריכט זאל אננעמען די עדות פונעם פארשטארבענעם מערדער, וועלכער האט מערערע מאל עדות געזאגט אז בלומגארטן איז אומשולדיג אין די מארד.
ווי שוין געשריבן אויבן האבן די פראסעקיוטערס אין קאליפארניע מחליט געווען אנצוקלאגן דעם יונגן בעל תשובה צבי ברוך בלומגארטן אויף מארד קלאגעס, און פאדערן טויט שטראף, טראצדעס וואס צבי ברוך האט קיינמאל חלילה נישט געהרגעט א מענטש, נאר די פראסעקיוטערס טענה'ן אז ער האט געהאלפן פלאנירן די מארד; דער פאקטישער מערדער האט צענדליגער מאל עדות געזאגט אז ער האט געטון די מארד אויף זיין אייגענע האנט און בלומגארטן האט נישטאמאל מיטגעהאלטן.
הרב מענדל כץ פון אלף זאגט אז דער מערדער, קענעט פרידמאן האט אים קלאר געזאגט ווען ער פלעגט אים באזוכן אין טורמע, אז די פראסעקיוטערס האבן זיך ארויפגעטשעפעט אויף אן אומשולדיגן מענטש.
ליידער איז געשעהן און דער מערדער פרידמאן איז באגאנגען זעלבסטמארד מיט צוויי חדשים צוריק, און אזוי איז די הויפט האפנונג פון די אדוואקאטן פאר בלומגארטן שטארק אפגעשוואכט געווארן.
מארגן פרייטאג ווערט אריינגעגעבן די מאושען אז די געריכט זאל אנננעמען די עדותשאפט פון פרידמאן טראץ וואס די עדות פון א מענטש וואס לעבט שוין נישט און קען נישט אויסגעפרעגט ווערן איז פיל שוואכער.
די מאושען איז א גאר קריטישע הכנה פאר די געריכט וואס הייבט זיך אן אין די נאנטע טעג.,
הרב יואל אשר לאבין פון דרור געט איבער פאר אייוועלט אז צו שרייבן די מאושען האט די דרור ארגענאזאציע גענומען א גוטע לויער פון די שטאט סענטא מאניקע אין קאליפארניע, וועלכער זאל ארבעטן אינאיינעם מיטן באשטימטן לויער דזשעק אורלי, צו באארבעטן די מאושען.
דער לויער פון סענטא מאניקע, דעניס פישער איז א בארימטער עקספערט אין שרייבן אזוינע מאושענס, און מען האפט אז די מאושען וועט ווערן אנגענומען; גלייכצייטיג איז די מאושען א וויכטיגע שליסל אין פאל מען וועט אמאל מוזן אפיעלן די קעיס.
די מאושען איז א אומפאראויסגעזעענע זאך, און עס פאדערט גרויסע געלט און כחות, די דרור ארגענאזאציע בעט זיך ביים ציבור, ווי שוין דערמאנט פריער איז די משפחה פון בלומגארטן יורדים ל"ע וואס האבן דערלייגט זייער געלט ביים מייסטער שווינדלער בערני מעידאף, און דעריבער בעטן זיי זיך ביים היימישן ציבור צו קומען צו הילף להצלת נפשות
די מאושען קאסט צוואנציג טויזנט דאלאר און מוז ווערן צוזאמענגעשטעלט אין די דאזיגע טעג, דרור בעט זיך ביים ציבור צו הערן די געוויין פון א איד וועמען עס דראעט טויט שטראף,
צו האבן א חלק אין די מצוה
קליקט דאא קאפיטאל תהלים קען אויך צוניצקומען, צבי ברוך בן אסתר יהודית
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?