טשאדעלע באדעלע האט געשריבן:א ״קאַלבוי״ האט פארגאנגענע וואך געמאכט העדליינס ווען ער האט אראפגעהאלטן א גנב דורך אים כאפן מיט זיין ״ראובּ״ וואס ער ניצט געווענדליך פאר די פיסיגע. [די ״ראובּ״ איז א איר אלטע פאטענט מיט וואס די וואס האדעוון בהמות באניצן זיך צו פאנגען באשעפענישן וואס אנטלויפן פונעם סטאדע, ס׳איז א שטריק געמאכט רינדעכיג, מ׳ווארפט עס צום ריכטונג פונעם אנטלויפענעם באשעפעניש ביז ער פארהאנקערט זיך].
דער יונגערמאן מיטן נאמען ״ראבערט בורבא״ פון א געגענט אינעם סטעיט ארגען איז אנגעקומען צום לאקאלן ״וואלמארט געשעפט״ איינקויפן רייטנדיג אויף זיין פערד, ווען ער האט מיטאמאל געהערט געשרייען פון א פרוי אז עימיצער גנב׳עט איר׳ס א ביציקל.
ראבערט האט נישט געטראכט קיין צוויי, א שמיץ געטאן דעם פערד, ס׳האט נישט גענומען לאנג ביז ער האט זיך דערנענטערט צום גנב, ער האט א ווארף געטאן ס׳שטריק, און ס׳איז פיין געלונגען.
דער גנב האט זיך איבערגעקוצקעט, דער שטריק האט זיך אפילו אריינגעדרייט און פארהאנקערט אינעם דערנעבענדיגן ביימל, ער האט בשום אויפן זיך נישט געקענט ארויסזעהן ביז די פאליציי האבן אים געקומען העלפן זיך אויפבינדן פונעם סחורה׳נעם שטריק און איינבינדן אין די אייזענע קייטן.
קליפיטשל, קרעדיט - @יאנקעל פעדראטשיק
דראפבאקס — גוגל דרייוו
טענקס
(קליינע טויש, פאסירט בערך א צוויי יאר צוריק. אבער נאכאלץ דאס זעלבע אינטערעסאנט)