ווען דארף א גראפיקער נאכגעבן פארן קאסטומער

[מר. פאטאשאפ]

ס׳איז נעכטן אויסגעקומען א שמועס דא אינעם ׳שיינע עדס׳ אשכול איבער א ענין וועלכע דרוקט שוין א לענגערע צייט פאר אסאך גראפיקער וג"א בתוכם

מ׳האט שוין כמה פעמים ארומגערעדט דערוועגן סיי דאהי אינעם קרעטשמע אין סיי בכלל, אבער עס איז נאך קיינמאל נישט קלאר אויסגעשמועסט געווארן מיט גענוג פרטים אז עס זאל קומען צו סיי וואספארא הכרעה (באשלוס) וואס מען דארף צו טוהן אין אזא פאל, און איך האלט אז ס׳וואלט כדי געווען איינמאל פאר אלעמאל עס אויסצושמועסן דא ברבים אזוי אז יעדער זאל לאזן וויסן זיין חוות דעת און זיין עקספיריענס וואס ער האט שוין געהאט אינעם עבר, אזוי אז מיטן צוזאמענארבעט פונעם ציבור וועט קענען אויסגעפארעמט ווערן א שטיקל פסק הלכה ווי מ׳זאגט.

די נושא האט איר דאך שוין געזעהן אויפן קעפל - ווען א קאסטומער פארלאנגט א געוויסע זאך וואס פארן גראפיקער געפעלט דירעקט נישט, צו ווייל ס׳פארמיאוס׳ט דעם עד צו פאר סיי וואס אנדערש, צו איז דער גראפיקער מחויב צו פאלגן דעם קאסטומער צו נישט?

וואס זענען די צוויי צדדים אין די שאלה (בקיצור נמרץ):
צד הגראפיקער - ער וויל נישט ארויסגעבן מתחת ידו א ארבעט וואס ער האלט אז ס׳איז נישט שיין
צד הקאסטומער - איך צאהל דאס געלט, וויל איך ס׳זאל זיין אזויווי איך פארלאנג

ווער האט א שטערקערע פוינט???

_____________________________


מיין ווארט צו די דאזיגע נושא איז:
עפ"י שכל וואלט ווען דער קאסטומער געדארפט צו האבן זייער א גערעכטע טענה, איך וויל לאזן דעזיינען עפעס פאר ׳מיין׳ ביזנעס/ארגענעזאציע וכדומה, ווילעך ס׳זאל זיין לויט מיין אייגענע געשמאק - אין אנדערע ווערטער - ווען איך וואלט ווען אליינס געקענט גראפיקס וואלט איך דאס אליינס געמאכט, נאר ווייל איך קאן דאך נישט, קומעך צו דיר וואס דו קענסט יא אז דו זאלסט זיין מיין שליח.

דער גראפיקער וועט טענה׳ן - אויב דו קאסטומער ביזט געקומען צו מיר ווייל איך קען גראפיקס, דארפסטו מיך טראסטן אז איך פארשטיי צו אלע זאכן וועלכע זענען אנבאלאנגט דעם עד, סיי די חלק ה׳דעזיין, און סיי די חלק ה׳מארקעטינג, און אז איך זאג אז אנפירקלען א עד מיט גאנצעטע געזאגעכצער נעמט אוועק די חן, מען ווערט מיד פון ליינען, אדער וויל מען עס בכלל נישט ליינען, מענטשן קוקן דאס אפילו נישט אן, אלזא אויב איך האלט אז מען קען דעם זעלבן מעסעדזש ארויסברענגען קורץ און שארף זיי נישט קיין עקשן און נעם אן וואס איך זאג דיר.

יעצט וועט זיך שוין ווענדן מיט וועלכן סארט קאסטומער עס האנדעלט זיך דא, איז ער א רואיגער פארשטענדליכער מענטש וועט ער מעגליך מסכים זיין און זיך ברעכן, אויב איז ער אבער פון די חמץ נוקשא, דעמאלטס גייטעס נישט אזוי גרינג, ער הייבט אן צו שרייען און צו פארפיהרן אז ער וויל אויסדרוקליך אריינקוועטשן אין דעם ווינקל נאך א מעסעדזש, און מאכן דעם טעלעפאון נומבער גרעסער מיט קידוש לבנה אותיות, און מאכן דעם דעזיין (וועלכע איז די הויפט איידיע פונעם עד) אסססססאך קלענער, ניין נאך קלענער.... אזזזזוי.... ווער דארף די געפאטשקעכץ... (כדרכם בקודש), צו דעם זענען פארהאן 2 עצות, אדער מאכט מען עס אים בלית ברירה אזוי ווי ער וויל און העכסטנס לייגעך נישט מיין נאמען אויף יענעם עד, עצה נומ׳ 2 איז אז מען זאגט פארן קאסטומער: אקעי גוט, איך הער, מען שרייבט אלעס אראפ אויף א פאפיר בשעת דער קאסטומער דבר׳ט און מאהלט וואסער, אזוי ווערט ער צופרידן, און ווען ער גייט אוועק מאכט מען אים איין סעמפל אזויווי ער וויל און דערנאך אן אנדערס אזויווי איך וויל און ווען ער קומט צוריק שפעטער ווייזט מען אים קודם זיין איידיע, און מען זאגט אים ׳געראדע האבעך פרובירט צו מאכן א טראפעלע אנדערש און מען גיבט אים א עפן אויף דעם אייגענעם שרייעדיגן דעזיין וועלכע מאכט יענעם פיהלן ווי אן אויסגעשפילטער זעהנדיג די ריזיגע חילוק צווישן זיינע השגות און דעם פראפעשינאלס השגות, אט אזוי קען געלונגען צו קאנווינצן דעם קאסטומער (העכסטנס וועט שוין יענער קומען אביסל צום טעם פאר קומענדיגע מאל אויכעט).

[זעלבסטשטענדיגער]

איך שרייב גארנישט ווייל דערווייל ארבעט איך פאר א צווייטן...

[והוא פלאי]

איך שרייב גארנישט ווייל דערווייל ארבעט איך פאר א צווייטן...

כשמך כן תהלתך?

[איזעי]

מר. פאטאשאפ האסט עס זייער שיין צונומען, און אראפגעלייגט אלע צדדים.
עס איז דא נאך אן עצה וואס דו האסט נישט דערמאנט, צו זאגן פאר דעם קאסטומער "אזא עד מאך איך נישט". אבער עס איז אלץ בעסער צו טון וואס דו האסט געשריבן, אז מען לייגט נישט דעם נאמען אויף די עד. און פטור אן עסק.

[זעלבסטשטענדיגער]

איך שרייב גארנישט ווייל דערווייל ארבעט איך פאר א צווייטן...

כשמך כן תהלתך?

והוא פלאי - כוונתך לשאול שכיוון ששמי זעלבסטשטענדיגער למה איננו פותח מסחר בכבודי ובעצמי?
האם זהו הדבר שהוא פלאי לך כ"כ?
אם רצונך לידע תירוץ מספיק ע"ז, תעמוד עמי בקשר ע"י ה"פ, ואסדר הכל עצהיו"ט!

הק׳ שלמה זעלבסטשטענדיגער

[מאנאגרעמס]

די טענה פונעם קאסטומער אז ער וויל זאלסט מאכן ווי ער פארשטייט איז גילטיג נאר אויב ס'דא א צד צו זאגן אז ער פארשטייט. יעצט זאג דו מיר, א קאסטומער וואס פארפאטשקעט אן עד איז בכלל בגדר פארשטיין?

בכלל, מיר גייט עס נישט אין קאפ!
אן עלעקטרישאן וואס דו נוצט אים און ער מאכט זיינע עדס ביי דיר, למשל, ווען ער וועט קומען צו דיר אינדערהיים ארבעטן וועסטו אים דען אמאל זאגן "איך מיין אז דו זאלסט ווייערן אנדערש, איך בין דער קאסטומער"? ניין! פארוואס? ווייל ער איז דער פראפעשאנעל.
יעצט פארוואס ווען ער קומט צו דיר אין אפיס מאכן אן עד נעמט ער זיך מאלן וואסער? לאז דעם פראפעשאנעל טון זיין ארבעט. דו פארשטייסט עלעקטריק/שיך/גראסערי און ער פארשטייט גראפיקס...
ווען ס'קומט צו גראפיקס ווערט פלוצלינג יעדער מר בר רב אשי א גאנצער פארשטייער...

[מר. פאטאשאפ]

מאנאגראמס - איך שפיר דיין ווייטאג...!

[צולייגער]

מאנאגראמ'ס איך בין אפשר נישט קיין יעדע מר בר רב אשי, נאר נאך ווייניגער..., אבער איך פארשטיי צו גרעפיקס, דהיינו איך פארשטיי אז איך פארשטיי נישט דערצו.

אבער, לעניית דעתי איז פארהאן א פשוטע חילוק:

דאס פארשטייסטו אז ווען איינער רופט א פעינטער און ער בעט אים צו מאכן שיינע צאצקעס, אדער גאר א מאלדינג עקספערט און ער בעט אים צו מאכן שיינע קאסטום מאלדינגס, וועט דער מאלדינג לייגער רוב מאל אפטרעטן פארן קאסטומער, אדער עכ"פ ארבעטן אויף אים ער זאל איינשטומען מיט אים, פארוואס? גאנץ פשוט, דער דזשאב פון א עלעקטערישן איז דאך עס זאל זיין וואס מער פארשטעקט, וועלכע עלעקטערישאן לאזט איבער אפענע ווייערס?, ווייסט דער מענטש אז במופלא ממך אל תדרוש, און עס גייט אים גאנץ קנאפ אן.

משא"כ פעינטינגס און מאלדינגס, וויל דאך דער מענטש עס זאל וואס מער כאפן א (שכן'טעס) אויג, און ממילא לאזט ער זיך הערן זיין מיינונג, ווייל ער האלט אז נאר אזוי וועט עס כאפן א אויג, און ממילא ווייסט דער ארבעטארער אז מען מוז קומען אויף א פארשטענדעניש.

גרעפיקס איז דומה צו פעינטינגס ומאלדינגס וכו', דהיינו אז געווענליך איז עס געמאכט צו כאפן א מענטשנס אויג, און ר'קליינער טוטער האלט אז מענטשן ווערן ענדערש געכאפט מיטן מאכן דעם טעלעפאן נומבער אין ררררררררריזיג, משא"כ עלעקטערישאן איז כנ"ל נישט געמאכט עס זאל ציען א מענטשנס אויג.

אבער - דא שטעקט דער בראך, ער פארשטייט נישט אז טאקע דאס איז דער פראבלעם, א באמבאסטישע מאלדינג וועט כאפן אויפמערקזאמקייט, און אויב עס איז נישט שיין, נא נישגעפערליך, מען וועט אבער רעדן אז פב"פ האט עפעס דיפרענט מאלדינגס וכו', און סייווי וועלן דאך אלע יאכנעס וואס האבן נישט יענעמס מעגליכקייטן זאגן אז עס איז נישט שיין, סאו איט דאזענט מערער אז מען וועט זאגן אז עס איז נישט שיין, אבי מען וועט רעדן דערפון, אבער א עד דארף דאך ארויסברענגען א מעסידזש, און א אומגעלונגענע עד לאזט איבער אזא ביטערן נאך טעם אויף א לאנגע צייט, צאהלער האט געמוזט צאלן שווערע געלטער צו מסביר'ן דעם עולם אז עס איז א נייע וועלט, און צאהלער איז יא גוט, און, זיי זענען א גוטע לעסאן אז עס לוינט נישט צו נעמען די ריסק, ווייל דו ווילסט נישט בלויז זיין דיפרענט, נאר דו ווילסט אויך ארויסברענגען א מעסידזש.
ודוק כי הארכתי...

[מר. פאטאשאפ]

צולייגער - דיין פרישער אוועטער שרייט אז מעקינטאש NO...
איז ריכטיג?

נו זעהעך שוין וואספארא מבין דו ביסט צו גראפיקס...

[צולייגער]

מיין אוועטער איז באשאפן געווארן נאכן סוירטשן ביי המן הא'גוגל פאר א פאני אוועטער, און איך ווייס ניטעמאל וואס דאס מיינט...

און איך האב געלייגט א דיסקלעימער אז איך האלט ביים תכלית הידיעה בסוגי' דגרעפיקס, דהיינו איך ווייס אז איך ווייס נישט...

[מר. פאטאשאפ]

טשולדיגט פארן חושד זיין

[צולייגער]

אבער תכלית, האב איך גערעדט ווערטער? (איך האב דאך נישט געזאגט קיין מיינונג אין גראפיקס נאר אין מיינונגס פארשידענהייטן, אין דעם איז יעעעעעעעעעעעעדער א מבין...) אדער סתם דאמירן בעלמא?

[מר. פאטאשאפ]

באמת - כ׳האב נישט פארשטאנען פונקטליך, ווייל קודם האסטו מסביר געווען אז גראפיקס איז אזויווי פעינט ווי דער קאסטומער קען ענדערש האבן א מיינונג ווי ביי פלאמבינג, דערנאך זאגסטו פלוצלונג אז גראפיקס איז ׳נישט׳ גלייך צו פעינט ווייל ביי גראפיקס איז א אומגעלונגענע עד א געפערליכע דורכפאל משא"כ ביי פעינטינג... אלזא מאך אפ, איז גראפיקס יא גלייך צו פעינטינג צו נישט?

[צולייגער]

קודם האב איך ארפגעלייגט א יסוד אז דער בחור - געשעפטס אייגנטומער וואס חלומ'ט שוין וואכן וויאזוי זיין נייע אדווערטייזמענט / סיין גייט אויסקוקן, האט א פשוטע טענה, נעמליך איך האלט אז דער עולם וועט כאפן נאר ווען סוועט זיין אזוי און אזוי, און פארדעם שטעלט ער זיך אזוי דערויף, דאס האב איך געזאגט בתור הקדמה אז דו זאלסט פארשטיין דעם קאסטומער'ס טענה.

נאר, לו חכמו ישכילו זאת, דער עד ברויך צו שאפן א גוטע פלאץ אינעם פאטענציאלער קאסטומער'ס קאפ, און ממילא איז דער גראפיקער פשוט אלס 'לפני עור לא תתן מכשול' מחוייב צו מפתה זיין דעם קאסטומער ער זאל פארשטיין אז ער פארשטייט נישט, און נוצן די אויבנדערמאנטע עצות, אבער ער זאל פארשטיין אז ער האט נישט בלויז א מיינונג'ס פארשידנהייט מיט אים, נאר דער קאסטומער טענה'ט דאס זייניגע מיט א מיינונג אז ער וועט נאר אזוי ארויסברענגען ס'מעסידזש, און דער גראפיקער דארף אים מסביר זיין אז 'ממקום שבאת' שעפעלע, דאס וואס דו מיינסט אז דו ווייסט פונקטליך וויאזוי ארויסצוברענגען, ווייס איך פיל בעסער פון דיר, (ער זאל עס זאגן אויפן זעלבן וועג וואס ער זאגט פאר זיינע קינדער 'שעפעלע, א טאטע פארשטייט בעסער) און פאלג מיר, וועסטו זעהן אז איך בין געווען גערעכט.

[ים רויבער]

איך בין אויך נישט קיין גראפיקער אבער כ'וועל אריינווארפען צווי סענס
ווען א מענטש בויט א הויז אין ער זאגט פאר'ן קאנטראקטער לייג מיר דא א שטיקעל וואנט אדער מאך דא א סטעפ וכדומה איז ער אים מסביר אז ס'לוינט נישט אבער אויב יענער עקשן'ט זיך מאכט ער עס יא זאל זיך יענער איבערדרייען אויף די סטעפ
משא"כ גרעפיקס אחוץ וואס די מארקעטס דיין קאסטומער לייגסטו ארויס דיין ווערק פאר'ן עולם סאו טאמער דער גרעפיקער האלט אז ס'מיאס זאל ער זאגן פאר'ן קאסטומער אהובי ידודי ביסט מיר חשוב אין טייער אבער איך מיז נישט דערפאר באגיין זעלבסמארד איך מאך נישט אזוינע עדס (נישט לייגן די נאמען איז נישט אייביג א אפציע ווייל מ'קען דערקענען א עד אפי' אן א נאמען)

[שמערי בערי]

אויב שוין יא אזוי קוק עס אן פון דעם פערפעקטיוו: אויב יענער וועט נישט ליב האבן צום סוף דעם סטעפ וועט ער זיך קענען אויסגעבן אויף די פיר ווענט, משא"כ גרעפיקס וואס ברענגט נישט קיין רעזולטאטן וועט ער באשולדיגן דעם גראפיקער אין נישט מאכן א גוטע דשאב.

[ווינקל]

הדיסקלעימער כנ"ל, כביניש קיין בלא בלא...

איך מיין די שאלה איז צוטיילט אין מערערע מציאות, און ס'שווער צו זאגן א כלל.

לאמיר נעמען א משל. א קאאלישן שאפ פארלאנגט דעם גראפיקער צו מאכן א שיינע מיני ווען וואס פארט געשמאק אויפן ראוד, דער גראפיקער טענה'ט מיט'נעם, אז סוועט נישט צייגן די מעסעדזש געהעריג, והוא באחת, ער וויל א שיינע עד.

ובזה איז די שאלה צוטיילט אין צוויי. 1. ווער איז גערעכט? 2. זאל דער גראפיקער/שאפ נאכגעבן?

משל צוויי. א גראסערי פארלאנגט פונם גראפיקער צו לייגן די נאמען פון זיין סטאר גרויס פון אויבן, און די בילד פון אונטן, און דער גראפיקער האלט אז ס'קומט פארקערט.

וכן בזה איז די שאלה צוטיילט אין צוויי. 1. ווער איז גערעכט? 2. זאל דער גראפיקער/גראסערי נאכגעבן?

כמובן איז די ענטפער ניש די זעלבע.

[שנאפס]

[למעלה משבעים]

חחחחחחחחחחחחחחחחחחחחחחחחחחחחחחחחחחחחחחחחחחחחחחחחחחח, יו איז דאס גוט.

[שלעפשיץ]

שנאפס גייסט כאפן מכות!!!

[מר. פאטאשאפ]

דאס איז זייער א גוטע דוגמא איבער וואס מיר דעזיינערס גייען אדורך טאג טעגליך
יא... קליען ברויך ער, כ׳העלדער באלד זאגן...

[צים פינטעל]

שנ א פ פ ססס !!

[אור]

די ערגסטע פון אלעם איז נאך...
נאכן משוגע מאכן, ארויף אראפ ליכטיגער טינקעלער גרינער אראנדש'ער גראדער שיפער, מער שעדא, ווייניגער שעדא, באלדער, דינער, לייטער דארקער, די אנדערע פיקטשער, די ערשטע פיקשער. כדארף פרעגן מיין ארבעטער(ער זאל זיך גוט פילן), מיין מאמע(זי קען גוט קאלערס) מיין ווייב(זי פארשטייט גוט..) , וכו' וכו' און ארויפקוועטשן די נערווען ביזן דאך, און אראפקוועטשן די פרייז ביזן תהום
טרעפסט איהם א שיינע שטיק צייט שפעטער, און ער רופט זיך אן פינטעלנדיק מיטן אויגן און מיט א גוטן האק אויפן אקסעל: יענקל, געדענקסט ווער עס האט דיך אריינגעשטעלט אין ביזנעס! הא.. ווען נישט מיר.... קומסט מיר א הכרת הטוב... (און פארשטייט זיך העסט מיר געבן א בעסערע פרייז...)

פארטיליקט זאלן זיי [נישט] ווערן!

[ווינקל]

שנאפס! נעם א גרינס.

---
אור נעם אראפ די קללה ביטע שעהן.

[שמערי בערי]

שנאפס
אור