על ספרי היעב"ץ ובית דפוסו

איבער ספרים און מחברים

די אחראים: אחראי,גבאי ביהמד

ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

אין דעם לינק איז דא צווישן אנדערע עלף ספרים פון יעב"ץ, בנוגע די מחלוקה :

1. זאת תורת הקנאות.

2. שפת אמת ולשון זהורית.

3. מאירת עינים.

4. עקיצת עקרב.

5. אספקלריא המאירה.

6. ויקם עדות ביעקב.

7. שבירת לוחות האון.

8. פתח עינים.

9. ספר שמוש.

10. ספר התאבקות.

11. זה ספר תולדות אדם.

דערקעגן איז נאר דא איין פון ר"ר יהונתן, דעם לוחות עדות.
ועמך כולם צדיקים
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

דאס וואס ר' שמחה שרייבט אז ער האט לאנג נאכגעיאגט דעם מגילת ספר איז מיר זייער אינטרעסאנט, ווייל עס איז נישט אזוי זעלטן דאס צו טרעפן און ס'דרייט זיך ארום ביי אסאך פון די בעלי אוצרות.

עס איז טאקע באקאנט דאס וואס ר' זארעך שרייבט אז יד זרים שלטה בו, ווייל ווי עס שיינט האט דער יעב"ץ נישט באשריבן אליין זיינע נסיונות מיט די אנדערע מעשיות, און עס איז מער מסתבר אז די וואס האבן אים געוואלט מבזה זיין האבן דאס אריינגעשמוגלט דארט.

בני היכלא האט אויך מאריך געווען אין דעם ענין כיד ה' הטובה עליו, אבער דאס וואס ער שרייבט צום סוף אז איבערצודרוקן די ספרים און באשרייבן די מחלוקה איז "א חוצפה שאין כמוהו". עס איז - כמונח בזכרוני - אסאך מער פון דעם, ווי כ'האב אמאל געהערט אז ס'איז דא א ח"ח אדער א שווערע קללה אויף דעם וואס וועט עוסק זיין אין איבערדרוקן די ספרים אדער פארשפרייטן.

כ'וועל אייך באדאנקען ווער עס וועט ברענגען מער פרטים אויף דעם.
יסתרני בסתר אהלו בצור ירוממני (תהלים כז)
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

איבערבליקנדיג נאכאמאל דעם אשכול זעה איך אז קיינער האט נאכנישט גערעדט וועגן דעם ספר זהרי יעב"ץ, וואס באשטייט פון הגהות וביאורים אויפן ספר הזוהר. דאכט זיך ס'איז געדרוקט געווארן דורך הרב ביק פון מוסד הרב קוק, וואס איז דרך אגב דער זעלבער וואס האט איבער געדרוקט דעם מגילת ספר מיט א מבוא און הערות אין יאר תשל"ט.

נאך א שיין ספר'ל האב איך ביי מיר אין שטוב: הקשורים ליעקב, געדרוקט געווארן אפאר יאר צוריק שיין און הערליך מיט מראי מקומות דורך מכון משנת רבי אהרן לעיקוואוד. דער ספר אנטהאלט די חיבורים: דרוש יציב פתגם, מכתב אלקים, מכתב ליחזקיהו, פסח גדול, שאגת אריה, שמש צדקה, שערי עזרא, תפלת ישרים, חלי כתם.
יסתרני בסתר אהלו בצור ירוממני (תהלים כז)
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

ברוך הבא החבר המסתתר!

מתן בסתר יכפה אף, לעולם יהא אדם בסתר ובגלוי וי"א בסתר כבגלוי, במסתרים תשמח נפשינו שזכינו להנות מאור המסתתר, יהא בואך לברכה ולהרמת קרן התורה בתוכינו.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

שלום עליכם הרב המסתתר. א פארגעניגן אז מיר האבן צובאקומען א פרישן ידען צו אונזער קרעמל. מיר האפן הנאה צו האבן פון אייערע ידיעות, און דאס זעלביגע פארקערט.

בשייכות צו אייערע הערות:

1] איבער איבערדרוקן די ספרי היעב"ץ וועלכע האבן א שייכות מיט דער ביטערער מחלוקה.
עס איז פאראן א קונטרס'ל (דענק איך נישט דעם נאמען) וועלכע איז ערשינען אין אונגארן בשנת ת"ש, לכבוד דעם הונדערטסטן יארצייט פונעם אביהן ורבן של כל בני הונגרי', מרן החתם סופר זצוק"ל, ווי די דעמאלטדיגע רבני וגדולי אונגארן שרייבן דארט אריין כל מה ששמעו מבית אבותיהם ורבותיהם איבער דעם גדלות וקדושת החתם סופר. עס איז פאראן אין דעם חיבור'ל פיל אינטערסאנטע ענינים וידיעות, און עס איז כדאי פאר ידענים זיך איינצוהאנלען דעם קונטרס'ל. (מ'האט דאס לעצטענס מיט עטליכע יאר צוריק איבערגעדרוקט).

פון צווישן אנדערע איז פאראן דארט א בריוו'ל פון איינעם פון די גדולי ישראל, וועלכער שרייבט אריין אז ער האט געהערט איש מפי איש (ער שרייבט דארט פונקטליך די השתלשלות הקבלה) פון איינעם פון די גדולי תלמידי החתם סופר וועלכער איז געווען דער ממונה מסדר צו זיין די ספרים ביים חתם סופר אין שטוב. ברענגט ער דארט אז אמאל אין א געלעגנהייט, ביים מסדר געווען די ספרים ביי זיין רבי'ן אין שטוב, ווען עס איז געקומען מסדר צו זיין די ספרי רבי ר' יהונתן און די ספרי היעב"ץ איז ער אריינגעפאלן אין א פארלעגנהייט, ער האט זיי נישט געוואלט לייגן איינס נעבן צווייטן וויסנדיג פון דער ביטערער מחלוקה וועלכע די צוויי גדולי ישראל האבן געהאט בחיים חיותם. ווען דער חתם סופר האט דאס אויפגעפאסט, האט ער זיך אנגערופן: "מיין קינד אויף יענע וועלט האבן זיי זיך שוין פארגליכן" ( עפעס אזוי, הלשון בהחלט אינו מדוייק). און כ'מיין אז ער פירט דארט אויס, אז דער חתם סופר האט אים דאן געהייסן דייקא יא שטעלן די ספרי הרבי יהונתן וספרי היעב"ץ איינע נעבן די אנדערע.

(עס איז כדאי אנצומערקן אז דער רבי ר' יהונתן מיטן יעב"ץ ליגן 'כמעט' איינער נעבן צווייטן, איינער ליגט אינדערצווישן).

אגב, דער באקאנטער היסטאריקער וידען נפלא, הרב יקותיאל יהודה גרינוואלד מקלומבוס-אהייא (עס איז שוין דא אן אשכול איבער אים), האט ארויסגעגעבן א חיבור'ל איבער די מחלוקה פונעם רבי'ן ר' יהונתן מיט'ן יעב"ץ. זיין מטרה מיט'ן ארויסגעבן דעם בוך איז געווען, צוליב וואס בשעתו זענען אפירגעקומען געוויסע 'קאבאליסטישע' חוקרים פון אוניווערסיטעטן וועלכע האבן שטודירט די תולדות השבתאים, און דאס האט זיי געפירט אז זיי זאלן פריש אנגעהויבן גרובלען אין דער מחלוקת. פאר די יעניגע איז לויט זייערע שטודיעס אויסגעקומען אז דער יעב"ץ איז גערעכט געווען מיט זיין בעהויפטונג איבער דעם רבין ר' יהונתן. זיי האבן געמישט אין דער בלאטע פון דער מחלוקה, און האבן גענומען דעם רבי'ן ר' יהונתן לצידם. בכדי להצדיק את הצדיק מעיקרא האט דער הרב גרינוואלד דאן ארויסגעגעבן דעם אויבנדערמאנטן חיבור.
פאר די ידענים דא, וואלט זייער אינטערסאנט געווען צו ליינען דעם בוך.

כאמור בפתיחת האשכול, האלט איך נישט אז דא איז דער מקום אויסצושמועסן די מחלוקה. אויב די מנהלים זען נישט קיין פראבלעם דערין, וואלט איך מציע געווען א באזונדער אשכול דערפאר. עס איז דא אסאך אסאך אינטערסאנטע ענינים צו שמועסן דערוועגן.
*

2] איבער דעם חיבור 'זהרי היעב"ץ'.
דער אמת איז אז איך האב דעם חיבור נישט געזען, אבער מיטן דערמאנען דעם חיבור זענט איר אריינגעשפרינגען אין טאפ הייס וואסער. דען, מי בכם באי שערי הקבלה וספרי יעב"ץ ווייסט דען נישט צו זאגן פון דעם חיבור 'מטפחת ספרים', וואס דער יעב"ץ זעלבסט האט פערפאסט צילנדיג זיינע פיילן איבערצוצייגן אז אין די ספרי הזוהר תיקוני זוהר ועוד ספרי קבלה האבן שולט געווען ידי זרים וכו'?

איינע פון מיינע פלענער בשעת'ן עפענען דעם אשכול איז טאקע געווען צו בארירן דעם אויבנדערמאנטן ספר 'מטפחת ספרים', וועלכע האט בשעתו אויפגעפלאצט ווי א באמבע אינמיטן העלן טאג, זייענדיג דאס ערשטע מאל אין די היסטאריע וואס א ריכטיגער גדול בישראל האט זיך געטרויט אריינצואווארפן פלאקן איבער דעם אמיתיות הזוהר וועלכער איז שוין געווען פארהייליגט ביים כלל ישראל פאר הונדערטער דורות בעפאר. איינע פון די מערסט באוואוסטע טענות פונעם עמדין, איז דער זוהר הק' אין פר' וירא, וועלכער שרייבט אויפן פסוק: 'והנה שלשה אנשים', דא אברהם יצחק ויעקב...

טא איז מיין פראגע: ווי שטימט דער חיבור 'זהרי יעב"ץ', וועלכע באשטייט פון זיינע הגהות והערות אויפן זוהר הק'?

דער חיד"א אין שם הגדולים, בערך הזוהר, האלט טאקע נישט צוריק זיין ווינדער איבער דעם חיבור, און ער קומט צו אן אויספיר אז באמת האט דער יעב"ץ גאנץ גוט געוואוסט דאס ריכטיקייט פונעם זוהר הק', ער דאס נאר געשריבן מחמת זיין גרויס קנאות און מלחמות וואס ער האט געפירט אנטקעגן די כת ש"ץ ימ"ש, וואס כידוע האבן זיי זיך פארופן אויפ'ן זוהר הק', דעריבער בכדי אפצושלאגן זייער הסתה האט ער געמוזט אהערשטעלן א פנים און אריינווארפן ספיקות אינעם זוהר הק'.

ועוד יש להאריך בזה טובא טובא, און וועלמיר אביסל איבערגעבן דאס ווארט פאר די אנדערע פראפעסארן דא, און הערן וואס זיי האבן צו זאגן. ועוד חזון למועד לשוב אליו כעת חיה.
*

פון אלע אייערע ליסטעס פעלן נאך אסאך ספרים. הן סתם ספרים והן בשייכות צו דער מחלוקה.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

וועגן שרייבן איבער די מחלוקה הידיעה האב איך שוין געענטפערט אין אישית צו אנפרעגנדע חוות דעתי העני', דאס איז נישט קיין החלטה וואס אן אחראי אדער חבר הנהלה ברויך ענטשיידן, נאר ליבערשט די בחירה חפשית פון ערוואקסענע און זעלבסטשטענדיגע יחידים מיט אייגענע שכל הישר זאלן מחליט זיין יעדער פאר זיך צו ער איז ראוי להכניס ראשו בין ההרים און זאגן א דבר וחצי דבר איבער א מחלוקה וואס מיר האבן נשיט דאס מינדעסטע שייכות און אנונג איבער די גדלות פון איינע פון די צוויי צדדים.

דא איז נישט קיין חדר אדער בית חינוך ווי ווען איינער וועט שרייבן אז ר' יהונתן איז געווען גערעכט אדער אומגערעכט וועט דער מלמד אדער מחנך אים מסביר זיין אז לא עליך המלאכה, דו ביסט נישט ווערט צו זאגן א מיינונג.

מיר קענען פרובירען צו האלטן ארדענונג, נישט לאזן קומען צו קיין זלזול חברים אדער חלילה זלזול און גדולים, אבער איבער נעמען א שטעלונג ווען עס גייט בדרך כבוד איז ביד כל אדם, והבוחר יבחר.

כשלעצמי, וואלט איך נייגענריג געווען אין א דיסקאסיע איבער די טריקענע פאקטן אין די היסטאריע, ממקורות נאמנים, אבער איך וואלט נישט געוואלט זיין דער מגלגל דערפון מורא האבנדיג פון נשיכתן נשיכת נחש ועקיצתן עקיצן עקרב.

***
צוריק צו ספרי היעב"ץ.

ר' זארעך,
איך זעה אז איר האט שוין לאנג אריינגעלייגט כוחות אין די היסטאריע פון ספרי היעב"ץ און דערנאך זענט איר געקומען און זיי פארגעלייגט כשלחן הערוך, עס קומט אייך באמת א דאנק פון די טיפענישען פון הארץ אז איר נעמט אייערע שווערטע הארעוואניע און איר טיילט עס מיט בחנם מיט אונז אנשים פשוטים, עס בארייכערט אונזערע ידיעות און פרוכטבארט אונזערע קענטעניסען.

יהא חלקינו עמכם, זכות הרבים תלוי בכם.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

ר' מיללער, טעות הוא בידך. נישט אריינגעלייגט נישט ארויסגעלייגט. גארנישט ספעציעל נישט פון היינט און נישט פון אמאל. איך שרייב ממה שעולה במצודתי. איך האב געזוכט א טעמע פון וואס כ'האב געהאלטן אז ס'וועט ציען שרייבער, האב איך זיך געקליבן די ספרי היעב"ץ, און איך שרייב פון זכרון מער ווייניגער. (נישט ממש, טייל זאכן גיב איך אצינד א לויף אדער א קוק איבער, איידער איך שליידער דאס ארויף אין קרעטשמע). מ'וואלט די זעלבע געקענט מאכן מיט ספרי מהר"ל אדער אנדערע. דאס זעלביגע איז מיט היסטאריע און אנדערע אינטערסאנטע ענינים.
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

ראשית כל הרב מיללער נ"י און הרב זארעך נ"י, יישר כח גדול פארן אזוי שיין ענטפאנגען דא אינעם שטיבל. איך בין נאר דא געציילטע טעג און איך ווער זייער נתפעל פון די געוואלדיגע הארת פנים און שיינע אויפנאמע.

יעצט צום ענין, איבער די מעשה וואס דו ברענגסט פון חתם סופר ז"ל.

די מעשה איז טאקע מחזק מיין הערה אז מ'טאר נישט ח"ו פריש עוסק זיין אין איבערדרוקן די דאזיגע ספרים, טאקע דערפאר ווייל בעולם העליון במקום מנוחתם זענען זיי געקומען צו שלום ושלוה און מנוחת אמת.

איך פערזענליך האב נאך עד היום נישט אריינגעקוקט אין די ספרים: שמוש, עקיצת, התאבקות, שבירת, א. א. וו. בלויז פאר דעם ווייל איך האב מורא, כ'האב נאר איבערגעליינט די סארט ספרים וואס געבן אן איבערבליק אויף די מחלוקה, א שטייגער ווי דעם ספר פון הרב גרינוואלד, און נאך.

דער ענין וואס עס זענען אויפגעשטאנען געוויסע אידישע (פרייע) חוקרים אין א"י (ווי גרשם שלום וחביריו), און האבן אפגעמאכט אז זיי ווערן פארוואנדלט איבער נאכט אין "מומחים לעניני מחלוקת היעב"ץ ור"ר יונתן" איז א זאך וואס איז א שרעקליכע פגיעה אין די קדושי תבל, און בפרט אז די חוקרים אין זייערע דיקע בענדער נעמען א מיינונג אין יעדן חלק פון די מחלוקה. ממילא האב איך נישט עוסק געווען אין זייערע ספרים טראץ מיין גרויס נייגער.

איבער די פליאה אויף די ספרים זהרי יעב"ץ און מטפחת ספרים.

איר טענה'עט אז איך בין אריינגעטאנצן אין א הייס טאפ וואסער. זייט איר האט געעפנט דעם אשכול זיצן מיר אלע און ווייקן זיך אין א הייסן טאפ וואסער, און דאס איז טאקע געווען מיין כונה מיט די הערה צו עפענען דעם אפהאנדלונג איבער דעם קעגנזאץ וואס דער זהרי יעב"ץ איז צום מטפחת ספרים. און חן חן פארן צוברענגען דעם חיד"א אין שם הגדולים.

כ'געדענק כ'האב אמאל געהערט אז ס'איז דא אן אויסדרוק פונעם הייליגן חתם סופר זי"ע אויפן ספר מטפחת ספרים, כ'האב עס געגעבן א זוך אויפן קאמפיוטער און כ'האב עס געטראפן. ס'איז מיר אביסל שווער צו פארשטיין זיין כונה, ווייל מ'דארף וויסן וואס דער שואל האט געפרעגט, אבער כ'וועל ברענגען דעם לשון.

"ומ"ש שהרב אמר משם אמ"ו זצ"ל לא שמעתי מפיו ואולי התיר הרב לעצמו ע"ד שאמרו חז"ל רצית להחנק תתלה באילן גדול ואל תאשימהו עבור זה הנה נמצא בשכונתך ס' מטפחת ספרים למהריעב"ץ תמצא שם כי דבר גדול דבר הנביא ז"ל בענין זה הלא ישתוממו רואיו ודי ואני תמה על גוף הדבר שהתירו חז"ל לכזב בתורת אמת ומה שאמרו חז"ל מותר לשנות מפני דרכי השלום לא הי' דעת הרמב"ן ז"ל נוח מזה עפ"י המובן הפשוט ע"כ הפליג בפירושו על פסוק ואני זקנתי עיי"ש והגמ"א במוסריו סי' קנ"ז החליט דדוקא לשעבר ולא להבא עי"ש והכלל קושטא קאי."

(שו"ת חתם סופר חלק ו - ליקוטים סי' נט)
יסתרני בסתר אהלו בצור ירוממני (תהלים כז)
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

הרב המסתתר,

דעם הארות פנים וואס איר האט געקריגן, דאס איז נאך פון די קליינע שבחי המקום. אז איר וועט זיך אביסל אומקוקן און זיך נענטער באקאנט מאכן מיט אונזער שטיבעלע, וועט איר זיך שוין איינמאל דערוויסן פשט אין פסוק פון "וגר זאב עם כבש"... (משיח'ס צייטן, הא?).

איבער די מעשה מיטן חתם סופר, וואס איר האט אנגעמערקט און ארויסגעלערנט דערפון, האט איר זיכער רעכט און קיינער איז נישט מחולק מיט אייך. און ווי ידידי הרב מיללער האט שוין אנגעמערקט די שארפע אויסדריקן פון חז"ל בנוגע אזעלכע פעלער, א שטייגער ווי דער: "ויהי זהיר בגחלתן וכו'". (לאמיתו של דבר האב איך דאס אויך אנגעמערקט באלד אין מיין ערשטע אדער צווייטע תגובה, באלד נאך וואס איך האב פותח געווען דעם אשכול).

(אגב, איך מיין אז דער 'שמש' ביים חתם סופר איז געווען הרה"צ זוסמאן סופר זצוק"ל דער פאטער פון הגה"צ מרדכי אפרים פישל סופר זצוק"ל, וועלכער איז געווען דער פאטער פון האי גברא רבא רבי חיים סופר זצוק"ל. און אויב איך האב נישט קיין טעות שרייבט טאקע אן אייניקל אריין (דארט אין די אויבנדערמאנטע אויסגאבע) די מעשה הנ"ל, וואס ער האט דאס געהאט מקובל מבית אבותיו איש מפי איש דור אחר דור).

דאס וואס איר עגבערט זיך אויף די חוקרים. אל נא יחר באפך. ס'נישט ווערט אייער גרום-צארן זאל זיך גיסן אויף אזעלכע פערזאנען ווי עס זענען די אזוי גערופענע חוקרים. דער ג. שלום האט פערצופאל אין דעם פאל נישט אזוי ווייט גע'חקר'נט אין די פולמוס פונעם יעב"ץ והרבי ר' יונתן, נאר היות ער האלט זיך דאך דער גערעסטער חוקר ומבין בתורת הקאבאלא היהודיט האט ער זיך אדאנק דעם אויך אריינגעלאזט אין די תולדות השבתאים, וועלכע האבן כידוע געריטן און זיך פארופן אויפן תורת הקבלה, און פון דארט ביז צו דער מחלוקת הנ"ל איז דאך שוין א קאצן שפרינג. אלנספאל, וואס האבן מיר צו מישן און פאטשקענען אין זאכן וואס מיר פארשטייען ניטאמאל, איבערהויפט ווען ס'איז זאכן וואס ס'איז דא דערין א לטותא דרבנן פון שנשיכתן וכו'.

איר זאגט אז איר האט מהאי טעמא נישט געליינט די אלע ספרי היעב"ץ בנוגע להמחלוקת. תחזקנה ידיכם. אבער, וויסן זאלט איר, אז די הקדמה פון דעם 'מטפחת ספרים' איז אויך אביסל אנגעשטעקט פון די ענינים... גיבט אבאכט ווען איר גייט דארט אריין...
*

בנוגע דעם 'מטפחות ספרים' איז אזוי:

קודם איז כדאי צו וויסן אז דאס וואס דער חיד"א שרייבט איבער דעם 'מטפחת ספרים', כעין זה שרייבט דער יעב"ץ זעלבסט דארט אין דער הקדמה פון 'מטפחת'. ער שרייבט קלאר אז ער קומט נישט ח"ו מערער זיין אויף קדושת ותורת הקבלה וועלכע ציען שוין אירע שטריקלעך נאך פון די תקופת הראשונים, ווי דער רמב"ן וכדומה, (ועיי"ש דעתו בשייכות להרמב"ם וקבלה). פארקערט, ער שרייבט אז דאס איז איינמאל קלאר אז קבלה איז א חלק תורה מסיני וכו'. אויך שרייבט ער קלאר אז ער קומט נישט מערער זיין ח"ו אויפן אמיתיות הזוהר הק' וועלכער איז נתקדש געווארן בקדושה של מעלה, און בפרט אז דער אר"י הק' האט געבויט זיין גאנצען תורת הנסתר אויפן זוהר. ער וויל נאר פשוט קלאר שטעלן און איבערצייגן אז במשך הדורות זענען דארט אריינגעפאלן פארשידנארטיגע מימרא'ס, וועלכע ס'נישט מקורו פונעם ארגינאלן זוהר. ובמרוצת דבריו דארט שרייבט ער קלאר, אז ער טוט דאס מחמת רוח הזמן פון די שבתאים וועלכע האבן געריטן אויפן ספר הזוהר הק'.

אצינד איבער דעם תשובות חתם סופר וואס איר צייכנט צו. די תשובה איז א דבר ידוע (נישט ווייל איך בין אזא ת"ח איז דאס ידוע, נאר פשוט ווייל דער הרב גרינוואלד, בספרו הנ"ל עמוד 17, ברענגט דאס צו) און איז א חידה סתומה. די תשובה דארט הויבט זיך 'נישט' אן מיט קיין שאלה, עס איז בלויז תשובה'ס אויף שאלות וואס מתוך התשובה דארף מען קענען כאפן וואס די שאלות זענען געווען. ווי עס שיינט פון די תשובה בכלל, זענען די שאלות געווען זייער האקעלדיגע ענינים (אדער אפשר האקלדיג קעגן א פערזאן) אויף וועלכן דער חתם סופר פרובירט צו ענטפערן בלויז אין קורצן וברמיזה בעלמא, דעריבער איז זייער שווער ארויס צו נעמען פון דארט זיין כוונה. ולידיעה בעלמא, די תשובה באהאנדלט גראדע אפאר זייער אינטערסאנטע נושאים, מ'קען פון דעם ארויסנעמען זייער זייער אסאך הדרכה'ס וענינים עיי"ש.

ווי עס שיינט פון דעם ספעציפישן פערעגראף (דיבור המתחיל: "ומ"ש שהרב אמר משם אמ"ו זצ"ל", דארט אין די תשובה, האט דער שואל אנגעפרעגט דעם חתם סופר צי עס איז אמת דאס וואס זיין רב זאגט נאך בשם "אמ"ו" (דאס קען מיינען: אדער דעם הפלא"ה אדער ר' נתן אדלער) איבער א געוויסן ענין פון משנה זיין בדברי חז"ל, און אויף דעם ענטפערט אים דעם חתם סופר אז ער האט דאס קיינמאל נישט געהערט פון זיין רבי'ן. און בכדי מלמד זכות צו זיין אויף יענעם רב, באנוצט דער חתם סופר מיט דעם באקאנטן מאמר חז"ל (פסחים קי"ב ע"א): "אם ביקשת ליחנק היתלה באילן גדול". און דערויף ברענגט ער א סייעתא לדבריו מדברי היעב"ץ, וועלכער שרייבט אין דער הקדמה פונעם 'מטפחת ספרים' דאס זעלביגע בנוגע דעם ספר הזוהר, אז די תלמידים ותלמידי תלמידים האבן דארט ארומגעארבעט און אעפי"כ איז דער זוהר הק' געבליבן נקראת על שמו פון רבי שמעון בן יוחי, ווייל די תלמידים האבן דאס געטון מטעם "היתלה באילן גדול", עיי"ש.

אין פשטות, אויבן אויף, קען מען זיך אריינדריקן אין חתם סופר אז ער מיינט בלויז צו באטאנען דעם אויבנדערמאנטן מאמר חז"ל און מיט דעם מלמד זכות צו זיין אויף דעם יעניגן רב, און ער ברענגט זיך א סייעתא לדבריו אז מ'געפון מיר שוין אזא ענדליכער געדאנק אין יעב"ץ וועלכער 'ניצט' דעם געדאנק אין ספר 'מטפחת ספרים' לגבי דעם ענין אויף וואס ער איז דן דארט, אבער ער מיינט נישט צו זאגן אז ער איז מקבל דבריו. אבער באמת איז שטארק נישט מסתבר אזוי אריינצולערנען אין זיינע ווערטער, ווייל פון דאס לשון: "כי דבר גדול דבר הנביא ז"ל בענין זה הלא ישתוממו רואיו ודי" איז משמע אז עפעס טיפער'ס ליגט דא באהאלטן. און כ'וועל מסיים זיין טאקע מיטן לשון פון הייליגן חתם סופר זעלבסט: "ודי".
*

אז מ'רעדט שוין איבער דעם שייכות פון חתם סופר מיט די ספרי היעב"ץ וועל איך אייך דערציילן א סיפור איש מפי איש, וועלכע וועט אגב ווארפן א שטיקל בליק און הבנה אויף דער אויבנדערמאנטער תשובה.

עס האט מיר דערציילט א איד וואס האט דאס געהערט פון ר' חיים שנעבאלג ע"ה זעלבסט. געווען אמאל אין די לעצטערע יארן פון דעם סאטמארער רבי'ן זצ"ל וואס דער רבי איז געווען אביסל צוגעלייגט מחמת המצב, און ר' חיים ע"ה איז פונקט דאן זיך געקומען קוויטלען ביים רבי'ן. זייענדיג מפורסם אלס אן איש היודע לשמח אלוקים ואנשים, האבן אים די מקורבים געבעטן ער זאל זען אביסל מחיה צו זיין דעם נפש הצדיק. האט ר' חיים דערציילט דעם רבי'ן א סיפור וואס ער האט געהערט פון הרה"ג ר' יוסף נפתלי שטערן ז"ל (דער באקאנטער מו"ל, וחריף ובקי טובא, בספרי החת"ס), וואס ער האט דאס געהערט פון זיין שווער הגה"צ ר' שלמה אלכסנדרי סופר זצ"ל.

אין די אינגע יארן ווען דער חתם סופר איז רב און געפירט א ישיבה אין מאטעסדארף (זיין ערשטע רבנות), ווי דער רעשטלעך פון כ"ת ש"ץ ימ"ש האבן נאך עטוואס געארבעט, פלעגט דער חתם סופר אלץ האבן אויפן טיש איינע פון די ספרי היעב"ץ, און ווען א בחור איז זיך געקומען איינשרייבן אין דער ישיבה האט דער חתם סופר באטראכט דעם בחור וויאזוי ער רעאגירט צום יעב"ץ. טאמער האט ער געמערקט אויף א בחור אז די ספרי היעב"ץ זענען אים עפעס נישט לרוחו האט ער באלד דערקענט אין אים אז ער איז געכאפט אין שבתאות און אים נישט אנגענומען אין דער ישיבה. ר' חיים האט דאן מוסיף געווען פארן רבי'ן, אז ער האלט אז היינט צוטאגס וואלט די בעסטע אזא פרואוו געווען דעם רבינ'ס ספר דער 'ויואל משה'... ותחי רוח יעקב.

ר' חיים דערציילט, אז דעם סאטמארער רבי'ן איז די מעשה "מיט די הוספה" האט דעם רבי'ן ממש אויפגעלעבט. ער האט עפעס אויסטערליש הנאה געהאט דערפון, עד כדי כך אז דער רבי האט אים איבערגעפרעגט נאכאמאל: "אזוי האט איר געהערט פון ר' יוסף נפתלי שטערן?" און אז ער האט דאס נאכאמאל באשטעטיגט, האט אים דער רבי געבעטן ער זאל אים 'נאכאמאל' איבערדערציילן דעם סיפור. (איך בין שפעטער נאכגעגאנגען די מעשה צווישן מקורבים וואס זענען געווען דערביי, ואישרו אותה).

ושמע מינה תלת:

ש"מ, אז אין מאטעסדארף איז נאך בשעתו פאראן געווען א חשש פון שבתאות.

שמע מינה, אז די ספרי היעב"ץ זענען געווען חביב ביים הייליגן חתם סופר, זעענדיג בספריו א שטארקע הדרכה וויאזוי צו פירן מלחמת אש דת נגד פושעים וכופרים, און אויב האט זיך אויסגעפעלט א מבחן צי איינער איז געכאפט אין שבתאות צי נישט זענען די ספרי היעב"ץ געווען די סימנא מילתא.

ולפי"ז וואלט איך מוסיף געווען א הערה: די אויבנדערמאנטע תשובה איז געשריבן געווארן אין מאטעסדארף. עס קען שטארק מעגליך זיין, לויט די מעשה, אז די ספרי היעב"ץ זענען אים בשעתו אין מאטעסדארף געווען אזוי חביב בעיניו, מחמת חשש השבתאות, עד כדי כך אז אפילו אין דעם 'מטפחת סופרים' האט ער אויך עוסק געווען. איך מיין אז נאך מיין הערה, און לויט די תקופה ווען די תשובה איז געשריבן געווארן, פארשטייט זיך עפעס בעסער דאס לשון פון חתם סופר: "כי דבר גדול דבר הנביא ז"ל בענין זה הלא ישתוממו רואיו ודי" (ודו"ק כי קצרתי...).

ושמע מינה, אז דעם סאטמארער רבי'ן איז שטארק געפאלן די הצעה אז היינט וואלט זיין ספר 'ויואל משה' געווען דער בעסטער מבחן, בשייכות צו וויסן צי א מענטש איז געכאפט אין ציונית.
*

און אז מ'שטיי מיר אין אן אשכול פון ספרי היעב"ץ ובית דפוסו און ספעציעל אז מ'שמועס מיר איבער דעם דפוס ראשון פונעם סידור היעב"ץ און מ'דערמאן דעם סאטמארער רבי'ן, איז אינטערסאנט מעתיק צו זיין אויסצוגן פון א תשובה אין שו"ת דברי יואל, יו"ד סי' ק"א אות א', ווי ער שרייבט דארט אין א תשובה צו הגה"צ רבי נטע שלמה שליסל זצ"ל, ראב"ד מונקאטש, איבער די פראגע צו די לאטיינישע נומערן פון 1, 2, 3, זענען אין גדר פון לשונות עכו"ם. ער שרייבט צווישן אנדערע בזה"ל:

ובסידור הראשון של היעב"ץ שהדפיס הוא ז"ל בעצמו בבית הדפוס שלו, מצויינים שם סימני הלכות ההלכות בנומערין כאלו. אף שהאריך מאד בסידור שלו ושפך מרורת בגודל התלהבות על אזהרה זו שאמרו ז"ל שלא שינו את לשונם, ואעפי"כ לא חש הוא ז"ל בעצמו להדפיס סימני ההלכות 'באותו הסידור' בנומערין כאלו.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

הרב ר' זארעך ידידי,
די לעצטע תגובה אייערע איז ווערט צו לייענען און איבער לייענען, מיר זעהן דארט ענינים פונעם יעב"ץ, החת"ס ורביה"ק זצוק"ל, איך מיין אז 'מקען ממליץ זיין אז הצד השוה שביניהם איז די מלחמת אש דת השערה קען מתחדשים למיניהם כל אחד בשעתו, שבתאים, רעפארמער און ציונים, ימ"ש וזכרם.

(אגב, איר דערמאנט דא ר' שלמה אלכסנדרי סופר ז"ל מבערעגסאז, עס שטייט אז מ'לערנט איין ענין און צוויי באזונדערע פלעצער אונעם זעלבן טאג איז עס עפעס א ענין פון תורה לשמה, איך האב די מינוטן געשטעלט א בילד פונעם בערעגסאזער רב דער 'חוט המשולש' דערנאך זעה איך דא געשריבען איבער אים, און איך שטויס מיך אן אינעם 'חוט המשולש' פונעם יעב"ץ, חת"ס, ורבה"ק הנ"ל, הלא דבר הוא)
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

מיללער, החייתנו.

זיי וויסן, אז היצט נאכן אריינשליידערן די תגובה אין 'פליטת' אריין, האב איך מיך דערזען אז די תגובה האט מיר פארנומען מער צייט ווי געראכטן. נעמליך - איבער א שטונדע! (טייפן, מגיה זיין, נאכגיין די לינקים אין היברו בוקס, און דערויף דאס מסדר על מקומם בתוך התגובה), און אז כאשט איינער האט דאס געליינט און הנאה געהאט דערפון, האט זיך מיר דאס שוין אויסגעצאלט. (טאקע נישט קיין געלט, אבער מיט די סברה פון בההוא הנאה דקניא ומועיל בקידושין, דהוי כעין שוה כסף, קען מען שוין מאכן...).
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

א גרויסן יישר כח ר' זארעך פאר די טייערע ווערטער בביאור דעת החתם סופר ז"ל, און די הערליכע הוספות פון רביה"ק זי"ע. און הגם מיר זענען נאך אלץ נישט אינגאנצן קלאר אין די תשובה, אבער האסט אונז געעפנט א פתח צו פארשטיין די פארצווייגטע סוגיא.

וועגן דעם וואס דו שרייבסט אויף ג. שלום, דו ביסט טאקע גערעכט אז בעיקר האט ער עוסק געווען אין קאבאלא היהודיט, אבער אין זיינע צוויי דיקע בענדער אויף שבתאות, לאזט ער זיך אריין א לענג'ס און א ברייט'ס אין די מחלוקה אין איז פוער פיו קעגן דעם הייליגן רבי ר' יונתן באופן מבהיל. אויך האב איך יעצט באמערקט אז הרב גרינוואלד איז זיך מתייחס צו אים (עמוד 10) און שרייבט דארט אז די פראפעסארן אמאל האבן געהאט א נטי'ה צו מגין זיין אויף ר"ר יונתן, און היינט האט זיך איבערגעדרייט דאס בילד. קוק אריין דארט ווי ער רעדט זייער ווייטאגליך אויף אים, ס'איז אינטרעסאנט.

איך האב נאך אסאך אינטרעסאנטע ענינים אויף שבתאות בכלליות. אבער גיב אקוק ר' זארעך, איך וויל נישט צו שטארק פארקריכן פונעם נושא האשכול, ווייל ס'איז א מים שאין להם סוף.
יסתרני בסתר אהלו בצור ירוממני (תהלים כז)
ביקסאד
שר ארבעת האלפים
תגובות: 4040
זיך איינגעשריבן אום: זונטאג מאי 25, 2008 7:00 pm
לאקאציע: נעבן סאטמאר

  • ציטיר
  • צו לייגן א דאנק דארפט איר זיין אריינגעלאגט

תגובה דורך ביקסאד »

מיללער האט געשריבן:(אגב, איר דערמאנט דא ר' שלמה אלכסנדרי סופר ז"ל מבערעגסאז, עס שטייט אז מ'לערנט איין ענין און צוויי באזונדערע פלעצער אונעם זעלבן טאג איז עס עפעס א ענין פון תורה לשמה, איך האב די מינוטן געשטעלט א בילד פונעם בערעגסאזער רב דער 'חוט המשולש' דערנאך זעה איך דא געשריבען איבער אים, און איך שטויס מיך אן אינעם 'חוט המשולש' פונעם יעב"ץ, חת"ס, ורבה"ק הנ"ל, הלא דבר הוא)

במחילת כבודכם הרמה לפי ידיעתי האט איר דא צוזאם געמישט צוויי פערזאנען :
דער בערעגסאזער רב דער 'חוט המשולש', א זוהן פון פרעשבורג'ער רב ר' אברהם שמואל בנימין דער 'כתב סופר'.
ר' שלמה אלכסנדרי סופר, א זוהן פון קראקא רב ר' שמעון דער 'מכתב סופר'.
ועמך כולם צדיקים
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

ביקסאד,
איר זענט כשר גערעכט, איך האב מיך פשוט טועה געווען, דער בערעגסאזער רב האט אויך געהייסט 'אלכסנדרי'?
שוין לאמיר דאס לאז ביי די 'אלע צדיקים'.

-----
צוריק צו ר' יעקב עמדין זצ"ל

אין די הקדמה צום סידור העמדין, שרייבט דער יעב"ץ אביסל איבער עניני דקדוק הנקודות והמבטאות, ער שנעמט דארט א שטעלונג צווישן די אשכנזים וספרדים ווי ער ברענגט ארויס די מעלות און גערעכטיקייט פון ענינים אויף ביידע צדדים.

אפשר קענען איינער פון די בעלי מדקדקים דא מסיבר זיין שיטת היעב"ץ בעניני דקדוק.
אוועטאר
המסתתר
שר מאה
תגובות: 167
זיך איינגעשריבן אום: דינסטאג דעצעמבער 23, 2008 6:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך המסתתר »

איר ווייסט אז היינט א' טבת איז די יארצייט פונעם... יעב"ץ ?

איך ווייס אז דער יעב"ץ איז נסתלק געווארן ל' ניסן תקל"ו. אבער איך רעד פון א צווייטן יעב"ץ: רבי יעקב אבן צור זי"ע, מגדולי חכמי מאראקא, (באקאנט אלץ מהריב"ץ אין ספרד'ישע ספרים), נפ' געווארן תקי"ג, מח"ס משפט וצדקה ביעקב, לשון לימודים, ועוד.

דאכט זיך ס'ווערד אויף אים אליין א באזונדערן אשכול.
יסתרני בסתר אהלו בצור ירוממני (תהלים כז)
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

דער בני יישכר אין מאמרי חנוכה ברענגט פונעם יעב"ץ בספרו 'אור החיים' איבער לימוד בחכמי הפיליסופיה ווי אריסטו וחבריו, מיט א משל אז נאר ווער עס האט גאר א געזונטן מאגן קען עסן געוויסע מאכלים פאר שוואכערע מענטשן קען עס שאדטן, דער רמב"ם וכדו' האבן פארמאגט א גוטן מאגן ממילא האבן זיי געקענט דורך תוכו אכל וקליפתו זרק נהנה זיין פון די ספרים חיצונים, עיי"ש מילתא בטעמא.

דער ספר 'אור החיים' אויף איז עס מיוסד?
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

דער ספר 'אור החיים' לר' יוסף יעבץ, האט דער מחבר פערפאסט נאך דעם גירוש ספרד. דער מחבר, וועלכער איז געווען פון די מגורשי ספרד און האט מיטגעמאכט אויף זיינע אייגענע פלייצעס די ביטערע צרות, האט געשפירט פאר וויכטיג (אזוי ווי אסאך גדולים בשעתו) ארויסצוגעבן א חיבור פאר כלל ישראל ווי ער איז דן על מה ולמה באה הצרה הזאת בכדי לעורר צו זיין לבות ישראל נישט איבערצושפילן דעם טעות, ווי אויך מחזק צו זיין לבות הנשברים זיך צו האלטן מיט די אמונה פשוטה ותמימה. בעיקר איז ער געצילט איבערצואווייזן אז די צרות זענען געקומען צוליב די מתפלסים, און פאדערט אויף כלל ישראל זיך צו האלטן בלויז מיט אמונה תמימה.

דער הייליגער בני יששכר האט פערפאסט א חיבור אויפן 'אור החיים' אונטערן נאמען 'מעין גנים'.

דער 'אור החיים' לר' יוסף יעבץ, אויף היברו בוקס

דער 'מעין גנים', אויף היברו בוקס
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

יישר-כח ר' זארעך, איך האב געמיינט אז מ'רעדט פון ר' יעקב עמדין דערפאר האב איך עס דערמאנט, דערווייל זעה איך אז דער אשכול דינט אלס 'ספרי היעב"ץ' בכלליות, נישט דוקא פונעם עמדין.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

מיללער, לא הבנתי...

איך גלייב נישט אז בשעת'ן טייפן אייער תגובה איבער דעם אור החיים פון בני יששכר, האט איר געמיינט אז ס'רעדט זיך פונעם עמדין. אלא מאי...

טא, לא עלי תלונתך...
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

זארעך,
פארוואס גלייבט איר נישט? ווייל ס'שטייט מיר נישט גוט אזא טעות, זייט וויסן איז איך בין סאך א גרעסערער ע"ה ווי איר מיינט.....
אוועטאר
farshlufen
שר שלשים אלף
תגובות: 35251
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

הרב מיללער, ביי אונז אין ביהמ''ד רעדט מען נישט אויף קיין אידן....
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

פארשלאפן, ראיתי ונהניתי, צוריק צו די חכמי היעב"ץ
אוועטאר
farshlufen
שר שלשים אלף
תגובות: 35251
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

מיללער האט געשריבן:.

א חוץ דער 'עמדין' סידור וואס זארעך דערמאנט וועלכע איז מקובל געווען לדורות אלס א אינטעגראלע חלק פון א אידיש הויז פארמאגנדיג אין זיך א כל-בו ווי שוין געשריבען, האט ר' יעקב עמדין מחבר געווען נאך אסאך ספרים פאלגענד איז א ליסטע וואס איך האב צאמגעשטעלט דורך 'היברו-בוקס'.

שאילת יעבץ
דברי אמת ומשפט שלום
דרוש שערי עזרה
דרוש תפלת ישרים
חוקת הפסח על הגדה של פסח
מגן אבות על פרקי אבות
יציב פתגם
לוח ארש
לחם שמים
לחם נקודים
בנין בית הבחירה
מור וקציעה
מטפחת ספרים
סדר עולם רבה וזוטא עם ביאור עמדין
סידור יעב"ץ
ספר שמוש
עמודי שמים
ציצים ופרחים
שאגת אריה
שמש צדקה
תורת הקנאות
.

אין סידור עמדין דפוס אשכול, האב איך געזען צום סוף פון צווייטן באנד [איך קען נישט שרייבן חלק שני ווייל זיי האבן פארדרייט דעם סדר פונעם סידור פונעם אויסשטעל וואס דער יעב''ץ האט עס געדרוקט] א ליסטע פון זיינע ספרים און הגהות טייל געדרוקטע טייל בכתב יד און טייל זענען געדרוקט נאר טיילווייז אין קובצים וכדו', וזה סידורם ע''פ סדר א''ב:
אגרת ביקורת,
געדרוקט אין אלטונה אין שנת תצ''ו און שפעטער בשנת תקכ''ה.
בנין בית הבחירה,
געדרוקט בשנת תקכ''ח צום סוף פון ''לחם שמים'' חלק ב', און שפעטער אריינגעדרוקט געווארן אינעם רמב''ם הלכת בית הבחירה.
גדר ישוב ארץ ישראל,
געדרוקט אין מור וקציעה חלק ב' סימן ש''ו דף י''ב
דיטא,
נאך א נאמען אויפן ''לחם שמים'' חלק ב'.
הלכה פסוקה,
דיני שולחן ערוך או''ח בקיצור, בכתב יד, ער דערמאנט עס בכמה מקומות אין מור וקציעה.
הלכתא למשיחא,
בכתב יד, ווערט דערמאנט בספרו הפדות הפרקן.
הפדות והפורקן,
געדרוקט אין אלטונא בשנת תקכ''ט דאס איז די ספרים ''האמונה ובטחון'' לר' סעדי' גאון, ''אגרת תימן'' להרמב''ם, ומאמר תחית המתים להרמב''ם'' מיט די הגהות פון יעב''ץ.
השמטות התפלה,
דאס איז דער כתב יד פון הגהות הוספות ותיקונים וואס הוצאת אשכול האט אריינגעדרוקט אין סידור על מקומם.
זכרון בספר,
בכתב יד, א תשובה וואס ענטפערט אפ די וואס האבן אים קריטיקירט אויפן שרייבן אין סידור ביי הלכות משא ומתן אז מ'זאל נזהר זיין פון די וועקסלעריי ביזנעס ווייל ס'איז ווייט פון זיין אן אומנות נקי'.
חייתא דקוטרא,
א תשובה אין שאילת יעב''ץ חלק א' שאלה ל''ב אויפן דין פין יבם מומר.
חלי כתם,
מוסר, געדרוקט אין אלטונא בשנת תקל''ה
יציב פתגם,
א הספד אויף זיין טאטן דער חכ''צ, געדרוקט אין אלטונא בשנת ת''ק.
לוח ארש,
חלק א' הגהות ע''פ דקדוק אוין סדר התפלה, אויך השגות אויף רש''ז כץ'' הענא'ס [רז''ה, וועמען דער יעב''ץ האט אויפגעוויזן אז ער האט מזייף געווען אן הסכמה פונעם חכ''צ] און זיין ספר ''שערי תפלה'' [געפינט זיך אין אוצר, ס'איז כדאי צו באמערקן אז דער יעב''ץ שרייבט אין די פתיחה צום סדור אז דער רז''ה איז גערעכט מיט טייל פון זיינע באהויפטונגען און הנחות, לויט דעם פארשטייט מען פארוואס אין כמה מקומות אין די פוסקים נעמט מען אן אזוי ווי אים]. חלק ב' השגות אויפן רז''ה'ס דקדוק לשון אין מסכת אבות. געדרוקט תקי''א - תקכ''ט.
לחם לשובע,
אויפן שיעור ברכת האכילה, סימן ר''י פון מור וקציעה.
לחם נקודים,
א ביאור על נקוד ע''פ דקדוק, געדרוקט אין ''עץ אבות'' שנת תקי''א.
לחם שמים,
חלק א' על זרעים מועד, געדרוקט אין וואנזיבעק שנת תצ''ג. חלק ב' אויף נשים נזיקין קדשים און טהרות, געדרוקט אין אלטונא בשנת תקכ''ח.
לקט אורות,
נאר נאך א נאמען אויפן ציצים ופרחים.
מאמר מילוי שמות,
חשבונות פון מילוי שמות אויף פארשידענע אופנים, ארויסגענומען פונעם ''ציצים ופרחים'' און אריינגעדרוקט אינעם אשכול סידור.
מגדל עוז,
חלק ג' פון סידור געדרוקט בשנת תק''ח.
מגילת ספר,
תולדות וזכרונות, נישט 100% קראנט ווי טייל חברים האבן שוין אויבן ערווענט, געדרוקט אין ווארשא תרנ''ז, און מיט הוספות ושינויים אין ירושלים בשנת תשל''ט.
מגילת תענית עם הגהות, געדרוקט אין האמבורג בשנת תקי''ז.
מור וקציעה,
אויף טוש''ע או''ח, חלק א' געדרוקט אין אלטונא בשנת תקכ''א, חלק ב' אלטונא תקכ''ח.
מזיגת כוס יפה,
מור וקציעה סי' ק''צ.
מטפחת ספרים,
חלק א' א ביקורת אויף געוויסע שטיקלעך אין זוהר הקודש, חלק ב' השגות אויפן ספר ''אמונת חכמים'', געדרוקט אין אלטונה שנת תקכ''ח.
מכתב אלקים.
מכתב לחיזקי-הו.
מנורת זהב,
א מאמר אויף חנוכה, געדרוקט אין מור וקציעה.
משנה לחם,
מהדורה ב' פון לחם שמים אויף זרעים מועד.
נר תמיד,
א ביאור אויף די משנה פון הטבת הנירות, אין לחם שמים מסכת תמיד.
סדר עולם רבא וזוטא מיט הגהות היעב''ץ,
געדרוקט אין האמבורג שנת תקי''ז.
עזר אור,
הגהות אויפן ספר התשבי פון ר' אליהו בחור המדקדק, אריינגעדרוקט אין תשל''ו אין די נייע מהדורה פון תשבי.
סיג לתורה,
אויפן דין פון נותן טעם לפגם,מור וקציעה חלק ב' בהקדמה.
עמודי שמים, שערי שמים, ברכת שמים, די דריי חלקים פון סידור. געדרוקט תק''ד, תק''ז, און תק''ח.
עץ אבות, מס' אבות מיטן לחם שמים, געדרוקט אין אמסטערדאם שנת תקי''א.
עשרה הלחם,
צו פארענטפערן קושיות אויפן לחם שמים, געדרוקט אין שאילת יעב''ץ חלק א'.
פסח גדול,
דרוש לשבת הגדול אויף די ברייתא פון הלכה זו נעלמה לבני בתירא (פסחים ס''ו ע''ב).
ציצים ופרחים,
סודות פון די אותיות ע''ד הנסתר, געדרוקט אין אלטונא שנת תקכ''ח.
צעקת דמים,
גזירות עלילות דם.
קולין של סופרים,
חידושים ביאורים און הגהות על הש''ס נזיקין ח''א, געדרוקט אין ירושלים תשמ''ז.
קיצור ציצת נובל צבי פון ר''י ששפורט, געדרוקט מיטן יעב''ץ הערות,
געדרוקט אין אלטונא תקי''ז.
שאגת ארי',
א הספד אויף זיין שוואגער ר' ארי' לייב אב''ד אמסטערדאם, געדרוקט אין אמסטערדאם תקט''ו.
שלל של ביצים,
אויף די תוס' ביצהשנולדה, געדרוקט אין מור וקציעה איו די הקדמה.
שמש צדקה,
א דרוש לחתונתו, געדרוקט אין אלטונא שנת תק''ד.
שערי עזרה,
דרוש לשבת הגדול, געדרוקט אין אלטונא שנת תקל''ו.
תיקוני לחם נקודים,
געדרוקט אין לוח ארש.

ספרים וואס ער דערמאנט און מ'ווייסט נישט וואס דאס איז, הגהות געדרוקטע, הגהות נישט געדרוקטע אי''ה ביי א קומענדיגע געלעגנהייט.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
scy4851
שר ששת אלפים
תגובות: 6805
זיך איינגעשריבן אום: דינסטאג יאנואר 29, 2008 11:57 am
לאקאציע: אפשר קען איינער מיר זאגען וויא!

  • ציטיר
  • צו לייגן א דאנק דארפט איר זיין אריינגעלאגט

תגובה דורך scy4851 »

און 'ספרים וסופרים' אונעם אשכול "ר' יודל ראזענבערג" ברענגט איינער עפעס א בריף פון ר' יודל וואס ער האט געדרוקט און זיין "ספר הזהר על התורה"
בענין א ספר פון א תלמוד פונעם יעב"ץ בשם צור דבש.
און דעם צור דבש, הייסט עס, אז עס איז דא עטליכע תשובות פונעם יעב"ץ און א בריף פונעם יעב"ץ וויא ער פארענטפערט זיך פארוואס ער האט מטיל געווען א ספק איבערען זהר און ווער עס האט אוהם מחבר געווען.
יענער מגיב שרייבט אז דער גאנצער צור דבש איז פרי בטנו פון ר' יודל ראזענבערג.


http://www.bhol.co.il/forum/topic.asp?t ... age=2#R_15
the SCY is the limit
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

ר' שמחה. אדאנק! געקויפט פון אייך א ידיעה'לע, המכתב והכחשתו בבת אחת, שטרם שמעתי. אריין אין מיין ידיעות זעקעלע אריין!...

ר' פארשלאפן, אדאנק אייך פאר אייער ארבעט. זייער באלערנד און שיין.
שרייב תגובה

צוריק צו “ספרים ומחברים”