פראבלעם מיטן לעפטאפ בעטערי/ווייער

[קרעמער]

א ידיד רופט מיר אן מיט א בהלה, ער האט געארבעט א שעה צייט אויף זיין אומאיינגעשטעקע לעפטאפ, און זינט דאן וויל זיך דאס נישט אנצינדן. ער ווייסט נישט אויב דאס איז א פראבלעם מיטן בעטערי אדער מיטן ווייער וואס ריטשארדזשט עס נישט.

ער בעט מיר אנצופרעגן דא עטליכע נקודות: 1) איז דא א וועג געוואויר צו ווערן אויב דאס איז א בעטערי אדער ווייער פראבלעם? 2) איז דא ערגעץ אין די מאונטענס וואו מען קען שאפן א בעטערי פאר א HP PAVILLION לעפטאפ קאמפיוטער? 3) לוינט זיך צו קויפן א לעפטאפ בעטערי אויף EBAY?

העלפט א איד אין נויט. יישר כחכם.

[מאשקע]

1) בארגן פון איינעם א בעטערי אדער ווייער.

2) מסתמא נישט, אבער מ'קען באשטעלן פון מאנטאג אויף דינסטאג (נעקסט-דעי שיפינג).

3) ניין.

[שוועמל]

מצטרף צו מאשקע מיט זיינע ריכטיגע ענטפערטס.
אגב, איך האב געקויפט לעצטענס א גענעטישע בעטערי און איך זאג דיר ס'יז גארנישט ווערד.
(בסוגריים... מאשקע האט מיך בשעתו געווארנט אבער יעצט זעה איך ער איז גערעכט)

ווען איך האב געהאט אן ענליכע פראבלעם האב איך גערופן די קאמפאני און זיי האבן מיר געהייסן טון דאס פאלגענדע וואס האט גלייך געארבעט ב"ה:

פלאג אויס די ווייער פון לעפטאפ>
נעם ארויס די בעטערי פון לעפטאפ>
דרוק דעם 'פאוער' באטטאן פאר בערך 30 סעקונדען, כדי ארויסצונעמען איבערגעבליבענע זשוס>
שטעק צוריק איין דעם ווייער און דרוק נאכאמל דעם 'פאוער' קנעפל, און לכאורה ברויך עס צו ארבעטן כסדרן. אויב יא, דאן שטעק צוריק אייין דעם בעטערי און לאז עס ריטשארזשן ווידעראמאל ביז עס גרייכט דעם פולן מאס.

אויב נישט, ביטע לאז וויסן.

[קרעמער]

יישר כח מאשקע און שוועמל, איך וועל אי"ה איבערגעבן אייערע ענטפערס פארן באטרעפנדן, און מעלדן די רעזולטאטן בל"נ.

[קרעמער]

מיין חבר האט פארברענגט די האלבע נאכט מיט זיין צובראכענע כלי, ארויסגענומען דעם הארד-דרייוו, פרובירט שוועמל'ס עצה פון אויסגיסן די בעטערי-זאפט, און נאך פארשידענע עצות וואס די פירמע-לייט האבן אים געזאגט אין לויף פון זייער אנדערטהאלבן שעה'יגע געשפרעך, צום סוף איז געבליבן אז דאס איז גאר א פראבלעם מיטן "מוטער-באורד" (MOTHERBOARD), און זיי האבן אים פארשפראכן צו שיקן א ליידיג שאכטל ער זאל זיי צוריקשיקן דעם כלי און זיי וועלן עס פארריכטן (נאכדעם וואס ער האט יעצט אויסגעצויגן זיין וואראנטי אויף נאך א יאר צייט פאר די פרייז פון הונדערט דאלער).