הלכות בדיקת וביעור חמץ.

[צייטליך]

איך האב נעכטן געהערט נאכברענגען א הלכה ווי עס ווערט גע'פסק'ט הלכה למעשה אז א שטוב וואס איז שוין פסח'דיג געמאכט און מ'האט נישט אריינגעטראגן אהין 3 טעג קיין חמץ ווערט דאס אנגענומען ווי א מקום שאין מכניסין בו חמץ און ס'איז פטור פון בדיקת חמץ.

און יענער נעמט עס אן למעשה. דאס הייסט אז אויב האט איר שוין אלע שטיבער פסח'דיג געמאכט ביז קומענדיגער שבת, מיינט דאס אז אור לארבעה עשר גייט שוין זיין 3 טאג וואס מ'האט נישט אריינגעטראגן אהין קיין חמץ און איר וועט זיין גענצליך פטור פון בדיקת חמץ דארט.


בכלל - זאגט מיר א דיין - אויב נעמט דיר מער ווי א האלבע שעה דאס בודק חמץ זיין גייסטו שוין נישט לויט די הלכה. עס ברויך נישט נעמען לענגער.

קיין שום אפענער פלאץ דארף מען נישט בודק זיין, אויב עפעס איז עס נאר בחורין ובסדקים, דאס הייסט בי די ווינקלן און אינטער די מאלדינגס, וכדו'.

[מאיר]

נאך א אינטערסאנטע הלכה, אין א חצר ווי עס דרייען זיך תרנגולים איז מען אויך פטור בודק חמץ צו זיין, ווייל די טשיקעלעך (כפרה'לעך) עסן אלעס אויף.

[מאיר]

ולפי"ז איז אפשר כדאי צו האלטן א לעבעדיגע טשיקן אין שטוב אין די פאר פסח טעג, אזוי וועט מען נישט דארפן פסח'דיג מאכן
ואולי לזכר זה נעמט מען ביי בדיקת חמץ א פעדער פון א האן.

[כולל יונגערמאן]

לכאורה פסק'נט מען נישט אזוי ווייל ווען וואלטן מיר נישט געקענט מאכן די ברכה על ביעור חמץ,
ווי אויך איז דא א הלכה אז מען טאר זיך נישט מפקיע פון מצות בדיקה

[צייטליך]

על ביעור מאכט איר אויף די 10 ברעקלעך וואס מען האט אויסגעלייגט.

[אונגארישער]

צייטליך נישט ריכטיג ווייל איינער למשל וואס פארקויפט זיין הייזקע אין חמץ קען נישט לייגן צען ברעקלעך אין בודק חמץ זיין אין אנדערע ווערטער אויב איז מען נישט מחויב בביעור חמץ קען מען נישט מאכען קיין ברכה

כנלע"ד

[צייטליך]

אקעי, אבער ערגעץ ווי אין דיין הויז איז געווען חמץ אין די לעצטע דריי טאג? אויב יא, דאן ביסטו מחוייב בודק צו זיין אין יענער חדר ווי ס'איז געווען די חמץ.

[ליפשיץ]

צייטליך, דער חכמת שלמה אורח חיים סוף סי' תל"ג ברענגט דאס להלכה און די סברה איז מכח חזקה. עיי"ש.

וועגן די צען ברעקלעך אז דאס זאל זיין מחמת די ברכה אויס. דער רמ"א אליין זאגט דאס, אבער ער פירט אליין אויס אז די ברכה איז מען סייווי מחוייב צו מאכן עיי"ש. נאך מער, עס זענען געווען מקומות וואס מ'האט געלייגט די צען ברעקלעך צוזאמען אויסגעלייגט אויפן טיש בגלוי. (און די סיבה איז ווייל די גאנצע צען ברעקלעך איז לכאורה אן ענין עפ"י קבלה, מהאר"י ז"ל).

[צייטליך]

דער ביאר היטב שרייבט אז דאס איז עפ"י קבלה פון אר"י הק'.

למעשה קומט אויס אז עפ"י הלכה ברויכן מיר האבן גאר א גרינג פעלד ביים בודק חמץ זייין.

[וויכטיג מאכער]

צייטליך, דער חכמת שלמה אורח חיים סוף סי' תל"ג ברענגט דאס להלכה און די סברה איז מכח חזקה. עיי"ש.

וועגן די צען ברעקלעך אז דאס זאל זיין מחמת די ברכה אויס. דער רמ"א אליין זאגט דאס, אבער ער פירט אליין אויס אז די ברכה איז מען סייווי מחוייב צו מאכן עיי"ש. נאך מער, עס זענען געווען מקומות וואס מ'האט געלייגט די צען ברעקלעך צוזאמען אויסגעלייגט אויפן טיש בגלוי. (און די סיבה איז ווייל די גאנצע צען ברעקלעך איז לכאורה אן ענין עפ"י קבלה, מהאר"י ז"ל).

[קרעמער]

פארשידענע מנהגים זענען דא בנוגע בדיקת חמץ, קען זיין אלס חומרא און נישט הלכה דוקא. אבער איך ווייס פון מינימום 2 אידן וואס בדיקת חמץ דויערט ביי זיי א שיינע פאר שטונדען, און זיי נוצן אויס דערביי עטליכע וואקס ליכט. איינער פון זיי האט זיך גע'טענה'ט אמאל מיט איינעם און איך האב צוגעהערט, האט ער געזאגט אז מען דארף בודק חמץ זיין יעדע טעשל פון יעדע מלבוש!

[farshlufen]

דער וואס איז בודק א יעדער מלבוש, דארף אויך בודק צו זיין יעדעס בלעטל אין זיינע ספרים.

[ליפשיץ]

דער וואס איז בודק א יעדער מלבוש, דארף אויך בודק צו זיין יעדעס בלעטל אין זיינע ספרים.

לאו דוקא, ווייל די טאשן פון א מלבוש ווערט דערמאנט בפירוש אין שו"ע סוסי' תל"ג.

[זיס]

איך האב געהערט פון א מורה-הוראה, אז עס איז אוממעגליך פסח'דיג צו מאכן ספרים, די ברעקלעך גייען נישט ארויס, מען קען עס אויספראבירן און טראץ אלע פאטענטן וועט איבערבלייבן ברעקלעך. די בעסטע עצה איז עס אפצוהיטן א גאנץ יאר פון חמץ.

דער חזון איש פלעגט בודק חמץ זיין א גאנצע נאכט, איבערגייענדיג אלע קעשענעס און יעדן וואונקל פון זיין (קליינעם) שטוב. בנוגע ספרים, האט ער מסתמא נישט געדארפט ווייל ער האט פארקויפט זיינע ספרים אין חמץ און אויף פסח האט ער פארמאגט באזונדערע.

אי משום הא איז מיר א פלא וואס צייטליך שרייבט בשם א מורה-הוראה אז עס ברויך נישט נעמען מער פון א האלבע שעה.

[קרעמער]

זיס;

איך האב געליינט לעצטנס אז דער חזון איש האט יא פסח'דיג געמאכט געווען זיינע ספרים, און טאקע יעדן בלעטל באזונדער (קען זיין ער האט זיי אויסערדעם פארקויפט אין חמץ, אבער צוערשט האט ער זיי אויסגערייניגט).

[זיס]

קאן זיין... איך האב טאקע געשריבן "מסתמא" ווייל קיין ידיעה ברירה ווייס איך נישט (אז ער האט זיי נישט בודק חמץ געווען), דאס האב איך יא מקבל געווען אז ער האט זיי פארקויפט, אבער אז דו פרעגט שוין איבער, ווייס איך שוין נישט...

[יאנאש]

עס איז נישט קיין סתירה, עס קען זיין אז ער האט דאס פסח'דיג געמאכט, אבער היות היות ער האט דאס פארקויפט האט ער עס נישט בודק געווען אור ליום.

[גד]

קרעמער
געהערט פון א כלי ראשון, דער חזון איז האט בודק געווען אפאר ספרים יעדעס בלעטל ממש, און נאר דאס גענוצט פאר פסח.
יענער האט מיר צוגעלייגט מיט וואונדער, אז צווישן די ספרים איז געווען אן "עץ חיים"

[מיללער]

גד,
ברוך שובך.

[זיס]

גד,
ברוך שובך.

מיללער, ??????

[איך_הער]

ס'איז אזא קרעטשמערישע שלום עליכם.

[שאינו יודע]

עס ווערט געזוכט א יושב אין קרעטשמע וואס זאל פארלערנען די אויבענדערמאנטע


עטליכע שאלות וואס איך האב יעדעס יאר

1) איך קען נישט ניצן מיין הייס וואסער פסח ווייל איך וואוין אין איין בנין מיט גוים, דעריבער פארשליס איך די הייסע וואסער, אונטערן סינק איז פארקויפט פארן פריץ, איז נאך אלס דא די גזירה פון צונן אטו חמין? און בפרט אז איך דעק נאך צו די סינק מיט זילבער פעיפער און די פסח סינק?
2)פארוואס כשר'ט מען נישט די געז רענטש און פטור א עסק?
3)פארוואס דארף איך נישט אויספאקן אלע לעדלעך בדיקת חמץ ביינאכט און אלעס בודק זיין?
4) וואס גייט אריין אין גדר אז מען פארקויפט נישט קיין חמץ? עני זאך וואס האט MALT אדער WHEAT GERM קען מען שוין נישט פארקויפן ווייל עס הייסט חמץ בעין, און דאס הייסט אז איך מיז דורכקוקן יעדע זאך פארן פארקויפן, אדער נאר חמץ ממש?

המשך יבא

[קרעמער]

2) כשר'ן דעם געז רענטש? מיינסט גליען
3) דו האלטסט חמץ אין די לעדלעך? די שענקלעך וואס זענען א מקום שמכניסין בו חמץ, דארף מען טאקע אויפמאכן און בודק זיין [אויסער אויב מען פארקויפט עס פארן ערל].

[שאינו יודע]

אז עס איז ברוך השם דא קינדער אין שטוב איז דאך עס מחיוב בבדיקה

[שאינו יודע]

איך מיין דוקא כשר'ן
איך רעד פון די גאנצע TOP נישט נאר די ברענערס, די ברענערס קען מען קויפן נייע אויף פסח

און וואס טיצעך מיט די שטיקל אינמיטן פון וואס די פייער קומט ארויס