אלד וויליאמסבורג האט געשריבן:איך פארשטיי נישט קלאר
מען האט אנדעקט אדער געראטעוועט?
פונעם קעפל זעהט עפעס אויס ווי מען האט געטראפן עפעס ניי, וואס מען האט נישט געוויסט עס עקזיסטירט,
ווידער אינעווענדיג זעה איך אז מען רעדט פון דימאלישען דעם אדמו"ר שליט"א'ס הויז, און ס'איז נישט מסתבר אז מהר"א האט נישט געוויסט ווי זיינע הורמנא'ס ליגן, (אזוי ווי איך זאל נישט וויסן ווי מיין לייסענס ליגט) כתבי ידות קען איך נאך פארשטיין, אז דאס איז זאכן געשריבן אלץ בחור, אבער אויך בדוחק אויב עס האט הסכמות פון אזעלכע ריזן ווי דער מנחת יצחק ז"ל און ר' משה ארי' ז"ל,
איך מיין אז דער קעפל וואלט געפאסט געראטעוועט, חוץ אויב איך האב נישט גיט פארשטאנען.
האסט א גוטע קשיא וואס יעדער פרעגט, אבער א תירוץ קען קיינער נישט ענטפערן.
די הורמנא פון שאפראנער רב איז געווען א באקאנטע זאך, רא"מ פאלקאוויטש האט דאס דערמאנט ביי א דינער חוהמ"פ תש"ס.
די הסכמה פון בעל שבט לוי האט מען אויך געוואוסט שוין די לעצטע 8 9 יאר, ווען הרב וואזנער האט עס געזאגט פאר איינעם אין בני ברק ווען ער האט גערעדדט צו אים איבערן אדמו"ר שליט"א, האט ער געזאגט אז ער האט שוין געזען זיינע חידושים פאר 40 יאר צוריק.
מהר"א כשלעצמו האט קיינמאל נישט גערעדט דערפון, איך ווייס פון עטליכע וואס האבן פרובירט צו רעדן דערוועגן צו אים, אבער ער האט זיך אלס ארויסגעדרייט פון געבן א געהעריגע תשובה.
ס'איז מסתבר אז די הורמנא מיט די הסכמה זענען נישט קיין געפינסן, ווייל ווי איך הער ווען אדמו"ר שליט"א האט געעפנט די בריוון זעענדיג וואס דאס איז האט ער עס תיכף צוגעמאכט און געלייגט אין א זייט, אבער ווי געזאגט איז דאס נאר סברת עצמי.
ווידער די חידושים האט ער זיך יא אראפגעזעצט דורכקוקן אויבנאויף.
דאס איז אבער א זיכערער מציאות, אז די אלע זאכן זענען געווען פארווארפן צווישן באנק סטעיטמענטס און אלטע מכירת חמץ צעטלעך, ממילא איז דאס "אנטדעקט געווארן"
ולעומת זה אויך "געראטעוועט געווארן" ווייל דאס איז שוין געלעגן גרייט צו גיין אין גארביטש טראק
והבוחר יבחר
