קומט אריין שטימען: דעי-קעמפ אין שטאט פאר עלטערע קינדער?

[פאראויס]

פאר דרייסיג יאר צוריק זענען קינדער פון כתה ב' געגאנגען אין קעמפ. די דורות ווערן שוואכער (און די קעמפס ווערן טייערער) און אסאך קינדער איז פאר זיי קעמפ נישט קיין טובה.

פאריאר צוליב קאראנ''ע איז געווען צוגעשטעלט חדר אין שטאט פאר די עלטערע כיתות און ס'איז געווען א מחי'.
איך רעד ספעציפיש פון סאטמאר וומ''ס מהרי''י איז געווען זייער שיין צוגעשטעלט.

גייט די יאר אויך זיין אזוי? איך האף און אפעליר מיט א הארציגע בקשה אז יא.‎
קומט אריין שטימען: דעי-קעמפ אין שטאט פאר עלטערע קינדער?

[פאראויס]

שרייבט א קורצע תגובה פארוואס יא אדער פארוואס נישט.

[sheetrock]

שרייבט א קורצע תגובה פארוואס יא אדער פארוואס נישט.

כ'וויל נישט שרייבן ווייל דעס איז א נושא וואס ווער ס'זאל נאר וואס שרייבן גייט כאפן. עיין אין די נושא פון די פריערדיגע יארן

[פאראויס]

האסט א לינק צו די פריערדיגע יארן?




אגב, האסט מורא פון כאפן? מ'קען גאנץ ביליג ריפלעיסן א שטיקל שיטרא''ק אויב ס'כאפט א זעץ.

[sheetrock]

האסט א לינק צו די פריערדיגע יארן?




אגב, האסט מורא פון כאפן? מ'קען גאנץ ביליג ריפלעיסן א שטיקל שיטרא''ק אויב ס'כאפט א זעץ.

ווער וועט עס צאלן?

[sheetrock]

https://www.google.com/url?sa=t&source= ... 9VXYf1M7a0

[sheetrock]

https://www.google.com/url?sa=t&source=web&rct=j&url=http://www.ivelt.com/forum/viewtopic.php%3Ft%3D42862&ved=2ahUKEwjIypqk0vbvAhXFFFkFHZoUAGoQFjAAegQIBBAC&usg=AOvVaw2gh7YlXArDhJ9VXYf1M7a0

ס'איז דא נאך. מ'ברויך עס נאר אויפזיכן

[בעריש'ל]

אוודאי יא! די קעמפ קאסטן זענען ארויס פון די גלייזן! א משפחה פון 7 קעמפ גייערס דארף ארויסנעמען א מארדגעיזש לכבוד דעם זומער...

פראבלעם איז נאר אז עס איז דא צופיל מיליאנען און אפשר גאר ביליאנען אינוועסטעט אין די קעטסקילס, איז בדרך הטבע העלן די מוסדות נישט ארויס בעקן פון דארט.

[פאראויס]

די סעלעקטיווע באניץ פונעם נאמען פון די גדולי ישראל זצ"ל גייט מיר אויף די נערוון
למשל, די קעמפס דאס האבן דאך די פריערדיגע גדולי ישראל מייסד געווען וואו קענסטו טראכטן איבער די הכרח דערפון
אבער, די פרייזן און די מהלך וואס זיי האבן אראפגעשטעלט און מייסד געווען, דארפסט פארשטיין, דאס קען מען מער נישט היינט!
קאמאן, דו קענסט נישט פיקן און טשוזן,

[מיכל]

1. עלטערן האבן די רעכט צו האדעווען די קינדער אונטער זייער אויפזיכט, און קינדער האבן די רעכט צו זיין אונטער די מאמע'ס פארטוך.
צו זאגן פאר עלטערן אז דו 'מוזט' יערליך אוועקשיקן דיין קינד פון דערהיים פאר צוויי חדשים איז יסודות'דיג אומריכטיג.

2. פיל קינדער (אין אלע יארגענג) זענען באמת נישט געאייגנט פאר קעמפ (מכמה סיבות ואכמ"ל).

3. אויב די קעמפס קענען זיך נישט אונטערנעמען צו מאכן די קינדער צופרידן, זאלן זיי ביטע לאזן די קינדער בלייבן אינדערהיים.
מיט וואספארא רעכט נעמסטו מיין קינד + צוויי אלפים, און איך דארף דערנאך ספענדען שעות ארוכות אויפ'ן טעלעפאן אים אויסרעדן און איינרעדן וועגן זיין באנק/ מאטראץ/ שלאף רבי וכו' וכו'? - איך האב נישט קיין טענות אז דו קענסט נישט, נאר געב מיר אפ דאס קינד און איך וועל שוין קעיר נעמען פון אים אינדערהיים.

4. מהיכן דנתנו? עס איז א מעשה פון שווערע אלפים פאר א קינדער געבענטשטע משפחה, + ארבעט (איינצורישן), + ארויספארן וויזיטן, מהיכי תיתי ארויפצולייגן אזא עול אויפ'ן ציבור? לכה"פ געב די מעגליכקייט זיך צו באפרייען דערפון.

עס איז דא אידן וועלכע וואלטן געקענט חתונה מאכן די קינדער מיט אייגן געלט ווען נישט די קעמפס.

[מיכל]

עס איז א טעות אז גדולי ישראל האבן 'איינגעפירט' קעמפס. דער חתם סופר האט נישט גענומען די פרעשבורגע'ר ישיבה צו די דערנעבנדיגע פישטיאן אין די זומער וואכן, און אויך דער רבי ר' יונתן אייבשיץ האט נישט פלאצירט זיין ישיבה אין קארלסבאד פון יולי 4 ביז לעיבאר דעי וויקענד.

דער 'מנהג' פון קעמפס האבן איינגעפירט די אמעריקאנער גוים.

גדולי ישראל האבן נאר איינגעפירט אז בשעת מען איז אין קעמפ זאלן די לימודים אנגיין געהעריג ווי א גאנץ יאר, און נישט ווי דער מנהג פון די דאמאלטסדיגע (און פיל היינטיגע) אמעריקאנער ישיבות אז דער לערן יאר ענדיגט זיך פאר'ן זומער, און צוויי חדשים גייט אוועק פאר פארוויילונגען.

הקיצור, קיין שום גדול בישראל האט נישט געהאט קיין פראבלעם אז א חדר בלייבט אין שטאט און פונקציאנירט געהעריג במשך די זומער וואכן, ואין להאריך בדברים פשוטים ומובנים מאליהם.

[eller]

100 פראצענט עס זאל זיין!!
נישט יעדע טאטע האט עקסטערע 3 טויזענט פאר אלע קינדער וואס דארפן גיין אין קעמפ.. (און ס'איז דא גענוג און נאך קינדער וואס צוליב סיבות איז בעסער פאר זיי צו בלייבן אין שטאט..)

[קהל עדתינו]

אן אריינגיין אין די נושא פון יא אדער נישט קעמפס איז אמאל זיכער אז כתה ו' און ז' זאל לכל הפחות זיין א "מעגליכקייט" פון האלטן אין שטאט זוממער

[וואס עפעס?]

די עולם האט זייער קלאר געשטימט פאריאר !
גארנישט האט זיך נישט געטוישט

http://www.ivelt.com/forum/viewtopic.ph ... פ#p2176360

דא האט מען שוין אוך געהאט א לענגערע שמועס דערוועגן
viewtopic.php?f=3&t=38858&p=1852249&hilit=קעמפ#p1852249

[קהל עדתינו]

די עולם האט זייער קלאר געשטימט פאריאר !
גארנישט האט זיך נישט געטוישט

http://www.ivelt.com/forum/viewtopic.ph ... פ#p2176360

דא האט מען שוין אוך געהאט א לענגערע שמועס דערוועגן
viewtopic.php?f=3&t=38858&p=1852249&hilit=קעמפ#p1852249

אן אנדערע נושא קאמפלעט

דארט איז די שאלה איבער מבטל זיין קעמפ
דא רעדט מען בלויז צו די מוסדות (וואס אגב באקומען געהעריג שכר לימוד אפגעזעהן צו דאס קינד גייט אין מוסד אדער נישט..) זאלן צושטעלן פאר זייערע קליענטן די "אפציע" פון קענען דא האלטן זייערע קינדער.

[וואס עפעס?]

די עולם האט זייער קלאר געשטימט פאריאר !
גארנישט האט זיך נישט געטוישט

viewtopic.php?f=104&t=42405&p=2176360&hilit=קעמפ#p2176360

דא האט מען שוין אוך געהאט א לענגערע שמועס דערוועגן
https://www.ivelt.com/forum/viewtopic.p ... פ#p1852249

אן אנדערע נושא קאמפלעט

דארט איז די שאלה איבער מבטל זיין קעמפ
דא רעדט מען בלויז צו די מוסדות (וואס אגב באקומען געהעריג שכר לימוד אפגעזעהן צו דאס קינד גייט אין מוסד אדער נישט..) זאלן צושטעלן פאר זייערע קליענטן די "אפציע" פון קענען דא האלטן זייערע קינדער.

קוק די צווייטע לינק דאס איז געווען די שמועס דארט
ועוד ווען מען רעדט פון בטל מאכן קעמפ מיינט מען צושטעלן אנשטאט דעם דעי קעמפ
קיינער רעדט נישט פון מאכן בין הזמנים 8 וואכן

[יש לו מנה]

איך האב מיטגעהאלטן אין א געוויסע גרויסע דעי קעמפ אין וומס’’ב פאריאר, די קינדער זענען געווען אויסטערליש צופרידן פון די פראגראמען און אקטיוויטעטן, אויף אזוי ווייט אז קינדער האבן מיר געזאגט אז זיי זענען גרייט אויפצוגעבן קעמפ אויב שטעלט מען צו ווי עס ברויך צו זיין.

[טראוועי]

א קינד אין קעמפ לערנט זיך אויס צו האבן א שטיקל אחריות, ווי למשל ער דארף האלטן די קאפ אויפן זייגער, שמוץ וועש, וכדומה. ממילא האלט איך אז עס איז א גוטע זאך.
צו באצאלן 2ק פאר דעם ? סאיז צופיל געלט.

[כאניש וואס צו טון]

מיין מיינונג איבער קעמפ האב איך שוין כמה פעמים געשריבן דא.

אין קורצן:
צווינגען די עלטערן צו שיקן אין קעמפ איז 1 עוולה (צווינגען מיינט - כמובן - אפשפארן דעם מוסד אין שטאט), די הימלשרייענדע פרייז איז בלויז איינע פון די עוולות.
צווינגען די קינדער און בחורים צו אוועקפארן פונדערהיים איז נאך א עוולה.

בנוסף, נאכן באגיין דעם עוולה קומט דער אומאקצעפטירבארער עוולה צו רעסטריקטן די קינדער פון די עלטערן און די עלטערן פון די קינדער.
1. דורך צוריקהאלטן פון אהיימנעמען דאס קינד אויף א שבת אדער א שמחה אדער סיי וועלכע סיבה דער טאטע האלט פאר ריכטיג אהיים צו נעמען ס'קינד.
2. דורך די געענגטע צייטן צו באזוכן דעם קינד.

ווען קעמפ זאל ווען זיין אפשענאל, קען מען ווען אביסל פארשטיין די שטרענגע איינגעשפאראכץ, נעמליך ווער ס'וועהלט אויס די אפציע צו גיין / שיקן זיין קינד אין קעמפ, דארף נעמען אין באטראכט אויף וואס ער גייט איין.
אבער אז דער קעמפ געגייעכץ איז א מוז, דאן מיט וואספארא היתר פארוואנדלסטו מיין קינד אין א ארעסטאנט?

שארף געשריבן? דאס איז ליידער דער ווייטאגליכער פאקט.

[כאניש וואס צו טון]

א קינד אין קעמפ לערנט זיך אויס צו האבן א שטיקל אחריות, ווי למשל ער דארף האלטן די קאפ אויפן זייגער, שמוץ וועש, וכדומה. ממילא האלט איך אז עס איז א גוטע זאך.

פאר געוויסע קינדער...
און פאר געוויסע איז עס גאר דאס פארקערטע... ודי

צו באצאלן 2ק פאר דעם ? סאיז צופיל געלט.

סיי ס'איז צופיל געלט, און כש"כ ווען ס'קומט בכפי'!

[נאך איינער]

אינטערעסאנט צי זען ווי שטארק איבערוועגנדיג די דעת הקהל איז אויף איין זייט,

דאס פרעגט א שטארקע קשיא אויף די הנהלת המוסדות, וואס זענען באמת נאר שליחים פין די עלטערן,

[גאלדענע פעדער]

אוודאי יא! די קעמפ קאסטן זענען ארויס פון די גלייזן! א משפחה פון 7 קעמפ גייערס דארף ארויסנעמען א מארדגעיזש לכבוד דעם זומער...

פראבלעם איז נאר אז עס איז דא צופיל מיליאנען און אפשר גאר ביליאנען אינוועסטעט אין די קעטסקילס, איז בדרך הטבע העלן די מוסדות נישט ארויס בעקן פון דארט.

רט!

נאך די צוויי שווערסטע הוצאות פאר א אידישע שטוב פון א down payment פאר א דירה און חתונה מאכן די קינדער וואלט איך די קעמפ הוצאות געשטעלט אלטס די דריטע שווערסטע גזירה משמים.

און די גוטע נייעס איז אז צוויי פון די גזירות קען זיך א מענשט פראבערן בעסער מאכן (טוהן השתדלות) וועגן די דירות קריזיס קויפן פאר ביליג אין איינע פון די נייע געגענטער, אין איינוועגס זיך פטור'ן פון די קעמפ גזירה ווייל דאכצאך אלע נייע געגענטער אדער רוב מאכן נאך די מאנסי/ק''י סיסטעם פון קנאו קעמפ

[גאלדענע פעדער]

אינטערעסאנט צי זען ווי שטארק איבערוועגנדיג די דעת הקהל איז אויף איין זייט,

דאס פרעגט א שטארקע קשיא אויף די הנהלת המוסדות, וואס זענען באמת נאר שליחים פין די עלטערן,

די רבנים, מנהיגים, און מנהלים פארשטייען נישט גענוג צי דעם קעמפ קריזיס ווען מענשטן פאלן פשוט ציזאם פיינאנציעל וועגן די קעמפ הוצאות. אן אריין גיין אין די טעם פארוואס זיי פארשטייען עס נישט איז דאס די מציאות. רבי אליעזר קרויס האט שוין עטליכע מאל אפעלירט אויף קול מבשר צום עולם אז א יעדער יחיד זאל רעדן צי זיינע מנהגים און מנהלי המוסדות זיי צי זאגן ווי שווער ס'איז פאר איהם די הוצאות דאס קען מעגליך העלפן.

[ישרן]

מנהלים וויסן זאלט עטס אז עס איז שוין דא לכה"פ איין מוסד אין ברוקלין אן א קעמפ!!!!!!!
און נישט סתם עפעס א מוסד'ל, נאר א פון די גרעסטע מוסדות אין בארא פארק!!!
תלמוד תורה ראחמסטריווקא!!!!
אפלאדירטס אלע הויעך!!!!!
און אלע קינדער וואקסן אויף ב"ה געזונט און שטארק אן די לעבנסוויכטיגע קעמפ טעראפי!!!!

[מיכל]

בנוסף לזה איז קעמפ בכלל נישט קיין טובה ברוחניות פאר די קינדער.
רוב (אכציג פראצענט) פראבלעמען געשען (אדער הויבן זיך אן) אין קעמפ. פרעגט אייך נאך פריוואט.