אויף וואס תשובה צו טון בימי השובבי"ם

געשמאקע ארטיקלן און בילדער וכדו'

די אחראים: אחראי, געלעגער

אוועטאר
שטומפיג
שר שלשת אלפים
תגובות: 3735
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

אויף וואס תשובה צו טון בימי השובבי"ם

תגובהדורך שטומפיג » מיטוואך ינואר 20, 2021 12:26 pm

פון פיציווייז אן זיץ איך שוין מיט מיין טאטע ביי די שובבי"ם שלש סעודות תורה'ס וואו די רבי (שליט"א לייוו אדער ז"ל פונעם אמפליפייער, נישט קיין נפקא מינא) רייסט איין עולמות אז מ'זאל תשובה טוהן אויף די "חטא הידוע". ס'איז געווען א דבר פשוט ביי מיך אז מ'רעדט פון גאר א הארבע חטא, אבער פונקטליך וואס דאס איז, לא נודעתי.
ס'איז מיך אפילו נישט איינגעפאלן זיך צו וואונדערן, ווייל איך הער שוין פון דעם רעדן פון ווען איך בין נאך געווען א שאינו יודע לשאול, און ביי דעם איז עס געבליבן.
גראדע איין מאל ווען איך בין אביסל עלטער געווארן האב איך יא געפרעגט מיין טאטע אויפן וועג אהיים פון די "טעיפס" (גיי ווייס פארוואס א USB רופט מען טעיפס), אבער ער האט גאנץ געשיקט פארדרייעט די שמועס אזוי אז איך האב פארשטאנען נישט איבערצופרעגן.
בלית ברירה האב איך גענאשט אינפאו פון דא און דארט און אליינס געמאכט מיין מסקנא אויף וואס איך דארף תשובה טוהן אין די שובבי"ם טעג.

***
ס'דינסטיג צופרי 12:38.
עהההה, 12:38 איז נישט ממש צופרי, אבער די געלאסנקייט מיט וואס חיים שמעון רייכערט זיין ציגערעאטל ביים בית המדרש אריינגאנג מאכט עס אויסזעהן צופרי'דיג.
איך - שטומפיג - יאג מיך ארויס פון בית מדרש מיטן טלית בייטל אונטערן ארעם (נישט ממש אמת, ווייל עכט דינג איך א לאקער אין ביהמ"ד און איך לאז דארט מיין טו"ת, איך שרייב עס נאר ווייל ס'לייגט צו color), די מאגן פאדערט שוין זיינס, און די באלעבאס פאדערט שוין אויך זיינס, און איך בין שוין שפעט פאר ביידע פאדערונגען.
ס'וואלט גאנץ גוט געווען צו קענען ארויספאלן פון בעסמעדריש גראד אין קאר אריין, אבער על לא עול בכפי האט זיך חיים שמעון אריינגערוקט אין מיין סקעדזשועל.
"שטומפי, וואו יאגסטעך אזוי? עוד היום גדול. אז מ'יאגט זיך קומט מען אן פארסאפעט און מ'דארף זיך סייווי אויפהאלטן אפאר מינוט זיך אפצורוען פון די יאגעריי"
איך קוק אים שנעל אן מיט אזא האלבע שמייכל (די בעסטע וואס איך האב דעמאלטס געקענט באווייזן) בשעת וואס מיט מיין הענט קליק איך שוין אויף די רעמאוט שליסל פון מיין קאר און מיין מח ווירבלט שוין וואסערע תירוץ איך גיי אים געבן אז איך יאג מיך אזוי אוועק, פונקט ווי איך האב געטוהן נעכטן און אייער-נעכטן.
אבער איך האב געוואוסט אז איך קען עס נישט טוהן צו אים, ער שפירט שוין לעצטנס גאנץ-גוט אז איך דריי מיך ארויס פון אים, איך טאר עס נישט טוהן נאכאמאל, איך מוז מאכן צייט.
איך דריי מיך צוריק מיט א פאסיווקייט וואס די וועלט האט נאכנישט געזעהן "חיים שמעון! גוט מארגן! אזוי הייבט מען אן א שמועס? מיט א פסק?"
ער האט אויסגעזעהן אביסל שאקד, ווי צו זאגן 'איך האב נישט ערווארטעט זאלסטעך וויסנדיג מאכן פון מיר' אבער כ'האב ווייטער געצויגן די שמועס ווי כאילו גארנישט איז געשעהן "דעי בעל תפילה האט מיך היינט אויפגעהאלטן, הע!"
חיים שמעון לאכט "בעל תפילה? דו האסט שוין געדאוונט? וואו יאגסטעך אזוי? עוד היום גדול!"
איך כאפ א בליק אויף מיין זייגער (ליין: סעלפאון) ס'איז 12:41
"חיים שמעון! עוד היום גדול? אין צוויי מינוט איז חצות! און איך בין בכלל נישט זיכער אז דו מעגסט דאווענען נאך סוף זמן תפילה אויב ביסטו נישט געווען קיין אונס"
"העי העי העי, טעים דאון! ווער מיר נישט קיין פרומער, דיין טאטע דאוונט נאך סוף זמן תפילה און דיין זיידע דאוונט נאך סוף זמן תפילה. דו ווייסט אז בריסקע רב האט געזאגט אז שולחן ערוך איז געמאכט פאר גרים? און דו ווייסט אז ר' שמערעלע סיפיקאפס'קער (שלא לתלות בוקי סריקי בקדמונים באשאף איך א צדיק מתלמידי בעל שם) האט געזאגט אמאל אז ער וועט זיך פרייען צו זיצן אין גיהנם צוזאמען מיט די אלע צדיקים וואס האבן געדאוונט נאך סוף זמן תפילה?"
איך האב מיך נישט געוואלט צוקריגן מיט אים ביים ערשטן שמועס וואס איך האב שוין ענדליך געפירט מיט אים, סאו בלית ברירה האב איך מיך נישט גע'טענה'ט אויף די דברי טבל ורעות נפוח.
"אבער" קען איך מיך נישט צוריקהאלטן "מ'האלט שוין דא א מינוט נאך חצות, יעצט קענסטו לכולי עלמא נישט דאווענען"
"וואס?" גייט ער ארויף א אקטאווע "דו ווייסט נישט פון די שיעור פון א האלבע שעה נאך חצות? דו זיי קודם מברר די הלכות און נאכדעם קום צוריק"
"אקעי, איך גיי טרייען מברר צו זיין די הלכות, אבער דו זאג מיר, דו האסט מברר געווען די הלכות?"
"ניין"
"איז וויאזוי ווייסטו די אלע מימרות און מנהגים פון צדיקים און די אלע הלכות?"
ער ווארפט אויף מיר אזא שפאטישע בליק "וואס הייסט? יעדער ווייסט עס! ס'איז ידוע!"
אהההה…. ס'איז ידוע....

***
ס'דינסטיג נאכמיטאג 5:27
איך שטיי רואיג ביים באס-סטאפ, אויפן סקעדזשועל שטייט אז איך האב נאך א זיבן-אכט מינוט ביז די אמן-באס קומט מיך נעמען.
"שטומפי, וואס טוצעך? שוין לאנג נישט געזעהן" הער איך א קול אונטער מיר.
איך דריי מיך ארום און טרעף דארט מיין ישיבה חבר קלמן. "קלמן!" פריי איך מיך באמת צו אים "שוין טאקע לאנג נישט געזעהן, קוים וואס איך האב דיך דערקענט. וואס הערט זיך אזוי? וואו האט דיך די לעבן אראפגעלייגט?"
"אראפגעלייגט? ס'האט מיך נאכנישט אראפגעלייגט ב"ה, מ'גייט ווייטער אן. נאך די 120 האף איך ער וועט מיך אראפלייגן אין די חלקת הרבנים"
"גוט… איך זעה אז דו האסט נאכנישט פארלוירן דיין פרישקייט. וואס טוסטו היינט פאר פרנסה?"
"וואס האט מיך פרנסה געטוהן אז איך זאל עפעס טוהן פאר אים?"
"האהא.. פיין פיין. ערנסט גערעדט, וואו ארבעטסטו?"
"איך האב ב"ה א דזשאב ביי משה דוד פייערמאן, איך בין ב"ה זייער צופרידן. גראדע האב איך הערשט לעצטנס אנגעהויבן ארבעטן דארט, איך האב איבערגענומען מעכי ספרינגמאן, ער איז אזוי געפלויגן פון דארט, איך בין נאך יעצט ביזי אויפצוכאפן פון די חורבנות וואס ער האט געמאכט דארט"
איך הויב מיך אן ארומרוקן אומבאקוועם, איך בין באמת נישט געוואוינט צו הערן א לשון הרע שיעור אראפגעלייגט מיט זאפט אויפן לי שטראססע. אבער קלמן זעצט פאר זיין רעדע מיט א חשק.
"איך ווייס נישט פארוואס מיין באסס האט אים אריינגענומען טו בעגין Wיט, ער איז פון אייביג אן געווען א שלימזל, איך געדענק נאך אין חדר ווען ער האט נישט געוואוסט וויאזוי צו ציילן איינס פלאס צוויי, נישט קיין וואונדער אז ער האט זיך שוין צוויי מאל גע'גט און ביידע מאל איז ער שולדיג, ווער וועט נאך…."
"א מינוט, א מינוט…." איך נעם די דרייסטקייט און האק אים איבער, ס'איז שוין געווען טו מאטש פאר מיר. "דו האלטסט נישט אז וואס דו זאגסט יעצט איז לשון הרע?"
יעצט איז געווען זיין רייע זיך צו פילן אומבאקוועם. ער קלעבט ארויף זיינע אויגן אויף איינע פון די דעכער אנטקעגן איבער די גאס און געט א מורמל ארויס "ס'נישט קיין לשון הרע, יעדער ווייסט עס! ס'איז א דבר ידוע!"
אההה… א גוטן אייך צום צווייטן מאל היינט ר' ידוע…

***
איז אזוי, איך קען נישט דעם "ידוע" פערזענליך און ווייס נישט צו ער איז אשכנז אדער ספרד, אבער ווי עס שיינט איז ער עפעס א רב המתיר אויף וועמענס פסקים אסאך אידן פארלאזן זיך אין אסאך ענינים חמורים.
אלזא, אפשר דארף מען אין די ימי השובבי"ם תשובה טוהן אויף די אלע חטאים וואס מ'האט זיך מתיר געווען ווייל "ס'איז ידוע" און אויך אויף אלע לשון הרע'ס וואס מ'רעדט צאם און מ'כאפט זיך אפילו נישט אז ס'איז א פראבלעם ווייל סך הכל שמועסט מען איבער זאכן וואס מיר ביידע ווייסן און אלע ווייסן עס "ס'א דבר ידוע".

ס'פאבלייבט נאר איבער צו ווארטן אז ס'זאל קומען איינער און אויפווייזן אז ער האט יא דורכגעטוהן די הלכות און ער דאוונט שפעט. נאריש. כאפט זיך פליז נישט ארויף אויף א פרט, נאר הער די נקודה, קח ולך.


שכח ידידי היקר @הענדימען פארן איבערקוקן

און איך האב כמעט פארגעסן, דעיס איז לכבוד מיין 3333'טן תגובה.
מיין גאנציעריגע חתימה:
מה שלא יעשה השכל יעשה השמייכל!

מיין אדר חתימה:

אוועטאר
פעיק ניוז
שר עשרת אלפים
תגובות: 13136
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

Re: תשובה אויפן חטא "הידוע"

תגובהדורך פעיק ניוז » מיטוואך ינואר 20, 2021 12:37 pm

שטומפיג איז דא מיט א פריש'ס
א לאנגס און א גוטס
צוקער זיס
פאר'ן קעפל נאדיר א גרינס

;l;p- ;l;p- ;l;p- ;l;p-
פארבינדט אייך צו: Fakenewsivelt@gmail.com

ס'איז מיר בעסער צו זיין אן 'אנעדיוקעטעד חכם' ווי אן 'עדיוקעטעד שוטה'.

אוועטאר
שלג כצמר
שר חמישים ומאתים
תגובות: 444
זיך איינגעשריבען אום: זונטאג נובעמבער 15, 2020 2:43 pm

Re: תשובה אויפן חטא "הידוע"

תגובהדורך שלג כצמר » מיטוואך ינואר 20, 2021 12:39 pm

;l;p- זייער גוט!

אוועטאר
פעיק ניוז
שר עשרת אלפים
תגובות: 13136
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

Re: תשובה אויפן חטא "הידוע"

תגובהדורך פעיק ניוז » מיטוואך ינואר 20, 2021 12:47 pm

איך האלט אז דער עולם קומט נישט אריין אין דעם אשכול צוליב דעם קעפל...
פארבינדט אייך צו: Fakenewsivelt@gmail.com

ס'איז מיר בעסער צו זיין אן 'אנעדיוקעטעד חכם' ווי אן 'עדיוקעטעד שוטה'.

אוועטאר
Graphic24
שר חמש מאות
תגובות: 672
זיך איינגעשריבען אום: דינסטאג אפריל 10, 2018 5:02 pm

Re: תשובה אויפן חטא "הידוע"

תגובהדורך Graphic24 » מיטוואך ינואר 20, 2021 12:58 pm

זייער א וויכטיגע נקודה און זייער שיין ארויסגעברענגט ;l;p-

כ׳וויל נאר צולייגן (פשוט, מ׳זאל נישט פארגעסן :? ) אז ס׳עקזעסטירט אזא זאך ווי ׳פוק חזי מאי עמא דבר׳...
!Orders delivered in 24 hours... or the Design is yours absolutely FREE

...Click for contact info and Design Samples

אוועטאר
שמארטיקל
שר האלף
תגובות: 1354
זיך איינגעשריבען אום: מיטוואך מאי 29, 2019 8:50 pm
לאקאציע: אונטערן קאפל
פארבינד זיך:

Re: תשובה אויפן חטא "הידוע"

תגובהדורך שמארטיקל » מיטוואך ינואר 20, 2021 1:04 pm

;l;p-

שטימפי, זייער גוט!!

אוועטאר
שלמה מולכו
שר חמישים ומאתים
תגובות: 498
זיך איינגעשריבען אום: דאנארשטאג יולי 18, 2019 11:18 am

Re: תשובה אויפן חטא "הידוע"

תגובהדורך שלמה מולכו » מיטוואך ינואר 20, 2021 1:11 pm

;l;p- ;l;p- ;l;p-
אייזן שטומפי,

און איך האב נאך אייביג געמיינט אז די חטא הידוע איז ציונות...

אוועטאר
כאניש וואס צו טון
שר עשרת אלפים
תגובות: 16856
זיך איינגעשריבען אום: מאנטאג סעפטעמבער 04, 2017 6:18 pm
לאקאציע: אפן וועג צום ארבייט
פארבינד זיך:

Re: תשובה אויפן חטא "הידוע"

תגובהדורך כאניש וואס צו טון » מיטוואך ינואר 20, 2021 1:26 pm

שטומפיג האט געשריבן:
"אבער" קען איך מיך נישט צוריקהאלטן "מ'האלט שוין דא א מינוט נאך חצות, יעצט קענסטו לכולי עלמא נישט דאווענען"

:oops:
פארוואס פארשעמסטו מיך ברבים??
כ'גיי שוין דאווענען, אבער שריינישט ברבים!

פרישע קוגל
שר האלף
תגובות: 1179
זיך איינגעשריבען אום: מאנטאג ינואר 13, 2020 1:14 pm
לאקאציע: ווען די זעסט מיך דא מיינט עס אז איך בין אין אפיס

Re: תשובה אויפן חטא "הידוע"

תגובהדורך פרישע קוגל » מיטוואך ינואר 20, 2021 1:39 pm

;l;p- ;l;p- ;l;p-
גוט גוט גוט

פנימחדשות
שר חמישים ומאתים
תגובות: 368
זיך איינגעשריבען אום: דינסטאג אוקטובער 06, 2020 4:33 pm

Re: תשובה אויפן חטא "הידוע"

תגובהדורך פנימחדשות » מיטוואך ינואר 20, 2021 1:56 pm

;l;p- ;l;p- ;l;p- ;l;p- ;l;p-

אוועטאר
געשמאקע קוקיס
שר חמישים ומאתים
תגובות: 287
זיך איינגעשריבען אום: דינסטאג יולי 28, 2020 5:18 pm

Re: תשובה אויפן חטא "הידוע"

תגובהדורך געשמאקע קוקיס » מיטוואך ינואר 20, 2021 2:18 pm

;l;p- ;l;p- ;l;p- ;l;p- ;l;p-

אוועטאר
מומחה יוחס
שר ארבעת האלפים
תגובות: 4554
זיך איינגעשריבען אום: זונטאג אפריל 11, 2010 1:22 pm
לאקאציע: דא אינעווייניג

Re: תשובה אויפן חטא "הידוע"

תגובהדורך מומחה יוחס » מיטוואך ינואר 20, 2021 2:19 pm

שטומפיג!!! אזאלכע טייערע דיבורים.

געוואלדיג מיט א גוטע פעדער נאך אויך..

יא יא מען דארף לעבן מיט א חשבון הנפש עס איז נישט פשוט..
איך בין די פרעזידענט פון אמעריקא

אוועטאר
אוראייניקל
שר ששת אלפים
תגובות: 6076
זיך איינגעשריבען אום: דאנארשטאג פאברואר 21, 2019 9:05 am

Re: תשובה אויפן חטא "הידוע"

תגובהדורך אוראייניקל » מיטוואך ינואר 20, 2021 2:22 pm

;l;p- ;l;p- ;l;p- ;l;p- ;l;p- ;l;p-
ס'איז ידוע אז ווען שטומפיג לייגט אראפ א שטיקל, קומט א גוטס...

דארפסט טאקע תשובה טוהן, פארן עס נישט טוהן מער אפט...

תשובה אויפן "חטא הידוע"...

אוועטאר
שטומפיג
שר שלשת אלפים
תגובות: 3735
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: תשובה אויפן חטא "הידוע"

תגובהדורך שטומפיג » מיטוואך ינואר 20, 2021 6:31 pm

שכח פאר יעדע ניק פערזענליך וואס האט איבערגעלאזט דא קאמפלימענטן און גרינע אויף מיין חשבון.
אין די ערשטע פאר מינוט נאך וואס איך האב ארויסגעלייגט דעם ארטיקל האב איך ריפרעשד די קרעטשמע און געקוקט (פונדרויסן) וויפיל צפיות ס'באקומט. ס'איז געגאנגען ממש פונקטליך 10 צפיות א מינוט ביז אכט מינוט, און פון דארט און ווייטער אביסל שטייטער שוין.
סאו איך נעם אויך פאר א קאמפלימענט די צענדליגע ניקים וואס זענען אריינגעקומען דא ליינען (להוציא מליבן של @פעיקי) כאטש וואס זיי האבן נישט איבערגעלאזט קיין רישומא קדישא דא.
מיין גאנציעריגע חתימה:
מה שלא יעשה השכל יעשה השמייכל!

מיין אדר חתימה:

יש לו מנה
שר חמש מאות
תגובות: 826
זיך איינגעשריבען אום: זונטאג יוני 28, 2020 2:55 pm

Re: תשובה אויפן חטא "הידוע"

תגובהדורך יש לו מנה » מיטוואך ינואר 20, 2021 6:36 pm

פיינע נייעס
נישט ווייל כ'האב, ס'איז ווייל איך בין א רוצה.

אז דו האסט הנאה געהאט, לאז וויסן.

אוועטאר
בשבילי נברא
שר חמשת אלפים
תגובות: 5243
זיך איינגעשריבען אום: מאנטאג ינואר 18, 2010 10:53 am

Re: תשובה אויפן חטא "הידוע"

תגובהדורך בשבילי נברא » מיטוואך ינואר 20, 2021 6:53 pm

ולא אוכל להוסיף להתאפק בהתוודע שטומפיג את תכלית הידיעה שלא נעשה מעשים אשר לא נדע מקור מוצאו.

Wow! דאס איז א מייסטער ארטיקל!

5x5 סטארס אויפן שפראך, אינהאלט, און אוועראל.
3 ***'ס אריינצוגיין אינעם פארמעסט, און גלייך זיין דער געווינער.
---

אוועטאר
גרויסע עם הארץ
שר שמונת אלפים
תגובות: 8769
זיך איינגעשריבען אום: דינסטאג יולי 24, 2018 9:17 pm
לאקאציע: אייוועלט

Re: תשובה אויפן חטא "הידוע"

תגובהדורך גרויסע עם הארץ » מיטוואך ינואר 20, 2021 7:07 pm

;l;p- ;l;p- ;l;p- ;l;p- ;l;p-

שלמה מולכו האט געשריבן:
און איך האב נאך אייביג געמיינט אז די חטא הידוע איז ציונות...

:lol: :lol:
אויב דו זוכסט שלימות ביי מענטשן, וועסטו עס טרעפן נאר אין שפיגל (קרעדיט: מעלות).
אין א שיינעם העלן טאג...

אוועטאר
פעיק ניוז
שר עשרת אלפים
תגובות: 13136
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

Re: תשובה אויפן חטא "הידוע"

תגובהדורך פעיק ניוז » מיטוואך ינואר 20, 2021 7:09 pm

און איך האב געמיינט אז אויפ'ן חטא הידוע קען מען נישט תשובה טון...
פארבינדט אייך צו: Fakenewsivelt@gmail.com

ס'איז מיר בעסער צו זיין אן 'אנעדיוקעטעד חכם' ווי אן 'עדיוקעטעד שוטה'.

אוועטאר
באטעמטקייטן
שר שלשת אלפים
תגובות: 3329
זיך איינגעשריבען אום: זונטאג אוגוסט 23, 2020 4:56 pm
לאקאציע: עראונד דע קארנער

Re: תשובה אויפן חטא "הידוע"

תגובהדורך באטעמטקייטן » מיטוואך ינואר 20, 2021 8:24 pm

;l;p- ;l;p- ;l;p- ;l;p-
זיסע נייעס דאס!... ווער רעדט נאך פונעם קעפל?!... שטימפי לייק שטימפי.

אוועטאר
קומט אריין קלאר
שר מאה
תגובות: 185
זיך איינגעשריבען אום: מאנטאג אוקטובער 05, 2020 5:05 pm

Re: תשובה אויפן חטא "הידוע"

תגובהדורך קומט אריין קלאר » מיטוואך ינואר 20, 2021 8:26 pm

;l;p- ;l;p- ;l;p-

פאטאש
שר העשר
תגובות: 14
זיך איינגעשריבען אום: מוצ"ש דעצמבער 31, 2016 11:31 pm

Re: תשובה אויפן חטא "הידוע"

תגובהדורך פאטאש » מיטוואך ינואר 20, 2021 8:41 pm

;l;p- ;l;p-

אוועטאר
א דריטער
שר חמש מאות
תגובות: 780
זיך איינגעשריבען אום: זונטאג נובעמבער 22, 2020 4:08 pm

Re: תשובה אויפן חטא "הידוע"

תגובהדורך א דריטער » מיטוואך ינואר 20, 2021 8:48 pm

דעטס גוד
;l;p- ;l;p- ;l;p-
א ידען מיינט נישט ער איז קלוג, א חכם מיינט נישט ער איז א ידען.


אוועטאר
כאניש וואס צו טון
שר עשרת אלפים
תגובות: 16856
זיך איינגעשריבען אום: מאנטאג סעפטעמבער 04, 2017 6:18 pm
לאקאציע: אפן וועג צום ארבייט
פארבינד זיך:

Re: תשובה אויפן חטא "הידוע"

תגובהדורך כאניש וואס צו טון » דאנארשטאג ינואר 21, 2021 7:02 am

פעיק ניוז האט געשריבן:און איך האב געמיינט אז אויפ'ן חטא הידוע קען מען נישט תשובה טון...

לערן אביסל דרך פיקודיך, אדער ליקוטי אמרים ותמצא נחת

אוועטאר
איינס
שר עשרת אלפים
תגובות: 11057
זיך איינגעשריבען אום: דינסטאג סעפטעמבער 26, 2017 9:16 am
פארבינד זיך:

Re: אויף וואס תשובה צו טון בימי השובבי"ם

תגובהדורך איינס » דאנארשטאג ינואר 21, 2021 8:22 am

שטארק!!!
פארוואס האט מען געטוישט.... נעווער מיינד... (יעצט איז גוט?...)

א גרינע פארן אלטן קעפל אויך
;l;p-
לעצט פאראכטן דורך איינס אום דאנארשטאג ינואר 21, 2021 12:31 pm, מאל פאראכטן געווארן 1 סך הכל.

אוועטאר
שמארטיקל
שר האלף
תגובות: 1354
זיך איינגעשריבען אום: מיטוואך מאי 29, 2019 8:50 pm
לאקאציע: אונטערן קאפל
פארבינד זיך:

Re: תשובה אויפן חטא "הידוע"

תגובהדורך שמארטיקל » דאנארשטאג ינואר 21, 2021 8:50 am

שטומפיג האט געשריבן:שכח פאר יעדע ניק פערזענליך וואס האט איבערגעלאזט דא קאמפלימענטן און גרינע אויף מיין חשבון.
אין די ערשטע פאר מינוט נאך וואס איך האב ארויסגעלייגט דעם ארטיקל האב איך ריפרעשד די קרעטשמע און געקוקט (פונדרויסן) וויפיל צפיות ס'באקומט. ס'איז געגאנגען ממש פונקטליך 10 צפיות א מינוט ביז אכט מינוט, און פון דארט און ווייטער אביסל שטייטער שוין.
סאו איך נעם אויך פאר א קאמפלימענט די צענדליגע ניקים וואס זענען אריינגעקומען דא ליינען (להוציא מליבן של @פעיקי) כאטש וואס זיי האבן נישט איבערגעלאזט קיין רישומא קדישא דא.

יא, אן אלטע פראבלעם.

חוח האט געשריבן:ס'גוט כ'בין שוין געוואוינט דערצו...
כ'נעם אן אז דערוילעם ווייסט נישט וויאזוי זיך צו פארמעסטן / ספראווענען מיט כשרונות וואס זענען שלא כפי ערכם, און מ'ווייסט נישט וואס צו זאגן און וויאזוי עס צו זאגן.



אבער מ'דארף געדענקען אז פון אינטער יעדע ש'כח איז דא נאך 999 ש'כח'ס ווייל סטאטיסטיקס צייגן אז בלויז איינס פון טויזענט וועלן קאמפלימענטן און איינס פון הונדערט וועלן קריטיקירן. פרעגט אייך נאך, ס'איז ''יודע''


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: שתקן און 7 געסט