ביטע נישט געבן מיין נומער פאר דרעזענער פאר די קומעדיגע וואלן, ווייל עס איז פשוט געווען א מזל זאך, נישט מחמת ידיעה.
א וואך פאר די וואלן:
עכט היימיש האט געשריבן:שוין, אז @כאפצעם בעט א פארשאצונג עמער עס שרייבן, אבער קודם א הקדמה, איך שרייב מיין שאצונג נישט נאר באזירט אויף אנקעטעס, נאר אויך אויף אנעקדאטן, און אויף... געפיל, איך זאג נאר ווי אזוי איך שמעק עס גייט זיין.
לאמיר גיין שטאט ביי שטאט
פלארידע - פלארידע ווערט באטראכט אלץ די וויכטיגסטע פון אלע סווינג שטאטן, ווייל עס איז די גרעסטע עמער מיט דעם אנהייבן, די אנקעטעס געבן עס שמאל פאר ביידען, אבער עכט היימיש וואלט עס באקוועם געלייגט אין טראמפ'ס קאלום, און איך וואלט געשאצט ביי 90 פארצענט אז ער גייט עס געווינען עטוואס שטערקער אפילו ווי 4 יאר צוריק (ביטע, ווארפט נישט שטיינער, נאר מיין מיינונג, עס מיז נישט זיין עס גייט געשען)
טעקסעס - פון טעקסעס זעה איך נישט קיין סיבה צו רעדן, טראמפ נעמט עס, טראץ וואס שוואכער ווי 4 יאר צוריק.
פענסעלוועניע - יעצט אז מאהמער געגעבן פלארידע פאר טראמפ איז לכאורה פענסעלוועניע די גרעסטע סווינג שטאט, דאס וועל איך יא געבן פאר ביידען, אבער אסאך שמעלער ווי די אנקעטעס געבן עס אים, איך וואלט געשאצט ער וועט עס מאכן ביי אינטער 100,000 שטימען. אבער איך גיב נאך אלץ א שאנס פאר טראמפ אין די סטעיט, אבער מיין שאצונג גיבט עס פאר ביידען.
אהייאו - אייאווע - די ביידע שטאטן האבן שוין ביי מיר לאנג פארלוירן דער טיטל סווינג שטאטן (יא איך זע די אנקעטעס) ממילא ביידע זיכער טראמפ.
מישיגען - איך געב עס פאר ביידען, באקוועמער ווי פענסעלוועניע, אבער דאך שמעלער ווי די אנקעטעס.
וויסקאנסן - איז א עכטע טיי (יא, איך זעה עס שמעלער ווי מישיגען) אבער איך וואלט עס דאך געלייגט אין די ביידען קאלום. אבער זייער זייער שמאל.
מיניסאוטע - וואלט איך געגעבן באקוועם פאר ביידען.
נעוואדע - שווער צו זאגן, א שטיקל טיי, אבער דאך וואלט איך עס געשאנקען פאר ביידען.
אריזאנע - דאס איז א שטאט וואס טראמפ האט געווינען אין 2016, ממילא איז מיר עס זייער אומבאקוועם צו זאגן, אבער יא, ווייטער ביידען.
נארט קאריליינע - עס איז א שטיקל טיי, אבער איך בין באקוועם צו זאגן אז טראמפ נעמט עס.
דזשארדזשיע - דער גרעסטער סופרייז האבעך געלאזט צו די ענדע, ענק קענען מיר האלטן צודרייט, ענק קענען חוזק מאכן, אבער איך וואלט עס געגעבן זייער זייער שמאל פאר ביידען. ביטע נישט חוזק מאכן...
אין אנדערע ווערטער, לויט מיין שאצונג, מאכט עס ביידען מיט 306 עלעקטערס (אריינגרעכנט אדער מעין 2, אדער נעברעסקע 3, איינער פון די צוויי) אקוראט די זעלבע ווי טראמפ האט געווינען 4 יאר צוריק!
ביטע נישט חוזק מאכן... איך שרייב עס נאר ע"פ בקשת כאפצעם אז דער עולם זאל שאצן. עמער זיך זען פון היינט א וואך.
ביטע נישט פראבירן צו אויפזיכן דער שאצונג, און דער תגובה, ווייל איר גייט עס נישט טרעפן...