היימישער הייקער האט געשריבן:האב ליב דיין ווייב
אוהבה כגופו, יעדער פארשטייט אז די ערשטע יסוד אין שלום בית איז ליב צו האבן די פרוי, ערשט נאכדעם קומט ומכבדה יותר מגופה. אבער אויב א מאן וועט מכבד זיין זיין ווייב ביז צום הימעל, נאר ער וועט איר פלעין נישט ליב האבן, איז נישט שייך זי, און ער, זאלן זיין צופרידן. אבער ווי אזוי טוט מען דאס? ליב האבן איז דאך א נאטירליכע געפיל, ניין? ווי אזוי קען מען מאכן ליב האבן איינעם? הא?! די תירץ איז פשוט, ביי די גוים ווערט טאקע ליבשאפט געזעהן ווי א נאטירליכע געשעעניש, וואס דער מענטש האט נישט קיין שליטה אויף דעם, אבער מיר יודן זענען געבענטש געווארן מיט א תורת חיים, אינסטראקשענס צום לעבן, און אין אינזערע אינסטראקשענס שטייט אז אהבה איז א חיוב! נישט עפעס וואס געשעעט פון זיך אליין. ואהבת את השם אלוקיך, ואהבת לרעך כמוך, אוהבה כגופו, וכו' וכו'.
אבער ווי אזוי?
דאס איז נאך א זאך וואס מיר דארפן לויבן און דאנקן דעם אויבירשטן פאר אונזער ליבער תורה. ווייל גוים הייבן נישט אהן צו פארשטיין וואס אהבה מיינט בכלל. ווען מען קוקט אריין אין די ביכער פון זייערע חכמים, וואס עס מיינט אהבה, קומט צו לאכן און צו וויינען. עס איז ממש א חוכא וטלולא. ב"ה אונז האמיר א תורה וואס קומט אריין 100% קלאר . אהבה איז די תענוג וואס א מענטש האט פון אריין קלערן אין א צווייטנס מעלות. ליין דאס איבער נאך צוויי מאל, ווייל ס'איז א מורא'דיגע וויכטיגע יסוד. אהבה איז די תענוג וואס א מענטש האט פון אריין קלערן אין א צווייטנס מעלות. אזוי ווי דער ארטיקעל איז דאך נאר טועמי', עלעך נישט אריין גיין אין קיין ראיות און הוכחות, אבער אז מען טראכט אריין דערין, זעט מען אז דאס איז עס. יעדע מאל וואס מען הייבט אהן א סענטענס 'איך האב זייער ליב די מגי"ש…' ענדיגט זיך עס מיט א מעלה פון יענעם, למשל 'ווייל ער איז א מענטש!' אויב אזוי איז פשוט אז די חיוב פון אהבה, און די וועג עס צו באקומען, איז דורך אריין קלערן אין אירע מעלות, און אוועקמאכן אירע חסרונות.
נו גוט נו שוין האט געשריבן:מורא'דיג ס'ווערט בעסער אין בעסער
אלטע אין נייע יסודות, געספייסט מיט חידושים נפלאים אזוי צווישן די שורות
כה לחי!
בנוגע די טייטש פון אהבה קען מען זען אין אור החיים הקדוש פרשת ואתחנן פסוק ואהבת את ה' אלקיך עיין שם ותמצא נחת
פון אישי:
---- האט געשריבן:קעפל: א מחי' - 15 יסודות וואס איך ניץ פאר א זיס לעבן.היימישער הייקער האט געשריבן: אהבה איז די תענוג וואס א מענטש האט פון אריין קלערן אין א צווייטנס מעלות.
ווי איך פארשטיי איז אהבה דאס וואס א צווייטע מענטש מאכט מיך שפירן גוט
נישט אזוי?
ווען איינער האט מוראדיגע מעלות אבער איך שפיר נישט אזוי גוט אין זיין געגנווארד, פאר סיי וועלכע סבה, איז נישטא קיין אהבה און אויב פיל איך יא גוט צו זיין לעבן אים (ווייל ער מאכט פילן גוט זיינע ארומיגע,) פילט מען אהבה.
דאס איז ויאזוי איך לערן אפ אהבה, און אדרבה לאמיר הערן פארוואס נישט
(קענסט עס ארויפברענגן אויפן וועלטן צו דיסקוסירן בלי שם אדער דא)
יעדנפאלס א ריזיגען יישר כוח פאר דיינע רייכע ווערק עס ליגט זיכער אומצאליגע שעות און מחשבה וואס און וויאזוי צו שרייבן שכרך הרבה מאוד
דו קענסט אליין נישט וויסן ווי א שטארקע טויש דו מאכסט און דו ראטעוועסט ממש לעבענס!!
וואס איך האב געשריבן לגבי אהבה, קומט פון רמב"ם ספר המצוות מצוה ג'. זאל דערוילעם אריין קומען אין איבעשמועסן. ביזדערווייל וועל איך זיך קאנצעטרירן אויף פערטיגן דעם אנדערן אשכול.