איינס האט געשריבן:נאך א אישי, אויך פון איינע פון די שטארקע ניקס דא אויפן וועלטל
איך בין מודה אז אסאך יונגעלייט דארפן א ערנסטע אויפשאקלונג בנוגע זייער וואטסעפפ, אבער דא וואלט איך גענוצט די לשון חז"ל פון לא הנחש ממית אלא החטא ממית, נישט וואטסעפפ הרג'עט זיי נאר די יונגעלייט האבן נישט קיין ערנסטקייט אדער יראת שמים, סתם בעביס ביזי מיט שטותים והבלים, אז מען וואלט זיי אריינגעגעבן מער ערנסטקייט, יראת שמים און זהירות אין שמירת עינים בכלליות וואלט מען נישט געדארפט האקן אויף פרטיות'דיגע פראבלעמען וואס טוישט זיך מדי שנה בשנה.
מען וואלט - איז בלויז אן ענטפער זיך ארויסצודרייען פונעם פאקט, נישט זיך צו ספראווען דערמיט. ריכטיג אז - מען וואלט - געדארפט אריינגעבן מער, אבער אויפן מאמענט ווען - מען - האט נישט אריינגעגעבן, איז די פראגע וואס דארף מען טון דערוועגן, קלאגן אויפן פארגאסן מילך, אדער אפשטעלן דאס גיסן אויף א וועג וואס מען קען לויט דעם ניי באשאפן פאקט.
זאל מען דאס לאזן לויפן, נישט צו באומרואיגן די לעכטיגע ערליכע אידן וואס פארשטיין נישט דעם געשריי, און צוריק האלטן פון זיי דעם שלעכטן געפיל וואס קען אויפקומען ביים פארציילן וואס עס טוט זיך ביי אנדערע אינגעלייט, עס קען מעגליך גרידזשן דעם מח ביים הערן אז דער זאך מיט וואס זיי באנוצן זיך קען האבן אזויפיל שלעכטס, דאס שלינגט זיך דאך שווער אראפ. און אויך איז מעגליך אז געוויסע וועט דער געפיל טרייבן צו אלע סארטן געדאנקן, פלוצים וועט אויפקומען אין געדאנק אלע פראבלעמען וואס דער וועלט פארמאגט, מען וועט אנהייבן מאנען אויסרעכענען און פארלאנגן מען זאל צו ערשט פאררעכטן אלע אנדערע פראבלעמען, מעגליך אזוי וועט דער ווערימל אין געדאנק פארשטומט ווערן.
אדער איז ריכטיגער אז ווען עס קומט צו אויפקלערן אינגעלייט וואס קענען פארשלעפט ווערן דערין, און זיכער אויב דורך דעם וויי געשריי און דורך ארויפברענגן דעם ווארהייט וואס עס קומט פאר אויף דער אנדערע זייט קען געמאלט זיין אז מען וועט ראטעווען אזעלכע וואס זענען שוין פארשלעפט, דארף מען אינגאנצן איגנארירן די אידן וואס פירן זיך דערמיט ערליכערהייט, און נישט קוקן אויב עס וועט מעגליך אויף א וועג זיי פירן צו אומאייגענעמליכקייטן, און יא ארויסקומען מיטן גאנצן שארפקייט אנטקעגן דעם.
וואס האלט איר, דארף מען פארשטילן - די וואס שטעלן זיך ארויס און פראבירן אפצוהאלטן נאך אידן פון נאכגעשלעפט ווערן - צוליב אויסגעגאסענע מילך, און צוליב וואס אויפן וועלט איז דא נאך פראבלעמען, און צוליב וואס עס זענען פארהאן אזעלכע אידן וואס ניצן עס אויף אן ערליכן וועג, אדער איז ריכטיגער אין אזא פאל צו אנפילן א מויל מיט וואסער און איינעמען א שווייגעניש?