ר' יחזקאל פריעדמאן ז"ל פון קרית יואל איז מחזק און מחייב - נלב"ע כ”ה סיון תשפ”ג

[איבערגעקליגטער]

אין קרית יואל איז דא א חשוב'ער איד ר' יחזקאל פריעדמאן וואס ליידט שוין יארן לאנג פון די ALS מחלה, דער איד זיצט אין א ווילטשעיר בשעת אלע זיינע אברים זענען געלעמט, ער קען אפי' נישט אראפשלונגען די שפייעכץ (מ'דארף יעדע פאר מינוט דאס ארויסציען מיט א מאשין), אין די זעלבע צייט איז ער א קוואל פון שמחה, אמונה און ביטחון, ווי עס זאגן עדות אלע וואס קומען אין בארירונג מיט אים, ער שיקט ארויס שארפע בארואיגונגס שטראלן וואס ווער עס באזוכט אים שפירט עס.

פאר א יאר צוריק האט ר' נפתלי שטיין געמאכט א קליינער אינטערוויו מיט אים, קורץ אבער שארף, אט האב איך געשאפט דעם אודיאו דערפון און איך לייג עס דא ארויף לזיכו הרבים.

https://drive.google.com/file/d/0Bz-34u ... sp=sharing

אז איר שפירט מחוזק דערפון קענט איר טון א גרויסע מצוה און אריינשיקן אן אימעיל צו ר' יחזקאל אים דערציילן וויאזוי דער רעקארדינג האט אייך מחזק געווען.

אט איז די אימעיל:

[align=right][email protected][/align]

[עקבי הצאן]

יישר כוח

[אחד הרבנים]

ר׳ יחזקאל איז טאקע ליידער נישט געזונט. אבער ער האט נאך די רעכטען פון יעדען ציווילן בירגער. עס איז נישט.... ארויף צוברענגען דא ארטיקלען איבער פריוואטע מענטשען. וד״ל

[נשמה]

ב"ה

דאס וואס ער איז מיינט איבערגעגעבן פאר'ן אייבערשטן. ווי אויך איבערגעבן פאר די הייליגע צדיקים און זייערע ספרים מיט א שטארקע אמונה אלץ פאקט. אזוי דארף זיין. נאר דא זעהט מען עס בפועל ממש. והשם הטוב יעזור.

[שמו]

איז טאקע אין פלאץ, אים צו שיקן א מעסידזש? א ש'כוח?
אויב יא וויל איך אזוי טון
ווייל איך בין מורא'דיג נתפעל פון אים.

[איינס]

איז טאקע אין פלאץ, אים צו שיקן א מעסידזש? א ש'כוח?
אויב יא וויל איך אזוי טון
ווייל איך בין מורא'דיג נתפעל פון אים.

ער האט דאך געלייגט אן אימעיל
[email protected]

[יענקעלע]

וואו איז עס אויף קול מבשר?

[איבערגעקליגטער]

ר׳ יחזקאל איז טאקע ליידער נישט געזונט. אבער ער האט נאך די רעכטען פון יעדען ציווילן בירגער. עס איז נישט.... ארויף צוברענגען דא ארטיקלען איבער פריוואטע מענטשען. וד״ל

ס'איז געלייגט געווארן מיט רשות, לזיכוי הרבים

[איבערגעקליגטער]

איז טאקע אין פלאץ, אים צו שיקן א מעסידזש? א ש'כוח?
אויב יא וויל איך אזוי טון
ווייל איך בין מורא'דיג נתפעל פון אים.

ר' יחזקאל באקומט חיזוק פון הערן אז דאס האט מחזק געווען אנדערע אידן

[עפל קאמפאוט]

מען ברויך וואטשן צו שרייבן שטארק בדרך כבוד. ווען מען שרייבט א בריוו צו ר' יחזקאל שרייבט מען א בריוו צו איינע פון די צדיקי הדור, ווער עס קען אים ווייסט אז דאס איז נישט קיין גוזמא (ער איז נאך געווען א צדיק פאר ער האט געליטן אויף די מחלה)

[Hershela]

ברוך דיין האמת די אויסגעלייטערטע נשמה פון
הגה"ח ר' (שמחה) יחזקאל שרגא (בן בילא) בן הרה"ח ר' יהושע פריעדמאן ז"ל
די לויה וועט ארויס גיין היינט 11 פארמיטאג פון זיין שטוב/ביהמ"ד אויף 25 סאטמאר דרייוו אין קרית יואל

[שמן זית]

ער איז געווען פון די 31 טובי הקהלה,

אין די נ' יארן איז ער געווערן שטארק אקטיוו און די אנפירער פון "ועד החינוך" שע"י מוסדות הק' אין די שטאט קרית יואל,
ער האט געמאכט א גרויס חלק פון די תקנות, סיי פאר די אינגלעך אין חדר און סיי ביי די מיידלעך אין סקול, הן בעניני לבוש, והן ביי אנדערע זאכן, ואס די תקנות האלטן נאך אהן ב"ה עד היום

[שמן זית]

איבערגעלאזט 14 קינדער, בנין וחתנין רבנן

[זילבענע לייכטער]

ברוך דיין האמת די אויסגעלייטערטע נשמה פון
הגה"ח ר' (שמחה) יחזקאל שרגא (בן בילא) בן הרה"ח ר' יהושע פריעדמאן ז"ל
די לויה וועט ארויס גיין היינט 11 פארמיטאג פון זיין שטוב/ביהמ"ד אויף 25 סאטמאר דרייוו אין קרית יואל

בד"ה... פלעג איך אסאך דאווענען ביי אים, זאל ער זיין א גיטע בעיטער

[אמור יאמר]

אוי!!!!!!!!!!!!!!!!!! בד"ה

[loyodea]

ר' יחזקאל הצדיק האט זיכער מגין געווען אויף די שטאט, אוי נא לנו כי נשברנו.
ר' יחזקאל בתקפו איז געווען דער בריח התיכון למען קדושת המקום, לא ינוח ולא ישקוט מיט אסיפות און געלט אלץ וואס נאך מ'קען טון להתרוממות קרן התורה, און אלעס כדרך החסידים בהצנע לכת אן קרעדיט, מיט איידלקייט און געפיל.
א קליינע עפיזאד, איך געדענק פאר בערך 20 יאר צוריק ווען ר' יחזקאל איז געווארן געלעמט ל"ע, האט מען אים געזאגט אז איינער וואס האט אויך די שרעקליכע מחלה איז אינגאנצן מיואש און פארלוירן דעם לוסט פון לעבן, ר' יחזקאל ברוב חכמתו האט קאמוניקירט דורכן קאמפיוטער פראגראם צו יענע אינגערמאן, געבעטן חיזוק פון אים, און אים געזאגט אז ער שטוינט פון התפעלות ווי שטארק דער אינגערמאן האלט זיך אין אזעלכע שווערע צייטן, כמובן דער אינגערמאן הערנדיג אזעלכע ווערטער איז נשתנה געווארן לאיש אחר לגמרי, דאס האט אריינגעבלאזן א חיות און מוט צו קעמפפען אין לעבן, די משפחה האט געזאגט אז קיינער האט אים נישט געקענט ארויסברענגען פונעם דכאון, עד שבא ר' יחזקאל.

[דזשי רי בי]

געדענק מיר הרה"ח ר' יחזקאל ז''ל אין די געזינטע יארן אין ביהמ"ד בית מרדכי, עס ליגט מיר נאך אין די ביינער זיין דאווענען וואס איז געווען כל כולו רחמים ותחנונים לפני המקום, א סימבאל פון א ערליכע סאטמארע בעה''ב, און ווי איינער האט שוין ערווענט האט ער איבערגעלאזט א גאר חשובע דור תלמידי חכמים יראים ושלמים , בנין וחתנין רבנן

[צהלתו בפניו]

זיך אפגעגעבן מיט חתן שיעורים חיי הנישואין
אויפגעטון א געוואלד לטהרתן של ישראל, געווען א מתמיד עצום נאך אין די געזונטע יארן, טראץ וואס ער איז געווען א בעה"ב
אבד חסיד מן הארץ!!!
(נישט אז כ'האב אים געקענט, כזאג נאר נאך פון איינעם פון די פני העיר וועם כ'האב געהאט די זכיה צו טראגן צום לויה)

[farshlufen]

געדענק מיר ר' יחזקאל אין די גוטע צייטן.

אן איידעלער בעה"ב, נשא ונתן באמונה, געלערנט און געדאווענט ווי א געהויבענער איד.

משכמו ולמעלה גבוה.

ערגעץ מ"ו מ"ז האט ער געהאט אן ערנסטע עקסידענט ביים סטאפ סיין [!] ביים עקסיט פון טראוועי צום 32, תושבי קר"י האבן דאן שטארק מתפלל געווען פאר אים.

[גליטשעדיג]

וויאזוי זיינע חשוב'ע קינדער האבן מקיים געווען כיבוד אב, איז ווערד א באשרייבונג פאר זיך! ממש מען קען זיך אפלערנען. די איבערגעגעבנקייט איז דאך עד אין לשער.

[שמחה ונחת]

ברוך דיין האמת!!
אוי איז דער יוד געווען א לעבעדיגער מוסר ספר!

אגב, ס'איז געווען צום שטוינען די כיבוד אב פון זיינע קינדער מיט אזא איבעגעגעבנקייט און רעספעקט.

[קליגער מענטש]

וויי וויי דאס הארץ ציפט

אזא מיטגעמאכטער נעבעך

[עמאציע]

אוטש! ברוך דיין האמת.

די יסורי הנפש וואס דער מענטש איז דורך די אלע צענדליגע יארן, און דאך זיין מבהיל'דיגער וועג וויאזוי ער האט זיך געהאלטן, איז למעלה מן ההשגה.

יהא זכרו ברוך

[פיין מסכים]

איך האב אים נישט געקענט נאר איך קען זיין זוהן די דיין,
אויב האט ער די זכיה צו האבן אזא זוהן וואס דארף אזוי גארנישט פאר זיך און האר אזוי ביזי מיט יענעם ווי מען קען אלץ העלפן א איד, ווייס איך אז די טאטע איז געווען א כלי

[קרעמניצער חסיד]

איך האב אים נישט געקענט נאר איך קען זיין זוהן די דיין,
אויב האט ער די זכיה צו האבן אזא זוהן וואס דארף אזוי גארנישט פאר זיך און האר אזוי ביזי מיט יענעם ווי מען קען אלץ העלפן א איד, ווייס איך אז די טאטע איז געווען א כלי

ווער איז זיין זוהן א דיין?