אנקעטע: אייער שבת אינדערפרי סקעדזשועל

[פּשוט און פּראָסט]

די אנקעטע איז ספעציפיצירט (ס׳איז א װארט?) פאר יונגעלײט װאס האבן קלײנװארג, נאכנישט די עידזש װאס קענען זיך אלײנס קעיר נעמען, אדער װאס די גרױסע קענען אכט גיבן אױף די קלײנע, איז אזױ.

לױט װי כ׳פארשטײ, אין רוב הײזער (אדער כאטש אין טייל הײזער, כ׳קען נישט די נומבערס) רוען זיך די מאמעס אױס שבת אינדערפרי, און די טאטעס זענען פארנומען מיט די קינדער, ומענתם בפיהם, אמער, א גאנצע װאך זענען זײ ביזי מיט די קינדער.

יעצט מײן שאלה איז נאר (נישט ארײנגײענדיג אין די עצם טענה צו ס׳איז גערעכט אדער נישט) װאו איז די גדר? כ׳מײן צו זאגן ביז װען? װײל ס׳איז זיכער דא אסאך יונגעלײט װאס קומען אן צו נשמת, אדער שפעטער, נישט װײל זײ זענען ארײנגעפאפן װי מענטשן מײנען, נאר זײ האבן פשוט נישט געװאלט לאזן די קינדער אױף הפקר.

מילא װאלט מיר געװען אינטערעסאנט צו זעהן װאס ס׳טוט זיך אפ אין אידישע הײזער אינעם הײליגן טאג, און װאס דער עולם האט צו זאגן אױף דעם.

ײש״כ

[דריידל]

איך מאך זיכער צו גיין אין מקוה גראד נאכ'ן אויפשטיין ווייל ווי שפעטער מ'גייט עקעלט עס מער. דערנאך האב איך א שיעור גמרא תוספות און איך לייג אויך אוועק א האלבע שעה זיך אפצוגעבן מיט די קינדער איידערן גיין אין שול

[קרייסלער]

מקוה גלייך ביים אויפשטיין
דערנאך בלייה איך אינדערהיים ביז בערך 9:45 צו גיסן צו עסן פאר די קליינע און זיי האלטן אין די ראמען ח״ו נישט אויפוועקן מאמי
אינדערצייט כאפ איך אריין א קאווע אדער צווי און מעביר סדרה זיין און צומאל אריינבליקן אין א ספר

[ר' יום טוב]

ייש"כ פארן עפענען די נושא.

און יא, איך קום שבת גאנץ שפעט אן צום דאווענען, נישט מחמת פארשלעפטקייט, נאר פאר אט די סיבה: א שטוב מיט קליינע מיידלעך וואס מ'דארף קעיר נעמען.
מען קען דעבאטירן צו עס איז אויסגעהאלטן, אבער מען דארף וויסן די סיבה וואס ליגט אונטער דעם.

[מחנך]

נישט דא קיין אפשען צו אויפשטיין פרי און גיין אין ביהמ"ד זאגן תהלים? אדער לערנען? איך גלויב אז א גרויסע חלק פון כלל ישראל פירט זיך אזוי

[נעגלוואסער]

איך נעם קער ביז 9:55 און איך דאווען אינדערהיים רוב דאווענען ביז נשמת מעוטף בטלית אז די אשת חיל זאל זיך קענען אביסל אויסרוען איך קום טאקע אן שפעט אבער איך דארף נישט אפכופערן א דאווענען

[פּשוט און פּראָסט]

נישט דא קיין אפשען צו אויפשטיין פרי און גיין אין ביהמ"ד זאגן תהלים? אדער לערנען? איך גלויב אז א גרויסע חלק פון כלל ישראל פירט זיך אזוי

כ׳בין בכלל נישט ארײן אין דעי חלק

למשל אײנער װאס װעלט אפציע 1, װײס איך נאך אלס נישט צו ער שטײט אױף 7:30 אדער 10:30 (איך האב גראדע נישט גע׳חלומ׳ט אז אזא גרױסע פראצענט װעט װעלן אפציע אײנס, װען יא װאלט איך עס אפשר טאקע אפגעטײלט) כ׳האב נאר גערעדט פון די חלק װאס ס׳טוט זיך אינדערהײם

סאו אױב דו קענסט ב״ה עוסק זײן בתורה ועבודה שב״ק אינדערפרי אָן קײן דאגות װאס ס׳טוט זיך אין שטוב, װאױל איז דײן חלק, און װעהל ביטע אױף אפציע אײנס

[Graphic24]

קוקט ביטע נישט אריין אין יענעם׳ס טעלער...!

איטליכען איד ברויך טאן לשם שמים לויט ׳זיין׳ מצב; און קיינעם׳ס סיטואציע איז נישט דומה צו א צווייטנ׳ס...

[פּשוט און פּראָסט]

קוקט ביטע נישט אריין אין יענעם׳ס טעלער...!

איטליכען איד ברויך טאן לשם שמים לויט ׳זיין׳ מצב; און קיינעם׳ס סיטואציע איז נישט דומה צו א צווייטנ׳ס...

איר זענט מאָר דען װעלקאָם ארױסציװאקן פון דעים אשכול אױב זענט איר סענסיטיװ צו דעים, דערװײל זעה איך אז מער װי 60 אידן האבן נישט קײן פראבלעם דערמיט

און אװדאי איז א יעדענס סיטואציע אנדערשט, דאס איז געמאכט נאר צו זעהן אין דזשענערעל, און פאר די אינטערעסאנקײט שבו, און בכלל נישט צו פאסן באשלוסן בעיסד אױף דעים.

בד״װ פארגעסן צו לײגן אן אפשען ״כ׳קום ארײן מיט א העפליכן גוט שבת זײגער צװעלף מיטן שלאף קאפל אױפן קאפ״