בלאט 3 פון 5

געשריבן: זונטאג יולי 02, 2017 4:36 pm
דורך חושב מחשבות...
wowowoowow

געשריבן: זונטאג יולי 02, 2017 4:36 pm
דורך ניס קראכער
פון די דעקל קוקט עס אויס מורא'דיג
אבער די פילטער לאזט מיר נישט לאודן
אפשר איז דא עפעס אן עצה ?

געשריבן: זונטאג יולי 02, 2017 4:41 pm
דורך זכריה ירוחם תנחום
איך קען דיר עס שיקן אין אימעיל, אדער קענסטו ווארטן א טאג-צוויי ביז מ'קען עס קויפן.

א אמתדיגע דאנק !

געשריבן: זונטאג יולי 02, 2017 5:29 pm
דורך eller
עס יעצט באמערקט נאך פארן געהעריג דורך קוקן .
אבער דאס זעהט אויס ווי עפעס א זעלטענע מעסטער פיעס .
כ'ווייס נישט וועם צו באדאנקען .... נייע נעמען..... אבער ב"ה מיט א נייע פרישקייט .....
נאך פארן דורך קוקן זעהט זיך שוין אן אייער הערליכע ארבעט און אייערע צעדליגער שעות צו מהנה זיין כלל ישראל אויף א אויסגעהאלטענע וועג..
נישטא די ווערטער אייך צו באדאנקן.
(און אגב אויך א דאנק פארן נישט אנציען די עולם די פיס טוט נאך וויי פון די שטיפעריי ביי די ערשטע . עקסטערע דאנק. )
און נאכאמאל די אלכ עוסקי בצרכי ציבור זאל ענק די זכות באשטייען איר זאלט האבן שפע ברכה והצלחה און קענען ווייטער מהנה זיין די טויזענטער לייינערס...
ווי עס שרייבט אונטער עללער פה אייוועלט.

געשריבן: זונטאג יולי 02, 2017 5:31 pm
דורך פארדינט
הערליך שיין, יישר כח!

געשריבן: זונטאג יולי 02, 2017 11:54 pm
דורך נודה לך
אזא איבערראשונג!!!....

יישר כח לכ"א בשמו הטוב יבורך
הק' נודה לך

געשריבן: מאנטאג יולי 03, 2017 12:35 am
דורך מונאוויטש
דערווייל געליינט בלויז דעם שטארקן עדיטאריעל פון 'וואוילע שעפעלע'.

;l;p- ;l;p-

געשריבן: מאנטאג יולי 03, 2017 1:10 pm
דורך שלעפשיץ
שכח - ואוו מגא נייעס

געשריבן: מאנטאג יולי 03, 2017 2:41 pm
דורך פארבינדן
גייענדיג ווייטער מיט מיין ריוויאו ווי געשריבן דא.

אָו אה, ״בנימין קעניג״ איז א ריכטיגע פארברענטער ר׳ אביגדור חסיד... די אריינפיר איז זייער שיין שרייבעריש און די פראגעס און ענטפערס זענען א שטיק ר׳ אביגדור, קלאר און שארף.

״זלמן וואסערמאן״ האט אונז נישט אנטוישט מיט זיינע טרעפליכע קורץ און שארפע עצות ווי אזוי צו זוכן א זשאב אויפן ריכטיגען וועג.

מעכטיג איז יא דאס ווארט, אויף ״יוסל שרייבער׳ס״ ארטיקל ווי ער שפינט אזוי זיס פונעם רביש'ע חתונה צו די הייליגע שבועות מאמענטן, און די אזוי אמת׳ע ענדע פון לעתיד לבוא.

די נקודה למחשבה פון ״מרדכי וועכטער״ איז טאקע נישט אזויפיל קערעקטערס אבער דאך אזוי ריכטיג, אזוי אמת. מען וואלט געדארפט פארשפרייטן די ארטיקל אין אלע אידישע אויסגאבעס אין שולן, לכו והתפרנסו זה עם זה.

דרך אגב וואס איז פשט פון די אלע נייע ניק נעמען? פארוואס האט מען עס נישט געשריבן מיט די געווענטליכע ניקס?

געשריבן: מאנטאג יולי 03, 2017 4:17 pm
דורך נודה לך
פארבינדן האט געשריבן:דרך אגב וואס איז פשט פון די אלע נייע ניק נעמען? פארוואס האט מען עס נישט געשריבן מיט די געווענטליכע ניקס?



נאדיר א שמועס איבער די ערשטע אויסגאבע.. ופשוט הוא..
בנציון יאזעפאוויטש האט געשריבן:
eller האט געשריבן:כ'פארשטיי נאר נישט וויאזוי מ'קען עס פארקויפן ווען עס האט אזוינע מאדנע נעמען ווי משהלע וכדומה
די גאס גייט עס אנקוקן זייער פאני
אבער כ'וויל עס פארשטייט זיך יא קויפן ס'איז ווערד א שיינע פאר דאללער



הערליכע ארבעט און רייכע סחורה!

און דאס געוואלט זאגן. "שמעלקע זאפטיגער" און אפילו "טריסקער" איז גוט, אבער וואספארא פנים וועט "וואוילע שעפעלע" טראגן אויף די גראסערי פאליצעס??

די המון עם קען נישט די ביזנעס דא. סאיז וויכטיג לענ"ד צו טוישן צו נארמאלע פען נעמען פאר מגייט פאבליק

געשריבן: מאנטאג יולי 03, 2017 4:46 pm
דורך ענדע צדיק!
נאכנישט אנגעקומען קיין סאך צו ליינען, (האלט מיר ביים פערטן ארטיקל). אבער איך מוז נאר אריינווארפן א ווארט איבער די גראפיקס, אין איין ווארט; מאסיוו!

געשריבן: מאנטאג יולי 03, 2017 5:11 pm
דורך דער עושר
ניס קראכער האט געשריבן:פון די דעקל קוקט עס אויס מורא'דיג
אבער די פילטער לאזט מיר נישט לאודן
אפשר איז דא עפעס אן עצה ?

מיין פילטער אויך נישט.
אפשער לייגט איינער א לינק ווי מ'קען לאדען א pdf.

געשריבן: מאנטאג יולי 03, 2017 5:28 pm
דורך שלעפשיץ
מען גייט עס קענען קויפן?

אין מאנסי?

געשריבן: מאנטאג יולי 03, 2017 5:32 pm
דורך שטייגען
איך מיין עס איז שוין צייט ארויס צו קומען דערמיט יעדע חודש

געשריבן: מאנטאג יולי 03, 2017 5:35 pm
דורך ניס קראכער
דער עושר האט געשריבן:
ניס קראכער האט געשריבן:פון די דעקל קוקט עס אויס מורא'דיג
אבער די פילטער לאזט מיר נישט לאודן
אפשר איז דא עפעס אן עצה ?

מיין פילטער אויך נישט.
אפשער לייגט איינער א לינק ווי מ'קען לאדען א pdf.

שיק א אימעיל צו משה מאשקאוויטש ער וועט עס דיר שיקן
אין איין וועגס דרוק איך אויס א הערצליכן דאנק פאר ר' משה זז"ג

געשריבן: מאנטאג יולי 03, 2017 6:51 pm
דורך לאמטערנע
מיר ארבעטן שווער אז מען זאל קענען קויפן די לאמטערנע (הארד קאפי) אנליין, סיי קאלירט און סיי שווארץ און ווייס.
מיר האפן אז ס'זאל זיין ווי שנעלער, מעגליך שוין מארגן.

אין די געשעפטן וועט עס נישט זיין צו באקומען.

געשריבן: מאנטאג יולי 03, 2017 8:26 pm
דורך נודה לך
האיך יתקיימו שניהם???...

לאמטערנע האט געשריבן: סיי קאלירט און סיי שווארץ און ווייס.

לאמטערנע אנליין

געשריבן: מאנטאג יולי 03, 2017 11:12 pm
דורך לאמטערנע
מיט גרויס פרייד טוען מיר מעלדן אז ס'איז מיט'ן אויבערשטנ'ס הילף געלונגען צו ערמעגליכן צו קויפן לאמטערנע #2 אנליין, אינגאנצן קאלירט, סייז 8.5 ביי 11, פאר'ן פרייז פון $12.49 ($8.50 פלאס $3.99 שיפינג)

לאמטערנע #2

(צוליב טעכנישע סיבות איז דער בילד פון די לאמטערנע אויסגאבע אינ'ם לינק פארקערט. עס איז בלויז צוליב טעכנישקייטן און בעזר השם וועט די געדרוקטע באנד זיין אויסגעשטעלט געהעריג בתכלית היופי.)

געשריבן: מאנטאג יולי 03, 2017 11:36 pm
דורך בענקעל
לאמטערנע האט געשריבן:(צוליב טעכנישע סיבות איז דער בילד פון די לאמטערנע אויסגאבע אינ'ם לינק פארקערט. עס איז בלויז צוליב טעכנישקייטן און בעזר השם וועט די געדרוקטע באנד זיין אויסגעשטעלט געהעריג בתכלית היופי.)


אויב מען וויל דווקא, קומט עס מיט מיט די אפציע צו לייענען פארקערט.
עס איז דא ביי וועם עס מאכט קיין גרויס נפקא־מינה.

הפוך לששון ולשמחה!!

געשריבן: דינסטאג יולי 04, 2017 12:41 am
דורך יוראפ
BLOCKED BY MESHIMERTM FILTER

אנאליז, משה מאשקאוויטש

געשריבן: זונטאג יולי 09, 2017 12:53 pm
דורך משה מאשקאוויטש
שוין, כ'מיין איך פארמאג אויך די פריוויליגע פון געבן מיין אנאנליז איבערן לאמטערנע נומער 2.

אווער אלל, א מאסיווע ארבעט, שוין יארן נישט געזעהן אזא רייכע אינהאלטסרייכע, און איבער אלעם כשר'ע, אויסגאבע. אינהאלטענדיג צענדליגע בלעטער פון רייכע היסטארישע ארטיקלן, אנגעהויבן ביי השקפה, דראמאטיע, היסטאריע, קאמיש, פיקציע און אלעס אינדערמיט. (לאמיר שוין נישט רעדן פון די גראפיק...), א שאד אז מען האט עס נישט פארקויפט אין די געשעפטן.

אלזא, לאמיר אנהייבן און דורכגיין ארטיקל ביי ארטיקל, נאכן ענדיגן עס דורכליינען מדאשקע לדאשקע דעם שבת קודש.

לאמיר אנהייבן ביים עדיטאריעל, געשריבן דורך וועלוול סופר – וואילע שעפעלע, וכדרכו בקודש הערליך צונומען די נושא, אנרירענדיג וויכטיגע און אקטואלע נושאים וועלכע ליגן ביי כלל ישראל אויפן טיש און קומען צום אויבערפלאך. הערליך געשריבן, מיט א שטארק שרייבערישן שניט, פלעכטענדיג די רעדע צום בעפארשטייענדן זוממער, ווי עס איז די ריכטיגע צייט זיך אויסצוקלארן.

רבי אביגדור ענטפערט, געשריבן דורך בנימין קעניג – קעניגזאהן, הערליך געשריבן, ציטירנדיג אינטערסאנטע טעמעס אויף וועלכע רבי אביגדור ענטפערט ווי זיין שטייגער מיט א איבערמענטשליכע קלארקייט, קומענדיג גראד צום פינטל. זייער שיין און אינטערסאנט געווען צו ליינען.

א טריט אריין אין ביזנעס דורך זלמן וואסערמאן –זאלץוואסער איז געשריבן מיט א קלארקייט, און כאטש עס פארמאגט בלויז צוויי בלעטער, ליגט דערין גאר שטארקע פוינט פאר דער וועלכער גרייט זיך אריינצוטרעטן אינעם עולם המסחר.

מעכטיג, אבער וואס האט דאס מיט מיר. דער שרייבער פון די שורות דערקענט זיך גלייך, יוסל שרייבער – יאסעלע, אמת'ע קונצטווערק, ווערענדיג געשריבן אויף א הערליכע אופן, אנגעהויבן ביי פאליטישע דוגמאות פירענדיג צו רבי'שע טישן, און עוועטועל דערגרייכענדיג דעם עם הנבחר, כלל ישראל. א הערליכע פוינט, יעדע איינציגסטע ווארט העכסט אינטערסאנט.

נקודה למחשבה, אן עצה פונעם אידישן קעניג. די קעפל הערט זיך מאדנע, אבער ליינענדיג די ארטיקל איז עס ענדערש הארץ-רייסענד ווי מאדנע, אזא אויפריכטיגע נקודה ארויסגעברענגט, פארשטייט זיך דורך מרדכי וועכטער, אנטשולדיגט, וויכטיג מאכער. ווי איינער האט שוין ערווענט וואלט אזא ארטיקל געדארפט פארשפרייט ווערן בכל קצוי תבל (רוף מיך נאר פארדעם, כ'וואלט געוואלט איבער מאכן די גראפיק'ס בעפאר מען פארשפרייט עס...)

כשרונות קאלום, געשריבן דורך משה מאשקאוויטש (איינער קען אים... איך קען נישט זיין עכטע ניק...). שוין, איך גיי זיך נישט באוויינען, אבער איך וואלט יא ארויסגעברענגט א נקודה מיט וואס דער ארטיקל איז אינגאנצען אנדערש פון געווענליכע מוזיק אינטערוויואס, זאגאר אין געווענליכע פעלער איז די רעדע ארום די הערליכע חתונות ער קען אפזינגען וכו' וכו', ווידער דאסמאל איז עס א גאר רייכע אינטערוויו עקסקלוסיוו פאר לאמטערנע מיט גאר אינטערסאנטע ידיעות אינעם עולם המוזיק, און אויך איינער וועלכע איז נישט ספעציעל באהאווענט אין מוזיק, קען ארויסגייין מיט גאר רייכע ידיעות אינעם פעלד.

לב מי לא ימס, די קעפל זאגט מער פון אלעם. טאקע א גאר קורצע פאעזיע, אבער ווערענדיג געשריבן מיט בלוט דורך א אומשילדיגע יונגע נשמה'לע, ברענגט דאס ארויף טרערן אין די אויגן... אוי טאטע, לייז אונז שוין אויס, כלל ישראל האט שוין גענוג געליטן.

דער ירושלמי אויף קדשים, געשריבן דורך זכריה שניארוסאהן, זכריה ירוחם תנחום. הגם איך האב שוין געליינט איבער דעם ירושלמי אויף קדשים איז עס מיר געווען זייער אינטערסאנט איבערצוליינען, זייענדיג געשריבן אויף א העכסט-געניטער אופן, אויף א גוטע סדר ווי אלעס ווערט קלאר אויסגעשמועסט, מיט ערענסטע מקורות אויף יעדע איינציגסטע זאך אינעם ארטיקל. מיר ווארטן בכליון עינים אויף די המשך, הערענדיג פון אונטער די קוליסן אז עס קומט ערענסטע חידושים און אויפדעקונגגען.

וואון פאטעיטא... גאו!. ווער קען דען שרייבן אזא פאריקטע געשיכטע אויב נישט שמאי טעשער – שמאטע... עס פאסט אים אויפן נאז, הגם דאסמאל איז די געשיכטע ריין אמת, ווערענדיג צוגעלייגט מיט א בילד אין אנדענק פונעם געשיכטע. אבער, כ'ווייס נישט, עפעס די מעשה מאכט מיר נישט קיין סענס. יעדנפאלס, עס איז זייער א אינטערסאנטע קאמישע און טשיקאווע געשיכטע.

א טאג בוך פון א קבצן, אריגינעלע פאקטן און געפיהלן. געשריבן דורך דעם באקאנטן שרייבער בערעלע קבצן, ווי ער טענה'עט איז עס נישט פיקטיוו, און עס שטימט. די שורות זענען אזוי ריכטיג און גיין גליך צום פינטל. עס האט מיר גענומען א מינוט צו כאפן וואס קומט דא פאר, אבער דערנאך האבן מיר מיינע קושקעס אנגעהויבן נאגן, רבי איד, דער צ'אלמער איז אויך א פערזאן, ער איז נישט א בלויזער אביעקט. די הקדמה קומט דארט אריין אזוי קלאר און צום פוינט. די רויט-געלע קאלירן העלפן בלויז מיטשפילן אויף די נערווען...

פראהיבישאן. וואוף, דאס איז שוין א דורכברוך, נעמענדיג א טעמע וועלכע מיר אלע וויסן בערל'דיגע פאקן און עס צולייגן אזוי גוט, אראפברענגענדיג אלע גענויע דעטאלן ארום די פראהיבישאן געשיכטע, פונקטליך וויאזוי עס איז צוגעגאנגען, מיט דעטאלן און קרישקעלעך וועלכע איך האב קיינמאל נישט געויסט דערוועגן. געשריבן דורך שאול וואהל – וואוילע שעפעלע. זייער שרייבעריש געשריבן און העכסט אינטערסאנט. קומט זיך א עקסטערע מעדאל פאר דעם ארטיקל, זאגאר געשריבן דורך רעדאקטאר זעלבסט, וואילע שעפעלע, וועלוול סופר.

דער גאנצער בילד, דורך ישי בער – יש ברירה (נישט בייגעפאלן, הא?). גאר א גוטע בייפאל, עפעס וואס כ'האב נאכנישט געזעהן אין קיין איינס פון די היימישע אויסגאבעס, נעמענדיג א באקאנטע בילד אין היסטאריע און באשרייבן די געשיכטע ארום דעם בילד. דאסמאל האט ער גענומען אפעראציע אפטע ווינט, א באקאנטע שטיקל אוין היסטאריע ביים וויאטנעם קריג, דערציילענדיג די אומגלויבליכע פאסירונג וואס האט זיך דאן אפגעשפילט, זייענדיג איינס פון די ערענסטע דורכפעלער פונעם אמעריקאנעם נעווי סיעל. אינטערסאנט.

דער מייסטער שווינדלער, דורך איסר רייך – אויסגערעכנט. מיט רעכט האט ער זיך פארדינט די הויפט קאווער סטארי, זייענדיג א שפאנענדע און אומבאקאנטע געשיכטע, א ערענסטע מיסטעריע. געשריבן גאר גאר גוט און געשמאק. ליינענדיג האב איך עטליכע מאל זיכער געמאכט צו איך ליין נישט דער שטערן (איך ווייס נישט צו עס איז פאר דיר א קאמפלימענט, אבער מצדי זיכער יא...)

אב ובנו שראו את החידוש. ואוו. א ערענסטע חידוש. געשריבן דורך נ. סקאהל, נא-שכל. א נושא וועלכע כ'הער צום ערשטן מאל געהעריג. זייער זייער אינטעראסנט. עס איז א לענגערע ארטיקל, אויך נאכדעם וואס די זאצן און פאראגראפן זענען געשריבן קורץ און שארף, און פאר איינער וועלכער גלייכט היסטאריע איז עס איינס פון די קנאקעדיגסטע ארטיקלן אינעם אויסגאבע. איך האב זיך באלעקט די פינגער דערמיט. (זייער אינטערסאנט געווען צו לייענן דעם פאקט איבער שני משה איכא, איך האב עס אנגעמערקט פאר הרה"ג יענקל וויינגארטן דעמאלטס ווען עס איז געווען באשריבן אינעם גינת ורדים, און ער האט מיר שוין דעמאלטס געזאגט אז יענער ווייסט נישט פון וואס ער רעדט, און אט יעצט בינעך קלאר געווארן די גאנצע נושא. ע'מיר עס אים איבערזאגן בעז"ה).

א טאטע אין די זומער חדשים דורך שלום מיץ (איך האף דו ווייסט וואס טייטשט מיץ, עפעס ווי זאפטיגער...), שאץ מאץ, וכדרכו בקודש צונעמט ער דעם טאטען אינעם זוממער מיט אלע פיטשעווקעס, נעמענדיג פשוט'ע זאכן און עס אזוי גוט צונעמען אויף קליין געלט און אינעם עולם הפראקטישקייט דארף מען קענען. זייער באטעמט און געשמאק צום ליינעם זייענדיג אנגעלאנט אויפן קאוטטש אין א ליידיגע מאמענטן.

קאנטרי ווערסיע, געשריבן דורך גד צוקער, צוקערדיג. דער איז דאך צוקער זיס... אוי האב איך געלכאט ליינענדיג דעם ארטיקל... ווער האט אים אריינגעלאזט ביי מיך אינדערהיים ווען קיינער איז נישט דארט אינמיטן זוממער?... ווער האט אים דערציילט די גענויע פאקטן וואס קומען פאר ביי מיר אין הארץ בשעת דעם דורכגעפאלענעם וואקאציע... אבער שוין, כאטש די קינדער האבן הנאה...

קינד מיינס, יא איך בין א קינד. געשריבן דורך? דעם משעוגענער מאשקאוויטש... מאנכע האבן געהאט א טעות, אזוי פארשטיי איך פון וואס כ'האב צוריקגעהערט, מיינענדיג אז איך בין געקומען האקן אויף סיסטעם. אלזא, הרינו מגלה את דעתי ברבים, איך האב בכלל נישט געמיינט צו רעדן איבערן היינטיגן סיסטעם, מיין כונה איז געווען איבערן וועג וויאזוי דער רבוש"ע האט אויסגעשטעלט די בריאה, ווערנדיג דעזיינט אויף א אופן אז דאס תמימות פונעם קינד ווערט אנטוויקלט און פארשטעקט, און אונזער עבודה אויפן וועלט איז עס אומצוקערן, פארשטייט זיך אויף א באלאנסירטע אופן מיטצושטראמען מיטן וועלט שטראם און נישט זיין משוגע, אבער דאך בלייבן א אינדווידואל און ריין און אמת. איך זעה נישט די קאנטרעוועריסע דערין, אבער אויב שוין יא, איז זיכער גוט, כ'זעה דאך אז א יעדע אויסגאבע וועלכע פארמאגט קאנטראווערסיע גייט גוט אויפן מארקעט, געב נאר א קוק אויפן מאמענט.

איינגעפלאנצע וואפן, דורך איינעם שמואל זאפיר... גארנישט אזא איינעם, זאגאר אונזער מייסטער שריפטשעטלער שמעלקא זאפטיגער. זיך באלעקט מיט יעדע איינציגסטע ווארט, אזוי ווי געראכטן, שמעלקא אנטוישט נישט. הגם איך בין נישט קיין עקסטערע פיקציע ליבהאבער, האב איך שטארק הנאה געהאט דערפון, און פונעם פארזעצונג בכלל, זייענדיג געבויט אויף היימישע טעמעס און נושאים.

נאך עפעס?

אה, כ'האב זיך דערמאנט נאך עפעס. איך וויל דא פרעזענליך באדאנקן בשער בת רבים א ניק וועלכע האט אוועקגעגעבן שעות ארוכות למען הצלחת הפראיעקט, ה"ה ידידי זכריה ירוחם תנחום וועלכע האט אינוועסטירט איבערמענטשליכע כוחות אז די אויסגאבע זאל געשעהן אין רעאליטעט. קלאטשט אלע פאר אים.

זהו זה.

געשריבן: זונטאג יולי 09, 2017 6:36 pm
דורך געקלערט
כ'וואלט געוואלט שטארק קאמענטירן אבער היות איך האב נאכנישט געענדיגט דורכליינען די גאנצע זאך (ס'האט צופיל חומר, איך קען אזאנס נישט קאווערן דורכאויס איין שבת...) , עלעך מיזן צווארטן. אבער, וואס איך קען זאגן איז אז ס'עפעס וועלכע איז נאכנישט באוויזן געווארן, איינער וועלכע לייענט עס דורך קומט ארויס א דשיניעס פארמאגענדיג אזויפיל ידיעות און נאלעדזש אין אזויפיל פארשידענארטיגע הינזיכטן.

משה, ווייל איך האב עס געלייענט איז דיין אנאליז געוואלדיג, אזוי געניט ארויסגעברענגט יעדע איינציגסטע ארטיקל, קיפ איט אפ!

געשריבן: מאנטאג יולי 10, 2017 2:19 pm
דורך לאמטערנע
מיט גרויס פרייד טוען מיר מעלדן אז ס'איז אונז ב"ה געלונגען אהערצושטעלן א ספעציעלן סעקיורד סייט וואו מ'וועט קענען קויפן די לאמטערנע, סיי קאלירט און סיי שווארץ-און-ווייס!

דער סייט האט גארנישט חוץ לאמטערנע, אזוי אז די פילטערס וועלן עס בעזר השם נישט בלאקן.

https://www.lamterne.com

דער פרייז פון די קאלירטע איז $14.50 (נאר אויף די סייט. אויף די פריערדיגע לינק איז עס נאך אלץ $13.50), און $6 פאר די שווארץ-און-ווייסע.

(צוליב וואס מיר פרינטן לויט וויפיל ארדערס ס'קומט אריין, קען געדויערן צווישן א וואך און 10 טעג ביז מ'באקומט די ארדער. ביטע אננעמען מיט פארשטענדעניש.)

געשריבן: מאנטאג יולי 10, 2017 10:16 pm
דורך שמואל בארג
משומר בלאק פעידזש.

געשריבן: מאנטאג יולי 10, 2017 10:23 pm
דורך יוראפ
Consecteur adipscin eiusmow incidiunt labore veniam nostru exercitation ullamco laboris conseua reprhne.