א געטומל און א געשריי, עס טוט זיך א "בחורים ווארפעריי" - (דורך: "לכתחילה אריבער")

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

בלעטל
שר האלף
תגובות: 1514
זיך איינגעשריבן אום: זונטאג יולי 17, 2011 3:15 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בלעטל »

תכלית. וואו איז דער ניגון ??
אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

איז טאקע אמת אז מען ווארפט ארויס בחורים פאר קלייניקייטן?

איך רעד נישט דא פון אהיים שיקן פאר א טאג צוויי אדער אפי' א וואך, איז אמת אז מען טראסקעט געהעריג ארויס בחורים אויף די גאס פארן פארשפעטיגן א פארטאגס?

איך האב מיטגעהאלטן פון אינעווייניג ווען איך האב געלערנט אין ישיבה, יעדער וואס איז געפלויגן האט געדארפט פליען א יאר פריער...
אוועטאר
יהודי
שר האלפיים
תגובות: 2935
זיך איינגעשריבן אום: פרייטאג סעפטעמבער 02, 2016 2:20 pm
לאקאציע: אונטערן מעקער

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהודי »

יש ברירה האט געשריבן:איך האב מיטגעהאלטן פון אינעווייניג ווען איך האב געלערנט אין ישיבה, יעדער וואס איז געפלויגן האט געדארפט פליען א יאר פריער...

און געדארפט העלפן דעם בחור נאך א יאר פריער.
א פשוטע איד.
אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

וואס הייסט העלפן?

עס הערט זיך זייער גוט, "העלפן". די משפיע קען מאכן ניסים?

די בחורים פייטן דעם סיסטעם טאג איין טאג אויס, זיי לאזן זיך נישט העלפן דערנאך כאפט מען אים מיט א סמארטפאון און זיי פליען

מען קען נישט העלפן איינעם וואס וויל זיך נישט העלפן אפשר אין א איינגעשפארטע ריהעב

איך ווייס נישט די מצב היינט, איך רעד ווען איך בין געוועהן א בחור
לעצט פארראכטן דורך יש ברירה אום מיטוואך דעצעמבער 14, 2016 1:33 am, פארראכטן געווארן 1 מאל.
אמביציע
שר ארבעת האלפים
תגובות: 4852
זיך איינגעשריבן אום: דאנערשטאג אוגוסט 13, 2015 9:48 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אמביציע »

יש ברירה האט געשריבן:וואס הייסט העלפן?

עס הערט זיך זייער גוט, "העלפן" די משפיע קען מאכן ניסים?

די בחורים פייטן דעם סיסטעם טאג איין טאג אויס, זיי לאזן זיך נישט העלפן דערנאך כאפט מען אים מיט א סמארטפאון און זיי פליען

מען קען נישט העלפן איינעם וואס וויל זיך נישט העלפן אפשר אין א איינגעשפארטע ריהעב

און זינט ס'איז געווארן א מאוומענט קעגן די ישיבות טוען זיי וואס זיי ווילן אויפן סמך אז מ'גייט עניוועי נישט ארויס ווארפן ווייל די זינגער'ס שרייען דאך.
אוועטאר
בשבילי נברא
שר תשעת אלפים
תגובות: 9219
זיך איינגעשריבן אום: מאנטאג יאנואר 18, 2010 10:53 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשבילי נברא »

יש ברירה האט געשריבן:וואס הייסט העלפן?

עס הערט זיך זייער גוט, "העלפן" די משפיע קען מאכן ניסים?

די בחורים פייטן דעם סיסטעם טאג איין טאג אויס, זיי לאזן זיך נישט העלפן דערנאך כאפט מען אים מיט א סמארטפאון און זיי פליען

מען קען נישט העלפן איינעם וואס וויל זיך נישט העלפן אפשר אין א איינגעשפארטע ריהעב

נאופס! אפילו אין אן איינגעשפארטן ריהעב קען מען אויך נישט העלפן איינער וואס וויל זיך נישט לאזן....

איך ווייס איינער וואס איז געווען משום איזה סיבה אין אן איינגעשפארטן ריהעב פאר א שטיק צייט, יענער אבער איז א שטיקל עקשן, און ער האט זיך נישט געלאזט העלפן בשום פנים ואופן, מה עשה הקב"ה? ס'האט אים טאקע נישט געהאלפן... און כאשר בא כן ילך...
---
מטעמים
שר תשעת אלפים
תגובות: 9177
זיך איינגעשריבן אום: זונטאג מאי 04, 2014 10:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מטעמים »

יש, שאלת חכם חצי תשובה, און דא האסטו געשריבען די גאנצע תשובה. זאגען אז עס איז נישט דא וואס צו טוהן מיינט אז די ראטע פון בחורים וואס גייען ווערן געווארפען פון ישיבות גייען ליידער ארויף גיין אין די קומענדיגע צען יאר.

איך בין בטבע נישט קיין עמאציאנאלער מענטש, אבער דו ווייסט וואס דאס מיינט?! יעדער קינד האט דאך שי מעגליכקייט אליינס צו זיין או ערליכער יוד זיינע קינדער ערליכע יודישע קינדערלעך און וועם רייסט נישט דאס הארץ צו זעהן ווי יונגע ביימעלעך פארלירען א חשק צום לעבן און לעבן מיט א פוסטקייט.

ליידער דארף מען ווארפען זייער א סך בחורים, סאו וואט? איז דאס נישט די גרעסטע אלאמירענדע סיבה צו טוהן עפעס דערצו?! כל שכן וכל שכן ווען די עוולות זענען א סך מאל אזוי קליין אז די טאטעס דארפען זיך רייבען די אויגען צו פארשטיין האט טאקע מיין קינד בכלל געטוהן א עולה?!

וואס די עצה איז ווייס איך נישט! אבער אז מען זיכט עצות וועט מען טרעפן און אז א זינגער האט עס אריינגעלייגט אין זיין אלבום איז עס ווייט נישט אזא עולה ווי די עולה אליינס.
האב שכל און גיב א שמייכעל!
אוועטאר
הלשון
שר שלשת אלפים
תגובות: 3620
זיך איינגעשריבן אום: מיטוואך יולי 27, 2011 5:48 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הלשון »

אין א תקופה וואס אזויפיל טאטעס און מאמעס מוטשען זיך צו זעהן נחת פון זייערע בחורימ'לעך.

אזויפיל עלטערן פארגיסן ליידער טייכן טרערן, ציטערנדיג אז זייער בחור'ל זאל חלילה נישט אוועקקריכן פונעם דרך הישר והטוב

אין אזא תקופה, קען איך נישט פארשטיין וויאזוי אן אחריות'דיגע טאטע, זאל קויפן פאר זיין שטוב א סידי, וואס אין דער ביכל רייסט מען בריש גלי אונטער די טייערע אידן וואס פירן אן די היינטיגע ישיבות.

מה יעשה הבן שלא יחטא, ווען ער זעהט ווי זיין טאטע צאלט געלט פאר א סידי/ביכל מיט די נידריגסטע און געמיינסטע אויסדריקן, אויף די ראשי ישיבות, וועם די בחור'ל דארף ארויפקוקן, שעצן און הארכן.

נאך איידער חילי (דער קרוין פון אייוועלט) האט גענומען די פעדער אין האנט בדברי פי חכם חן (כאטש דאס צושטעל צו זיין ביזנעס האט מיר נישט אינגאנצן געשמעקט), האב איך שוין געהאט גרויסע ספיקות צו די ביכל מעג אריבערטרעטן די שוועל פון מיין שטוב.

נ.ב. יא, ס'האט מיר גאר שטארק וויי געטוהן אלס עלטערע בחור'ל, ווען מ'האט מיר לשליש ולמחצה געוויזן די טיר פון ישיבה - צוליב'ן חטא פון נישט מקיים זיין דברי חכז"ל פון בן שמונה עשרה לחופה. אבער דאס גיבט נישט קיין שום רעכט צו שרייבן אזעלכע פרעכע ווערטער אויף ראשי ישיבות.

הלשון הוא קולמוס הלב, והניגון הוא קולמוס הנפש (בעל התניא מליאדי)
אוועטאר
שעמעדיגער
שר חמש מאות
תגובות: 606
זיך איינגעשריבן אום: זונטאג דעצעמבער 15, 2013 12:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שעמעדיגער »

אין נארמאלע אומשטענדן אז א בחור קומט און אינטערטעניגט זיך בכפיפות קומה צום מנהל און ער איז זיך מקבל אז ער גייט זיין וואויל נעמט מען איהם צוריק.
א בחור וואס האלט זיך נישט ביים אינטערטעניגען צי א הנהגה אין ישיבה איז ער שולדיג, און ער איז א סכנה פאר די הצלחה פון ישיבה און פון די ארומיגע
אזא גערעדאכטס פון די ביז איצטערט ארויף געקוקטע ערליכען זינגער ברעכט אינטער ישיבות, און די הצלחות פון אונזער קומענדיגע דור איז און זיין האנט.
לעב און לאך א גוטס
שטארק זיך
שר שבעת אלפים
תגובות: 7764
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

אבערוואס

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

מעשה שהי׳

א טאטע פרעגט מיר אמאל: ״נו, ווייל ער [דער טשאטשקעלע זיינער] לערנט נישט גוט אפ א רשב״א, קען ער [דער מנהל] איהם נישט צוריק נעמען?״

אזוי ווי ׳אייערער ווירקליך׳ (yours truly) האט גראדע יא געוואוסט אז דא האנדעלט זיך גאר פון קיין רשב״א נישט... פרעג איך דעם מנהל, פארוואס ער זאגט נישט פארן טאטן כאטש אפס קציהו פון דעם בחור׳ס מעשים טובים?

ענטפערט ער מיר אט וואס: ווען דער טאטע האט געווען אן אנונג וואס דער בחור האט גע׳חורב׳ט און געווערטשאפט, ווארפט ער אים פון שטוב... אבער יעצט אז איך דערצייל אים גארנישט, בלייבט דער צודרייטער (מקום חי״ק) א רשע מרושע, און דער קינד האט א כאטש א היים... ערגעץ וועט מען אים אריינשטופן, האפענטליך וועט ער בלייבן א איד.

עד כאן יענער שמועס.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
ha ha
שר חמישים ומאתים
תגובות: 492
זיך איינגעשריבן אום: מיטוואך מאי 18, 2016 9:12 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ha ha »

פאטאקי08 האט געשריבן:א נייע מעשה דאס
ערהאצעך אפגעשטעלט ביי 19999 און ער ברענגט מיר אהער ארטיקלן מיט שלוחים.. נאו נאו!
לכתחילה אז איר ווילט מען זאל ליינען זייט מוחל שרייבט עס אליין...

;l;p- ;l;p- ;l;p-
א מוח
שר חמישים ומאתים
תגובות: 252
זיך איינגעשריבן אום: מאנטאג מארטש 18, 2013 9:28 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך א מוח »

יעצט געליינט. האסט מיר ארויסגענימן פין די דישעס. שטותם האט א שיעור. יא האסט מיר גיט אויפגערעגט. :oops:
אוועטאר
הכל בכתב
שר מאה
תגובות: 178
זיך איינגעשריבן אום: זונטאג נאוועמבער 13, 2016 1:38 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך הכל בכתב »

עס איז באקאנט די מעשה (א מעשה שהיה) וואס א געוויסער חשובער דיין שליט"א האט אנגעקלינגען א מנהל פון א ישיבה, היתכן מ'נעמט נישט אריין א געוויסער בחור?? לפי הנראה איז דער בחור א געוועזן א שטיקל מה יעשה'ניק, אבער דער דיין האט געהאלטן אז ס'איז דאך א מצוה אים אריינצונעמען. האט אים דער מנהל געענטפערט, באמת האב איך נישט קיין פלאץ אין ישיבה, אבער איך מיין אז איין ליידיגע פלאץ איז דא נעבן הבחור ... , אפשר וועל איך אים דארטן זעצן. - דער הבחור ... איז געווען נישט קיין אנדערער ווי דער זוהן פונעם דיין, און פארשטייט זיך אז דער דיין איז תיכף אויפגעשפרינגען, ניין, ח"ו, נישט נעבן מיין זוהן... האט אים דער מנהל געזאגט, נו, די אנדערע עלטערן פון ישיבה ווילן אויך נישט מ'זאל אים לייגן נעבן זייער זוהן....

די מעשה איז א מעשה שהיה, און עס איז א גרויסע לימוד, יעדער פארשטייט אז מ'דארף אריינעמען יעדעם אין ישיבה, אבער נישט נעבן מיין זוהן, נאר נעבן יענעמס זוהן, זאל יענעמס זוהן קאליע ווערן, אבער מיין זוהן זאל בלייבן באהיטן. עס איז טאקע א גרויסע אחריות נישט אריינצונעמען, אדער ארויסווארפן א בחור, אבער לעומת זה איז גאר א גרויסע אחריות צו לאזן א בחור אין ישיבה קאליע מאכן אנדערע.

ביודעי ומכירי קאמינא, אין תלמוד תורה וואו איך האב געלערנט, איז געווען א יונגעל/בחור וואס - חוץ פון דעם וואס ער האט קיינמאל נישט געלערנט צו פיהל - האט ער מכשיל געווען אנדערע קינדער מיט תמונות תועבות וכו', און עס איז געקומען צו א מצב - פאר מ'איז געפארן אין קעמפ, וואס דאן האבן די עלטערן ווייניגער אויפזיכט אויף די קינדער - וואס א חלק עלטערן האבן געסטראשעט אז זיי נעמען ארויס זייערע קינדער פון ת"ת, אויב די הנהלה נעמט נישט שריט. די הנהלה האט פרובירט אים ארויסשטעלן, אבער די עלטערן האבן איבערגעקערט אז ס'איז שפיכות דמים, בלית ברירה האט מען אים געלאזט קומען אויף זומער, אבער מ'האט אים במקצת אפגעזונדערט פון די כתה, אים געלייגט שלאפן אין קעמפ אין א באזונדערע צימער, געלאזט הערן בשתיקה פאר א טייל קינדער מ'זאל מיט אים נישט האבן קיין שייכות. פארשטייט זיך אז אויף די קומענדיגע יאר איז דער בחור נישט געבליבן אין ישיבה, וואו ער איז געגאנגען פונקטליך ווייס איך נישט, לפי ידיעתי האט ער קיינמאל נישט חתונה געהאט, פארשטייט זיך אז די גרינגסטע זאך איז צו באשולדיגן די ת"ת, אבער פון צווייטן זייט ווער ווייסט וויפיהל קינדער פון די כתה האבן געליטן צוליב דעם איינעם, האט די ת"ת רעכט צו מפקיר זיין די גאנצע כתה צוליב הצלת נפשות פון איינעם???

די אזויגערופענע מעוררים טענה'ן אז די אלע וואס מ'ווארפט פון ישיבה, זענען נישט קיין פארדארבענע, נאר שוואך אין לערנען, התמדה, כשרון וכדו'. אבער די מציאות איז נישט אזוי, יעדער בחור וועלכער וויל זיך געפינען במסגרת הישיבה, וועט זיך געפינען, א ישיבה וועט קיינמאל !!! נישט ווארפן קיין בחור פאר שוואכקייט אין התמדה, כשרון וכדו'. סיבות צו ווארפן א בחור הייבט זיך אן, פון נישט אויספאלגן די מנהל/משגיח/מגיד שיעור אויף אן אומאויפהערליכן אופן, און נאך פילע פראבעס/סטראשען/ווארענען און נישט וועלן זיך אונטערבייגן זיין קאפ צו פאלגן, [און על פי רוב ווען די עלטערן נעמען זיך אן פאר זייער תכשיט'ל], ביז די ערגסטע פון זיין א מושחת/משחית.

איך רעד נישט פון די "ישיבות למצויינים" וועלכע נעמען נישט אריין קיין בינונים/חלשים, וואס דאס איז א באזונדערע סוגיא צו ס'איז אויסגעהאלטן אזא סארט ישיבה אדער נישט, ואין כאן המקום להאריך, מ'רעדט פון א געהעריגע ישיבה, בפרט א ישיבה וועלכע געהערט פאר א קהילה, וואס וועט קיינמאל נישט ווארפן קיין בחור פאר פראבלעמען מיט לערנען. אדרבה ואדרבה, נעמט יעדער בחור וועלכער איז אין גאס, און זייט מברר פונקטליך פארוואס ער איז אין גאס, וועט איר זיך איבערצייגן. און אויב וועט איר טרעפן 1 פון הונדערט וואס מ'האט געווארפן ווייל זיין טאטע האט זיך צוקריגט מיטן אדמיניסטראטאר (דער איד פ' ויצא), דאן קען מען פון דעם נישט ציען א באשולדיגונגס פינגער אויף אלע מנהלים און ראשי ישיבות.

געדענקט, א בחור וואס וויל זיין אין ישיבה, וועט זיין אין ישיבה. אויב וויל ער נישט, דאן וועט ער נישט זיין, און יעדער וועט זיין שולדיג דערפאר, אויסער ער אליינס!!!
אוועטאר
עקבי הצאן
שר האלפיים
תגובות: 2760
זיך איינגעשריבן אום: דאנערשטאג מארטש 14, 2013 11:44 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך עקבי הצאן »

הלשון האט געשריבן:אין א תקופה וואס אזויפיל טאטעס און מאמעס מוטשען זיך צו זעהן נחת פון זייערע בחורימ'לעך.

אזויפיל עלטערן פארגיסן ליידער טייכן טרערן, ציטערנדיג אז זייער בחור'ל זאל חלילה נישט אוועקקריכן פונעם דרך הישר והטוב

אין אזא תקופה, קען איך נישט פארשטיין וויאזוי אן אחריות'דיגע טאטע, זאל קויפן פאר זיין שטוב א סידי, וואס אין דער ביכל רייסט מען בריש גלי אונטער די טייערע אידן וואס פירן אן די היינטיגע ישיבות.

מה יעשה הבן שלא יחטא, ווען ער זעהט ווי זיין טאטע צאלט געלט פאר א סידי/ביכל מיט די נידריגסטע און געמיינסטע אויסדריקן, אויף די ראשי ישיבות, וועם די בחור'ל דארף ארויפקוקן, שעצן און הארכן.

נאך איידער חילי (דער קרוין פון אייוועלט) האט גענומען די פעדער אין האנט בדברי פי חכם חן (כאטש דאס צושטעל צו זיין ביזנעס האט מיר נישט אינגאנצן געשמעקט), האב איך שוין געהאט גרויסע ספיקות צו די ביכל מעג אריבערטרעטן די שוועל פון מיין שטוב.

נ.ב. יא, ס'האט מיר גאר שטארק וויי געטוהן אלס עלטערע בחור'ל, ווען מ'האט מיר לשליש ולמחצה געוויזן די טיר פון ישיבה - צוליב'ן חטא פון נישט מקיים זיין דברי חכז"ל פון בן שמונה עשרה לחופה. אבער דאס גיבט נישט קיין שום רעכט צו שרייבן אזעלכע פרעכע ווערטער אויף ראשי ישיבות.


אנעם אריינגיין אינעם כלליות'דיגן שמועס, בין איך אויפגעשוידערט אויף די צוויי פאראגראפן וואס הלשון ברענגט דא אראפ, דאס איז טרעק פייוו.. אופס... סם המות פאר די קינדער צו הערן, די גאנצע שמועס אויבן וואלט געווען ווען דאס איז פאר ערוואקסענע צו הערן
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).
קענטעלאופ
שר חמישים ומאתים
תגובות: 490
זיך איינגעשריבן אום: מאנטאג סעפטעמבער 20, 2010 4:19 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קענטעלאופ »

טענו לו בחיטין והודו לו בזכר קדשו " יעדער רעד פון אנדערע זאכען, די מעוררים טענה'ן אז מווארפט אפילו גוטע בחורים וואס זענען שוואך אין לערנען, און די שרייבער דא רעדען פון מושחתים וואס מדארף ווארפען.
שוואכע מעג [דארף?] מען אפשר ווארפען אויב זיי זענען מכשיל אנדערע, אבער די פאקט איז אז מטראסקעט אויך בינונים און שוואכע קעפ אין גרויסען, און דאס טאר מען נישט פארשווייגען
דער פאקט ווייסען נעבעך נאר דע וואס האבען אליינס געליטען, און געוויינט אויף זייער חורבן
כוועל געבען א דוגמא, דע יאהר האט זיך סאטמאר ישיבה פון ב"פ אפישעלי פארמאכט אנהייב זמן, ווען אלע גוטע בחורים זענען געגאנגען צו מצויינים ישיבות און דער מנהל הרב מצעשניוב שליט"א איז געבליבען נאר מיט בינונים און שוואכע, וכידוע קען מען נישט פירען א ישיבה נאר מיט דע סחורה האט ער עס פארשפארט, און אלע בחורים האבען געקענט קלאפען בארען, מרעד נישט פון משוחתים בכלל, נאר פון בינונים און שוואכע קעפ. הערשט נאכדעם וואס עטליכע גוטע בחורים פון קרית יואל מאנטריאל און מאנסי האבען זיך געמאלדען, האט ער שנעל צוריק געעפענט די ישיבה, און געראטעוועט דע אלע בחורים וואס זענען שוין געוועהן אויפען גאס אן קיין ישיבה
שולדיג זענען די מצויינים ישיבות, ואכמ"ל
אוועטאר
ראפאט קראמפלי
שר האלפיים
תגובות: 2341
זיך איינגעשריבן אום: מאנטאג אקטאבער 07, 2013 12:16 pm
לאקאציע: אין טעלער.

  • ציטיר
  • צו לייגן א דאנק דארפט איר זיין אריינגעלאגט

תגובה דורך ראפאט קראמפלי »

עקבי הצאן האט געשריבן:
הלשון האט געשריבן:אין א תקופה וואס אזויפיל טאטעס און מאמעס מוטשען זיך צו זעהן נחת פון זייערע בחורימ'לעך.

אזויפיל עלטערן פארגיסן ליידער טייכן טרערן, ציטערנדיג אז זייער בחור'ל זאל חלילה נישט אוועקקריכן פונעם דרך הישר והטוב

אין אזא תקופה, קען איך נישט פארשטיין וויאזוי אן אחריות'דיגע טאטע, זאל קויפן פאר זיין שטוב א סידי, וואס אין דער ביכל רייסט מען בריש גלי אונטער די טייערע אידן וואס פירן אן די היינטיגע ישיבות.

מה יעשה הבן שלא יחטא, ווען ער זעהט ווי זיין טאטע צאלט געלט פאר א סידי/ביכל מיט די נידריגסטע און געמיינסטע אויסדריקן, אויף די ראשי ישיבות, וועם די בחור'ל דארף ארויפקוקן, שעצן און הארכן.

נאך איידער חילי (דער קרוין פון אייוועלט) האט גענומען די פעדער אין האנט בדברי פי חכם חן (כאטש דאס צושטעל צו זיין ביזנעס האט מיר נישט אינגאנצן געשמעקט), האב איך שוין געהאט גרויסע ספיקות צו די ביכל מעג אריבערטרעטן די שוועל פון מיין שטוב.

נ.ב. יא, ס'האט מיר גאר שטארק וויי געטוהן אלס עלטערע בחור'ל, ווען מ'האט מיר לשליש ולמחצה געוויזן די טיר פון ישיבה - צוליב'ן חטא פון נישט מקיים זיין דברי חכז"ל פון בן שמונה עשרה לחופה. אבער דאס גיבט נישט קיין שום רעכט צו שרייבן אזעלכע פרעכע ווערטער אויף ראשי ישיבות.


אנעם אריינגיין אינעם כלליות'דיגן שמועס, בין איך אויפגעשוידערט אויף די צוויי פאראגראפן וואס הלשון ברענגט דא אראפ, דאס איז טרעק פייוו.. אופס... סם המות פאר די קינדער צו הערן, די גאנצע שמועס אויבן וואלט געווען ווען דאס איז פאר ערוואקסענע צו הערן

קיינער הערט נישט אויס די וויי געשריי, אונז האמיר נישט קיין רעכניץ..
די ריכטיגע ווארט איז ראקאט קראמפלי, איך וויל פשוט מ'זאל נישט כאפן ווער איך בין ממילא רוף איך זיך ראפאט.
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

איך זעה דא צוויי באזונדערע נושאים.

איינס, צו מ'ווארפט בחורים אומזיסט אדער נישט.

צוויי, צו א זינגער מעג ארויסלייגן אזא ניגון מיט אזא ביכל.


אויף איינס קען מען זיך דינגען לכאן ולכאן, ס'איז זיכער אז רוב ראשי ישיבות ווארפן נישט נאר פאר גאר ערנסטע סיבות (און אויב איר ווייסט נישט די סיבה זייט וויסן אז איר ווייסט נישט אלעס ודי) און ווידעראום זענען צומאל אויך דא פעלער ווי בחורים ווערן אומ'יושר'דיג באהאנדלט. אמאל איז עס צוליב א טעות ווי ביי שטיגליץ, 5און אמאל איז עס ביי די אזוי גערופענע ישיבות למצוינים, און אמאל סתם א ראש ישיבה שלא שימש כל צרכו.

אויף צוויי האלט איך אבער פונקט ווי הלשון אז די גאנצע נושא איז געמאכט צו ווערן דיסקוסירט דורך עלטערע באזעסענע מענטשן. אבער ארויסצוגעבן א ניגון אויף א סידי פאר יונג און אלט, און שרייבן אזעלכע שארפע ווערטער אויף די ראשי ישיבות אין א ביכל וואס יעדעס קינד האט צו דער האנט, איז אומדערהערט און אומאקצעפטירבאר.
אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

יאג אפ פון מיינע ד' אמות פאר די כאפסט איינס און א גוטס אין קאפאריין!! - (ליין: העלאו פעלאס, בלע"ז...)

רוקצענט אוועק א רגע!
מאך מיך פלאץ, לאמיך אדורך... זאג, דו הערסט נישט??? כ'רעד דאך צו דיר, ניין?! - שוטה!

אקעי.

אטא די פאלגענדע שטיקליך האב איך ערהאלטן אין אישי פון א חשובע מיטגליד דא. אויף מיין פראגע אביער עס ארויפלייגן ברבים האט ער מיר געגעבן רשות עס צו לייגן אנאנים.
רצונו של אדם זה כבודו. לייג איך עס דעריבער ארויף.
נ.ב. כ'האס גארנישט געטוישט פון זיין לשון. כלשונו כן היא.

איך אייל מיך
דערפאר קען איך נישט מאריך זיין

אבער ביטע שיקן פאר [אייך און פאר] אייער משלח א ריזיגן דאנק
איך ווייס אז עס איז זייער נישט פאפולער צו שרייבן וואס איר שרייבט און איר וועט מסתמא אריינהייבן פון פילע אידן זייער פיל,
און דערפאר קומט אייך א דאנק בשם מיינס גלייכן (וואס דארפן יא מאכן די פיקוח נפש'דיגע באשלוסן- און ניין מיר שאצן פאר קיין רגע נישט אונטער די אחריות וואס דאס טראגט –אני הקטן האב קיינמאל נישט אפגעזאגט קיין בחור אנדעם וואס ס'זאל מיר קאסטן טרערן [יא, גוט געליינט] און [ווייניגסטנס] א נאכט פון שלאף.)
און בעיקר קומט אייך א דאנק פון דעם בורא כל עולמים, וואס פאר זיינע קינדער ארבעטן מיר, זייער אונטערגעצאלט, זייער אונטערגעשאצט, און זייער דערנידערט אין די אויגן פון המון עם.
איך האב אויף דעם נושא פיל חומר און עוד חזון למועד,


להוסיף:
דאס איז בנוגע נישט אננעמען
ארויסווארפן, איידער יענער איז מסודר ערגעץ אנדערש (1 איינציגע מאל אין מיין עקספיריענס) איז א פראצעדור וואס ווערט קיינמאל נישט געטון (ביי די ראשי ישיבה מיט וועמען איך בין אין כסדרדיגע פארבינדונג) אן אדורכרעדן מיט (לכל הפחות) 3 מענטשן
1- א ערנסטע מורה הוראה (וואס איז עקספיריענסד אין די נושא)
2- א ערליכער איד (רבי/משפיע)
3-אן אנדערער ראש ישיבה.
און מיט דעם אלעם זענען די הארץ-קלאפענישן אומבאשרייבליך.


א יישר כח פאר די דברי חיזוק.
עמער פראבירן נאך אביסל (עס איז שווער זיך צו קאנצעטרירן ווען די נושא קומט ארויף, וויל עס קומט מיט מיט אזויפיל הארצווייטאג)

עס זענען פאראן אין דעם אסאך פרטים, ממש א מים שאין להם סוף, אבער קמא קמא דמטי לידי וועל איך שרייבן.

א- קודם א שטיקל דיסקלעימער: ווי דער שרייבער האט געשריבן איז אמת אז א פראבלעם איז פאראן און איך וועל עס בלי נדר שפעטער ארויסברענגען, אבער די גורמים פונעם פראבלעם טוען עס זיכער נישט במזיד. [און ניין נישט די ראשי ישיבה זענען די גורמים]

ב- שמעתי מידידי א חשובער סגן מנהל אין א ישיבה [כמדומה אז ער איז א מורה הוראה אויך] "שלעכטע מענטשן קענען זיך טרעפן אין יעדע אינדוסטריע, עס איז געווען בכל הדורות און אזוי וועט זיין עד ביאת הגואל. און מן הסתם זענען פאראן אזעלכע אויך אינעם ישיבה סיסטעם. (כאטשיג איך קען נישט אזעלעכע, און יעדער פון די ליינער וועט מודה זיין אויף די פאר ראשי ישיבה וועלכע ער קען אמתדיג, [נישט נאר פון א געוויסע פרשה,] אז זיי זענען בכלל נישט קיין שלעכטע מענטשן און אוודאי נישט צו האבן א נחת רוח פון וויי טון א בחור.)
פונדעסנוועגן זענען זיי זיכער נישט מער ווי א מיעוטא דמיעוטא בתכלית המיעוט. און צו גיין אראפרייסן אידן פארן טון זייער ארבעט און צו שאצן א גאנצע אינדוסטריע פון יראים ושלימים לויט א אומדערקענבארע פראצענט, איז א רשעות.

ג- עס איז אמת אז עס זענען פארהאן טאטעס וואס זענען פארווייטיגט, און מ'קען זייער ווייטאג נישט אוועקמאכן.
אמאל איז די ענין אזוי קאמפליצירט אז דער טאטע קען אויך נישט ארויסהאבן די נושא על בורי'.
אמאל קען עס דער טאטע נישט פארשטיין מחמת פארשטענדליכע נגיעות.
און אמאל איז דער מעסעדזש צום טאטן פשוט אנגעקומען צו שארף אדער אומסענסיטיוו, און דאס האט גורם געווען אז זיין הארץ איז פארשטאפט און ס'איז אים נישט מעגליך צו הערן דעם אמת.
בכלל איז ידוע אז איינמאל עס קומען אויף געפילן, איז זייער שווער צו ארבעטן הונדערט פראצענט מיט לאגיק.

ד- עס איז אמת אז די ראשי ישיבה ארבעטן נישט אינגאנצן לשמה, אבער איך מיין אז פארלאנגען אז א מענטש זאל היינט ארבעטן אינגאנצן לשמה איז א נארישקייט, (דער פארלאנגער איז אין זיין עבודת ה' אויך נישט בבחינת לשמה גמור –חוץ אויב ער איז א בעל דמיון) אבער די אידן טוען זייער ארבעט לויט ווי ס'זעט זיי אויס אז עס דארף געטון ווערן (און מיט התיעצות פון וועמען זיי האלטן פאר מאסגעבנד), און דאס איז דער מהלך וואס א איד דארף טון ביי יעדע שאלה וואס קומט ארויף. און אויב איינער האלט אנדערש, מעג ער האלטן וואס ער וויל, אבער נישט אפסטעמפלען אז יענער איז נאר געטריבן פון שלעכטע געפילן.

טרם התחלתי לדבר ואקוה שאמשיך בלי נדר.


המשך
דאס איז קלאר אז 95% פון די וואס רעדן האבן נאך קיינמאל נישט מיטגעהאלטן די זאך פון דער נאנט, נאר געהערט פון גאס און [אמאל אמאל] פון איינעם וואס האט עס מיטגעהאלטן פון דער נאנט.

איז אזוי. זייט וויסן אז אויב האט איר געהערט א מעשה מיט אן ארויסגעווארפענעם בחור [סיי אויב איר האט עס געהערט פון גאס אדער פון א כלי ראשון] און איר זעט נישט קיין 2 צדדים [דאס מיינט נאז איר קענט אפילו נישט הערן די צד פון די ישיבה] זאלט איר וויסן אז איר האט נישט געהערט קיין אפס קצהו פון וואס דארט גייט פאר. נאר דער ראש ישיבה קען נישט און וויל נישט און טאר נישט דערציילן וואס גייט פאר.

די סיבות פארוואס מ'קען אפזאגן א בחור זענען אזוי פארשידנארטיג, אז עס איז נישט מעגליך אין 1 ארטיקל עס צו ברענגען פארן עולם.

לאמיר אייך דערציילן פון 1 מעשה וואס איז געווען אין אונזער ישיבה
מיר האבן געהאט א בחור, וואס די וואס האבן אים געקענט פון גאס/בית המדרש/וכו' האבן אים געקענט אלס א גאנץ וואילער בחור.
דער אמת איז אבער געווען אז דער בחור האט פארמאגט א קאנדישע"ן וואס אין די דאקטערישע/טעראפי וועלט ווערט דאס אנגערופן בארדערליי"ן פערסאנאליט"י דיסארדע"ר.
ווער עס ווייסט נישט וואס דאס מיינט קען אנפרעגן ביי הרב שטארק זיך, חביבי, מתבונן, שלוה, אא"ו.
דאס גיהנם וואס דער בחור האט אנגעמאכט פאר די הנהלת הישיבה איז נישט צום באשרייבן. זיי זענען מומחים אין מאניפולירן, טרעפן יענעם'ס סאפ"ט ספאט"ס און רייטן דערויף. [ביי שלום בית זאגן רוב מומחים אז רוב מאל פעלט אויס א גט בכה"ג]
ועל כולם איז דער פראבלעם אז די מענטשן זענען מומחים אנצושטעלן א שיינעם פנים, און אין גאס [און אפילו אין ישיבה] ווייסט קיינער וואס גייט פאר. [א חוץ די פאר בחורים וואס זענען זיינע קרבנות]

מיר האבן געהאלטן דעם בחור פאר 3 זמנים [1 ½ יאר].

דער משגיח האט אריינגעלייגט אין דעם בחור אוצרות פון ווארעמקייט, געדולד, אייזערנע נערוון, און טיילמאל פארנאכלעסיגט זיין משפחה.
עס האט אונז געקאסט געלט פאר טעראפי, [ווייל אין אזא פאל דארפן די וואס ארבעטן מיט אים אויך האבן טעראפי נישט אונטערצוברעכן]
איך האב א געוואלד צו דערציילן פון דעם קעיס אליין אבער נישט דאס איז די פוינט.
נאך 3 זמנים האבן מיר אנגערופן דעם אחראי אויף דעם בחור, [דער טאטע איז נישט געווען אין א מצב צו קענען זיך אפגעבן] און געבעטן אז ער זאל אנהייבן ארבעטן צו שאפן פאר דעם בחור אן אנדער מקום. מיר האבן שוין געטון אזויפיל און עס איז צייט פאר א צווייטן אויך צו טון.
דער אחראי האט אבער גארנישט געטוןן דערצו [ער האט מיר קלאר געזאט אז ער ווייסט אז אריינלייגן דעם בחור אין א נייע ישיבה וועט פאדערן צופיל צייט, כח, נערוון און געדולד, און ער קען דאס נישט עפארדן].
המשך יבא אי"ה


עד כאן דברי חברינו. האף מיר אז די המשך וועט ממשיך זיין.
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

חחחח.... (דאונט ווארי, כ'לאך שטיל. כ'זוך זיך נישט קיין צרות מיטן אויפוועקען די חצות אידן...)

ס'גוט צו זיין פאפולער...איא? :wink:
וויאזוי זאגן נאר די גוטזאגערס, "הרוצה לידרים יחכים, אדער 'יאך קום', אדער... 'אדער - גראבער!', יו דעסייד! וויטשעווער יו וואנט.

עניוועי. ווי זאגט נאר די פסוק אין חגיגה, המת'חילי' במצוה אומדים לו כחמור.

נו, זאל נישט אויסגערעדט זיין... אבער היות די אשכול האט באקומען אזויפיל פידבעק, איינס בעסער פון בעסערס (וועא"מ). האט "לכחילה אריבער" געשפירט פאר וויכטיג (נישט די ניק - וואדען?!) צו קלארשטעלען אפאר נקודות.

אט איז די עמטליכע סטעיטמענט, ציגעשיקט צו אונזער "אפיס פאר פולער דימענד" אין וועלכע "לכתחילה אריבער" שטעלט קלאר אפאר פונקטען.
אט ליינט:
איך האב בכלל נישט גערעדט איבער די נושא בעצם צו מען מעג יא אדער נישט ווארפן קיין בחורים. און צו מען ווארפט טאקע יא אדער נישט צופיל.

איך האב ארויסגעברענגט דריי נקודות.

1) א מענטש פאר ער באשליסט יענעם צו קריטיקירן, דארף ער טראכטען צו ער אין יענע מצב וואלט געווען בעסער. (דאס הייסט, נישט צו זאגן אז א ישיבה איז יא אדער נישט א ביזנעס, נאר צו זאגן אז "דו קריטיקירער" וואס וואלסטו געטאן אין יענעמס הויזן? פון די וועג וויאזוי דו פירסט דיין ביזנעס, נעם איך ארויס אז דא וואלסט נישט געווען בעסער.)

דאס זאגט נישט אז א ישיבה איז א ביזנעס, נאר נעמט פון די ביזנעס א סעמפל, וויאזוי מענטשען פירן זיך. כאשט מען קען דארט אויך האבן אסאך פון די סארט טענות. און דאס זאגט אויך נישט אז אין ביזנעס איז ריכטיג זיך אזוי צו פירן, נאר די מציאות.

די נקודה נעמט אויך אריין, אז איינער וואס וויסט נישט וואס טוט זיך אינעווענדיג, און איז נישט אין יענעמס שוך, קענסטו נישט וויסן וואס דו וואלסט געטאן אויף יענעמס פלאץ, נעמליך ווען דו האסט אלע אינפארמאציע אוןדו ווייסט וואס מיינט פירן א ישיבה.

דאס נעמט אויך אריין צו פארשטיין אז די בילד איז געווענדליך זייער ווייט פון "שווארץ און ווייס".

2) דאס אז דו ביסט א זינגער, און דו האסט א טאלאנט, מאכט נאך נישט אז דו קענסט אין אלעמען אריינרעדן. עס איז א אלגעמיינע טעות פון מענטשן, אז איינער וואס איז א פאבליק פיגור, און האט א געוויסע זאך אין וועלכען ער איז גוט, קען און דארף אריינרעדן אין אלעמען. (דאס איז עקסטער פון די די נקודה אז א בעל הבית האט נישט צו קריטיקירן א רב, א רבי אדער ראש ישיבה באופן פומבי, האסט עפעס צו זאגן, זאג עס שטילערהייט מיט דרך ארץ, אבער די נקודה האב איך נישט אנגערירט אינעם ארטיקל)

דאי נקודה נעמט אריין דאס וואס טרייבט אסאך מאל די סארט מענטשן יא אריינצורעדן אין אלעמען, און דאס איז פאפוליזעם און דאס ווילן פון "זאגן וואס דער עולם וויל הערן" אז מען זאל מיך ליב האבן. וואס דאס - מען זאל מיך ליב האבן און איך זאל זיין פאפולער - איז געווענדליך א שטארק וויכטיגע זאך צווישן די מענטשן מיט געוויסע טאלאנטן.

3) די וועג פון "מעורר זיין" איבער די פראבלעם, בפומבי און איבערגעטריבן מיט לשונות של גנאי, גייט נאר ערגער מאכען די פראבלעם, צוליב די קאנטער רעאקציע. און בכלל איז עס היפך דרך ארץ.

דאס נעמט אריין אז עס ווערט אויסגענצט דורך די וואס זיכען צו באשמוצן אלעס בנוגע פרומע אידן כאפן זיך צו דערצו.
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

לדעתי, קען מען נישט ברענגען קיין ראיות פון קיין מעשיות שהיה, ווייל יעדע מעשה און יעדע קעיס איז אנדערש, און עס איז טאקע דא אסאך מאל וואס די ראש ישיבה איז נישט גערעכט, און ער וואלט אפשר אנדערש געקענט האנדלען די מעשה, אבער לעומת זה איז דא אסאך מאל וואס ער איז יא גערעכט!

די פוינט וואס חילי האט ארויס געברענגט איז עניוועי גוט, ער טענה'ט אז יעדע מענטש דארף פארשטיין אז א שלעכטע בחור איז מען נישט מחוייב צו האלטן אין ישיבה, אזוי ווי דו פארשטייסט אויף אן ארבעטער!

עס איז טאקע נישט נוגע אויף אלע מעשיות וואס קומען פאר אין ישיבות, אבער א גרויסע טייל פון די העצערס קעגן ישיבות וואס טענה'ן און לייגן ארויף די שילד אויפן ראש ישיבה וואלטן אין די זעלבע פאל אין זייער ביזנעס אנדערש געהאנדעלט!

און פאר ווער סעכאפט נישט, ער גלייכט נישט צו די ישיבה צו א ביזנעס, ער מיינט נאר די פוינט דערפון...

קען זיין אז די פוינט איז נישט נוגע פאר יעדע קעיס, אבער די ניגון איז אויך נישט נוגע פאר יעדע ראש ישיבה....
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
אוועטאר
farshlufen
שר שלשים אלף
תגובות: 35146
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

נומער איינס פון לכתחילה בקיצור "דאבל סטאנדארט" בלע"ז, אין אידיש גערעדט כבר כתב החסיד ר' יוסף יעב"ץ ז"ל "כי רוב הקטטות הנופלות בין בני אדם הם בסבת שפוט האדם משפט א׳ לעצמו ומשפט אחר לזולתו".
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
ניס קראכער
שר שמונת אלפים
תגובות: 8835
זיך איינגעשריבן אום: דינסטאג יולי 26, 2016 5:36 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניס קראכער »

זייער אמת'ע ווערטער
איך פארשטיי באמת נישט דעם זינגער ואתו הסליחה
אוודאי איז דא פעלער אבער מאכן א ניגון אויף אזא קאמלעצירטע עסק מאן דכר שמיה
איך וואלט אים ענדערשט געראטן צו מאכן א ניגון אויף אנדערע ענינים
למשל אויף די גנבים וואס גנבענען/קאפיען סידי'ס
א הארטע ניסל קען מען צוקראכן, א ווייכע ניסל נישט! ער ווערט צוקוועטשט!
אוועטאר
יהודי
שר האלפיים
תגובות: 2935
זיך איינגעשריבן אום: פרייטאג סעפטעמבער 02, 2016 2:20 pm
לאקאציע: אונטערן מעקער

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהודי »

פארוואס מעג א זינגער יא רעדן וועגן אמונה ? זאל ער עס לאזן פאר רבנים
א פשוטע איד.
לא לנו
שר האלפיים
תגובות: 2005
זיך איינגעשריבן אום: דינסטאג מארטש 10, 2015 12:16 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לא לנו »

יהודי האט געשריבן:פארוואס מעג א זינגער יא רעדן וועגן אמונה ? זאל ער עס לאזן פאר רבנים

שוואך געענטפערט.
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

יהודי אר יו סיריעס?

דו זעהסט אויס ווי אן אמת'ער אנגעווייטאגטער קרבן
שרייב תגובה

צוריק צו “דעת הקהל”