ראספשע האט געשריבן:הרב בלעטל, איר טוט אדער איר האט געטון אין חינוך? אדער קענט איר זיך מיט איינעם אין דעם פעלד?
[איך האב בכלל נישט געשריבן די ווערטער 'אויטאמטיש קומט אויס אז די שוואכסטע וואס האלטן נישט ביי גארנישט נעמען עס' - דאס האסטו מוסיף געווען מדילך, כאוות נפשך הטהורה, וואלסט געקענט ביישטיין....., איך האלט בכלל נישט אז די וועלכע זענען אויף די פאזיציעס זענען 'די שוואכסטע'....
אויך האב איך נישט געשריבן 'א מגיד שיעור איז עפעס וואס קיינער וויל נישט הערן', דאס האסטו בכוונה פארדרייט, איך האב געשריבן 'א מנהל' וויל קיינער נישט ווערן, ויחי ההבדל]
איך טו אין חינוך גראדע איך בין מחנך א גאנצע שטוב, חוץ אויב דו מיינסט אז טון מיינט האבן לייסענס און א דעגרי פון א קאלעדזש..
אבער איך טו אויך אין היסטאריע, און איך ווייס וויאזוי אמאליגע מנהלים האבן זיך אויפגעפירט.
מגיד שיעור מיט מנהל האב איך פארטוישט, אבער די איבריגע איז א סך הכל פון דיין תגובה, דו ווילסט ארויסברענגען אז ס'איז א שווערע דזשאב און בארעכטיגן זייער ווארפעריי און דו כאפסט נישט אז דו שפילסט אריין אין די האנט פון שונא פון ווער ס'באקומט די דזשאב.
אבער ווי א צווייטער ניק האט דא געשריבן אז מ'דארף זיין אין די זעכציגער יארן.. ער זאגט אזוי גוט, איינע פון די גרויסע סיבות צום ניי געווארענעם פראבלעם איז די מזלזל זיין איבעראל און ביי ישיבות אויך אין די מעלה פון אמאליגע און עלטערע, סיי זייער עקספיריענס און סיי זייער מסורה, דאס איז ביים נייעם דור געווארן א געוואלדיגע זלזול אין די אידן, ווייל די אלטע האבן נישט פארשטאנען, זיי זענען נישט געגאנגען צו קורסעס און נישט געליינט קיין בוקס, די אינגע פארלוירענע אינגעלייט ווארפן זיך ארום פון פארלוירנקייט ווייל דער בחור מאכט ממש חרוב די ישיבה אז ער קומט נישט פארטאגס און ער קען נישט הענדלן די זאך, אמאל ווען עלטערע באזעסענע און מער עקספיריענסד אידן מיט הוראות פון גדולי ישראל האבן געפירט די זאך, האבן ניטאמאל גע'חלומ'ט פון מעביר זיין עכטע שווערע בחורים וואס האבן געמאכט יעדן טאג טראבל. ס'איז נישט געקומען אויפן געדאנק, די אלע מעשיות פון אמאל וואס די גדולים האבן נישט געלאזט ווארפן זענען געווען עכטע עכטע שווערע פראבלעמען, און אזעלכע פראבלעמען וואלט איך עכט נישט געקענט האבן טענות היינט, ס'איז פארט נישטא די גדולים מיט אחריות פון אזעלכע פעלער, אבער אפילו דארט האט מען פרובירט צו העלפן שווערע פראבלעמאטישע בחורים וואס האבן געמאכט שאדן, און ווייסט וויפיל שטובער היינט זענען הערליכע פירות פון אזעלכע סארט בחורים, כידוע ליודעים. אבער דער עולם וואס מ'רעדט דא איז פון שטותים והבלים ממש שוואכע כשרונות, שוואכע שטובער, אביסל א פוילער, איינער וואס מאכט ווערטלעך וכו' וכו', וואס ער האט שוין פארלוירן דעם חן בעיני המנהל און געהער נישט אין זיינע ד' אמות.
וואו נעמט מען א יונה לאנדא