עסקנים פאר א נערישע פלעשל, אייכם?

[יגרסהדותא]

שכח פארן געבן די געלגנהייט, אנשי שלומינו זאלן קענען געבן זייערע עצות, איך האב כסדר הנאה פון דעם וועלטל

על של עתה באתי

יעדער זעהט לעצטנס פרייזען פון מילעך האלט אין איין שטייגן, מענטשן האבן נישטא די געלט צו קויפן א פלעשל מילעך, איך פארשטיי נישט ווי זענען די עסקנים ווען עס קומט אזא וויכטיגע זאך לטובת הציבור, וואס יעדער זאל קענען הנאה האבן??

וואס קאסט שוין א קי?? די עסקנים וואלטן געדארפט קויפן איין קי, אריינברענגן אין ביהמ"ד, דער עולם זאל נעמען מילעך.

מען דארף נישט קויפן איין פלעשל מילעך דארף נישט קאסטן אזויפיל געלט, מ'קויפט א קי, ווער עס דארף מילעך קומט נעמען, עס ווערט זיין א ספעציעלע שטיבל אין ביהמ"ד, דער עולם איז גרייט צו באצאלן פאר עס!! מ'זאל נישט בעטן די איבערגעטריבענע סכומים, וואס קאסט שוין א קי??

מען ברענגט א קי, מען וועלט אים האלטן אין שול יעדער וועט קומען מיטט א פלעשל זיך אנפילן, איך גלייב ווען מען גייט ארום אין ביהמ"ד אז מען וויל קויפן יעדער וועט געבן! און אפי' נישט, קען מען בעטן פון אפאר נדברים זאלן מנדבר זיין איין קי, און די גאנצע קהלה וועט הנאה האבן, פאר וואס יעדעס מאל וואס מען דארף מילעך דארף מען זיך אויסליידיגן די טאשן צו קענען קויפן א פלעשל

ס'איז פאר קליינע קינדער, וואס זאל איך טון איך האב נישט קיין געלט, וואס זאלן די קליינע קינדער טון יעצט??

וואס זענען זיי שולדיג אז זייער טאטע האט נישט קיין געלט, זיי בלייבן דארשטעריג, און זיי האבן נישט וואס צו טרינקן! ס'איז סכנת נפשות!!

די עסקנים וואלט זיך געמעגט אריינלייגן דערין, און אפקויפן איינמאל פאר אלעמאל אן אייגענע קי מען האלט אים אין ביהמ"ד יעדער וועט קומען נעמען מילעך
אטאטמאטיש וועט פאלן די פרייזן פון מילעך, איך זאג אייך, ווען מען ברענגט אזא קי אין שול די קאמפאניס וואס רייסן געלט פונעם עולם וועלן גראד איינזעהן אז זייער ביזענס איז אין די ערד, זיי וואלטן גראד אראפגעלאזט די פרייזן!

נאכדעם, קען מען שוין אוועקגעבן די קי! מען וועט זיך שפעטער זארגן וואס צו טון מיט די קי, אבער מען דארף האבן עסקנים וואס זאלן קויפן די קי. סימפל עס סימפעלער.

פאר יעדע זאך איז דאס עסקנים , פאר אזא וויכטיגע צוועק זעה איך נישט די עסקנים, די עסקנים זענען נישטא!! ווי זענען די רבנים?? מ'דארף זעהן צו טון עפס דאס איז ממש געפערלעך, מען ברענגט די קי, די קינדער וויינען יעדען טאג זיי האבן נישט וואס צו טרינקן

עס עסט מיר אויף די געזונט, איך וואלט געזאגט עס טרינקט מיר אויס, אבער איך הא נישט וואס צו טרינקן, ס'איז ממש פיקוח נפש, איך האף אז דא איז די פלאץ מעורר צו זיין

"אידישע וועלט" גייטס ווייטער אן, דער שרעקט אייך נישט פון קיינעם, יעדע זאך איז שווער אנהייב

זייטס ענק מחזק מיט די הייליגע ארבעט

[ענדע צדיק!]

מוראדיגע איינפאל! און די מבינים וואס שמעקן די מילך וועלן האבן עפעס ממשות וואס צי שמעקן!

[סאדאם חוסעין]

ביען איך געווען פאריאר אין אוקריינע מיט א גראפע יונגעלייט, זענען מיר געגאנגען וויזיט'ן א שטיקעל אידשע ישוב, האבן זיי מכבד געווען די געסט מיט פיינע פרישע מילך גראד ארויס פון קוה, איך מיין אז קיינער דארט האט עס נישט אויסגעטרינקען,
אויב האסטו סתם געהאט א ליידיגע מינוט וואלסטו אפשר געדארפט אויך זאגן אז די קלאדינג סטאר'ס וואס זיי זענען דעי וואס פרעסן באמת די געלט פון עולם אבי געזונט, וועט מען אויך קענען וואודען דורכ'ן קענען אליין שניידן די וואל,
אבער אליבא דאמת ווויפיל מילך און וואל קומט דען שוין ארויס פון איין שעפסעלע

[פריילאך]

יגרל טענקס פאר פוטינג עי סמייל אן מיי פעיס..

האט דאס שייכות צו דעם בילד פון די סעל-קוה אין ביהמ"ד?

והנמשל מובן מיגר

[לכאורה]

יישר כח יגר'ל, סיי פארן אריינפאלן פאר א באזוך און סיי פארן איבערלאזן א קוה'עלע אינמיטן שוהל

יעצט זיי מוחל, גרייט מיר אן די "מי שברך" צעטלעך, איך האב א בערך'דיגע נוסח:

מי שצוה על פרה אדומה הוא יברך וירפא את הנגיד מוה"ר יעקב אלי' שליט"א ומשפחתו על שנדבו את הפרה לכבוד שבת פרה.

[שמעלקא טויב]

גוטע איידיע, העט מען געבן נאמען למשל פרת יעקב מרדכי לע"נ יעקב מרדכי בן דוב.

מוראדיגע געדאנק.

[שמאטע]

דערנאך וועט דער נגיד - יעקב אלי', אדער זיין ברודער... - האלטן א ציפעדיגע דרשה פארהאלטענדיג מתפללים פארן העצן דעם משמש אנטקעגען אריינלאזן קיען פון אומ-איידעלע שטובער...

[ר' יעקל]

א גרויסען ישר כח. גאר גוט אראפגעלייגט.

אבער מיטן בעצם איידיע בינעך קלאר מחולק מיט דיר, איך מיין ס'איז שוין דא גענוג קיען צווישן די עסקנים..
ווילסטו מיר ברענגען נאך??

[יושע משה יחזקאל הלוי]

כ'ווייס נישט וואס מען פארפירט דא, אבער אין כמעט יעדע גרויסע ביהמ''ד אין גרעיטער ניו יארק, פארמאגט אין קאווע שטיבעל, א קי, פון וואס די עולם נעמט מילעך, גאלדען פלוי פארקויפט בעגס דערפאר, און כ'האב מיר אמאל געמאכט די חשבון אז סקומט בכלל נישט אויס ביליגער ווי מקויפט עס ווען אין באטלעך אין גראסערי!, אגב איינער האט מיר געזאגט אז די ''קי מאשין'' איז א יודשע אויסטרעף ווייל ביי די גוי ווי קען ער עס נוצען? איך בין נייגעריג צו סאיז אמת

[תרנגול]

אריינברענגען א קוה אין שוהל קען פעסט הייבן די אידישע עקאנאמיע, נאכדערצו ביי די גרויסע שולן ווי ס'וועט זיך אויספעלן אפאר קוען, צו אפשר גאר א פארעם.
אידן וועלן אנהייבן האנדלען מיט קוען פונקט ווי אמאליגע צייטן, מ'וועט פארן צום יריד אין דשעוויץ סענטער
מוסדות וועלן האבן נאך א פלאץ ווי צו ברענגען די קינדער, היינט גייט מען זעהן די ריזיגע פארעם אין ראדני שוהל...
שמשים וועלן אנהויבן פארקויפן שטרוי, אא"וו

ייש"כ יגר'ל פארן ארויפברענגען דעם געניאלן איינפאל, איך זעה עטליכע צוקונפטיגע גבירים דא...

[סאדאם חוסעין]

איך פארשטייי נאך בכלל נישט וואס דא גייט פאר, מ ילך קומט פון א גראסערי נישט פון א קוה פוי מילך פון א קוה? ווער דארף עס די גראסערי מאכט אסאך בעסערע מילך.

[פליגל]

ביי די קאווע מאשין וועט דער קי אריינבעקן א-ווי א טראק ביים לאודינג דאק און ווער ס'ברויך מילך עט נאר ציגיין צום קי און קוועטשן..

וועמענס הכשר האט א קי?

[יונהלע]

ביי די קאווע מאשין וועט דער קי אריינבעקן א-ווי א טראק ביים לאודינג דאק און ווער ס'ברויך מילך עט נאר ציגיין צום קי און קוועטשן..

וועמענס הכשר האט א קי?

דארף מען זעהן פון ווי די קו קומט... איז עס א סקווירא קו אדער א סאטמאר אדער גאר א פאפא קו לויט דעם וועסטו וויסן די הכשר....

[סאדאם חוסעין]

קען מיר איינער מסביר זיין די חילוק פון קוה, קי, קו,

[שמאטע]

כי משמש בד' לשונות: "כי, קי, קו. קוה".

[הרבטייטעלבוים]

ביען איך געווען פאריאר אין אוקריינע מיט א גראפע יונגעלייט, זענען מיר געגאנגען וויזיט'ן א שטיקעל אידשע ישוב, האבן זיי מכבד געווען די געסט מיט פיינע פרישע מילך גראד ארויס פון קוה, איך מיין אז קיינער דארט האט עס נישט אויסגעטרינקען,
אבער אליבא דאמת ווויפיל מילך און וואל קומט דען שוין ארויס פון איין שעפסעלע

שעפסעלע? קי.
און דער תירץ איז היפש.
דייקא קאן איך א גרופע אידען, וואס פארען אראפ יעדע וואך מעלקען פרישע מילך.

איר דעמאנט, די מעשה פון דעם מילך טרעגער, וואס אויף דער עלטער האט ער געמאכט א חשבון הנפש און אויפגעהערט אריין לייגען אזוי פיל וואסער און די מילך, און דער עולם האט אויפגעהערטא נעמען ביי אים, זאגענדיג: עפעס האט דער מילך טרעגער אנגעהויבען אריינלייגען און די מילך, עס האט א אנדערע טעם...

דער עולם ווייסט פשוט נישט וויאזוי מילך טעיסט.

[גערעכטער]

כי משמש בד' לשונות: "כי, קי, קו. קוה".

--
יג'ל

[פלטיאל]

יגר'ל האט רעכט.. איך האב היינט שוין באגעגנט א קי אין ביהמ"ד.. אבער א קי...

[וועלטניק]

אגב איינער האט מיר געזאגט אז די ''קי מאשין'' איז א יודשע אויסטרעף ווייל ביי די גוי ווי קען ער עס נוצען? איך בין נייגעריג צו סאיז אמת

רעסטוראנטן קענען עס נישט נוצן?

[עת לדבר]

איך האלט אז ווער עס וואוינט אין נ.י. סטעיט אוו העלט און האט א פראבלעם צו באצאלן פאר מילך מעג עפ"י הלכה נעמען ווי"ק
זיי גיבן גענוג און נאך. ויאכלו ענוים וישבעו

[סאדאם חוסעין]

זיי געבן נאר פאר ווער עס האט א קינד אונטער זעקס, אויך פארלאנגען זיי אזויפיל שעות פון אפוינטמענס, אז עס איז שוין גרינגער צו גיין ארבעטן יענע שעות, און קויפן מילך מיט גרינע,

[גיי שוין גיי]

אויב די פארלאנג פאר מילך וועט זיך פארמערן וועט מען קויפן נאך קיהען. אזוי אז יעדער בהמ״ד וועט האבן עטליכע קיהען.
נו ווערט א פארבלעם. סאיז נישטא קיין פלאץ מער פאר זיי און שול. נאך א פראבלעם איז אז זיי מאכן א געפערליכע שטינק. און א גרידער. א פיפטע פארבלעם איז אז מען ברויך זיי געבן צו עסן כסדר היי אדג. ועוד צוליב די פארמערטע קוה׳ן מוז מען שוין האבן מאשינערי זיי צו מעלקן. בקיצור ס׳איז צו א גרויסער לאסט פאר׳ן שמש,

נאך א קהל׳ס מיטינג איז מען אויפגעקומען מיט א לייזונג צו אלע פראבלעמען,

מען וועט דינגען א פארעם אינדרויסן פון שטאט. ווי דארט וועט מען אנפירען די גאנצע פרעצעדור פון מאכן מילך, א איד א עסקן וועט דאס דערנאך אריין ברענגען און שטאט אריין שיין פארפאקט און באטלעך, ער וועט דאס פארקויפן פאר די געשעפטן. פארשטייט זיך ער וועט ארויף לייגן א פאר סענט אז עס זאל זיך אים לוינען דאס גיין און קומען אדג. און מיט די איבריגע געלט וועט ער אליין דארפן אויסהאלטן די גאנצע פלאץ. אזוי אז עס זאל נישט פאלן אויף קהל׳ס חשבון. און דאס רויאגקייט וועט זיך צוריק קערן און בהמ״ד,

אזוי האט מען טאקע געטון, און עס איז שוין פארבליבן אזוי פאר לאנגע יארן.
עכ״כ אז די היינטיגע אינגווארג ווייסן ניטאמאל אז מעלקן מילך קומט און שול,

[ווישוואש]

[סאדאם חוסעין]

ווי אויך איז געווען א קהל'ס מוטנג אז היות בכלל די בית מדרש קאסט אסאך אויפצוהאלטען, און די קהלישע קאסע קען זיך עס נישט ערפארדען, ע"כ וועט מען אויפנעמען א וועד הבית מדרש וואס זאלן קער נעמען פון די בית מדרש, והך קאווע, אזש אז די עולם ווייסט שוין גארנישט אז די בית מדרש קומט אונטער קהל,

[זאג א גוטס]

למעשה זענען טאקע היי יאר (אנטשולדיגט, תש"פ) די עסקנים ענדליך אפירגעקומען צו מנדב זיין מילך פארן ציבור...