די שוואכע קאטשקע מיט'ן שטארקן הערש...

[פיטום]

פארגאנגענע וואך בין איך געפארן אויף א פארנומענע ראוד אין די מאונטענס, און ווארטנדיג פאר א גרין לייט, האב איך באמערקט אז ביי די זייט אויף די גראז, זיצן עטליכע קאטשקעס און עסן געמיטלעך, און אין די זייט היבש אפגערוקט פון זיי, געפונט זיך א הערש און עסט אויך פון די גרינע גראז.

ווען א קאר אונטער מיר האט זיך אויך אפגעשטעלט ווארטנדיג אויפן לייט, און האט געמאכט אזא נויז מיט'ן זיך אפשטעלן, האט זיך די קאטשקע אביסל דערשראקן, און אויפגעהויבן אירע פליגלן זיך גרייטנדיג צו פליען פון דא.

אבער ווען זי האט אויפגעהויבן אירע פליגלן האט זיך דער הערש אינדערזייט דערשראקן, און געהויבן פיס און אנטלאפן פונעם סצענע ווי פון פייער, מורא האבנדיג פון דאס ערגסטע.

עס איז געווארן גרין, און איך מיט די קאר אונטער מיר האבן געדרוקט די ברעיק און פארלאזט דעם פלאץ. עד כאן המעשה.

די סצענע האט מיר (אפשר אויך ביי די דרייווער פון די אונטערשטע קאר) אביסל נישט צורו געלאזט.

עפעס מאכט נישט קיין סענס דא!!!

די שוואכע קאטשקע הייבט נאר אויף אירע דינע פליגלן, און דער גרויסער שטארקער הערש פארלאזט דאס פלאץ שנעלער ווי אן אויגן בליק. הפלא ופלא!!!

אריינטראכטענדיג דערין, איז מיר אביסל שווער געווארן פארוואס עס שטייט "הוי עז כנמר" און נישט הוי עז כצבי"? ווען א הערש זעצט ח"ו אריין אין א קאר וועט ער מאכן שאדן און שעדיגן די קאר און צומאל אויך ח"ו די פאסאנדזשירן. משא"כ א נמר'ל ווען ער טרעפט אן א קאר וועט דער קאר ניטאמאל באקומען א קריץ...

נאר דער אמת איז אז א דער שטארקע הערש ווייסט נישט אז ער איז שטארק. ער ווייסט נישט אז ער פארמאגט גאר מאכטפולע כוחות און קען צוברעכן וואס ס'שטייט אים אין וועג. נו אז ער ווייסט נישט אז ער האט כוחות וועט ער זיך נישט איינשטעלן אין קיין שום געפאר ווייל לויט זיין ידיעה האט ער דאך נישט קיין שום גבורה. און אז דער שוואכער קאטשקע אין די זייט פון אים הייבט פליגלן, ווייסט ער נישט אז ער האט זיך נישט פון וואס צו דערשרעקן. וואס ער טוט יא איז: לויפן!!! וואס דאס ווייסט ער יא אז ער קען און דאס נוצט ער טאקע זיך צו ראטעווען פון זיין פלאנטער. און דערפאר שטייט "רץ כצבי".
א מענטש האט כוחות און זייער אסאך מענטשן ווייסן נישט דערפון, און דערפאר נוצט מען אמאל אנדערע טאקטיקן זיך צו פטר'ן פון פארשידענס וואס קומען אונטער פון וועלכע מ'זוכט זיך ארויסצודרייען אויס מורא אז עס קען אים שאטן.

למשל א מלמד פארציילט מיר אז זייענדיג איינמאל אין קלאס, האט זיך א יונגל מתחצף געווען צו אים, און דער מלמד האט זיך זייער פארלוירן, און האט אנגעהויבן זיך פארענטפערן אז דער מנהל איז שולדיג, דער מענדזשער איז שולדיג. ער ווארפט אראפ פון זיך די שולד, ווייל דער יונגל האט אים יעצט דערלאנגט א פסק. נאך אזא מעשה וואלט איך אים געזאגט, הערש טייערער די קאטשקע האט זיך מתחצף געווען צו דיר, ער האט אויפגעהויבן זיינע פליגלן, נו וואס האסטו מורא? דו ביסט דאך אסאך שטערקער פון אים! ער קען דיר גארנישט טון! ווער נישט אזוי דערשראקן.

און דאס קען מען אייביג נוצן! ווען א מענטש ווערט געקלאפט פון איינעם, דארף ער נישט ווערן אזוי דערשראקן! ווער זאגט אז ער איז שטערקער פון דיר???!!! דו ביסט גענוג שטארק און עס וועט דיר גארנישט פאסירן.

[להודיע]

מוראדיגער געדאנק הרב פיטוום.

שטייט אין ספה"ק לבית סלאנים להודיע לבני האדם גבורתיו, דער מענטש זאל וויסן זיינע אייגענע גבורות, זיינע אייגענע כוחות.

[פיטום]

מעין פון די נושא
www.ivelt.com/forum/viewtopic.php?forms=0&t=23432

[לכתחילה אריבער]

שיינע געדאנק, אבער עס שטימט דאך נישט אויפן רץ כצבי, ווייל די תנא זאגט דען א "פאלטשע עצה"?

[סאכדעס]

זייער א שיינע נושא, און גאר שיין ארויסגעברענגט.

איין קליינע הערה, עס שטייט, הוי עז כנמר, וקל כנשר. רץ כצבי, וגבור כארי. אבער דיין פוינט איז גוט ריגארדלעס.

לכתחילה האקט

[פיטום]

שיינע געדאנק, אבער עס שטימט דאך נישט אויפן רץ כצבי, ווייל די תנא זאגט דען א "פאלטשע עצה"?

דער תנא רעכענט אויס די מעלות לויט וואס יענער ווייסט! דער הערש ווייסט נאר אז ער קען לויפן. אויסרעכענען א מעלה וואס יענער ווייסט נישט און יענער וועט זיך נישט באנוצן דערמיט איז בכלל נישט קיין אויפטוה

[לכתחילה אריבער]

די געדאנק איז בכל אופן גוט.

[קדש הילולים]

פאלט מיר ביי א געדאנק, אפשר מהאי טעמא איז די עונש פון עובר זיין אויף די ג׳ שבועות ״הרינו מתיר את בשרכם כצבאות וכאילות השדה״. וויל יודן אין גלות דארפן דאך זיין אזויווי די הערשן, אז אפילו זיי האבן כח צו מורד זיי אין די אומות וואס פייניגן זיי, זאלן זיי נישט וויסן פון דעם נאר זיך מכניע זיין פאר גזירות הקב״ה. איז אויב ח״ו מען איז עובר אויף דעם, קומט דער עונש אז מען ווערט געשטראפט אזויווי די הערשן, צו ארויסנעמן א מוסר השכל. בד״א.

[געלעגער]

גוטע, אמת'ע, טיפע, געדאנק

[א גראם מיט טעם]

א געדאנק ממש א טשאטשקע
אז מ'קען ציטערען אויך פון א קאטשקע
פיטום, קיעפ איט אפ
צו ניצען דעם קאפ
מיט דיין שריפט זיין מהנה
פון די איבערלעבענשען דיינע

[שלום אויש]

זייער שיין ארויסגעברענגט איך און אזא פאל וואלט גענימען א הויפן בילדער, איך גלייך נאטור

[מתבונן]

פיטום וואונדערבאר! אמת'ע טיפע געדאנק.

[אלץ ווייזער]

@ פיטום
יא זייער א שיינעם ריעון און מוסר השכל
אבער! די מערסטע וואס איך באווינדער און וואס עס געפעלט מיר פון דיין שינעם דרוש איז:
אז די נעמסט וואס די זעסט און טייטשסט עס אויס לטובה און נעמט ארויס די מוסר השכל דערפון,
אשריך!

[בערקא]

פיטום א שיינע געדאנק!

[אנעים זמירות]

וואס פאלט אייך ביי אז טאמער דער קאר שטויסט זיך אהן אין א לעמפערט וועט עס ניטאמאל באקומען א קראץ?