אונגארישע הייזער האט געשריבן:א אינטערעסאנטע נקודה וואס איך האב אויפגעפאסט לעצטנס.
קודם וויל איך מקדים זיין אז איך זוך ח"ו נישט צו בארעדן אנדערע, און איך גיי נישט מיינען מיט מיין פראגע קיין שום ספעציפישע חסידות נאר 'אלע' אדער עכ"פ 'כמעט אלע'.
ווען איך גיי דאווענען אין א ביהמ"ד פון א אנדערן חסידות און מען שיקט מיר צו צום עמוד קומט דער גבאי צו צו מיר פארדעם און גיבט מיר א שיעור אין מנהגי אותו חסידות, פונקטליך צו מען שטעלט זיך אפ פאר בריך הוא אדער נאכדעם, און צו מען זאגט לדור ודור אדער אתה קדוש וכו' וכו', פיין, איך האב נישט קיין פראבלעם דערמיט, איך האלט באמת אז ווען איינער דאווענט פארן עמוד אין א צווייטן פלאץ דארף ער זיך צושטעלן צום מנהג המקום, און אויב ווייס איך נישט דעם מנהג המקום און איך האב נישט וועמען צו פרעגן וועל איך נישט צוגיין בדרך כלל.
אבער... דא קומט א גרויסער גרויסער אבער...
ווען איינער פון די אלע אנדערע חסידות'ער קומען אן פערצופאל אין א סאטמארער ביהמ"ד און מאיז איהם מכבד צוצוגיין צום עמוד וועט ער אן קיין שום שאלות דאווענען דעם גאנצן דאווענען פונקטליך וויאזוי מען דאווענט אין זיין חסידות מיט יעדן קנייטש, אנגעפאנגען ביים באבוב'ן ירעם הים ומלואו און געענדיגט ביים שינאווער ישמחו... פארוואס איז דאס אזוי?! אז אין דיין חסידות פארשטייסטו אז ווער עס קומט אהין דארף זיך צושטעלן, און מיט רעכט, פארוואס ביי יענעם איז נישט אזוי?!
אויב די מנהלים זענען נישט צופרידן פון מיין תגובה קען מען עס מעקן
האסט זייער גוט ארויס געברענגט די נקידה אבער איך למשל דאווען יעדן טאג אין איינע פון די גרויסע סאטמארע בתי מדרשים,געווען איין ציפרי וואס קיינער האט נישט געהאלטן ביים צוגיין נאך א צען מינוט איז א יוד ציגעגאנגען צום עמוד אין אנגעהויבן הודי אן קדיש... ווען די נא'ס האבן זיך פארמירט האט דער איד געזאגט קוק אהער איך דאווען אזוי טאמער ווילט עץ אז מ'זאל זאגן קדיש פאר הודי זאל איינער צוגיין... פליצים זענען צענדליגע בעלי תפלות ארויסגעוואקסען, און וכך הוה... מ'האט יא געזאגט קדיש פאר הודי...
וואס איך מיין נאר ארויסצוברענגען איז אז מ'זאל זיך נישט איינרעדן אז אין סאטמאר איז הפקר אין יעדער קען טון ממש וואס ער וויל, נאך לגבי אזאלעכע זאכן ווי דער נוסח, דער קנייטש, דעי אלע קלייניקייטן וואס געוויסע מיינען אז אויף דעם שטייט אידישקייט איז אין סאטמאר נישט דא