מיינע מיטמאכעניש אפצונעמען וואג חלק א'

[מכה בדופן]

כאבעס יארן לאנג אפגעשטופט נאר אז מען מוז מוז מען. היינטיגע צייטען איז געווארען זייער נפוץ זיך צו 'גארטלן' (בענדלן בלע"ז) אבער כאדעך מורא צו גיין אונטערן מעסער, סאו האבעך געוואלט טרייען אויפן אולד פעשענד וועג צו גיין אויף א דייעט. זיי זאגען (ווער איז דער זיי???) אז דער בעסטע דייעט איז FDH - פרעס דער העלפט. פון אזא דייעט בין אך נישט צו עקסייטעד ווייל דער העלפט העלפט דאך נישט צו ווערן זאט. האב איך געזוכט וואס נאך זענען מיינע אפשענס.

הערשל מייזליש זאגט מען קען רוקען וויפיהל מען וויל כל זמן עס איז פראטאעין אבער קארבס זענען בל יראה ובל ימצא. די מאלצייטען פון איינעם אויף דעם דייעט זען אויס בערך אזא שטייגער ווי הערינג אן די אייערקיכלעך. פישזאפט אן די חלה. שווארמע אן דעם לאפא. א טונא סענדוויטש...יו געט דע פיקטשער. פרעג איך ענק וואס איז ווערט פיצא אן די קראסט אדער סאשי אן די רייז? ס'דאך מיסינג דע האול פוינט און האט בערך אזא פנים ווי ביר אן קיין אלקאהאל אדער אינטערנעט מיט א פילטער.

א דריטע דייעט איז צו עסן יעדן טאג מאכלים מיט אלע מיני קאלערס, אזוי איז מען פארזיכערט צו האבן פון אלעם. האב איך געגעסן יעדן טאג דריי-פיר פעקלעך 'עם ענד עמס'. רבותי איך שפאר ענק איין אויספראבירען. ס'האט נישט געהאלפען.

געגאנגען צום דאקטאר און געפרעגט וואס צו טוהן. ער זאגט מיר אזוי: פרישטאג נעם איין רעפטל ברויט מיט א גלאז ארענדש דזשוס. מיטאג א האלבע גרעיפפרוכט מיט צוויי רייס קעיקס. נאכטמאל נאך א רעפטל ברויט, א פולקע אן די הויט, איין געקאכטע קארטאפל און דער צווייטע האלב גרעיפפרוכט. ער איז מיר מבטיח אז אויב איך עס אזוי פאר א גאנצע חודש וועלעך אפנעמען לכה"פ דרייסיג פונט. איך האב איהם שיין באדאנקט און אנגעהויבן ארויסגיין. שוין געשטאנען ביים טיר ווען כאמעך דערמאנט צו פרעגן - נאך א מזל ווייל אנדערש וואלטעך נאך יעצט נישט געוואוסט - "דאקטאר, די אלע זאכען ברויך איך נעמען פארן עסן אדער נאכן עסן?"

א צווייטע דאקטאר האט מיר געגעבן פילן. א גרויסע פלאש מיט אפשר זעקס הונדערט פילן. פרעג איך איהם "-ווען זאל איך דאס נעמען?" זאגט ער "דאס איז נישט צום עסן. דריי מאל א טאג זאלסטו אויסגיסן אלע פילן אויפן ערד און זיי אויפהייבען וועסטו שוין עפעס אפנעמען."

א דריטע דאקטאר האט מיר גע'עצה'ט צו מאכן עקסערסייז. איך ברויך דזשוינען א דזשים און דארט גיין כאטש פיר מאל א וואך. אויך זאלעך יעדן טאג זיך ארפאבייגען און פראבירן אנרירען מיינע פיס-פינגער. עמ'ער דאס טרייען.
געגאנגען צו א דזשים און געוואלט וויסען וויפיהל ס'קאסט. די בעיסיק פעקידזש איז 20 טאלער א חודש און דער פרימיעם איז $50.
"וואס איז דער חילוק?"
"מיטן פרימיעם קענסטו אויך נוצן די שויערס און די טענינג מאשין."
נו פאר שויערס צאל איך דאך מקוה געלט העמער העכסטענס גיין אין מקוה נאכן דאווענען, און וואס האב איך מיט טענינג מאשינס? אויב קען איך האבן די בעיסיק פאר $20 און דער פרימיעם פאר $50 פארשטייט איר אודאי וועלכע כ'האב אויסגעקליבן...יא יא, די סעווען דעי פרי טרייעל...
קוקט אויס זיי האבן שוין גענוג עקספיריענס מיט חסידישע יידען וואס נוצען אויס אלע פרי טרייעלס, ווייל רוב מאשינען האבן זיי מיר נישט געלאזט נוצן. זיי האבן מיר געזאגט אז די פרי טרייעל חברה קענען נאר נוצן די לויף מאשינס (טרעדמילס בלע"ז), און אויך נישט די געהעריגע נאר זיי האבן א ספעציעלע אפטיילונג פאר די שנארערס, כ'מיין פרי טרייעלס. כ'בין אריין אינ'ם טיר וואו זיי האבען געוויזען און זיך געטראפן אינ'ם פארקינג לאט. דארט קען איך לויפן וויפיהל איך וויל...

פראבירט ביי אנאנדערע דזשים האבען זיי מיר געזאגט איך מוז קומען מיט סניקערס שיך און לויזע קליידער. כ'אב זיי אנגעקוקט מיט ווינדער און געפרעגט "עטס מיינטס איך וואלט געקומען אין דזשים ווען איך האב לויזע קליידער?"

למעשה נאך פראבירן אלע סארט וועגן פאר זעקס וואכן בינעך צוריק געגאנגען צום דריטע דאקטאר און ער פרעגט מיר צו איך קען שוין אנרירן מיינע פיס-פינגער. זאג איך איהם "אנרירן נאך נישט אבער כאטש איך קען זיי שוין זען..."

דעטס איט פאר נאו, ענד אנטיל נעקסט טיים ווער וויל זיך טיילן מיט מיר אויף א פיצא?

[שלעפשיץ]

גראדע איז גאנץ גוט אז דו האסט ליב פיצא - וואס טוט וועהן איי-וועלט אן דיינע עקסטערע פונט'ן?

ווי אויך וויל איך טאקע פארשטיין (מיט אן ערענסקייט)
וואס חסידים האבן אזוי קעגן דעם "עקסערסייז"?

איז דאס סתם פוילקייט? אדער מער א בחינה ווי "אונזערע טאטעס, זיידעס האבן ניט אזוי געטון"?

[לכאורה]

הומאר איז דאס ווארט.

[פליגל]

דער אמת כ'אב געדרוקט "נייע הודעות" אבער כ'אב געלאנדעט אין "שרייב אן הודעה", ס'טוה'ך?

זעי נאר אז די הומאר זאל בלייבן... מ'זאגט אז די הומער קומט און גייט מיט די וואג, זעי נאר ס'פונט זאל טאקע גיין אבער די הומער זאל בלייבן דא אין וועלטעל.

ווען דו קאנסט ריטשען דיינע פינגערס קום אהער און ברענג א גריס.

[שוועמל]

ווי אינטערנעט מיט א פילטער

אוי ביסטו א לץ...

אזוי זאפטיג אראפגעלייגט!

[country]

מיך האט נישט אזוי געפאלען די משל פין אינטרנעט מיט א פילטער, ביי אינז איז נישט דא אזא זאך ווי אינטרנעט אהן א פילטער

[געלעגער]

ס'איז א נחת צו ליינען אזא הומעריסטישע ארטיקל און נאך וויסן אז דאס איז נאר חלק א' דאס מיינט אז ס'קומט נאך

[Ron Paul]

ער האט לכאורה געוואלט שרייבן: "ווי א פילטער אן אינטערנעט"....

מכה, אויב "לאכן" מאכט פארלירן וואג, (ווי עקספערטן גיבן אן) האביך מן הסתם עפעס פארלוירן ליינענדיג דיין ארטיקל!...

[מי חכם]

אין פסוק און אין גמרא גיטין, איז קלאר משמע פארקערט, אז לאכן - זיין פרייליך - מאכט צונעמען וואג. (ביי די מעשה פון ריב"ז און אספסיינוס).

[Ron Paul]

אינטערעסאנט. קוק דא פאר די היינטיגע טעאריע

http://www.weightlossresources.co.uk/ca ... lories.htm

http://www.medicalnewstoday.com/releases/25669.php

[אנעים זמירות]

כאבעס יארן לאנג אפגעשטופט נאר אז מען מוז מוז מען. היינטיגע צייטען איז געווארען זייער נפוץ זיך צו 'גארטלן' (בענדלן בלע"ז)

יאך זאג אז ווילאנג איך קען מיר נאך אליין שיך-בענדלען גיי איך מיר נאכנישט בויך בענדלען.

[קהלס נאר]

דו ביסט אפשר א קרוב צו זאלצי ?

[מכה בדופן]

נישט ממש א קרוב באט איך גלייך זייער געזאלצענע מאכלים (אויך זיסע און זויערע און פעטע און רייכע וכו וכו וכו)

[קהלס נאר]

נישט ממש א קרוב באט איך גלייך זייער געזאלצענע מאכלים (אויך זיסע און זויערע און פעטע און רייכע וכו וכו וכו)

מין הסתם ביזטו א קרוב מיט מיר אויכעט

[פריילאך]

קרוב אצל עצמו...

פארליר נישט דיין געשמאק ווען די פארלירסט פונטן ביטע.

[מאנ-יימער]

דיין ארטיקל און דיין שפראך איז שוין גארנישט קיין מכה בדופן, אוי האסטו מיר געמאכט לאכן

נאדיר

[שמעק_טאביק]

ווי אינטערנעט מיט א פילטער

אוי ביסטו א לץ...

אזוי זאפטיג אראפגעלייגט!

ס'איז א נחת צו ליינען אזא הומעריסטישע ארטיקל און נאך וויסן אז דאס איז נאר חלק א' דאס מיינט אז ס'קומט נאך

דו ביסט אפשר א קרוב צו זאלצי ?

דיין ארטיקל און דיין שפראך איז שוין גארנישט קיין מכה בדופן, אוי האסטו מיר געמאכט לאכן

נאדיר

יוי האבעך געלאכט, און צווישן איין פאראגראף און צווייטן אראפגעביסן נאך א שטיקל פון מיין טונא סענדוויטש...

[שנאפס]

ווי אינטערנעט מיט א פילטער

אוי ביסטו א לץ...

אזוי זאפטיג אראפגעלייגט!

[ווינקל]

אזאנס געלאכט!!!!

[סאכדעס]

ווי מיר קוקט אויס, וויל ער צעטיילן דעם דייעט אויף עטליכע חלקים. די שאלה איז נאר וויפיל פונט א חלק?