יודעי דבר האט געשריבן:היות איך בין אין די מארקעטינג אינדוסטריע, און איך ארבעט גאר אפט מיט אנליין קאמפיינען. וויל איך אביסל פארשטיין געבן די נושא פון גרעסערע נתינות.
אפילו איך ארבעט סיי מיט טשערידי און סיי מיט דרייוואפ, און ביידע האבן אנדערע מהלכים, וועל איך מיך דא באצוען צו די טשערידי מהלך, היות דאס איז יעצט עומד על הפרק.
פאקט 1: עס זענען פארהאן אנליין נדבות, דאס זענען די קרעדיט קארטלעך וואס ווערן אריינגעלייגט אינעם אנליין קאמפיין, און ס'זענען פארהאן אפפליין נדבות, דאס זענען טשעקס און קעש וואס די מתרימים ברענגען אריין.
פאקט 2: די אנפירערעס פונעם קאמפיין פונעם מוסד אדער ארגעניזאציע קענען אליין אריינלייגן אפפליין נדבות, נאר ביז $10,000'דיגע נדבות, סיי וועלכע נדבה וו פון $10,000 אדער מער, מוז טשערידי קודם עפראוון, און עס ווערט נאר עפראווד מיט א בילד פון א טשעק, אדער א קאנפירמאציע בכתב פון א פארלעסליכער נדבן, אז ער געבט די נדבה.
פאקט 3: טשערידי וועט בדרך כלל נישט אדורך לאזן קיין קרעדיט קארד טשארדזשעס פון מער ווי $10,000, אמאל קענען זיי מאכן אן אויסנאם ביז $20,000. און דער טעם איז צוליב טשארדזש בעקס. היות ביי טשערידי קומט אלע נדבות קודם צו טשערידי, און זיי שיקן אריבער א ווייער צו די מוסד, האט זיך שוין געמאכט מערערע מאל אז מען האט געמאכט א טשארדזש בעק נאכן אריבערשיקן די געלט צום מוסד, און זיי זענען געבליבן מיטן פארלוסט. דעריבער פארלאנגען זיי אז גרעסערע נתינות זאל זיין בתורת טשעק אדער ווייער.
פאקט 4: די פראצענטן וואס טשערידי נעמט, ווערט ביי יעדן קאמפיין עקסטער אפגעמאכט צו די פראצענטן גייען אויף די אפפליין נדבות אויך אדער נאר די אנליין. ביי יעדע קאמפיין איז די דיעל אנדערש, געוואנדן לויט די אומשטענדן.
אשר על כן, ווען איר זעהט א נדבה פון $100,000 וועט עס בדרך כלל זיין אן אמת'ער נדבה, ווייל טשערידי דארף עס עפראוון, און טשערידי גלייכט נישט קיין מאנקי ביזנעס, אז מען זאל מאכן פורים פון זייער פלאטפארמע ווייל עס ברענגט אראפ זייער ביזנעס.
ווען מען זעהט אמאל גרעסערע נדבות פליען אריין די לעצטע מינוט בעילום שם, דאס געשענט בדרך כלל ווען דער מוסד האט גרעסערע נדבות וואס זיי האבן לכתחלה נישט געוואלט אריינרעכענען אינעם קאמפיין, ווייל זיי האבן געוואלט שטיפן צו דערגרייכן דעם ציל אן יענעם נדבה, אבער ווען מ'זעהט אז עס וועט נישט גיין, לייגט מען עס אריין בלית ברירה.
און יא, אסאך מאל זענען דא נדבנים וואס ווילן נישט לייגן זייער נאמען אויף קיין גרויסע נתינות, ווייל אויב יא, הייבט דער טעלעפאן אן צו קלינגען נאנסטאפ פאר נדבות פון יעדן איינציגן ארגאניזאציע, און כלל ישראל איז ב"ה געבענטשט מיט אומצאליגע וואוילטעטיגע ארגאניזאציעס.
לענינו, יעדע איינציגע נדבה אין דעם 'לבנו בתורתו קאמפיין' איז געלט וואס איז שוין דא. עס איז נישט אריינגעלייגט געווארן קיין איין איינציגע פאלשע נדבה, ווייל עס האט נישט אויסגעפעלט. קוקט נאר אויפן סכום פון נדבות, עס איז היסטאריש!
ידוע המימרא מאחד הצדיקים - ולפעמים להיפוך