פרנס היום האט געשריבן:רבי ר' בערל סאיז שווער צו שרייבען דא וועגן אנדערע וועלן עס פארשטיין אז איך רייס אראפ די סיסטעם , פלאנץ אין סאטמאר איז אייביג געווען א פראבלעם נאך פון רביצין'ס צייטען... , אבער היינט צוטאגס ביי אלע חסידישע הויפן איז נישט די פראבלעם פלאנץ , די לעבן איז ביי א גרויס חלק ווי להבדיל די גוי און נאך אסאך מער וואס דער עולם איז אזוי פארפלאגט נאכצולויפן די סטאנדארט אז מען כאפט נישט ווי מען האלט , אבער עס איז נישט קיין סתירה אז מען זאל אויף די מינוט צושמעטערן די טייערע חתונה סטאנדארט , וואס איז זיכער איז זיכער אבער די שורש הפראבלעם איז מורא'דיג טיף
קענסט מיר מסביר זיין פארוואס חתן כלה דארפן בעט געוואנט פאר טויזענט דאלאר ? די בעט געוואנט פון וואלמארט פאר 50 דאלאר איז בעסערע קוואליטי! איך רעדט פון עקספירענס ! אמאל אויסגעקומען צו קויפן בעט געוואנט און האנטוכער ביי וואל מארט , אין איך בין איבערראשט וואספאר א גוטע קוואליטי דאכענעס ,קישענעס ,לינען און האנטיכער זענען און ווילאנג עס האלט, און גאנץ שיינע דעזיינס אויך
מען קען שרייבן און שרייבן און נישט אויפהערן שרייבען ווי ריגגד די סיסטעם איז ביי אונז
רבי ר בערל איך פרעג שוין אויס מענטשן באלד צען יאר, וויפעל געלט בערך מאכן א יאר נעט די מאדערענע אידן פון וועמען איר רעדט ? נעט די מאן און ווייב צוזאמען ?
נישט מיינענדיג אייך פערזענליך ,פאר איך פארגעס זעט אויס אז איר מאכט אויך אזא פאר מאות א יאר פון אייערע תגובות ווי איר האט שוין אסאך געשריבן אז עס איז נישדא במציאות אינגעלייט וואס מאכן ווייניגער ווי טויזענט דאלאר א וואך נעט(נישט אריינגערעכענט שטאטישע פראגראמען וואס קומט אויס נאך בערך 50 אלפים א יאר עווריזש) , סא אונז לעב מיר נישט אויפן זעלבען פעיזש הרבני הנגיד רבי ר' בערל, די פוינט אז די ברעקעטס פון וואס אונז רעדט מיר איז גאר אפגעריקט מיין איך
רבוש"ע אין הימל, איך האב כלל נישט גערעדט פון אינקאם דא
לאמיר נישט מישן קיין זאכן
איך וואלט געקענט נעמען דיינע תגובות און מאכן א אשכול אדער אשכולות פון יעדע שורה, אבער דו הייבסט אן אז: "אנדערע וועלן פארשטיין אז איך רייס אראפ די סיסטעם"
און דו ענדיגסט אז: "מען קען שרייבן און שרייבן און נישט אויפהערן שרייבען ווי ריגגד די סיסטעם איז ביי אונז:
למען האמת, איך פארשטיי דיך יא, און איך האב אליינס א תירוץ אויף מיין קשיא
איך וויל נאר ארויסברענגען וואו דו "פארסט שנעל"
איך וועל יא אנפאנגען צו גיין מיט דיין תגובה שורה ביי שורה.
קודם וועגן פלאנץ אין סאטמאר, מיט די רביצינ'ס צייטן. ווען איך בין עלטער געווארן בין איך געקומען צו די הכרה און אויך צו די ידיעה מפי מקורות נאמנים [און ס'איז דא א פלאץ פאר א דעבאטע אזוי גרויס און טיף וואו אייוועלט מיט די אינטערנעט צוזאמען איז] אבער נעמענדיג אין באטראכט דעם מצב הדור והציבור נאך די מלחמה איז געווען אסאך לשם שמים, און אסאך הסכמה פון רבין און עס האט אסאך משפחות געהאלטן ביי אונז בפרט און ביי אידישקייט בכלל דער מצב ואופן הנהגה פון די רביצין ע"ה ופמלייתה. פארשטייט זיך אזוי ווי אייביג ויבא גם השטן בתוכם להתייצב דער בחור איז אייביג דא צו פארדרייען די כוונה און נעמען עדווענטיזש, און צומאל ליידער געלונגט אים, דאס איז ביי יעדע זאך אזוי, בכל קהלה ובכל פרט. איך וועל נישט מאריך זיין און אויך נישט ענטפערן אויף דעם און זיכער נישט דא אין דעם אשכול. אבער אזויפיל וועל איך דיר זאגן אז דאס האב איך ערשט פארשטאנען ווען כ'בין היפש אריבער די בן ארבעים לבינה, כ'האב פאר דעםגעהאלטן פונקט וואו רוב פרומע, אבער ווי עלטער מ'ווערט און ווי מער אינפארמאציע מען באקומט קוקט מען אן זאכן מער גראד.
צו דיין נעקסטע חלק בין איך כמעט אינגאנצן מודה, ווער ס'איז נישט איינגעטונקען אין רוחניות בתורה עבודה וגמילות חסדים ווערט זייער שנעל אריין געשלעפט אין אמעריקע עולם התענוגים והלוקסוס, ויתערבו בגויים וילמדו ממעשיהם, מ'כאפט זיך נישט וואו מ'האלט און די מארקעטערס פון איין זייט און סאשעל מידיע פון די צווייטע זייט ועל ראשם דער יצר הרע ארבעטן אויף קעסל און כלים, אמת מ'האט נישט געקענט הערן אמאל חסידי'שע אידן מענטשן וואס פארפאסן נישט קיין שיעור וכדו' ליגן אין וואקאציעס און אין סטעיק מיט וויין וכו' וכו' עס גליטשט פון יאר צו יאר און פון חדש צו חדש-בפרט ביי פרויען וואו סאיז נישטא בכלל דער כח התורה והחסידות, ומה יעשה הבן או הבת ולא יחטא, כ'האף אז די מנהיגי הדור וועלן עפעס קענען טון צו דעם
כ'וויל צוקומען צו דעם וואס דו שרייסט וועגן בעט געוואנט, היינט צו טאג גייט מען ביינונז מיט די מאל, יעצט אז סאיז דא די סמארט פעקעדזש וועט צען אלפים אלעס דעקן, הלואי זאלן מיר קענען נעמען די עפארדעבל פאר 7.5 טויזענט הכל בכל מכל כל. סא ס'גייט נישט טויזענטערס פאר בעט געוואנט, אויב גייט מען אליין שאפן, האב איך שוין געהאט זייער שלעכטע און אויך זייער גוטע עקספיריענס איבעראל, מ'קען נישט רעדן פון עפעס וואס דו האסט פונקט געטראפן, ס'איז דא ווער ס'קען זייער שווער שאפן אין די גרויסע סארט געשעפטן. די מאל איז פאר די סארט א ברכה צו מאכן, און לאמיר זאגן ס'קאסט צוויי דריי טויזענט מער (כ'האב נישט די חשבונות, כ'זאג נאר לאמיר זאגן) פאר די גאנצע פעקל. קאר סערוויס אליין, מיט טעותים וכו' וואלט מיר געקאסט אסאך מער ווען די אידענע דארף ווען ארום לויפן פאר יעדע אייטעם.
אבער פאר כ'גיי ווייטער, יאסי רעדט דאך אויך פון איינעם וואס פארדינט שיין.