א סוכות אין ירושלים עיר הקודש

אלעס איבער א נסיעה קיין ארץ ישראל

די אחראים: יאנאש,אחראי,געלעגער

אוועטאר
יואב בן צרויה
שר שלשת אלפים
תגובות: 3290
זיך איינגעשריבן אום: זונטאג אוגוסט 24, 2014 9:11 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יואב בן צרויה »

איך ווייס נישט ווי איינער קען אוועקמאכן אזא נסיעה! איך בין שוין צוויי מאל געווען סוכות דארט מיט די פאמיליע און איך וואלט געצאלט דאפלט אויך דערפאר!

רוחניות. בלויז א דאווענען אין זכרון משה אליין איז אן עקפיריענס ווערט קעש! יודן פון אלע שיכטן און קרייזן, שטאפענע הוטן, פלאטשיגע ביבער הוטן, הויעכע ביבער הוטן, קעפס, געשטריקטע קאפלעך, בענדאונס, ספרדים, אשכנים, תמנים, מזרחיסטן, לאנגע פיאות, קורצע פיאות, אנע פיאות, לאנגע בערד, אנע בערד, געשטיצטע בערד, בלויע רעקלעך, שווארצע חאלאטן, טייטע דזשינס, ראקעטפארט שיך, נייקי סניקערס; אלעס דאווענט מיט אזא פלייס, התלהבות, חשק, תמימות, ערנסקייט: עס שרייט ארויס פון אלע ווינקלען ״כלנו בני איש אחד נחנו!״
איך בין אהין געגאנגען דאס ערשטע מאל טראכטענדיג אז דארט וועל איך קענען ״כאפן״ א שחרית. אוי וואס איי מיסטעיקינג: נישטא קאזא זאך! יעדער איינער, פונעם גאלדענעל בעקישע צום לעדערנעם דזעשעקט, שטייט אויף איין פלאץ, הענט אויף די הארץ, די אויגן פארמאכט מיט כוונה און מען דאווענט אז ס׳שפאלט הימלען! דאס צוזעהן אליין לוינט זיך שווערע געלטער.

גיין דערנאך אין די געסלעך אין זעהן/הערן מענטשן פשוטי עם טענה׳ן זיך אין לערנען ווארפנדיג ש״ס און ראשונים ווי גארנישט! דאס איז נישטא דא אין אמעריקע. דער קען מער לערנען ווי פולע אויבנאן זיצער ביינינוז און ער גייט אנגעטון ווי חיים חייקל דער וואסער טרעגער און וויל דיר גאר העלפן שלעפן דיינע געפעק. איי די פשטות און ערליכקייט דארט; נישט ווערט די געלט?! נישט גענוג באצאלט!

א שמחת בית השואבה. ווי יודן קענען אויפן זעלבן ניגון טאנצן א שעה צייט און מיט די זעלבע ברען! שטייען אין סטאלין ארום צוואנציג סעקערפאונס און שפילן כי הרבת פאר 50 מינוט (!) און קיין איין שינו אין די נאטן!! מיינסט אז איינער אין שול האט אויפגעהערט טאנצן אדער טאנצט שוואכער? עה! יעדער שפרינגט און האפקעט ווי מען האט יעצט אנגעהויבן!

און ווי איז קען מען באצאלן צו הערן דעם דינערדיגן איהש״ר אין תולדות אהרן, זעהן אזא יוד ווי ר׳ יעקב מאיר שעכטער שליט״א פירן הקפות, הערן א קרי״ש פון ר׳ מענדל עטיק. דערנאך די טישן בחצר ביאיאן, בעלז, גור, רחמיסטריווקא, דושינסקי ועוד; א העכערקייט ווי נאר.

(זאל איך אנהייבן שרייבן וועגן א פרייטאג צונאכטס ביים כותל? נע..ווערטער וועלן נאר ספוילן. אין מילים!)

גשמיות. מען דארף קיינעם דערציילן אז ארץ ישראל איז א שטיק היסטאריע. יעדעס פלאץ וואס ווערט נאר באטרויטן איז די פלאץ ווי אונזערע אבות האבן יארן צוריק געטרויטן ארויפגייענדיס עולה רגל זיין, מקריב זיין קרבנות און זעהן די ניסים גלויים אין בהמ״ק.
נעמטס נאר ארויס א מעפ פון ירושלימע היסטארישע פלעצער און איר קענט פארברענגען א פולע וואך אדער מער בלויז דארט. ווער רעדט נאך פון די מצדה, די שולן אין צפת, די קברים פון די תנאים און אמוראים וואס מיר קאכן זיך שטענדיג אין זייער לערנונג.

איך האב בלויז בכלליות בארירט די נושא, גלייב מיר אז עס איז פול פול מער, אינטערעסאנטער, און טיפער. עס ווערד יעדע פעני. מאך נאר זיכער צו האבן א גוטן גייד אייך ארומצוטראגן און איר זענט פארזיכערט אייך צו טרעפן דארט אים די קימענדיגע יארן אויך.
אוועטאר
טאגליכט
שר חמישים ומאתים
תגובות: 295
זיך איינגעשריבן אום: מאנטאג יולי 03, 2006 5:27 pm
לאקאציע: אויפן פליגער

  • ציטיר
  • צו לייגן א דאנק דארפט איר זיין אריינגעלאגט

תגובה דורך טאגליכט »

יואב בן צרויה האט געשריבן:איך ווייס נישט ווי איינער קען אוועקמאכן אזא נסיעה! איך בין שוין צוויי מאל געווען סוכות דארט מיט די פאמיליע און איך וואלט געצאלט דאפלט אויך דערפאר!

איך קאן, איך האב דארטן געוואוינט, זיך געדרייט אין געפילעוועט, און וועל עס אוועק מאכן, אז סאיז נישט ווערט די געלט.

יואב בן צרויה האט געשריבן:
רוחניות. בלויז א דאווענען אין זכרון משה אליין איז אן עקפיריענס ווערט קעש! יודן פון אלע שיכטן און קרייזן, שטאפענע הוטן, פלאטשיגע ביבער הוטן, הויעכע ביבער הוטן, קעפס, געשטריקטע קאפלעך, בענדאונס, ספרדים, אשכנים, תמנים, מזרחיסטן, לאנגע פיאות, קורצע פיאות, אנע פיאות, לאנגע בערד, אנע בערד, געשטיצטע בערד, בלויע רעקלעך, שווארצע חאלאטן, טייטע דזשינס, ראקעטפארט שיך, נייקי סניקערס; אלעס דאווענט מיט אזא פלייס, התלהבות, חשק, תמימות, ערנסקייט: עס שרייט ארויס פון אלע ווינקלען ״כלנו בני איש אחד נחנו!״
איך בין אהין געגאנגען דאס ערשטע מאל טראכטענדיג אז דארט וועל איך קענען ״כאפן״ א שחרית. אוי וואס איי מיסטעיקינג: נישטא קאזא זאך! יעדער איינער, פונעם גאלדענעל בעקישע צום לעדערנעם דזעשעקט, שטייט אויף איין פלאץ, הענט אויף די הארץ, די אויגן פארמאכט מיט כוונה און מען דאווענט אז ס׳שפאלט הימלען! דאס צוזעהן אליין לוינט זיך שווערע געלטער.


איך וועיס נישט אין וועלכע חלום איר האלט, אבער קען א שטיקל אנדערע בילד, אין ירושלים היינט קענסטו א טרעפן א מנין, אדער ותיקין, אדער פון אכט און ווייטער, צווישן ותיקין און אכט אזייגער, קענסטו קוים קוים צוזאמענשלעפן א מנין, פון אכטע גייט אזוי די מנינים, פון אנפאנג דאווענען ביז בערך ברכו איז קוים דא א מנין, ביי ברכו האלטן שוין די אלע דשינס בעלי מקובלים שוין אויך דארטן מיט קפיצת הדרך, דערנאך קומט יוצר וואס מדאווענט נארמאל, און שטילע שמונה עשרה וואס נעמט יאר מיט א מיטוואך, און דער בעל תפילה אנטלויפט פון עמוד, ער איז שוין אלמאסט פיניש, יעצט הייבט זיך אן א פרישע שלעפעניש ווער סזאל צוגיין צום עמוד ענדיגן דאווענען, אזוי שלעפטס זיך נאך 10 מינוט ביז איינער דערבארעמט זיך האט ער שוין קוים מנין וואס סאיז געבליבן. אזוי איז מער ווייניגער די סדר אין די שטיבלאך, א יעדע נארמאלע מענטש האט זיך זיין ביהמ"ד ווי ער דאווענט, און די שטיבלעך גייט מען ווען מהאט פארפאסט די מנין ווי מדאווענט געווענליך.

און אגב די שטארקע אהבת ישראל מנינים מיט די גאנצע טשולענט טאפ, קענסטו פונקט אזוי טרעפן אין שומר שבת אין בארא פארק, שומר שבת פארמעסט זיך נאך מיט זיי.

יואב בן צרויה האט געשריבן:
גיין דערנאך אין די געסלעך אין זעהן/הערן מענטשן פשוטי עם טענה׳ן זיך אין לערנען ווארפנדיג ש״ס און ראשונים ווי גארנישט! דאס איז נישטא דא אין אמעריקע. דער קען מער לערנען ווי פולע אויבנאן זיצער ביינינוז און ער גייט אנגעטון ווי חיים חייקל דער וואסער טרעגער און וויל דיר גאר העלפן שלעפן דיינע געפעק. איי די פשטות און ערליכקייט דארט; נישט ווערט די געלט?! נישט גענוג באצאלט!


וואס?????????????? ווי אין די וועלט האסטו דאס געזעהן? און בוכרים? אדער אין עזרת תורה, טוה מיר א טובה אין האק נישט קיין טשייניק, רובא דרובא פרענקן זענען אמעראצים מדאורייתא ומדרבנן, און מלערנט נישט קיין אות אחת מער ווי אמעריקע, א אינגערמאן וואס ארבייט אין אמעריקע, לערנט מער, ווי דער בן תורה אין ירושלים.

און איך וועל דיר מסביר זיין זיין סדר היום. (יא איך האב עס נאכגעקוקט ווען איך האב דארטן געוואוינט) אידערפרי לערנען מאן דכר שמיה, אויף שטיין שטייט מען בערך זיבן, מגייט אין מקוה זיך קראצן א האלבע שעה, בערך 830 גייט מען דאווענען, דערנאך גייט ער אהיים עסן, פון 10 הייבט זיך אפישילי אן כולל, ביז 12, וואס דעלמאלטט איז מנחה. דערנאך ביז 3 איז פויזע, כולל הייבט זיך צורוק אן אום דרייע ביז 6, אזאלעכע בני תורה, אודאי סאיז דא אויך אינגעלייט וואס הארעווען אריין, אבער רובא דרובא אינגעלייט לעבן אויף אזא שטייגער.

פשטות? ערליכקייט? ווי? ביים ציגרעטל ביים איבערקייען אלע פארשינקענע איזראעילי פאליטיק.. יא ער שרייט הויעך אמען, אבער וואסערע עבירות טוט מען אפ נאכדעם, גיב א קוק וויאזוי זייער סליחות קוקט אויס גאנץ חודש אלול... איך וויל נישט אלעס דערציילן דא, אבער פרעג נאר דיין ירושליםער חבר צו קאזן, וואס סטוט זיך אפ דארטן.

יואב בן צרויה האט געשריבן:א שמחת בית השואבה. ווי יודן קענען אויפן זעלבן ניגון טאנצן א שעה צייט און מיט די זעלבע ברען! שטייען אין סטאלין ארום צוואנציג סעקערפאונס און שפילן כי הרבת פאר 50 מינוט (!) און קיין איין שינו אין די נאטן!! מיינסט אז איינער אין שול האט אויפגעהערט טאנצן אדער טאנצט שוואכער? עה! יעדער שפרינגט און האפקעט ווי מען האט יעצט אנגעהויבן! .


חוץ אין קארלין וואס מזינגט איבער ניגינום זייער לאנג איז עס נישטא אין ערגעץ, און איך האב נישט געוואויסט אז שפאנצירן אין א רינג הייסט שפרינגען, אויב אזוי שפרינג איך ביי אלע מיינע דריטע קאזינס חתונה... (יא יאך בין שוין געווען איך קארלין, עטליכע מאל)

יואב בן צרויה האט געשריבן:
און ווי איז קען מען באצאלן צו הערן דעם דינערדיגן איהש״ר אין תולדות אהרן, זעהן אזא יוד ווי ר׳ יעקב מאיר שעכטער שליט״א פירן הקפות, הערן א קרי״ש פון ר׳ מענדל עטיק. דערנאך די טישן בחצר ביאיאן, בעלז, גור, רחמיסטריווקא, דושינסקי ועוד; א העכערקייט ווי נאר.


וואק אריין אין עני חסידישע ביהמ"ד שבת און יו"ט ביים דאווענען, סדינערט אפ די זעלבע, אין אפשר נאך מער. און אז דו רעדטס פון הרה"ג ר' יעקב מאיר שליט"א לאורך ימים ושנים, גיי פרעג אים נאר צו דו זאלסט ענדערש קומען אויף א"י, אדער בלייבן אינדערהיים אויף יו"ט, כמיין אז דו ווייסט וואס ער וועט דירח ענטפערן.

און וואס טוט זיך מיט א סקולענער רבי'ןס טאנצן? פאפא רבי שליט"א? ווינער רב שליט"א? סאטמערע רבי שליט"א? זיי זענען עפעס סעקאנד הענד?

יואב בן צרויה האט געשריבן:(זאל איך אנהייבן שרייבן וועגן א פרייטאג צונאכטס ביים כותל? נע..ווערטער וועלן נאר ספוילן. אין מילים!)


איך קען דיר אויף דעם נישט ענטפערן, איך גיי נישט צום כותל, און יאך בין אין מיין לעבן נישט דארטן געווען.......

יואב בן צרויה האט געשריבן:גשמיות. מען דארף קיינעם דערציילן אז ארץ ישראל איז א שטיק היסטאריע. יעדעס פלאץ וואס ווערט נאר באטרויטן איז די פלאץ ווי אונזערע אבות האבן יארן צוריק געטרויטן ארויפגייענדיס עולה רגל זיין, מקריב זיין קרבנות און זעהן די ניסים גלויים אין בהמ״ק.
נעמטס נאר ארויס א מעפ פון ירושלימע היסטארישע פלעצער און איר קענט פארברענגען א פולע וואך אדער מער בלויז דארט. ווער רעדט נאך פון די מצדה, די שולן אין צפת, די קברים פון די תנאים און אמוראים וואס מיר קאכן זיך שטענדיג אין זייער לערנונג.


יע, דאס איז דא גענוג דארטן, קייאקים, מיט דשיפים, וכל כנויים וכדו',

יואב בן צרויה האט געשריבן:איך האב בלויז בכלליות בארירט די נושא, גלייב מיר אז עס איז פול פול מער, אינטערעסאנטער, און טיפער. עס ווערד יעדע פעני. מאך נאר זיכער צו האבן א גוטן גייד אייך ארומצוטראגן און איר זענט פארזיכערט אייך צו טרעפן דארט אים די קימענדיגע יארן אויך.


יא אין געדענק צו געבן א גוטע טיפ, די 350 א טאג וואס איך טשארדש, קאווערט קוים די קאר מיט די גאז.
אוועטאר
יואב בן צרויה
שר שלשת אלפים
תגובות: 3290
זיך איינגעשריבן אום: זונטאג אוגוסט 24, 2014 9:11 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יואב בן צרויה »

טאגליכט, קען זען ווען איך ׳עט געוואוינט דארט וואלט איך עס אנדערש אנגעקוקט.

למעשה רעדט מען דא צו איינער פון אמעריקע זאל פארן פאר א וויזיט. איך - אלץ אמעריקאנער - בין שוין געווען דארט צוויי מאל און איך בין ביידע מאל עקסטער נתפעל געווארן פון אלעס דארט. די קענסט נישט לייקענען אז די לעבן דארט איז הימל און ערד חילוק פון דא. פאר מיר איז עס געווען אן אויסערגעווענליכע עקספיריענס און אזוי אויך פאר אלע מיינע באקאנטע.

וואלט איך ווען געווען אן אינסיידער וואלט איך עס מעגליך אויך נישט ליב געהאט, אבער נישט דאס איז די רעדע דא.

און, ניין. שומר שבת איז א זעכציגסטל פון וואס מען זעהט אין דארט אין ירושלים. און די תולדות אהרן סטייל דאווענען איז ווייט נישט ווי ביי אונז. און די לאנגע, לעבעדיגע געטאנצעכץ ביי שמחת בית השואבה האב איך נישט בלויז געזעהן אין קארלין. אין די הקפות אין אלע חצרים יעדער מיט זיין אייגענארטיגקייט: ווי קען מען דאס אוועקמאכן?

נאכאמאל, מען רעדט דא פון טוריזם. נישט פאר א תושב אדער צו ווערן א תושב. די אויר דארט איז אינגאנצן אנדערש פון דא, די לעבנב סטיל איז אנדערש פון דא און עס איז ווערט יעדע פעני צו זעהן עט ליעסט איינמאל א יאר.

די פראגע איז וויפיל דיין לעצטע פאראגראף פארציילט אויף דיין נעגאטיווע מיינונג.
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

טאגליכט האט געשריבן:איך וועיס נישט אין וועלכע חלום איר האלט, אבער קען א שטיקל אנדערע בילד, אין ירושלים היינט קענסטו א טרעפן א מנין, אדער ותיקין, אדער פון אכט און ווייטער, צווישן ותיקין און אכט אזייגער, קענסטו קוים קוים צוזאמענשלעפן א מנין, פון אכטע גייט אזוי די מנינים, פון אנפאנג דאווענען ביז בערך ברכו איז קוים דא א מנין, ביי ברכו האלטן שוין די אלע דשינס בעלי מקובלים שוין אויך דארטן מיט קפיצת הדרך, דערנאך קומט יוצר וואס מדאווענט נארמאל, און שטילע שמונה עשרה וואס נעמט יאר מיט א מיטוואך, און דער בעל תפילה אנטלויפט פון עמוד, ער איז שוין אלמאסט פיניש, יעצט הייבט זיך אן א פרישע שלעפעניש ווער סזאל צוגיין צום עמוד ענדיגן דאווענען, אזוי שלעפטס זיך נאך 10 מינוט ביז איינער דערבארעמט זיך האט ער שוין קוים מנין וואס סאיז געבליבן. אזוי איז מער ווייניגער די סדר אין די שטיבלאך, א יעדע נארמאלע מענטש האט זיך זיין ביהמ"ד ווי ער דאווענט, און די שטיבלעך גייט מען ווען מהאט פארפאסט די מנין ווי מדאווענט געווענליך.

און וועלכע חלום האלט איר? איך בין עדות צו יואב, איך געפין זיך יעצט דארט.
לעצט פארראכטן דורך מה פתאום??? אום מאנטאג אוגוסט 31, 2015 12:13 pm, פארראכטן געווארן 1 מאל.
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

טאגליכט האט געשריבן:וואס?????????????? ווי אין די וועלט האסטו דאס געזעהן? און בוכרים? אדער אין עזרת תורה, טוה מיר א טובה אין האק נישט קיין טשייניק, רובא דרובא פרענקן זענען אמעראצים מדאורייתא ומדרבנן, און מלערנט נישט קיין אות אחת מער ווי אמעריקע, א אינגערמאן וואס ארבייט אין אמעריקע, לערנט מער, ווי דער בן תורה אין ירושלים.

אזעלכע שטותים צאמצורעדן? מיט וועלכע בני תורה האט איר זיך געדרייט? :?:
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

טאגליכט האט געשריבן:פשטות? ערליכקייט? ווי? ביים ציגרעטל ביים איבערקייען אלע פארשינקענע איזראעילי פאליטיק.. יא ער שרייט הויעך אמען, אבער וואסערע עבירות טוט מען אפ נאכדעם, גיב א קוק וויאזוי זייער סליחות קוקט אויס גאנץ חודש אלול... איך וויל נישט אלעס דערציילן דא, אבער פרעג נאר דיין ירושליםער חבר צו קאזן, וואס סטוט זיך אפ דארטן.

די האסט געקוקט אויף די מויל מאכער'ס גיי צו לעסאנ'ס אויף וועם צו קוקן.
אט אזוי
שר האלף
תגובות: 1280
זיך איינגעשריבן אום: דינסטאג אוגוסט 19, 2014 5:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אט אזוי »

יואב האסט עס זייער גיט ארויסגעברענט פאר א וויזיט איז ארץ ישראל געוואלדיג שוין אפגערעדט אזא חודש תשרי
צי וואוינען דארט איז נישט געהייגנט פאר יעדעם
אוועטאר
למדן וצדיק
שר האלף
תגובות: 1189
זיך איינגעשריבן אום: מאנטאג יוני 15, 2015 10:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך למדן וצדיק »

ווי עס זעהט אויס פון הרב טאגליכטס ווערטער רעדט ער בעיקר פון איין ספעציפישע קהילה אין ירושלים עיה״ק וואס דארט איז די הלך ילך בערך ווי ער האט אראפגעלייגט וד״ל
וצריך לאדם להיות לו אלו שני בחינות ברית, היינו שיהא ״צדיק״ ו״למדן״ (לקוטי מוהר״ן ח״א, ל״א, ה׳)
אוועטאר
מאנ-יימער
שר עשרת אלפים
תגובות: 10560
זיך איינגעשריבן אום: מיטוואך דעצעמבער 14, 2011 10:36 am
לאקאציע: אויפן וועג ארויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנ-יימער »

באקומען אין אישי


לאמיר קלאר מאכן צוויי זאכן, דברים שיש בהם משום קצת חידוש קצת:

1) העכערקייט מיט "הרגש", האבן נישט קיין עכטע שייכות, דהיינו, יעקב אבינו איז געווען אויפן הר המורי' און נישט געשפירט גארנישט!

הרגש איז א מתנה פונעם אייבערשטן וואס דער אייבערשטער געט אסאך מאל פאר אונז פשוטע אידעלעך, ווייל דאס געט אונז די ברען ווייטער צו גיין. אבער במציאות קען זיין, אז א מענטש זאל אריבערגיין א נעילה און שפירן אייז קאלט, און דאך האט מען גע'פועל'ט אלדאס גוטס. און ביי די טשולענט שבת פילן עפעס אויסטערליש הויך, און ס'איז כל כולו גשם!

כ'ווייס אז דאס סאונד אינטרעסאנט, אבער כ'גיי נישט יעצט אריינגיין דערין, ס'איז א שמועס פאר זיך אליין.

קומט אויס אז די שפירעריי אין א"י איז למעשה שטותים והבלים, ס'האט נישט מיט גארנישט, און ס'בכלל נישט קיין מעסטער צו א"י איז העכער אדער ח"ו חו"ל [עפ"ל].

2) היות דאס זעהן די אנדערשקייט פון א"י צו להבדיל חו"ל איז נישט תלוי אין שפירעראציע, כדלעיל, ע"כ איז זייער שווער דאס צו זעהן אין א קורצע באזוך, חוץ איינער וואס ווייסט וואס צו זוכן, אדער אן ערליכע איד מיט א ריינע בליק.


געדענק איך ווען כ'בין דאס ערשטע מאל געפארן קיין א"י אלס ישיב"ג בחור, האבענדיג געליינט די דריי בענדער ירושלים של מעלה פון מנחם מענדל, האב איך געוואוסט און פארשטאנען, אז אין א"י בכלל, און אין ירושלים בפרט, און אין מאה שערים בפרטי פרטית, דרייען זיך גארנישט קיין מעטשן נאר מלאכים... אזוינע מיט פליגלען, נאר זיי נוצען דאס נישט ווייל זיי זענען דאך ענוה שבתוך ענוה...

וואו וואס ווען, כ'קום אן, מ'זעהט די עקעלדיגע ציוניסטישע פענער הענגען איבעראל ארויס פון די עירפארט.. מ'זעהט מיאוסע בילדער נאך מיט מיט אידישע אותיות דערנעבן. פוי! פוי! הזאת נעמי?? דאס איז א"י??

אנגעקומען בינעך קיין אשדוד צו מיין פעטער, די געסלעך סרוכען זאלסט מיר מוחל זיין (קרעדיט: טאלנע רבי), ביימער אינמיטן די סיידוואלק, די קארס מאכן אזא אינטרעסאנטע סארט גערודער, די פייפערס לעכערן די אויערן... יוי געוואלד! צו וואס בין איך דא אנגעקומען פאר א גוט יאר?... וואו איז די העכערקייט??

בקיצור, איך זוך די מלאכים, לא מיני' ולא מקצתי', כ'זעה מענטשן מיט גרויסע בייכער, מענטשן וואס דרייען זיך ארויף און אראפ די גאס, זיי גייען אהין פשוט זיי זאלן האבן פון וואו צוריקצוקומען... פרעס געשעפטן אין אלע זייטן, פיצה ניו יארק, מיצי אורי, פאלאפעל ברוקלין, מיט נאך אותיות צאמגעשטעלט וואס כ'האב אפילו נישט געקענט ארויסליינען, ס'האט דאך נישט קיין נקודות...

מיין החלטה איז געבליבן, אז ס'איז א סקעם, פערטיג, די גאנצע מעשה הייבט זיך נישט אן, נישטא קיין העכערקייט, נישטא קיין ירושלים של מעלה, שטותים והבלים, די גאנצע מעשה הייבט זיך נישט אן...

אבער, צוריק גייט א קאזע, כ'בין דא יעצט אויף לכה"פ איין זמן, און דערנאך עלמיר זעהן ווייטער.

כ'וועל נישט דורכגיין די גאנצע השתלשלות פון זיך צוגעוואוינען פון די מקוה אן א פילטער, מענטשן אנע שאויערס, מילך (ווייסע וואסער) אין בעגס, קאווע - דארט ווי מ'געט שוין - געמאכט לכאורה פון עפר א"י, וואס מ'געט צו טרינקען אין גלעזער וואס מ'דארף וואשן, טרעפיק לייטס וואס ארבעטן אן קיין שום חשבון, קענען בכלל אויפכאפן די סדר פון די גאסן, ס'איז נישט רעלעוואנט, א עיקר, מ'פארט קיין ירושלים אין ישיבה אריין.

אינעווייניג אין הארץ האב איך פארשטאנען, אז טאקע אין אשדוד טרעפט מען נישט אט די עיליענס, אבער אין ירושלים! יאאאא, דארט וואלגערן זיי זיך אונטער די בענק... כ'מיין מנחם מענדל גייט נישט אויפמאכן ממש זאכן וואס האט נישט קיין שום האפט...

כ'דארף נישט שרייבן דא מיין אנטוישונג, אלע נעזער זענען געווען גענוי אויפן זעלבן מקום ווי די אמעריקאנע... טייל האבן גלעזער און טייל נישט... מענטשן לערנען און מענטשן דרייען זיך ליידיג, מענטשן קומען אן צו ברוך שאמר פונקט ווי אין ראדני, פאוני באלויני!

אבער אפשר דאך. אפשר דאך אין מאה שערים איז אנדערש. כ'טרוי מיך צו זאגן פאר א חבר וואס איז שוין דארט געווען א זמן פריער, אז כ'וואלט געוואלט זעהן מאה שערים, און כ'פרעג אזוי שעמעוודיג צו ס'טאקע דא אזעלכע וואס גייען מיט זעבראס (געשטרייפטע בעקיטשעס), מיינענדיג עכט צו פרעגן צו אונטער די שטרייפן איז בהאלטען עפעס אויסערגעווענליכס...

דער חבר זאגט מיר אז אי"ה ליל ששי, וואס איז א נאציאנאלע חאגע אין אלע ישיבות, די ישיבות פארמאכן זיך ביז זונטאג, דעמאלס וועלמיר זיך אריבערכאפן... וואאאאאאס????? וואס איז ליל שישי פאר א גוט יאר??
אה, מ'גייט צו חבורות, יעדער וואס רופט זיך חסידיש באלאנגט צו "ערגעץ", נישטא דארט אזא זאך כמעט ווי כ'באלאנג נישט אין ערגעץ - כ'דאווען אין פאיע און פארטיג, ניין ניין, מ'באלאנגט. און אז מ'באלאנגט האט מען דאך א חבורה. און היות אונז באלאנג מיר דאך נישט עכט, גיימיר גיין קיין מאה שערים.

וואו גייט מען? אה, דא איז דא א רעסטאראן ר' שלמה. א רעסטעראנט? כ'בין קיינמאל נישט געווען אין אזאנס?! דער חבר שמייכעלט זיך אונטער מיט אזא חוזק, יא יא, כ'האב אויך אזוי געזאגט מיין ערשטע וואך...

מיין אנטוישונג איז געוואקסן פון מינוט צו מינוט, כ'גיי שוין נישט מאריך זיין מער אין די אנטוישונג חלק, די שטריקעס, די שבתים וואס טשאביגאוס דרייען זיך פראנק און פריי. יא, דא דארט געזעהן חידושים, אבער נישט אויף דעם האב איך זיך געראכטן.

למעשה האב איך שלום געמאכט מיט די מצב, כ'האמיך אויפגעוועקט פון מיין זיסע חלום, פארפאלן, סדנא דערעא חד הוא, גן עדן התחתון איז פונקט אזוי פארהוילן ווי גן עדן העליון, און נאר נאך די מאה ועשרים קען מען אפשר אפשר זוכה זיין דערצו, חבל!

שטאטלעך שטאלעך האב איך אנגעהויבן צו באמערקן אז ס'איז דא נאך א צד צו די מטבע.

כ'האב אנטגעטראפן א אידל, וואס קוקט נישט אויס עפעס עקסטער, זיין גאנצע שייכות מיט מיר איז ווייל איך בין דער גליקליכער "מעחיקאנער"... וואס וואקסט אויף אין בעטן פון גאלד, עסט אין זילבערנע שיסלען, די סיידוואלקס זענען געמאכט פון שטייעדיגע צוואנציגערס, נו, אידאךא גליק צו קענען אזא בחור... דער האט פארפירט א שמועס מיט מיר, און כ'האב געזעהן טאקע פון דעם תוכן השמועס אז דער איז גארנישט ספעציעל, סתם א אידל.

איין טאג, נאך א טאג, אין רעדענדיג מיט איהם זעה איך ער קען געדעכט לערנען. ער דערציילט מיר תוך הדברים כ'קען איהם פארהערן וועלכע מסכת איך וויל מסדר נשים נזיקין אויפן לשון! טאקע?? WOW!! ביי אונז וואלסטע שוין געווען א מגי"ש אדער א רב ערגעץ, אדער כאטש וואלט יעדער געוואוסט פון דיר, וואס איז פשט אז קיינער ווייסט נישט פון דיר צו זאגן? ער שמייכעלט זיך אונטער, אז ער איז למעשה אן עם הארץ, פון רוב פון זיינע חברים וואס זענען געבליבן בני תורה קען ער די ווייניגסטע..

כ'זעה עפעס א אידל אין ביהמ"ד, קוקט נישט אויס עפעס עקסטער, כסדר גייען צו אידן צו איהם, וואס אידאס? אה, ער? איהם קענסטע אנפרעגן בכל התורה כולה..

כ'דארף טוישן געלט, וואו גיי איך? גיי קיין טשעבין, דארט איז דא איינער קרויזער, אן עלטערע איד טוישט געלט. כ'קום אן אהין, עפעס אן -זיי מעך מוחל (קרעדיט טאלנער רבי הנ"ל) - אפגעריסענער אלטער איד, קוקט אויס ארויס פון שומר שבת בעיסמענט, דאס איז ר' זונדל קרויזער! דער נאמען מיינט עפעס? עה! גארנישט. עפעס זאגט מען אויף איהם אז דער בית ישראל פלעגט גיין הערן זיין תיקון חצות.. קוקט נישט אויס בכלל. מאכט זיך משוגע, מאכט קארני דזשאוקס.. אבער דאס האט מיר געדויערט א שיינע פאר חדשים געוואר צו ווערן ווער דער קדוש וטהור איז!

כ'בין אריין אין א געשעפט, שטייט דער געשעפטסמאן און רעדט מיטן קונה אין א סוגיא!

דא בין איך אריין אין א ביהמ"ד, זעה איך א איד וואס טרעט נישט ארויס פון ביהמ"ד מן הבוקר עד הערב, פשוטו כמשמעו!

צעביסלעך צעביסלעך, האב איך אנגעהויבן טרעפן אזעלכע דמויות וואס כ'קען פאר קיין געלט נישט געפונען דאהי! אידן וואס האבן מיט עוה"ז קיין שייכות וואט סאו עווער! אידן וואס לעבן אין א שבת, לעבן אין א יו"ט.

כ'האב געטראפן צענדליגע אידן! נאכאמאל צענדליגע אידן! וואס מ'קען רעדן מיט זיי אין רוב חלקי התורה! און די חידוש איז, אז זיי זענען דארט פשוטע מענטשן! גארנישט קיין ספעשל טיטלען אדער מעמדים.


אסאך צייט האט דאס גענומען, ביז כ'האב אנגעהויבן צו כאפן די חילוק פון די צוויי מקומות.

ווער דאווענט ותיקון אין אמעריקא? אפאר משוגעים? אמת? דארט איז די לופט הייליג ביי ותיקין שעות. אידן גייען אין די גאס מיט טלית ותפילין, טאקע נישט משלנו, בעיקר ספרדישע און ליטווישע, אבער דאס ברענגט אריין א התרוממות אין די לופט.

ס'דא אזעלכע ספרדישע תמימים, כ'לאך פון זיי, נאך ביז היינט, אבער דאס תמימות און ערליכקייט וואס דאס ברענגט אריין איז אומבאשרייבבאר.

ס'קומט פאר א יו"ט, לאמיר כאפן א שפאציר אין בארא פארק, מ'קען באקומען שטריימלעך פאר ביליג, די קלאודינג סטארס האבן סעילס, ס'דא צו באקומען שלאקן (נד"וו...), וכו' וכו'.

אין ירושלים זעהט מען אנדערע צעטלעך, נהר שלום מאכט א תיקון פאר ראש השנה, ר' יצחק משה גייט זאגן שיעור הכנה לסליחות, ר' צבי מאיר גייט רעדן וועגן די הייליגע פייערדיגע לעכטיגע קאכעדיגע ברענעדיגע פלאקערדיגע סליחות, ר' איטשע מאיר גייט זאגן תיקון חצות, אין שטיבלאך גייט מען אויסזאגן תהלים דריי מעל"ע אין א צו...

וואט עי דיפרענס!

ווי מצומצם ס'הערט זיך נאר, א קול קורא איז א קול קורא! א גזירה פון אן ערליכע איד איז א גזירה! א חסיד פון א רבי איז א חסיד!

יא, ס'דא לצים ביז איבערן קאפ, און ווען *******ער רבי [וכדומה] קומט פירן טיש, האהוי איז לעבעדיג, אין אמעריקא וואלט מען זיך דאס נישט דערוואגט... אבער זענען זיי דען נישט גערעכט?...

לאמיר אריינגיין עשי"ת אין ביהמ"ד דא, וועלכע אבינו מלכינו זעהט מען די מערסטע התלהבות? ניין, כ'על נישט זאגן אז ביי כתבינו בספר פרנסה וכלכלה, ס'פאסט פשוט נישט... אבער די עיקר כח גייט אריין ביי שלח רפואה שלימה, גארנישט ראנג, באמת נישט.

אבער לאמיר אריין אין ביהמ"ד אין ירושלים, וואו גייט קולות? וואו הערט מען מענטשן שרייען טאטע? וועלכע אבינו מלכינו נעמט דאס לענגסטע?

נישט צוגעטראפן? כ'על דיר זאגן, החזירינו, אוי אוי אוי טאטע החזירינו, בתשובה שלימה לפניך!

וואט עי דיפרענס!

די אטעם, די אויר, די לופט, תורה, עבודה, העכערקייט.

אוודאי ווער ס'זוכט אנדערש, איז דא לרחצה, אפילו דער וואס גייט נאר אויף דיפאלט, וועט אויך ביי דיפאלט אריינפאלן צו זיין געוואוינהייט. אבער ווען מ'זוכט העכערס, האהוי איז דא צו געפונען! און ניין, נישט אין מירון ל"ג בעומר, און נישט אין צפת אין די מסעדה, אבער זוך עס וועסטע טרעפן.

[וויכטיגע הוספה, בחורים וואס גייען לערנען קיין א"י אן קיין געהעריגע השגחה, קענען זיך דערקייקלען צו אזא מין טיפע תהום ח"ו וואס ס'איז שווער זיך צוריקצוכאפן פון דארט, אבער נישט דאס איז די נושא יעצט].
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

דער בחור איז פיינע נייעס! ער וויל זיך נישט ארויסגיבן? מיט וואס שעמט ער זיך? (אודאי יש לחלוק אבער דער האט שטארקע פוינטס).
אט אזוי
שר האלף
תגובות: 1280
זיך איינגעשריבן אום: דינסטאג אוגוסט 19, 2014 5:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אט אזוי »

Whoever he is he is super
צולייגער
שר שלשת אלפים
תגובות: 3773
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

אט אזוי האט געשריבן:Whoever he is he is super
געשטימט פאר ראשעק הול
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

מה פתאום??? האט געשריבן:דער בחור איז פיינע נייעס! ער וויל זיך נישט ארויסגיבן? מיט וואס שעמט ער זיך? (אודאי יש לחלוק אבער דער האט שטארקע פוינטס).

נאכן איבערטראכטן נאכאמאל האב איך דיסיידעד אז עס ווענט זיך פון וועלכע זייט מ'קוקט. דער אנאנימער שרייבער קוקט אהן די זאך פון א החלטה פון פארדעם אז ער גייט טרעפן א וועלט א עולם שכולו טוב, און ער איז גערעכט מיט יעדע ווארט וואס ער זאגט און דאס וואס ער איז געווארן דיסעפוינטעד איז זייער קלאר. אבער מצד שני איז קלאר אז די קוואליטי אף לייף און א"י איז העכער ווי און אמעריטשקע, און דאס איז ווייל אידישקייט בכלליות נעמט א וויכטיגערע ארט און לעבן דארט, עס איז דא א סך מער אידן וואס לעבן פארן "ריכטיגן" תכלית, נישט צוליב פארשידענע זייטיגע זאכן. עס דארף אבער ארויסגעברענגט ווערן אז דער ליידיגגייער דארט איז נידעריגער ווי און אמעריקא א בחינה ווי ישראל כשיורדים יורדים, און ווייל דארט איז די עיקר ציל און לעבן די אידישקייט וועט דער ליידיגגייער נישט טון קיין תכלית ער וועט נישט גיין ארבערטן נאר פארברענען די ליידיגע צייט.
יעצט לענין האשכול הזה וועגן סוכות און א"י אויב קוקט מען אויף די ריכטיגע זאכן מיט א פארשטענדךיכע בליק און אביסל פנימיות דערצו, ד. ה. נישט שטחיות אויף די מהלך החיים פון די וואס שטארן ארויס. דעמאלטס קען מען גאר א סך קונה זיין פון דעם באזוך.
אוועטאר
א גראם מיט טעם
שר שלשת אלפים
תגובות: 3947
זיך איינגעשריבן אום: דאנערשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

  • ציטיר
  • צו לייגן א דאנק דארפט איר זיין אריינגעלאגט

תגובה דורך א גראם מיט טעם »

צולייגער האט געשריבן:
אט אזוי האט געשריבן:Whoever he is he is super

דער זאל נאר שיקען אישי'ס מער אפטער...
אוועטאר
פר בן בקר
שר חמש מאות
תגובות: 707
זיך איינגעשריבן אום: דינסטאג פעברואר 03, 2015 11:42 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פר בן בקר »

ווען איך האב אגעהויבען צו ליינען דעם אישי פאוסט איז מיר די בלוט ארויף אין קאפ, אזוי נישט צו דערקענען די העכערקייט וואס טוט זיך אפ דארט בקרתא דשופריא? אבער צום סוף זעה איך אז יענער איז גארנישט קיין בטלן.
מטעמים
שר תשעת אלפים
תגובות: 9184
זיך איינגעשריבן אום: זונטאג מאי 04, 2014 10:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מטעמים »

געשפירט ווי טאגליכט בעת'ן זיין און ארץ ישראל פאר א צוועלף טאגיקע האנימון. געהאט די בעסטע דרייווער (מר.קרויס) דו בעסטע און די שענסטע אבער די גאס דארט הערשט א ליידיגע ליידיגקייט. כ'וואלט נישט געניצט טאגליכט'ס שפראך אבער מיטען יסוד בין איך איינשטומיג.

איך האב נישט און פלאן צוריק צו גיין אהין ביז משיח קומט.
האב שכל און גיב א שמייכעל!
אוועטאר
פר בן בקר
שר חמש מאות
תגובות: 707
זיך איינגעשריבן אום: דינסטאג פעברואר 03, 2015 11:42 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פר בן בקר »

מטעמים האט געשריבן:איך האב נישט און פלאן צוריק צו גיין אהין ביז משיח קומט.

איר דארפט זיך נישט מטריח זיין אפילו ווען ער קומט.
לעצט פארראכטן דורך פר בן בקר אום דינסטאג סעפטעמבער 01, 2015 11:57 pm, פארראכטן געווארן 1 מאל.
מטעמים
שר תשעת אלפים
תגובות: 9184
זיך איינגעשריבן אום: זונטאג מאי 04, 2014 10:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מטעמים »

פר בן בקר האט געשריבן:
מטעמים האט געשריבן:איך האב נישט און פלאן צוריק צו גיין אהין ביז משיח קומט.

איר דארפט זיך נישט מטריח זיים אפילו ווען ער קומט.

נישט דאס האב איך געמיינט, איך פארשטיי פשוט נישט אייער סטעיטמענט איז עס ווייל דעמאלטס וועט מען פארען מיט אן אדלער. אדער ווייל איך בין זיך נישט מטריח צו גיין יעצט זאל איך נישט גיין לעתיד לבא.
לעצט פארראכטן דורך מטעמים אום מיטוואך סעפטעמבער 02, 2015 8:30 am, פארראכטן געווארן 1 מאל.
האב שכל און גיב א שמייכעל!
אוועטאר
א גראם מיט טעם
שר שלשת אלפים
תגובות: 3947
זיך איינגעשריבן אום: דאנערשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

  • ציטיר
  • צו לייגן א דאנק דארפט איר זיין אריינגעלאגט

תגובה דורך א גראם מיט טעם »

לענ"ד מאכט עס א חילוק אויב מ'לערנט דארט אלס בחור און מ'קומט צוריק שפעטער נאכען חתונה, ווי איידער אנקומען דאס ערשטע מאל קיין א"י אויף האנימון...
אוועטאר
נאטורליך
שר חמש מאות
תגובות: 968
זיך איינגעשריבן אום: דינסטאג יולי 04, 2006 3:15 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך נאטורליך »

טייערע חברים. איך בין כמעט יעדע יאר סוכות אין א"י, פאר היי יאר איז שוין אויך דאס רענצעל אפען, מ'נעמער שוין אן שליח מצוה געלט. און מיר האפן דארט צו זיין מיט משיח'ן אינאיינעם
אז די צרכי נסיעה איז נישט א גרויסע פאקטאר און דאס הערצעלע גארט און נאגט נאך אביסל רוחניות טוט אייך א טובה און קומט פארזיכען מטוב הארץ. איר וועט מיך דאנקען לעולמי עד
איפה פייביש
שר האלף
תגובות: 1606
זיך איינגעשריבן אום: דינסטאג יולי 09, 2013 10:39 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך איפה פייביש »

יא ער האט געבחור'א א לאנגא צייט!! איך פארשטיי זייער גוט וואס ער זאגט און ער איז 100% גערעכעט
בשום אופן
שר העשר
תגובות: 28
זיך איינגעשריבן אום: מיטוואך יולי 15, 2015 9:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשום אופן »

נאטורליך האט געשריבן:טייערע חברים. איך בין כמעט יעדע יאר סוכות אין א"י, פאר היי יאר איז שוין אויך דאס רענצעל אפען, מ'נעמער שוין אן שליח מצוה געלט. און מיר האפן דארט צו זיין מיט משיח'ן אינאיינעם
אז די צרכי נסיעה איז נישט א גרויסע פאקטאר און דאס הערצעלע גארט און נאגט נאך אביסל רוחניות טוט אייך א טובה און קומט פארזיכען מטוב הארץ. איר וועט מיך דאנקען לעולמי עד
היות איך האב זייער הנאה פון אייער טאג בוך ארטיקלען אויב קענט איר ביטע שרייבען א טאג בוך אויף סוכות און ירושלם, איך בון זיכער אז די עולם וועט הנאה האבען, און אפשר גאר וועט עס אריין גיין און די פרישע מי מנוחות (נחמות) פון תשרי, שכויח!!!
אוועטאר
מאנ-יימער
שר עשרת אלפים
תגובות: 10560
זיך איינגעשריבן אום: מיטוואך דעצעמבער 14, 2011 10:36 am
לאקאציע: אויפן וועג ארויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנ-יימער »

גא"מ, איך וואלט שטארק הנאה געהאט צו ליינען אייער טאגבוך פון א יו"ט סוכות אין ירושלים עיר הקודש.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?
שרייב תגובה

צוריק צו “ארץ ישראל”