זאגזש'ע אידעלע! וואס איז אייער דיעה איבער חנוכה פארטי'ס

[ארפכשד]

ליידער איז געווארן לעצטענס איינגעריסן אז אין די לעכטיגע ימי החנוכה מאכט מען אזעלכע מסיבות וואס מען רופט מיט דעם ניק נאמען "חאַניקֶע פארטי" און מען טיילט מתנות פאר די קינער און אייניקליך, און לכאורה האט מען עס נישט געזעהן ביי אונזערע עלטערן, דערפאר וועלן מיר דא אביסל דיסקיסורן אין דעם נושא, און לאמיר הערן דעם דעת הקהל.

[אלחנן]

קודם כל ארפחשד געהערט צו פורים, נישט אזוי?

לגבי חנוכה, לדעתי און זשענערעל איז עס א שיינע און גוטע מנהג,
(פארשטייציך אין יעדע זאך איז דא ווי צופארעכטן)

[ארפכשד]

עס קוקט אויס ווי איר האט נישט מעביר סדרה געווען פרשת נח... ארפכשד האט גארנישט מיט פורים.

[אלחנן]

דער ארפכשד מיין איך.

[שמיי_דריי]

חנוכה פארטיס איז א גוטע זאך. מ'טרעפצעך מיט משפחה. מ'קענישט זאגן אז מ'זאל עס בטול מאכן. נאר וואס? אלעס דארף א גדר און א גבול און מ'דארף וויסן אליינס א גדר. איש על מחנהו ואיש על דגלו. יעדע משפחה דאף וויסן וואס ביי אים איז כשר און וואס נישט

[ארפכשד]

די נאמען "פארטי" אליינס איז שוין נישט אידישליך! מען קען עס ענדערש אנרופן "חנוכה מסיבה".

[זאנוויל]

ארפכשד, די נאמען "טי פארטי" וואס נשים צדקניות מאכן כסדר איז אויך נישט אידישלעך?

[ארפכשד]

זאנוועלע טיייערער! דו דארפסט פארשטיין, עס איז א גרויסע חילוק פון א פארטי וואס נשים צדקניות מאכן, צו די אזוי גערופענע "חנוכה פארטי". וואלסטו אפשר געזאגט פאר דיין זוהן אדער טאכטער, פרייטאג צונאכטס איידער די סעודה, מען גייט שוין עסן די "שבת פארטי"! זיכער אז נישט! ווייל די הייליגע שבת סעודות רופט מען אן אנדערש מיט מער געפיל און רעספעקט. און די זעלבע איז אויך לגבי די הייליגע יו"ט חנוכה.

ואל תתמה וואס די נשים רופן אזוי זייערע צדקה מסיבות! דען די נשים קענען נישט אזוי גוט לשה"ק, דעריבער ווייסן זיי צו זאגן פון "פארטי" אנשטאט
מסיבה"

[ביקסאד]

מען טיילט מתנות פאר די קינער און אייניקליך, און לכאורה האט מען עס נישט געזעהן ביי אונזערע עלטערן.

דאס מתנות געטיילעריי איז א ריין אמעריקאנער מנהג [אותיות גהנ"ם] און דאס קומט פון ווילן געפעלן און נאך מאכן דעם גוי מיט זיינע חגאות

חנוכה פארטיס איז א גוטע זאך. מ'טרעפצעך מיט משפחה. מ'קענישט זאגן אז מ'זאל עס בטול מאכן. נאר וואס? אלעס דארף א גדר און א גבול און מ'דארף וויסן אליינס א גדר. איש על מחנהו ואיש על דגלו. יעדע משפחה דאף וויסן וואס ביי אים איז כשר און וואס נישט

א פריש געשעפט עס איז שוין דען אזוי שטארק נשרש אז כדברך מ'קענישט זאגן אז מ'זאל עס בטול מאכן. משתה ושמחה און משפחה ומשפחה שטייט ביי פורים, ביי חנוכה איז די מצוה להודות ולהלל, ועוד לאלקי מלין בעזהי"ת.

[קרעמער]

קרעמער: ביים שיין פון די חנוכה ליכט
http://www.yiddishworld.com/forum/index ... =viewtopic

[אלחנן]

זייער שיינע ארטיקל, פון אמאליגע שרייבער'ס פונעם קרעטשמע (ירידת הדורות)

נ.ב. געהערט עס אבער ביים "חנוכה" אשכול

[קרעמער]

דוקא ביים חנוכה פארטי אשכול באלאנגט עס, עיין שם.

אגב, עס איז נישט קיין אמאליגער קרעטשמע שרייבער, ווייל יענעמס לעצטע הודעה (דערווייל) ווערט יעצט געקלאפט.

[אלחנן]

שיין שיין.

זענט איר דאך מייסד הקרעטשמע

[אלף בית]

אפשר גערעכט אז דער נאמען פארטי, טיילן מתנות, שפילן געים'ס וכדו' איז גואיש,
אבער סאיז זיכער א שיינע זאך זיך צוזאמצונעמען אלע משפחות אינאיינעם, כ'מיין אז איך האב געשוויסטער מיט וועמען איך זיץ נישט איבער איין טיש מחנוכה לחנוכה. איך רעדט זיי אויפן טעלעפאון אמאל דא און אמאל דארט, אפילו ביי שמחות איז מען פארנומען אויפצונעמען און מכבד זיין דעם עולם, אבער זיך צוזאמקומען בלויז לשם צוזאמקומען איז זייער א שיינע זאך. סתם אזוי אינמיטן יאר האט נישט פשט, אבער חנוכה איז יו"ט לויט די פוסקים איז אן ענין צו מאכן א סעודה און זיין פרייליך, חוץ פון דעם נאך ליכט צינדן איז נאך דא א גרויסע נאכט, אודאי איז א שיינע זאך זיך צוזאצונעמען.

[אלחנן]

אלף בית, גוט ארויסגעברענגט.

אזוי אויך די מנהג פון שפילן דריידל, איז מען געווענדליך עוסק ביים סעודות חנוכה.

[חוקר]

אז מען פרעגט וועל איך מיטיילן מיין מיינוג
א)ווען מען קומט זיך צוזאם ביי אן עלטער זיידע און עס טרעפן זיך דארט בוז צווייטער געשוועסטער קינדער וואס ווען דאס איז א בר מצוה וואלט געווען א מחצה וואס איז דא אדערשט?
ב)אויך ביי א גרויסער משפחה דארף מען עס שוין מאכן אין א זאל מען זיכט צו שניידן פון חתנות פון בר מצוה וכו' וכו' באלאנגט דעס נישט
ג)וואס איז א שמחה געמאכט זיך צו טרעפן און טאמער עס איז א קליינער משפחה וואס האט נישט אזויפול שמחות טרעפט מען זיך יעדער צווייטער שבת
ד)עס איז זייער א שיינער זאך אבער נישט ווען עס איז א "מוז" איז דאס א עול (עס איז דא דיע וואס ווילן גיין צו א רבי'ן ר"מ וכו' )

[חוקר]

איך זעה אז יעדער האלט ביים טין וואס זיי ווילן און נישט מיט קיין פירסום

[אלחנן]

חנוכה איז דאך פירסומא ניסא,
יעצט איז שוין נענטער צו חנוכה, וועט דער עולם איינטיילן זייער מיינונג

[איך_הער]

ביינונז (ביי איין זייט) האט מען דאס יאר אפגעמאכט, אז יעדע נאכט, זאל אן אנדערע משפחה קומען צום זיידן, און פארברענגען.

[אלחנן]

מסתמא ציילטסיך עס א גרויסע משפחה, בלעי"ה

[איך_הער]

יא, ס'איז קיין עין הרע, אבער ביז פאר א יאר, זעמער נאכנישט געווען אזוי קלוג, נאר מ'האטצעך צוזאם גענומען אויף איין פלאץ, די קולות פון די קינדער זענען ב"ה געגאנגען עד לב השכנים, און שוין. נו וויפיל קעמען שוין דאס ענזשויען.

[scy4851]

אפשר גערעכט אז דער נאמען פארטי, טיילן מתנות, שפילן געים'ס וכדו' איז גואיש,
אבער סאיז זיכער א שיינע זאך זיך צוזאמצונעמען אלע משפחות אינאיינעם, ......

שטייט און ספר החיים פון מהר"ל מפראג'ס ברידער אז עס איז א גלייכע זאך אז א יעדע משפחה זאלען זיך ציזאם קומען איינמאל א יאהר און מאכען א סעודה צינאזאם.
א ראיה ברענגט ער וואס עס שטייט ביי שמואל הנביא 'זבח משפחה'

[טהור-עיניים]

לדעתי איז ר' אלף בית גערעכט, בפרט נאך וואס ר' שמחה האט שוין געברענגט פון א קדמון אזוי, און דער אמת איז, אז מיינע עלטערן האבן שוין דאס פאריאר אנגעהויבן, אז אזוי ווי חנוכה איז טאקע זייער שווער מיט יעדן איינעם פון זיינע מסיבות און טישן וכדו', ממילא האבן זיי איינגעפירט אז מען קומט זיך טאקע צאם אזוי א וואך צוויי נאך חנוכה.

און דאס איז טאקע די סיבה, אז פשוט מ'זאל זעך אמאל טרעפן די גאנצע משפחה צוזאמען, פשוט לשם זיך צוזאמעקומען און פארברענגען אביסל אלס משפחה, און די אלע ארומיגע זאכן איז טאקע נאר אזוי אויף יוצא צו זיין, די פרעזענטס וכדו', מ'מאכט נישט קיין עסק דערפן.

און איך מיין אז עס איז טאקע א גוטע זאך

[scy4851]

ביי מייר גייט שוין אהן א היפש פאר יאהר דאס ציזאם קומען. בדרך כלל פלעגט מען ציזאם קומען איינע פון די נעכט פון חנוכה, אלטס ביי אן אנדער קונד.
היי יאהר האבען מיינע חברה געמאכט מיט מיר א שטיקעל. זיי האבען מיך איינגערעדט אז מעקומט ציזאם ביי מיר פאר מלוה מלכה דעם פארגאנגענעם מוצאי שבת פרשת וישלח,
היות וויא איין אייניקעל ווערט בר-מצוה די דריטע טאג חנוכה, און עס וואלט געווען זייער שווער פאר מיין טאכטער זיך באטייליגען און א ציזאמקום, ווען זי איז ביזי מיט איהר שמחה.

דער סוף איז הוברר הדבר, אז דער גאנצע תירוץ פונעם בר-מצוה איז נאר געוען אן אויסרייד, און די מלוה מלכה איז געווען לכבוד מיין יום הולדת דעם פארגאנגענעם שבת.

[אלחנן]

מזל טוב!

איר זאלט זיך עלטערן אין פריידען